اعلان مو مثل اعلانات رامبوا الاطخم - نادي الهلال السعودي - شبكة الزعيم

الصبحي · #1 27/08/2001, 01:52 AM

السلام عليكم ورحمة الله وبركاته
هلا والله بالجميع وانا اعرف اننا ولله الحمد استمتعنا مع بعض في هالايام الحلوه الجميله اللي مضت والله اعتبرتكم بيتي الثاني والموجودين فيه اخواني
وبالمناسبه الجميله وهي قرب العام الدراسي <==== مساكين اللي بالمدرسه
<=== اخر سنه جامعه يووووووووووووووويه قهره
المهم حبينا نسلم علي بعض في هالموضوع ولان اغلب الاعضاء اللي في المدارس واللي في الجامعات واللي بيسافر وغيرهم بيصيروا نادرا مايطلعوا علي المواضيع ولذلك حبيت ان كل واحد بيسافر ولا بيكون شاطر وبيبدأ العام الدراسي وماهوا مار علينا الايومي الخميس والجمعه ان يودعنا في هاذا الموضوع اللي هوا عباره عن وداعيه بين الاعضاء مي وداعيه نقدر نسميها الى لقاء اخر <=== برنامج صار
علي العموم انا بكون مطلع عليكم ولكن ما اقدر اكتب الايومي الاربعاء والخميس ويمكن الجمعه
علي العموم حبيت اسلم عليكم واللي زعلان ترا

انزل علشان اراضيك

بعد انزل

ترا حبيبي موية البحر تجي لحد البيت وبعد محلاه ايه عاد اشرب منها

ومع السلامه

ابراهيم النجيدي · #2 27/08/2001, 02:54 AM

لا تكفى واللي يرحم والديك لاتتركنا !!

,,,

أقول أبرك الساعات إنك تبي تحل عن سمانا شوي

,,,

وياليت تطول فترة الراحه وتمر علينا بس يوم واحد يكفي وزود

,,,

أنت عارف يابو حرب إني أغليك وهذا الكلام مهوب من القلب " إيه هين " ونتمنى لك التوفيق بدراستك ,,,

تحياتي لك ,,,

الاسير الهلالي · #3 27/08/2001, 03:11 AM

انا ايضا اخر سنة بالجامعة ولكن سوف اكون معكم بصفة يومية لاني لدي برنامج يومي دقيق اسير عليه وهو ساعتان يوميا للمذاكرة اما باقي وقتي فاقضيه فيما يفيدني من الاطلاع او الزيارات ومع ذلك ساكون هنا بصفة مستمرة لانني اغتقد انني استفيد منكم ومن هذا المنتدى الكثير فلن ابخل على نفسي بالاستفادة منك ولكن عند حلول الامتحانات لكل حادثٍ حديث .
يعني جالس جالس على قلوب بعض الناس ؟؟؟؟؟؟.

;)

واشكر لك حرصك على التواصل مع الاخوة الاعضاء .

صمام الامان · #4 27/08/2001, 09:26 AM

اما بالنسبة لي انا فهذي اخر سنة ثانوي لي وابصير اجلس على الكمبيوتر ساعة في اليوم لانكم عارفين لازم نسبة

نايف · #5 27/08/2001, 11:21 AM

الله يكون بعون الجميع,,
وبالتوفيق للكل,,,

اللاعب الموهوب · #6 27/08/2001, 11:59 AM

اما انا بأغثكم في المواضيع لو ما ينقطع الاشتراك

الأولاني · #7 27/08/2001, 12:12 PM

ابرهيم وش بلاك على الرجال
الموضوع روعة وفكرة في قمة الذوق

على العموم يا الصبحي الله بلانا بمشرف (*****)

المشكلة (******) ولكن (********)

بالنسبة لي ما راح انقطع عن المنتدى خلاص ادمنا وجودكم يالغاليين
والله الساعة المباركة اللي جمعتنا
========
احترم نفسك يا الأولاني

~~~~~~~~~~~~~~~~~~~

عُدلت بواسطة ابراهيم النجيدي ت 27/08/2001 06:09

ابراهيم النجيدي · #8 27/08/2001, 05:43 PM

علشان تحرم يالأولاني تجيب سيرتي مره ثانيه إلا بخير

,,,

شوفو رد الأولاني علشان تعرفون إن هذي آخرة اللي مايسمع كلام ماما وبابا

,,,

تحياتي للجميع ,,,

الاسير الهلالي · #9 27/08/2001, 07:20 PM

ايه يابرهوم وتتعدى على حقوق الغير وتعدل بمواضيعهم على كيفك . ايه قالها الاول اللي امه خبازه مايموت من الجوع .

علشانك مشرف ومعك صلاحيات تعدل وتلخبط على كيفك برهوووووووووووووم;) ;)
بس يبي يجي المشرف الجديد انشالله عن قريب ونشوف الصلاحيات زين ؟

3boud · #10 27/08/2001, 11:28 PM

الله يكون بعون الجميع

-_______________

حلوة يا ابراهيم:
عشان يسمع كلام ماما و بابا

طيب انت ماما و الا بابا

ده انت مسخرة يا شيخ

خليت اللي يسوى و اللي ما يسوى يتريق عليك

في حال سالت انا اللي يسوى
و اللي ما يسوى واحد نصراوي مر على المنتدى

الله يرجك الين تطلع عيونك و تحطها في التوقيع
(ما تلا حظ اني شاب عليك ضو
بلاي ما باعود الا في الاجازة......العب عليه عشان لا يقعد لي)

طيب سلم على ماما يا بابا
شفت اني كفو
و انت فهمت غلط
تفكرني اقول عليك ماما
لالالالالا
انت بابا ما كلو نفر سديق
كخخخخخخخخخخخخخخخخخخخ

المهير · #11 28/08/2001, 12:04 AM

انا للاسف مااقدر اتواصل.

بس يالله ولو اني باشتاق لكم.

ليــــ أزرق ـزر · #12 28/08/2001, 02:08 AM

و الله ودي أشارككم ..

لكن ..

لا لا تحسدون ..

ما هيب دفاره ..

بس الاشتراك بيخلص ..

و لازم نحتري تطلع المكافأات ..

ما ورى الصيف يطفر

<==== يبي فزعتكم !!!

fahoode · #13 28/08/2001, 07:32 AM

هلا والله بالصبحي :

يا اخوي والله انك حطيت يدك عل الجرح .

والله يا اخوي انا اخر سنة ثانوي يعني لازم الواحد يدفر ويشد حيله حبتين علشان كذا ان بالكثير بالكثير راح ادخل على النت يوميا ساعيتن ويمكن تصير ثلاث بعد الهروب من الرقابة <==== اخس منتب سهل يا سامي .

بس ان شاء الله نطل عليكم متى مالقينا وقت وان شاء الله نشوفكم بعد سنة على كيف كيفي .

النجيدي : يا اخوي وش دعوى يا اخوي تعدل للاولاني .

والله انك قليل خاتمة تعدل لكفيلك افا والله ما هقيت لها الدرجة قلت الخاتمة .

اقول شباب الوعد بعد سنة هيمو ما راح يتركني اشارك بعد ها الرد ;)

الصبحي · #14 31/08/2001, 06:06 PM

مشكورين اخواني وها انا ارفع الموضوع لان بكره المدارس ياشطارواللي بيودعونا يودعونا هنا
ولد النجيدي والله لو ان الكليه هنا في ديرتي مي في المدينه برجك بس ماعليك مقاهي الانترنت واجد وبرفع ضغطك واذا نزلت لديرتي الاربعاء والخميس والجمعه بغثك بعد بالمواضيع علي العموم هي فرصه الواحد يرتاح من كتاباتك ياشيخ
<------- بايعها

الاسير الهلالي مشكور اخوي
صمام الامان الله يعينك علي الطابور بكره
نايف الله يعين الجميع
اللاعب الموهوب عاد الاشتراك بينقطع تحري المكافات ولا تسلف:p
الاولاني تسلم يالغالي وهذي عوايدك ماتقصر واما برهووووم سيبك منه
عبود مشكور لتواصلك
المهير بنفتقدك بس تكفا لاتطول وطل علينا
ليزر ازرق مشكور اخوي
فهودي الله يعينك وشد حيلك جيب نسبه كويسه واعينك مشرف بدال الطاغيه

مشكورين جميع الاخوه علي ردودكم

عاشق النمر · #15 31/08/2001, 06:24 PM

بتروح وتخلينا

ترى عادي ممكن تعطيني رقمك السري وانا اغــثه بدالك

بس تبي الجد بنوله عليك وعلى مواضيعك

تحياتي ،،،