#1  
قديم 27/01/2006, 09:08 PM
زعيــم مميــز
تاريخ التسجيل: 21/08/2004
المكان: دحل ذيب
مشاركات: 4,479
|--*¨®¨*--|الهـــلآل وسآمـــي والشمــــري|--*¨®¨*--|

السلام عليكم ورحمة الله وبركاته
انا ببدأ من النهايه يالحبايب
الفريق قدم مباراه سيئه تماما
طريقه لعب مختلفه تماما
عكس طريقه لعب باكيتا تماما
ذكرني بهلال الدوخي وسيسه
يعني بالعربي نعتمد على الاطراف وبس وما استفدنا شي والدليل ولا عرضيه استفدنا منها الا لما دخل الجمعان
وين هلال باكيتا الاعتماد على كل الطرق ومافيه طريقه وحده بس
تقولون نقص اقول ماهو سبب كلنا شفنا هلال كأس الامير فيصل بن فهد كيف قوي وماكان معهم ولا محترف اجنبي وولا لاعب بالمنتخب اوكي
صحيح كل الاعبين لهم سبب بالهزيمه لكن سامي وش ذنبه غايب فتره ويرجع للفريق ويحصله اقرب للتدهور ومدرب جديد والاعب ما انسجم ومع هذا كله كل الي تابع المباراه يقول انه مع الاخذ بالاسباب هو افضل لاعب هلالي بالمباراه

الي حكم على سامي بالشوط الاول ما يعرف شي اسمه كوره لانه مايدري ان سامي هاذي اول مباراه يلعبها من البدايه من بعد مباراه الشباب السنه الماضيه
اقصد المباريات الرسميه طبعا
الصويلح يسوي كل شي الا ان عرضياته نهايتها بيدي فهد الشمري حارس الطائي او بمدافعيه
جيلسون وده يسوي شي بس ما يقدر ما ادري هل لان فاقد الشي لا يعطيه ام الحظ
الياس ما ادري انا ليه يلعبونه ويتركون العصفور وانا اشوف ان العصفور بالناحيه الدفاعيه افضل بكثير وبالهجوميه افضل بأكثر واكثر والدليل ان العصفور في مباراه الهلال والنصر بكأس الامير فيصل خلى متابعين المباراه ينسون الحارثي والياس لحد الحين وهو محطه اي لاعب يبغى ينطلق لمرمى الهلال يوقف عندها شوي يشتري بايسن وتك تاك ( يسحب فيه ) ويمشي يكمل طريقه
مضواح ما اقدر اقول انه لاعب سيئ بالعكس اول مباراه له يناس وناوين تحكمون عليه وانا اقول انه لاعب يحتاج للفرصه ليس اكثر
الماس هذا هو ما تغير من اول ما عرفناه الحراس من سنه لسنه يتقدم مستواهم وهو عكسهم والدليل شوفوا جبلي جلس العتيبي بالاحتياط ولكنه الحين يتعالج والعتيبي في فتره جلس الدعيع بالاحتياط ولكن خبره ابو دعيع تجلس اوليفر كان حتىى <_ اخسس
المفرج لاعب مجتهد لاخر درجه بس الحظ ماهو معه ما يدري يواجه الفريق الخصم ولا جماهيرهم ولا جماهير ناديه حتىى
البرقان لاعب ما ينعرف له مره مهارات ومره تحس انه ما قد طق الكوره ابد ومره تحس ان عنده تمريرات ومره تفكر هو يعرف يشوت زين ومره تقول انه صلب محد يعدي منه ومره يجي براسك انه يعرف يقطعها من بزارين ولا لا
اتمنــىى انه يقدم مستووى وهاذي فرصته ترى الغنام بالمنتخب
نقطه هــامه
وانا اتابع المباراه اعجبني اعجاب حارس الطائي فهد الشمري وعلى فكره هو انتقل للاهلي بنظام الاعاره قبل موسمين ومسك المرمى عندهم وكان مريح الدفاع الاهلاوي لاخر درجه وكان ساتر على عيوب الدفاع عندهم
وتمنيت انه ينتقل لنا بصراحه واليوم دخلت المنتدى وقريت الخبر وحطيت شفايفي على الشاشه وقولت اموووح فهودي انت زعيم مكانك هو في دولة الزعماء والشعب الهلالي الكبير
وفي النهايه اتمنى من الله التوفيق لجميع الطلاب والطالبات والموظفين والله يبعدهم عن هياط المدير <_ لحول الظاهر انك مقلق مديركم
يلا سي يو


|--*¨®¨*--|الهـــلآل وسآمـــي والشمــــري|--*¨®¨*--|
اضافة رد مع اقتباس
  #2  
قديم 27/01/2006, 09:36 PM
زعيــم مميــز
تاريخ التسجيل: 20/08/2005
المكان: نايم في منتديات الزعيم
مشاركات: 2,757
كلامك صحيح الا ما قلته عن الياس

المفروض ياسر يرجع لاحد مو ليه يلعب والعصفور افضل

بل لانريده في الزعيم
اضافة رد مع اقتباس
  #3  
قديم 28/01/2006, 12:19 AM
زعيــم مميــز
تاريخ التسجيل: 29/10/2005
المكان: أحلام نهايتها سراب
مشاركات: 11,207
يعطيكـ العافيهـ
اضافة رد مع اقتباس
  #4  
قديم 28/01/2006, 01:24 AM
زعيــم مميــز
تاريخ التسجيل: 11/08/2005
المكان: الشرقيه
مشاركات: 3,701
كلام سليم ما قصرت
اضافة رد مع اقتباس
  #5  
قديم 28/01/2006, 01:54 AM
زعيــم فعــال
تاريخ التسجيل: 07/12/2005
مشاركات: 475
كلامك سليم جدا
واعجبتني سالفة البايسن والكت كات
اضافة رد مع اقتباس
  #6  
قديم 28/01/2006, 02:05 AM
الصورة الرمزية الخاصة بـ الصقر الهلالي
زعيــم مميــز
تاريخ التسجيل: 24/12/2000
المكان: ][وهل غيـر الشمـال أعشـق .!!.][
مشاركات: 10,798
يعطيكـ العافيهـ


وبالتووفيق لهلالناا
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:45 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube