اعتقد ان الصويلح كان هداف المنتخب يا الناشئين يا الشباب او ثنينهم الظاهر الهلال جابه وهو صغير ودرجه شباب واعتقد هذي مشكلته لو احمد في فريق ثاني ويلعب صدقني تلقى كل الجمهور نبي الصويلح جيبو الصويلح بس مثل ما قلتلك جاء وهو صغير ولا لاعب مقاتل اقل شي يبرد قلبك لو ضيع يصنع يجتهد يسوي الي عليه تحس انه راضع من الهلال
صدقني فرحت يوم عرفت انه بيحترف وبيروح اقل شي يطور مستواه بس كندنيو قال لا وبنشوف اذا ما لاعبه يستحق العنه يا لعبه يا خله يروح شطحت بالموضوع كثير معليش بكره دوام والسواليف زينه

معك في كل كلمة قلتها
بس هم ياسر نجم والعنبر نقول نجم
تحياتي لك

مشكلة الردود كما هي دايم ..

يرد واحد يردون عشرة واحد مدرعمين ....


أول شي ماقللت من نجومية أحد لا ياسر ولا العنبر .....

لكن قلت أعطوا الصويلح حقه من الاعجاب بهالاثنين ...

مع انه يفوقهم مستوى بنظري ... ويوم قلت نظري الظاهر قلت رأي شخصي ...



فلا يجي أحد مطلق الأرض ويمشي مليون ألف ويمكن ماقرأ الموضوع ويجي عندي هنا يقول لا تقلل

المطالبة كانت بمساواة الصويلح فقط واعطاءه حقه


ومن ناحية ايهم أفضل ... بقول لك شي يمكن ماتفقهه ...

الصويلح بالارقام .. أفضل من ياسر والعنبر .........

مع ان كلهم نجوم لكن الصويلح بالارقام أفضل .......


وشكرن لكم ولردودكم اللي جت قوية ولكن تدل على انكم ماقريتوا الا اول رد وحكمتوا عليه

واغلبكم ماقرأ الموضوغ زين

سلام عليكم .. ركزوا ياشباب موب الواحد يرد وهو مواصل له كم يوم ياحبي لكم

ابوساري

استنثى بعض الردود اللي شفت فيها انهم قروا الموضوع .....

وشكرن لكل من فهم الموضوع واللي مافهم أقوله الله يسامحك شوي وتطلعني اتحادي

ياحبي لكم وسعوا صدوركم .... واحمد الصويلح فاشل ولا حد يحقد علي عشان مدحته

ابوساري

صح لسانك الصويلح نجم وحرام ظيعوا فرصت احترافه

والله انك صادق يا ابو ساري انه نجم وبقووووووووووووووووة بعد
والله انه نجـم .. و اذا بيزعلون يزعلون لأنك ما قلت الا الحق .. اهم شي ابو صويلح
** افضل من العنبر و مقارب لياسر ...

والله ان العنبر لايمتلك اي خبره فقط الكورات الرئسيه اما ياسر مهارات والصويلح لاعب سريييييع جدا ومبدع

الصويلح افضل من العنبر

شكرن لمروركم الكريم ...... وحلو إني ألقى ردود تؤيد كلامي وتعارضه ...

لكن كلمة أحب أقولها ...... احسب الدقايق اللي لعبها الصويلح مع الهلال وكم سجل من هدف ...

واحسب الدقايق اللي لعبها أي مهاجم سعودي .... وشف النسبة لمن .....

تحياتي لكم .. ولكل من فهم المقصد من الموضوع ..

اللي هو ليس تقليل من نجومية القناص والصقر .. بقدر ماهو مطالبة بانصاف الزئبقي ......

تحياتي لكم ابوساري .. وللمفاهمة الرجاء الاتصال على مركز الرسائل الخاصة

إقتباس الرسالة الأصلية كتبت بواسطة spanish eyes يا عيني °ˆ~*¤®§(*§*)§®¤*~ˆ°يعني لازم عشان تمدح الصويلح تقلل من العنبر وياسر؟؟؟؟؟؟؟؟؟°ˆ~*¤®§(*§*)§®¤*~ˆ° وش هالمنطق الاعوج الي ابتلينا فيه الصويلح نجم وياسر نجم والعنبر نجم واذا اشتهر الصويلح بتسجيل الاهداف الحاسمة فالعنبر هداف دوري الشباب خلال اول مواسمه ناهيك عن كونه هداف دوري الامير فيصل بن فهد ثلاث مرات متتالية لم يلعب خلال اي منهم كاساسي في جميع المباريات الاولى كان احتياطي والثالثة كان مع المنتخب ومع ذلك هو الهداف اما عن ياسر فحدث ولا حرج جميع منتديات الاندية كانت تطالب فيه وما ننسى المبدعين الخراشي الي ما رحمته الاصابة ولا فيصل الجمعان محسودين احنا على خط هجومنا بقيادة ابو عبد الله والمبدعين الي ذكرتهم كلهم موهوبين وكلهم مبدعين وراح نشجعهم كلهم

بصراحة ماودي أطيل الكلام عشان موضوع كتبت فيه رأيي شخصي ومطالب بمساواة نجم مثل الصويلح بنجوم الهلال

اللي جاهم من التبجيل فوق ماعملوه مع الزعيم ...

وأشوف بعض اللي ردوا علي .... ماهم لم الموضوع .. وشكلهم ماقروا ولا نصه ...

ولا فهموا وش السالفة ... وجايين يبون يقولون لأ بس ... مدري وش الغرض من إنه مايفهم الموضوع <==


يعني إذا براسك حرش والا قافلة معك لاتدخل موضوعي أحش رجلك ... تعال ناقش وانبسط ووسع صدرك غيره لاتطبه

ماتجي هنا تقرأ رد .. ثم تبني عليه فكرتك للموضوع .. اللي يسمعك يقول اللي رد غازي القصيبي


أول شي بنسخ كلام من الموضوع عشان يستوعب اللي ماستوعب ويفهم الكمخة اللي مافهم



لاحظوا اني قلت النجم يااااااااااسر والنجم العنبــــــــــر

(( مع احترامي للنجم ياسر ... ومع احترامي للنجم العنبر ... ومع احترامي لبقية المهاجمين ..... (( أحمـــد وبــس )) ))




ثم .. ذكرت في الموضوع ...

(( وبتعرفون إن الصويلح .... هو اللاعب رقم 1 في الهلال .... والمهاجم الأبرز سعوديا ..... ))






ثم ذكرت نقطه مهمه .. وهي رأي شخصي .. <== رأي شخصي يانا

(( نهاية لكلامي وختام له ... أحب أقول هذا اللي بخاطري .... ورأي شخصي عن هاللاعب اللي ماوفيناه حقه بصراحة ))






ثم .. عطيتكم الفكرة من الموضوع .. وهي عن الصويلح اللي ماشفت له مدح وثناء مثل ماجاء القحطاني والعنبر ... .. مع انه عمل أشياء للهلال أكثر بكثير من العنبر والقطحاني ... من وجهه نظري الشخصية ..

شوية تركيز ياشطار

((واللي أبيه ... وضع الصويلح في مكانه الصحيح ... وعدم صرف كلمات الثناء والإعجاب لأشخاص ماسووا نصف ماسواه الصويلح .. ))



............................................
.............................................


أزرق+ أبيض .. عاشق سامي .... خالد999 ..... فيصل ..... نصراوي يائس .... هلالي تربة ..... بخيت .... هلالي للأبد ... غلاب ياهوى

صفر واحد .... حبيب الأمس .... هلالي تشلساوي .... استاهلك .... أموت بحبك يازعيم ... هلال البرشا ...

أتوقع انتم الوحيدين اللي أحس إنكم فاهمين الموضوع .... وبغض النظر اختلف بعضكم معي او أيّدني

الا انه كانت ردودكم حلوة .....

والباقي جايين تحلف اني سارق لهم أرض


.......................................
........................................



سبانيش آيز ....

لا أعوج ولا أعرج ...

مشكلة الأعوجاج بالفهم .. أنا تكلمت عن الصويلح وعن مهاراته وكل شي وذكرت رأي شخصي ..

ثم طالبت بإعطاءه حقه من الثناء والنجومية بحق ماسجل للهلال وأبدع معه ....

وماطالبت حسب قولك بالتقليل من أحد .. وحتى أنا ماقللت من أحد اللهم اني فضلته على ((النجمين)) ياسر والعنبر ...

فياليت تمر لك أقرب ورشة .. وتعدل اي شي أعوج ... ثم تعال ياحبي لك علّق على المواضيع ..



أبو ياااااارا المغترب ...

هلللللللللللللللللللللللو أبو يارا هاور يو




بخيت ...

ردك أعجبني ... لكن مابخست قدر أحد ... ;)

ركز ياحبي لك




الدكتور الجارح ...

ماشوف فيه مبالغه .... ؟؟ .. حدد لي المبالغة ...؟



فابرياكس مدرعم

لاتخاف .. ماراح أطير .. تعودت أمسك أرضي .. لأني أخاف المرتفعات

ماحد ضاحك علي ... مشكلتي أشوف اللعب ... يعني أتابع المباراة عبر شاشات التلفزيون .. موب عبر صوت الإذاعة

بالنسبة لماسوى شي بعدما راحوا لعيبة المنتخب ... لعب مباراة الاتفاق ... وسجل هدف التعادل ...

وقدم مستوى حلو ...

وراجعني بآخر رد .. عندي تعقيب بسيط ... للموضوع كله ..



ضرماوي هلالي ...


راجع ردي على سبانيش آيز ...






اذا قلبتوا الموضوع حقي مقارنة .... بقول كلمتين ... وهي ليش الصويلح أفضله وأحبه ..

(((وهو ليس تقليل من نجومية أحد ))))
لأن مافيه لاعب مثل لاعب .. يا أفضل مستوى يا أقل ...

بالنسبة لياسر ...

قدم مستوى جميل مع الهلال ... لكن أبي شي واحد ...

كم هجمة ضاعت على ياسر .. بسبب انه يبي يسحب الحارس ...؟؟

كم هجمة ضاعت بسبب عدم تركيز ياسر ...؟؟

كيف تقول الصويلح يضيع فرص والكنترول ومدري وش ...

بينما ياسر يضيع أضعاف ؟؟

ومع ذلك يبقى ياسر نجم كبر ويظهر أوقات الحسم .... كعادة الكبار ...



بالنسبة للعنبر .... ليش مايظهر العنبر الا بوجود الصويلح كثنائي معه ؟؟؟؟

مايتميز به العنبر .. الكرات الهوائية ... والتمركز ... وقدم مستوى كبير بصراحة مع الهلال والمنتخب ..

بس الصويلح أفضل منه .. ومفيد أكثر من العنبر بالهجوم ...


الصويلح ... لعب مع الهلال .. ولعب مع المنتخب ... لكن أتحدى أي واحد يقول انه أخذ فرصته ....



موضوعي ليس تقليل لأحد ... يمكن يكون مدح للصويلح ... واعتراض على طريقة الجماهير في تشجيع بعض الاسماء

ومفاضلتها على النجم الكبير .. أحمد الصويلح ...

أحمد سريع .. أحمد مرواغ ... أحمد قوي وصلب ... أحمد يجيد التسديد بقوة ودقة ... أحمد يجيد الكرات الرأسية ...

أحمد متمركز وذكي ... يصنع مثل مايسجل ... أحمد يحسم ... حماسي .. قتالي ....


8
8
8
8
تكفيكم هذي ؟؟؟


لايجي واحد بعدي يقول ليش تمدحه وتقول ليش تقلل من ياسر والعنبر ...

يعني مدحت أحمد وقلت رأيي فيه .. لكن أعرف إن ياسر والعنبر نجوم الزعيم ...


خلاص فهمتوا والا أجيب مدرس خاص ؟؟


سلام عليكم ورحمة الله وبركاته ... أبوساري واللي عنده شي يقوله لايستحي بس لايكون شي غبي