السلام عليكم ورحمة الله وبركاته




هلا صديقيني <=== حس انه بينجلد من عنوان الموضوع

الموضوع بصراحة بخصصه للصويلح ....

للزئبقى أحمـ, , ,ـــد ....

للاعب أبدع بدون ماينعطى فرصته...

يبدع بمجرد دخوله مايهم .. دقيقة .... دقيقتين .... خمس ...

... لاعب ذكي .......... ولاعب يشيل فريق لحاله ...


مجهوده كبير .... متحرك .... يفاجئك بتسجيله الأهداف بأي شكل ....

بقدمه برأسه ... يسدد بشكل متقن ودقيق ...


ينتقدون هاللاعب الكبير ... يقولون متسرع ... يضيع فرص ...

اسألوا أنفسكم سؤال واحد .... لو كان لاعب غير أحمد الصويلح ... هل ممكن تجيه فرص مثل أحمد ..

الصويلح بتحركاته يفتح مساحات ... يفكك دفاع ....


بسرعته وقوته الجمسانية ..... بمهاراته ... يضع دفاع أي فريق بموقف بايخ



كلمة بالخاطر بقولها ..... واللي بيزعل ياكثر الجدران <=== ماعنده لف ودوران ولا مجاملات


كثير من الأعضاء ... يقولون ... فلان بيجي للهلال ... بيشكل قوة ضاربة مع القناص ... بيشكل قوة كبيرة مع ياسر ...


مع احترامي للنجم ياسر ... ومع احترامي للنجم العنبر ... ومع احترامي لبقية المهاجمين ..... (( أحمـــد وبــس ))


اللاعب المهاجم .... هو من يسجل ويصنع ... من يرجع بفريقه للمباراة بهدف تعادل ... من يهدي فريقه بطولة بهدف حاسم

من يسجل بنسبة 80% من المباريات اللي يلعبها ...

ليس من يدفع له 22 مليون ....

ليس من يسجل على كوريا هدف الفوز ....


يبقى أحمد الصويلح .... ظاهرة كروية سعودية نادرة ... تحتاج الدعم الجماهيري ليطور من مستواه أكثر من كذا ...

فهو نجم كبير ..... ومهاجم بارع ... يحتاجه الهلال ..... وبصراحة أعتبره خليفة سامي ...

ولو واصل على مستواه وطور منه .. صدقوني بيصنع لنفسه تاريخ ويضع اسمه مع الكبار والأساطير ...

لو تتاح له الفرصة مثل ياسر والعنبر .. صدقوني بتنسون ياسر والعنبر .... ويمكن تنسون اللاعب الأجنبي في مركز الهجوم

شي واحد أبيه .... وهو عنوان الموضوع ....

اتركوا عنكم التعصب ... والعاطفة ... وشجعوا الهلال فقط ....

وبتعرفون إن الصويلح .... هو اللاعب رقم 1 في الهلال .... والمهاجم الأبرز سعوديا .....

نهاية لكلامي وختام له ... أحب أقول هذا اللي بخاطري .... ورأي شخصي عن هاللاعب اللي ماوفيناه حقه بصراحة ..

واللي عنده رأي ثاني عن الصويلح لامانع من سدحه ...

واللي أبيه ... وضع الصويلح في مكانه الصحيح ... وعدم صرف كلمات الثناء والإعجاب لأشخاص ماسووا نصف ماسواه الصويلح ..





وإلى اللقاء فري متش


ابوساري

كلامك فيه وفيه
فيه الصح وفيه الخطا
موافق على شروط الانضمام لماسنجر ماعدا الخيره
وش قلت اضيفك

انا معك في كلامك ولكن يبقى ياسر نجم والعنبرنجم



تحياتي

يا عيني

يعني لازم عشان تمدح الصويلح تقلل من العنبر وياسر؟؟؟؟؟؟؟؟؟

وش هالمنطق الاعوج الي ابتلينا فيه

الصويلح نجم وياسر نجم والعنبر نجم

واذا اشتهر الصويلح بتسجيل الاهداف الحاسمة

فالعنبر هداف دوري الشباب خلال اول مواسمه ناهيك عن كونه هداف دوري الامير فيصل بن فهد ثلاث مرات متتالية لم يلعب خلال اي منهم كاساسي في جميع المباريات

الاولى كان احتياطي والثالثة كان مع المنتخب

ومع ذلك هو الهداف

اما عن ياسر فحدث ولا حرج

جميع منتديات الاندية كانت تطالب فيه


وما ننسى المبدعين الخراشي الي ما رحمته الاصابة

ولا فيصل الجمعان

محسودين احنا على خط هجومنا بقيادة ابو عبد الله والمبدعين الي ذكرتهم

كلهم موهوبين وكلهم مبدعين وراح نشجعهم كلهم

اهلييييييييييييييين ابوساري....

للا اخ كاتب الموضوع اذا انت صادق تقدر الصويلح فدافع عنه بموضوع موجود بمنتدى المنتخب موضوع مطروح لنقاش بين ايهما الا افضل الصويلح ام الاعب العادي جدا سعد الحارثي وغالبيه الردود لصالح المقلب سعد الحارثي فاذا انت تقدر الصويلح دافع عنه هناك اما انك علشان تمدحه لازم تقلل من العنبر وياسر والجمعان صراحه منطق غبي عند بعض الهلاليين استغله جماهير الا انديه المنافسه يعني اذا اخذ سامي الجابر حقه وانصفه المحايدين ووضعهوه نجم الكره السعوديه الا اول اتى من يمدح الثنيان واذا مدحنا صاحب السمو الملكي الا امير بندر بن محمد اتى من يذمه ويمدح الا امير عبد الله بن مساعد ترى كل شخص له مميزاته واحمد الصويلح يعتبر المهاجم الخامس في قائمه مهاجمي الكره السعوديه بعد الا اسطوره سامي والقناص ياسر وهداف السحاب الصقر العنبر والمدفعجي الجمعان ومكانه المنتخب لاكن وجوده في الهلال حجب عنه هذهي الفرصه مؤقتا ولاكنه سيصل للمنتخب بسهوله لانه نجم كبير انصحك روح واقرى الردود بمنتدى المنتخب في موضوع اخرجو الحارثي من المنتخب وارجو ان تدافع عن النجم احمد الصويلح هناك لا ان تئتي لتفضله على نجوم يفوقونه خبره ونجوميه وامكانات ومهارات ونتمنى ان يكون في المستقبل افضل منهم

احمـــــد الصويلح =====>> نجم

محمــــد العنبر =====>> نجم

ياسر القحطاني =====>> نجم


سعد الحارثي =====>> والله فقاعة صابون

أخي العزيز اتعلم ماذا ينقص الصويلح

التشجيع من الاداره الجمهور الاعبين الكبار امثال سامي جابر والدعيع ونواف

المحافظه على الاعب من تلاعب الغير بملايينه الزائفه وصدقنى سيكون هناك نجم يقود الهلال للمنصات

صح كلامك أخوي بس ؟؟؟

فيصل الجمعان فنان بعد بس ما عطوه فرصه
0
0
0
0
0
0
اوغفـــــــــوا

أخوي العزيز بو ساري.....اذا أردنا ان نعطي احد اللاعبين حقه.....فليس من العدل ان نبخس اللاعبين الأخرين حقهم كما ذكرت عن اللاعبان ياس والعنبر....فلكل واحد منهم ميزته الخاصه .....أنا اوافقك الراي بأن اللاعب احمد الصويلح نجم يصعب علينا ان يبقى أسير دكة الاحتياط ولا يعطى الفرصه الا لربع ساعه او نصف....وهو نجم قادم بقوه انشاء الله لخدمة الزعيم والمنتخب باذن الله ويجب ان يعطى الفرصه اكثر واكثر حتى يكون هو والعنبر وياسر في كفه واحده باذن الله وهو كذالك ولكن اقصد من حيث اتاحت الفرصه له.

ويا اخوي بو ساري (بارك الله فيك) ليس هذا هو وقت مدح اللاعب الفلاني ونقد اللاعب الفلاني...الزعيم الان في حاجه ماسه لنقف معه قلبا وقالبا.. فارجو من الجميع البعد كل البعد عن هذه المواضيع الحساسه التي تأثر على نفسية بعض اللاعبين

(مجرد رأي وليس فرض يا اخي العزيز بو ساري)...أرجو ان تتقبله بصدر رحب كما تقبلنا موضوعك بصدر رحب.

تحياتي لك اخوي العزيز بو ساري.

معليش
أنت مبالغ زياده

ومقلل من ياسر العنبر زياده

اقووووووووووووول الله يهديك بس لا تطير وانت قاعد تكتب ووووووووووووووووين ياعمي من اللي ضاحك عليك وقالك الصويلح افضل من القحطاني والعنبر هذا هو راحولعيبت المنتخب ولعب من بدايه المباريات ولا شفنا من اي شي
مغير يقوم ويطيح وكنترول تعبان اقوول لا تحاول انك تضحك على غيرك

الصويلح بصـــــــــرااااحه





مهضوم حقه ؟؟؟



لازم يعطى فرص مو فرصه


الله يوفقه انشاء الله

زي ما قلت بنترك التعصب ونشجع الهلال بسسسسسسسسسسس .( هذا كلامك )
زعيم نصف الأرض ولافرق بين نجوم الهلال فكلهم نجوم نجوم بما تعنيه الكلمة .
فلا نتعصب للاعب دون الآخر .