03/02/2006, 05:29 AM
|
زعيــم فعــال | | تاريخ التسجيل: 24/09/2005 المكان: California
مشاركات: 212
| |
السلام عليكم
أول شيء أهنيك ياصاحب السمو ,, على هاذي الكلمات ,,, وأسجل إعجابي في الكلمات الي طرحتها
صاحب السمو ... أول شيء مبروك الفوز وعقبال الكأس يارب
أبو سلطان كلمة شكر قليل في حقك .. ومهما سوينا ما راح نوفيك حقك ما شاء الله عليك جبت لنا 5 بطولات في 9 شهور أيعقل كذا
صاحب السمو ألمني وألم اخواني سماع خبر عن نية تركك لرئاسه الهلال .. انا ماصدقت أول شيء لكن بعد ماشفت الخبر مثبت في المنتدى ... وشفتك طارح هذا الموضوع قلت لا ..الدعوه من جد
صاحب السمو ... أكيد ما أعجبك الحظور الجماهيري اليوم ... لكن أبي أذكر لاتنسى أنه فيه ناس تدرس فالخارج وتعشق الهلال عشقا مرتبطا بأسم محمد بن فيصل
وأنا من هاؤلاء المغتربين ... طال عمرك انا ادخل منتدى الزعيم يوميا وأعرف الأخبار أولا بأول .. وكنت أتابع المباريات أم عن طريق النت ,, أما من البال توك أو من غيرها ...لكن
يوم شفتك منزل موضوع تحمس أني أتابع المباره لكن الصدفه انه وقت المباراه تزامن من وقت ال Classes
وقلت لا هذا أبو سلطان منزل موضوع أكيد السالفه كبيره.. ولازم أتابع المباراه
وبالفعل تابعنا المباراه عن طريق البال توك .. وماقصرو الاخوان في روم الزعيم
وقلنا لا أبو سلطان منزل الموضوع أكيد المباراه قويه .... وتفاجئنا بالجمهور الهلالي القليل وسحبنا على الكلاسات كله لعيون مين ,,, كله لعيونك يا بو سلطان ... لدرجة ماحنا متحمسين شاركونا المباراه بعض الشباب الأجانب .. من كثر مانصارخ ونستانس ... وأعجبهم الفريق الهلالي الكبيرولا حنا اذا تصادف وقت المباراه مع وقت الكلاسس نسجل المباره (( اذا لم تكن مهمه )) .. ونشوفها بعدين على رواقه
أبو سلطان طال الكلام .. لكن كل الي أبي أقوله والله لو اني بالسعودي لا أحظر المباراه .. وانا متاكد مو بس انا الي أقول كذا .. كل الي واجهتم ظروف تمنعهم .. عن حظور المباراه أبو سلطان لا تذهب وتخلينا ,, والله إننا نحبك ,, وإن شاء الله الأخوان ماراح يقصرون وراح يبيظون الوجه ويحظرون المباريات القادمه وبقوه وأعذرونا على القصور ,,,
(( آه يالأخـضر )) |