#1  
قديم 14/01/2006, 09:52 PM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,258
Talking من فضلك اضغط هنا

السسسسسسسسسسسسلام عليكم ورحمة الله وبركاته ...













هلا وغلا صديقيني الهلاليين والهلاليات ...


طبعا أدري مشتاقين لي بدون رسايل خاصة <===


معليش ريحتي حطب لأني توي جاي من البر <=== يعنني راعي بر وكشتات


عالعموم أصدقائي مابي أطول عليكم بالموضوع أدري متحمسين <==== ماجابوا خبرك






قبل كل شي أنا أقترح إننا نروح مجموعة محملين بالأسلحة الفتاكة من عجاري ومفاتيح عجل ونتجه لمقر منصور البلوي

عشان ناخذ حق الهلال منه .. حق الهلال المسلوب والمنهوب


هاللي مايستحي ... الهلال الحين أنتهى بسبته ... صار الهلال موب الهلال


سرق منا أعظم لاعب بالعالم قبل أيام ... والحين الهلال ماعنده لاعبين .. من وين لنا لاعبين قولوا لي


لازم نجلد البلوي عشان مايتعود له ... <====



والا رئيسنا اللي ماش زعلنا يوم يتصالح مع البلوي ...

المفروض يوم يروح للرياضية أول ماشاف البلوي طب ببطنه وهاوشه عشان مايتحرش البلوي بالهلال مرة ثانية

آخ منك يارئيسنا ... زعلتنا منك أوي أوي




وإلا محمد نور وعدنان جستنيه وإلا غيرهم من أعداء الهلال .. أقول لهم أخ منكم بس يالخباث





عاد نتكلم بالعقل والمنطق


أول شي المنتدى انقلب منتدى اتحادي بحت ... يهتم بالشؤون الاتحادية ويتابع الاخبار أول بأول

صار الواحد بدال مايروح منتدى الاتحاد يجي هنا بالزعيم يقرأ كم خبر اتحادي ويطقطق شوي ويمشي



ويااااااااااابلوي أنت فيك ومافيك ... وياااااااااااافلان أنت فيك ومافيك ...


طيب وبعدين ؟؟ .. ؟؟ ... سؤال يطرح نفسه بدون مايتعور

يعني وش المطلوب من هالموضوع ووش الفكرة ... ووين تبون توصلون منها ؟؟؟






أول شي أبوسلطان رفع راسي كهلالي لعدة أسباب ... أهمها ..

ذوق الأزرق ... وتسامح الأزرق ...

رفع راسي أبو سلطان لأنه عرف مصلحة الهلال ... ومالتفت لكلام ناس تحب أن يكون لها عداء مع المنافسين ..

وليته وقفت على تنافس .. صار أكبر من هالشي .. صار كره وسب وطعن

أبو سلطان مثال للانسان الراقي العالي بذوقه وتعامله ويشرفني أن أكون هلاليا ورئيس الهلال مثل هالانسان





من ناحية البلوي ودخوله بالصفقات هو الخسران ...

دخل بصفقة العبود وارتفع سعر العبود مع انه لاعب عادي ...

دخل بصفقة جواد ودفع مبلغ خيالي بصراحة على لاعب ممتاز لكن مايستاهل هالمبلغ ...

ثاني شي موب الهلاليين اللي يحاسبون منصور ... منصور له رب يحاسبه ويعاقبه على حسب نيته ..

والدليل خسارته لـ15 مليون في المونديال ... والعقوبة الإلهيه لحقته ومثل مارفع قيمة ياسر خسر الفرق بالصفقة ...






أبيك بعد ماتطلع من الموضوع هذا تروح تشوف عناوين المواضيع بالصفحة الرئيسية ... صدقني بتشك ان الموقع هلالي


أنا ماحصر أحد على مواضيع معينة وأقول اكتبها وخل عنك هالمواضيع ...

بس أنتم أكثر إبداع بأقلامكم من هالكلام اللي تكتبونه ....

وإذا السبب وقوف المشاركة الهلالية في هالوقت ... خلوا مواضيعكم على الأقل بالتغني بنجوم الزعيم وأخبارهم بعد العيد

أو على الأقل مناقشات في مستوى الزعيم في القسم الأول بحدود الذوق طبعا




أبو ساري يستودعكم الله الآن بروح أدور شي آكلة قسم جوعان وتوني صاحي من النوم


فمان الكريم
اضافة رد مع اقتباس
  #2  
قديم 14/01/2006, 09:58 PM
مشرف سابق في منتدى الرياضه السعوديه
ومنتدى المنتخب السعودي
ومحرر اخبار الهلال في الصحف العالمية
تاريخ التسجيل: 18/12/2004
المكان: Jubail.SA
مشاركات: 8,253
و الله انك فنااااااااااااان


الله يعينك على المعجبين

احين اخذ ايميلك و اسوي كوبي و ارووح للماسنجر و اقوله بيست
اضافة رد مع اقتباس
  #3  
قديم 14/01/2006, 09:59 PM
الصورة الرمزية الخاصة بـ alzaeem only
زعيــم مميــز
تاريخ التسجيل: 26/02/2005
المكان: بريطانيا,مانشيستر.الخبر
مشاركات: 4,052
thank you alot
اضافة رد مع اقتباس
  #4  
قديم 14/01/2006, 10:08 PM
زعيــم نشيــط
تاريخ التسجيل: 02/09/2005
مشاركات: 629
كلام ناس فاهمة وعقالة وكبيرة في عقلها وفي كل شيء
يعطيك ألف ألف عافية
بس لا حياة لمن تنادي محد حولك شغلهم الشاغل البلوي والإتحاد وليه وليه والإستهزاء والشتم ليه ما أدري
اضافة رد مع اقتباس
  #5  
قديم 14/01/2006, 10:33 PM
زعيــم نشيــط
تاريخ التسجيل: 15/08/2005
المكان: الدمـــــــامـ
مشاركات: 599
الله يعينك على المعجبين
اضافة رد مع اقتباس
  #6  
قديم 14/01/2006, 10:36 PM
زعيــم فعــال
تاريخ التسجيل: 09/09/2005
مشاركات: 450
إقتباس
لا حياة لمن تنادي محد حولك شغلهم الشاغل البلوي والإتحاد وليه وليه والإستهزاء والشتم ليه ما أدري


سؤال يجي بالإختبار مالقيت له إجابه
اضافة رد مع اقتباس
  #7  
قديم 14/01/2006, 10:44 PM
زعيــم متألــق
تاريخ التسجيل: 19/08/2005
المكان: مــقـر الزع ـامه ..!
مشاركات: 1,448
مشكور وياليت الباقين يفهمون
اضافة رد مع اقتباس
  #8  
قديم 14/01/2006, 11:14 PM
موقوف
تاريخ التسجيل: 26/10/2005
المكان: في قلبه..
مشاركات: 1,475
Wink

إقتباس
الرسالة الأصلية كتبت بواسطة ابوساري

أول شي أبوسلطان رفع راسي كهلالي لعدة أسباب ... أهمها ..

ذوق الأزرق ... وتسامح الأزرق ...

رفع راسي أبو سلطان لأنه عرف مصلحة الهلال ... ومالتفت لكلام ناس تحب أن يكون لها عداء مع المنافسين ..

وليته وقفت على تنافس .. صار أكبر من هالشي .. صار كره وسب وطعن

أبو سلطان مثال للانسان الراقي العالي بذوقه وتعامله ويشرفني أن أكون هلاليا ورئيس الهلال مثل هالانسان

صح لسانك
اضافة رد مع اقتباس
  #9  
قديم 14/01/2006, 11:37 PM
الصورة الرمزية الخاصة بـ ابوساري
زعيــم متألــق
تاريخ التسجيل: 18/03/2003
المكان: حصه بنت محمد
مشاركات: 1,258
نعود سديقيني للرد على الأصدقاء اللي شاركوا في الموضوع

van der vart

هلا فان ...

شرايك عاد بالسحبة الأخيرة موب فنان

الله يعين بس المعجبين مشاكل مشاكل ههههههههههههههههههههههه

وانا بروح الماسنجر أسوي Yes

مشكور أخوي على مرورك العذب والجميل ...




الزعيم أونلي

يو آر ولكم ياشيخ ألوت أبو شي بالعالم ثانيكو على المرور

ماقصرت يالغرام الأولي <=== يقاله راعي أسلوب وذرب بالكلام



نــ الهلالي ــواف

الله يسلمك أخوي نواف على ردك الجميل والله ..

والناس العاقلة هي اللي تدخل وتتكلم بذوق مثلك ياحبي لك

والله حنا نقول اللي عندنا واذا فيه تقبل من الأعضاء بيكون زين

يعطيك العافية على المرور




الـدعشق مــ روحي ـام

الله يعين الجميع إن شاء الله

مشكور على مرورك أخوي




ابوعبدالله2006

هلا أبو عبدالله .. ماتعرف تبرشم ياحبي لك ..؟؟

وإن شاء الله تلقى حل له قريب أقرب شي ...

مشكور على مرورك أخوي ومشاركتك اللطيفة والمنيرة

ماقصرت





كريستيانو7

ليتهم والله كريستيانو ... أتمنى

مشكور كريستيانو على المرور ... وماقصرت





سوسوالهلاليه

صح بدنك سوسو

ماقصرتي على مرورك أختي ....

ومشكورة على الرد





أبوساري
اضافة رد مع اقتباس
  #10  
قديم 14/01/2006, 11:43 PM
زعيــم نشيــط
تاريخ التسجيل: 23/06/2004
المكان: مدري
مشاركات: 782
كلام جميل
اضافة رد مع اقتباس
  #11  
قديم 15/01/2006, 12:02 AM
الصورة الرمزية الخاصة بـ الكلاسيكي
عضو مجلس إدارة الموقع الرسمي
تاريخ التسجيل: 06/04/2003
المكان: دنـيــآي ~
مشاركات: 18,713
كلامك عين الصواااب

صدقت والله اتمنى من الجماهير ان لاتلفت لهؤلاء شرذمة الكره

وونتبه لفريقنااا اكثر واكثر
اضافة رد مع اقتباس
  #12  
قديم 15/01/2006, 12:04 AM
زعيــم متألــق
تاريخ التسجيل: 06/11/2005
مشاركات: 1,332
رح يا ابو ساري تعش كفيت ووفيت
اضافة رد مع اقتباس
  #13  
قديم 15/01/2006, 12:13 AM
زعيــم فعــال
تاريخ التسجيل: 24/08/2005
المكان: المريخ الهلالي
مشاركات: 328
مشكووووووووووووووووور وهذا الشئ اللي قاعد يصير من استهزاء وتطنز احس ان اكثره ماله داعي انه يكون بمنتدانا واحنا اكرم من اننا نرد عليهم ونشغل نفسنا فيهم
اضافة رد مع اقتباس
  #14  
قديم 15/01/2006, 12:17 AM
زعيــم نشيــط
تاريخ التسجيل: 22/09/2005
مشاركات: 927
خقيت عندك يابو ساري رحت وطيييييي
بس المشكله اني ماحب الي يروحون البر لأنهم يذكروني بالضب
اضافة رد مع اقتباس
  #15  
قديم 15/01/2006, 12:26 AM
زعيــم فعــال
تاريخ التسجيل: 17/02/2005
المكان: الخــبر
مشاركات: 427
مشكور عالموضوع وما قصرت
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:01 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube