بسم الله الرحمن الرحيم
هذه اول مشاركة لي في هذا المنتدى الرائع
في الحقيقة يا اخوان كلنا شاف المبارة وشاف المهزلة التحكيمية التي حصلت ولكن لن نقول ان المنتخب الايراني رشى الحكم او ان المدرب الياباني شرب شاهي مع الحكم ودفع له فلوس لان هذي الامور لاتليق بنا كشعب يحترم غيره
في الحقيقة يا اخوان جميعنا شاف المنتخب الايراني وشاف الاداء الرائع الذي قدمه في هذه المباراة :: في الحقيقة اول مره اشوف المنتخب الايراني يلعب بهذا الشكل مما يدل على ان المنتخب سار على اسس علمية مدروسة وليس مثلنا مفغوصة وفي رواية مهروسة::
جميعنا شاف المباراة انتشار جيد للمنتخب الايراني && فوة بدنية جبارة (مو زي العصافير حقونا!!!!!!) && تكتيك واضح && تنويع في اللعب من كل جهة وووووووووووو
في الحقيقة منتخبنا كان افضل من المباراة السابقة بكثير على الاقل شقنا شفنا ناس يركضون مو زي المباراة الماضية كانا في هافمون نلعب كورة
مدربنا هالنكبة مدري مين وين جابوه !!! المشكلة انه ماخذ غي نفسه مقلب مصدق نفسه انه درب يوغوسلافيا ومين يوغوسلافيا عشان نجيب منها مدرب زي هالخبل هذا بياع الحبحب !!!
في الحقيقة يا اخوان من بعد ما فقدنا امير الرياضة والشباب فيصل بن فهد مامسك النتخب مدرب زي الناس مرة فينجادا ومرة فيستر ومرة ماتشالا ومرة بياع الحبحب وكل مرة نفص على انفسنا ونقول اسس علمية مفغوصة(الصراحة عجبتني هالكلمة)
ما نفتك من اهبل الا وجنينا اهبل منه (ابغى اعرف ويش عاجبهم بها السويد) ماعدا ناصر الجوهر يعجبني مااختاره
لاعبي النتخب وضعوا اكثر من علامة استفهام على مستواهم
الخوجلي وعبدالغني والدوخي وخليل ماشاء الله عليهم الصراحة كفوا ووفوا اما البقية !!!!!!!!
وين محمد نور اللي شفناه مع المنتخب ومع الاتحاد يوم لعبوا معانا غي كاس ولي العهد الاتحاد ناقص لاعب ونور موجود كان الفريق مو ناقص لا وهدد مرمانا باكثر من كورة
وين ماطر اللي كان في فترة احسن خط وسط كامل والا عشان التيماوي مو موجود ماقدر يسوي شيء
وين سليمان اللي كان الملقب بالرادار
الذيب سامي صحيح انه ركض ولعب لكن عابه شيء واحد انفعالاته زادت شوي وانا عاذره اصلا ما عنده احد وقاعد وسط هالعمالقة مايقدر يسوي شيء
عبيد الدوسري هذا مادري ويش عاجبهم فيه بطئ وثقيل وماهو حلو بس ما شفناه الا ايام كاس العرب يوم كان بو يعقوب يحطه قدام القول ويقول له يا بابا سجل قول
مرزوق العتيبي اول مرة اشوف لاعب يوم يركض كل اقدامه ترتفع من الارض تقول قاعد في الفضاء لا ويتمشي في الملعب زي مادري مين
الواكد في رايي كان مع الخوجلي وعبدالغني عن فريق كامل الله يوفقهم ويفكهم من سويد وربعه
في الحقيقة يااخوان لاعبينا مو فالحين الا في التصوير مرة مسوين لي تايتنك ومرة في الطايرة ومرة على المركب وعبيد مسوي لي غربي مع المسجل حقته( قلت لكم ماهو حلو)
متى بس يارب نشوف اسس علميه مدروسة صح ترجع لنا ايام 94 وايام الغوص(ماعليش واحد مفهي)