عاااااجل: استقالة سمو الامير محمد بن فيصل - صفحة رقم 5 - نادي الهلال السعودي - شبكة الزعيم

هلالي_ ميلاني · #61 31/01/2006, 07:57 PM

كلامك للأسف صحيح

كاتب الموضوع يبغى يغير من حال الجماهير واعضاء الشرف

الله لا يحرمنا منك يابو سلطان

من راح يرضى يصير رئيس للهلال بعد ابو سلطان؟؟؟؟؟

عاشـــــــ سامي ـــق · #62 31/01/2006, 08:19 PM

صادق والله . . .

و أنا خايف من اليوم اللي نسمع فيه هالخبر ! ..

الله يستر . .

و بالتوفيق للزعيم

الهلالي المالكي · #63 31/01/2006, 08:36 PM

مع احترامي الشديد لك
ولكن انا اشك في هلاليتك وفي انتمائك للكيان الهلالي لانك تريد اثارة موضوع انا متأكد 100% لم يخطر على بال ابو سلطان في هذا الوقت

وما اقول غير (قم بس قم ) والظاهر انك حلمان او لك اغراض ثانية في مصلحة اعداء الهلال

بعديت ياخي حتى لو الخبر اللي قلتة صحيح لاقدر الله الواجب انك تسكت لان الهلال عندة بطولة ولي العهد على الابواب ونطمح للصدارة فالواجب رفع المعنويات وليش احباطها

اسفين اذا قسنا عليك

اخوكم / المالكي

نساي · #64 31/01/2006, 09:13 PM

فااااااااااااال الله ولا فاااالك

لاتتفااول على ابو سلطاااان

Magdad · #65 31/01/2006, 09:46 PM

هلالنا سعدنا
ارجو ان لاتكون مقالتك (كلمة حق اريد بها باطل ) .!!!!
صاحب السمو الامير محمد ماشي بالسفينه الزرقاء في الإتجاه السليم والصحيح...!!!
وليس من الواجب التفرقة بين اعضاء شرف الهلال لأنهم هم سر تميزه , وكل واحد منهم يدعم حسب امكانياته !!
ارجو من إدارة المنتدى عدم السماح بمثل هذه الكتابات (الخربشات) لأنها قد تثير البلبة
وللمعلومية وحسب قناعاتنا كجماهير ومحبوا للزعيم نعرف ان الرئيس هو من يقرر ان يستمر او يستقيل
مع تحياتي للجميع

الهــ(زعيمهم)ــلال · #66 31/01/2006, 10:04 PM

الله لا يقولها ... وش هالكلام الغريب ... اقول ابلع العافية وخلك من الكلام اللي ماله داعي..

اقول ادعم الزعيم بكلام حلو .. مو بتشاؤم وأخبار مالها داعي...

ولا تتعودها ... ترى اعضاء الشرف الحمد لله من احسن اعضاء الشرف الموجوديين .. واحنا مع الزعيم وجماهيرنا وفية ومعروف عنها وفائها ... وش تبي انت بالضبط..

الله يوفق الزعيم ....

مُـوجے · #67 31/01/2006, 10:23 PM

كلامك منطقي واوافقك فيه

لكن نقطة .. استقل يابو سلطان وماقصرت << انا معارض وبشده على مثل هالالفاظ

شكرا

almo7y6 · #68 31/01/2006, 11:01 PM

وش دعوة فااااااااال الله ولاااااا فالك
روعتني وانكب الشاااااهي اللي عندي

ان شاء الله ابوسلطااان مستمرررررر ولن يدعناااااااا
والله يخليه لعين ترجيه
آآآآآآآآآآآآآآآآآميـــــــــــــــــــــــــــــــــــــــن

زعيم شهران · #69 31/01/2006, 11:33 PM

ابو سلطان في قلوبنا حضر اوغاب والى الابد

ابو فال1 · #70 31/01/2006, 11:47 PM

ايوالله فااااااااااااال الله ولا فاااالك

لاتتفااول على ابو سلطاااان كذا

أعشقك و أموت فيك · #71 01/02/2006, 12:01 AM

كلامك منطقي

بس تفائل بالخير بان يجلس ابو سلطان اربع سنوات ان شاء الله

زيدان 11 العرب · #72 01/02/2006, 12:05 AM

أقول يازينك ساكت

أنا أحب الهلال · #73 01/02/2006, 12:08 AM

أخي كاتب الموضوع ..
سمو الأمير محمد بن فيصل يدعم الهلال منذ زمن وليس بسمتغرب مايعمله منأجل الهلال ..
سمو الأمير محمد بن فيصل وبكل ألم تخاذل عنه بعض اعضاء الشرف ولم يدعمه الا ثلة قليلة ..
سمو الأمير لم يدخر جهدا من أجل تنمية دخول الهلال فوقع مع عدة شركات منها اديداس والشبيلي وفكرة جوال الهلال الرائعه وكذلك فكرة البطاقات مع ان عدة مناطق لم تغطها هذه الخدمه بالرغم من معرفتي بشغف الجماهير الهلالية لخدمة الزعيم ولو من باب رد الجميل للهلال الذي افرحنا كثيرا ..
اتفق معك في كثير من الأمور واتمنى ان لايبتعد سمو الأمير محمد بن فيصل ..
ما أحزنني فعلا هو الدعم الخجول من سمو الأمير الوليد بن طلال وكانه يعاقب سمو الأمير محمد فنحن عرفنا ابا خالد معطاء للبعيدين فما بالك لعشقه الازلي الهلال ..
ايضا حزنت لبعد بعض اعضاء الشرف الداعمين واتمنى عودتهم ..
كلمة لسمو الأمير الوليد بن طلال ,, ياسمو الأمير الهلال يحتاج الى وقفاتكم المشهوده والى دعمكم المثمر فمليون ياسمو الأمير لاتساوي شيئا مما دفعه محمد بن فيصل وخاليه ووالده لاجراء عدة صفقات كان على راسها ياسر القحطاني ..
ياسمو الأمير عرفك البعيد بالكرم وسخاء طبيعي ولم يكن مصطنعا لحفيد الزعيمين فهل هلالك ياسمو الأمير لايستحق الا ثلاثة ملايين ؟.
ارجو ان لايعاقب محمد بن فيصل بفعل غيره فمحمد بن فيصل يستحق الدعم والثناء والوقوف بجانبه لاسيما وأن هناك بعض الضباع الجاهزه للحد من تفوق الزعيم ..
بصراحه ننتظر دعما اقوى وأكثر ..
تحياتي .

ازرق الارض · #74 01/02/2006, 12:23 AM

اقول فال الله ولافالك
وان شاء الله ابو سلطان سيستمر لمدة 5سنوات قادمه

مجنونة في حب الهلال · #75 01/02/2006, 12:30 AM

فال الله ولا فالك

حراااام عليك

ان شاء الله يستمر عشره سنين كمان مو بس خمسه