من فضلك اضغط هنا - نادي الهلال السعودي - شبكة الزعيم

ابوساري · #1 14/01/2006, 09:52 PM

السسسسسسسسسسسسلام عليكم ورحمة الله وبركاته ...

هلا وغلا صديقيني الهلاليين والهلاليات ...

طبعا أدري مشتاقين لي بدون رسايل خاصة <===

معليش ريحتي حطب لأني توي جاي من البر <=== يعنني راعي بر وكشتات

عالعموم أصدقائي مابي أطول عليكم بالموضوع أدري متحمسين <==== ماجابوا خبرك

قبل كل شي أنا أقترح إننا نروح مجموعة محملين بالأسلحة الفتاكة من عجاري ومفاتيح عجل ونتجه لمقر منصور البلوي

عشان ناخذ حق الهلال منه .. حق الهلال المسلوب والمنهوب

هاللي مايستحي ... الهلال الحين أنتهى بسبته ... صار الهلال موب الهلال

سرق منا أعظم لاعب بالعالم قبل أيام ... والحين الهلال ماعنده لاعبين

.. من وين لنا لاعبين قولوا لي

لازم نجلد البلوي عشان مايتعود له ...

<====

والا رئيسنا اللي ماش زعلنا يوم يتصالح مع البلوي ...

المفروض يوم يروح للرياضية أول ماشاف البلوي طب ببطنه وهاوشه عشان مايتحرش البلوي بالهلال مرة ثانية

آخ منك يارئيسنا ... زعلتنا منك أوي أوي

وإلا محمد نور وعدنان جستنيه وإلا غيرهم من أعداء الهلال .. أقول لهم أخ منكم بس يالخباث

عاد نتكلم بالعقل والمنطق

أول شي المنتدى انقلب منتدى اتحادي بحت ... يهتم بالشؤون الاتحادية ويتابع الاخبار أول بأول

صار الواحد بدال مايروح منتدى الاتحاد يجي هنا بالزعيم يقرأ كم خبر اتحادي ويطقطق شوي ويمشي

ويااااااااااابلوي أنت فيك ومافيك ... وياااااااااااافلان أنت فيك ومافيك ...

طيب وبعدين ؟؟ .. ؟؟ ... سؤال يطرح نفسه بدون مايتعور

يعني وش المطلوب من هالموضوع ووش الفكرة ... ووين تبون توصلون منها ؟؟؟

أول شي أبوسلطان رفع راسي كهلالي لعدة أسباب ... أهمها ..

ذوق الأزرق ... وتسامح الأزرق ...

رفع راسي أبو سلطان لأنه عرف مصلحة الهلال ... ومالتفت لكلام ناس تحب أن يكون لها عداء مع المنافسين ..

وليته وقفت على تنافس .. صار أكبر من هالشي .. صار كره وسب وطعن

أبو سلطان مثال للانسان الراقي العالي بذوقه وتعامله ويشرفني أن أكون هلاليا ورئيس الهلال مثل هالانسان

من ناحية البلوي ودخوله بالصفقات هو الخسران ...

دخل بصفقة العبود وارتفع سعر العبود مع انه لاعب عادي ...

دخل بصفقة جواد ودفع مبلغ خيالي بصراحة على لاعب ممتاز لكن مايستاهل هالمبلغ ...

ثاني شي موب الهلاليين اللي يحاسبون منصور ... منصور له رب يحاسبه ويعاقبه على حسب نيته ..

والدليل خسارته لـ15 مليون في المونديال ... والعقوبة الإلهيه لحقته ومثل مارفع قيمة ياسر خسر الفرق بالصفقة ...

أبيك بعد ماتطلع من الموضوع هذا تروح تشوف عناوين المواضيع بالصفحة الرئيسية ... صدقني بتشك ان الموقع هلالي

أنا ماحصر أحد على مواضيع معينة وأقول اكتبها وخل عنك هالمواضيع ...

بس أنتم أكثر إبداع بأقلامكم من هالكلام اللي تكتبونه ....

وإذا السبب وقوف المشاركة الهلالية في هالوقت ... خلوا مواضيعكم على الأقل بالتغني بنجوم الزعيم وأخبارهم بعد العيد

أو على الأقل مناقشات في مستوى الزعيم في القسم الأول بحدود الذوق طبعا

أبو ساري يستودعكم الله الآن بروح أدور شي آكلة قسم جوعان وتوني صاحي من النوم

فمان الكريم

Rossi 999 · #2 14/01/2006, 09:58 PM

و الله انك فنااااااااااااان

الله يعينك على المعجبين

احين اخذ ايميلك و اسوي كوبي و ارووح للماسنجر و اقوله بيست

alzaeem only · #3 14/01/2006, 09:59 PM

thank you alot

نــ الهلالي ــواف · #4 14/01/2006, 10:08 PM

كلام ناس فاهمة وعقالة وكبيرة في عقلها وفي كل شيء
يعطيك ألف ألف عافية
بس لا حياة لمن تنادي محد حولك شغلهم الشاغل البلوي والإتحاد وليه وليه والإستهزاء والشتم ليه ما أدري

الـدعشق مــ روحي ـام · #5 14/01/2006, 10:33 PM

الله يعينك على المعجبين

ابوعبدالله2006 · #6 14/01/2006, 10:36 PM

إقتباس


	لا حياة لمن تنادي محد حولك شغلهم الشاغل البلوي والإتحاد وليه وليه والإستهزاء والشتم ليه ما أدري

سؤال يجي بالإختبار مالقيت له إجابه

كريستيانو7 · #7 14/01/2006, 10:44 PM

مشكور وياليت الباقين يفهمون

سوسوالهلاليه · #8 14/01/2006, 11:14 PM

إقتباس

الرسالة الأصلية كتبت بواسطة ابوساري


	أول شي أبوسلطان رفع راسي كهلالي لعدة أسباب ... أهمها .. ذوق الأزرق ... وتسامح الأزرق ... رفع راسي أبو سلطان لأنه عرف مصلحة الهلال ... ومالتفت لكلام ناس تحب أن يكون لها عداء مع المنافسين .. وليته وقفت على تنافس .. صار أكبر من هالشي .. صار كره وسب وطعن أبو سلطان مثال للانسان الراقي العالي بذوقه وتعامله ويشرفني أن أكون هلاليا ورئيس الهلال مثل هالانسان

صح لسانك

ابوساري · #9 14/01/2006, 11:37 PM

نعود سديقيني للرد على الأصدقاء اللي شاركوا في الموضوع

van der vart

هلا فان ...

شرايك عاد بالسحبة الأخيرة

موب فنان

الله يعين بس المعجبين مشاكل مشاكل

ههههههههههههههههههههههه

وانا بروح الماسنجر أسوي Yes

مشكور أخوي على مرورك العذب والجميل ...

الزعيم أونلي

يو آر ولكم ياشيخ

ألوت أبو شي بالعالم ثانيكو على المرور

ماقصرت يالغرام الأولي <=== يقاله راعي أسلوب وذرب بالكلام

نــ الهلالي ــواف

الله يسلمك أخوي نواف على ردك الجميل والله ..

والناس العاقلة هي اللي تدخل وتتكلم بذوق مثلك ياحبي لك

والله حنا نقول اللي عندنا واذا فيه تقبل من الأعضاء بيكون زين

يعطيك العافية على المرور

الـدعشق مــ روحي ـام

الله يعين الجميع إن شاء الله

مشكور على مرورك أخوي

ابوعبدالله2006

هلا أبو عبدالله .. ماتعرف تبرشم ياحبي لك ..؟؟

وإن شاء الله تلقى حل له قريب أقرب شي ...

مشكور على مرورك أخوي ومشاركتك اللطيفة والمنيرة

ماقصرت

كريستيانو7

ليتهم والله كريستيانو ... أتمنى

مشكور كريستيانو على المرور ... وماقصرت

سوسوالهلاليه

صح بدنك سوسو

ماقصرتي على مرورك أختي ....

ومشكورة على الرد

أبوساري

أبو سعود السبيعي · #10 14/01/2006, 11:43 PM

كلام جميل

الكلاسيكي · #11 15/01/2006, 12:02 AM

كلامك عين الصواااب

صدقت والله اتمنى من الجماهير ان لاتلفت لهؤلاء شرذمة الكره

وونتبه لفريقنااا اكثر واكثر

مع التحية · #12 15/01/2006, 12:04 AM

رح يا ابو ساري تعش كفيت ووفيت

هلالي وبكيفي · #13 15/01/2006, 12:13 AM

مشكووووووووووووووووور وهذا الشئ اللي قاعد يصير من استهزاء وتطنز احس ان اكثره ماله داعي انه يكون بمنتدانا واحنا اكرم من اننا نرد عليهم ونشغل نفسنا فيهم

هلاليه مررره · #14 15/01/2006, 12:17 AM

خقيت عندك يابو ساري رحت وطيييييي
بس المشكله اني ماحب الي يروحون البر لأنهم يذكروني بالضب

عاشق الفيلسوف والذيب · #15 15/01/2006, 12:26 AM

مشكور عالموضوع وما قصرت