#1  
قديم 13/01/2006, 06:18 PM
زعيــم فعــال
تاريخ التسجيل: 17/03/2005
مشاركات: 490
بـاللتي هي أحسن ما نفـع....طيب باللـتي هي شـر

مرحبا فيكم يا الغالين

منذو فتره طويله لم ادخل شبكة الزعيم شبكة الملاييين

ماعلينا مو هذا موضوعي لأني ما أساوي شي جنب عشقنا الكبير والأزلي,,الزعـيم

بـإختصـار انا راح اتكلم في شيء انا اشوف انه لازم يصير

ولو قدّر الله والتقيت ابو سلطان لـقلته اياه بالحرف الواحد دون زياده او نقصان

يا إخـوان أي شيء يمس الزعيم يا إمـا نفرح له ونصفق ونرقص طربا أو نتضايق ونزعل

إحـنا الموسم اللي فات ولله الحمد والمنه أكلنا الاخضر واليابس وحتى اليابس فتتّناه وشربناه ;)

وإنبسطنـا وفرحنـا ولكن محد فينا فكّر وقال:

طيب الموسم اللي بعده وشلون بنحافظ على الإنجاز والإعجاز الكبيرين ؟؟

وشلون بنحرق اعصاب الحاقدين زياده وزياده ؟؟

وشلون بنضيف كؤوس ألوان واشكال جديده ؟؟

هذه أسأله كثيره ومتعددة الجوانب ولكن إجابتها واحده وهـي

نتـكاتــف ثم نتكـاتف ثم نتكــاتف

عشـان يكون الهلال في الطليعه كما عوّدنا،، لازم يعرف مين خصمه وبعدها وشلون ينتصر عليه

خـلونا نتكلم بمنطقيه وواقعيه ولحد يكابر بالباطل وتأخذه العزه بالإثم

منافسـنا الوحيد هو الإتحاد ،، وأعتقد الكل يعترف بالشيء هذا إلا المكابر

شوفوا كيف مبارياتنا معه دائما تنافسيه وملتهبه سواء اعلاميا او ميدانيا او اداريا

بغض النظر عن أصوول لاعبيه و حقارة اعلامه و فساد اداراته و جهل جماهيره

الكـره لاتعترف الا بأحد عشر لاعبا وللأسف الكوره ليست فتاه تقول وع هذا اسود وع هذا تشادي

وليست ملتزمه دينيا عشان تقول فلوسهم ماندري من وين جايه وهذا تبذير وهذا حرام وهذا حلال

وأيضا ما راح تقول كتابهم قلوبهم مريضه وسوداء ونجسه فـ عشان كذا ماراح اخليهم يفوزون

يا جماعية الخير فيه رب العباد موجود فوقنا وهو أعلم بعباده وهو اللي بيحاسبهم مو إحنـا

إحنا ما علينا الا فريقنا نهتم فيه ونشوف وش ناقصه ونشوف وشلون يكون في الإمام

*** أرجع للنقطه الرئيسيه وهي نعرف مين خصمنا وبعدها شلون نتغلب عليه

هـذا الفريق لايمتاز علينا إلا بالمال ومحد يقدر ينكر هالـشيء ;)

وأعتقد المـال هو كالمـاء للكره لاتركض وتنتصر الا بواسطته,, وليس في كل الاحوال طبعا

لكن اتكلم بشكل عام وبشكل علمي ( ادفع فلوس وبعدين فكّر شلون تحقق البطولات ).

ولله الحمد رجالات الهلال قدها وقدود ونعتبر احنا بالنسبه للباقين فاحشين الثـراء ومحسودين

أعضاء شرفناا مجموعه من الرجال المخلصين البعيدين عن الاعلام والشهره

كل اللي يبغونه هو إعتلاء هلالهم فوق هـامة السحب ويدفعهم عشقهم له مثلنـا نحن لكن تفرق الامكانيات

*** اللي يقول اننا تصالحنا مع البلوي يكون أكبر غلطـان لأن الشغله من بدايتها واضحه كـ وضوح الشمس

اللي يقول كذا هو بـس يحـلم ويتمنى إن الكره في بلاده تكون نظيفه شريفه كما كانت سابقا

لكن للأسف الشيطـان موجود وراح يكون موجود إلى قيام الساعه فـ عشان كذا أقول إنسـوا

*** بغينـاها كوره نظيفه وعلى رأسنا أبو سلطان الله يطول بعمره لكـن هم ما يبـغون..!!

بغـينا نكون يد وحده ونصير على قلب واحد لكن هم ما يبـغون...!!

*** صـفقة جـواد قطعت بما تبقى من الشك باليقين وجعلتنا ننظر ملأ أعيننـا

جعـلتنا نعيد ترتيب أوراقنا ونقول لهم خــــــســــئـــتـــــم

خـسئتم يا من تريدون إسقاط الهلال لتحلّوا مكانه

خسئتم يا من تريدون الـشر بهذا الهلال اللي مطيّر النوم من أعينكم

تخيـّلوا إنهم صرفوا أكثر من 80 مليون ريال في موسم واحد وكـلها طارت هباء منثورا

الـهلال علّمهم بأن المـلك يجلس على عـرشه حتى ولو قلّ جنده وسائت ظروفه ;)

هم يعـلمون أنهم لن يسيـطروا على الكـره إلا بعد إضعـاف الهلال (معاهم حق)

بـاقي الفرق مع كامل احترامي ماعندك أحــد

الأهلي بكل أسف ماهوو أهلي زمـان اللي كان مجنّنـهم

النـصر طأطأ رأسه وأصبح يقتات من فضلاتهم ,,, طال عمره الشيخ منصور لولاه كانت علوم

الشـباب ماعنده لا جمهور لا إعلام,,صحيح يلعب كوره حلوه لكن هيبـته نص ونص

*** أعتـقد الحين لـنا حق ومعـانا عـذر لو لعبنا معهم من تحت الطـاوله كما هم يفعلون

ٍْْ{{ويمكـرون ويمكر الله بهم}}

يا رجالات الهلال كــفايه سكـــوت

يا رئيس الهلال كفــايه مثــاليه

طيب إحنا فينا خير ومثاليين وهم نجسين وقلوبهم مريضه ،، وش الحل طيب !!

يـعني نـسكت مثـلما سكتنا عن تفاهاتهم وتخريبهم ومواجهة الهلال في كل مكان

أنا ما راح أقول وش سـوا رئيسهم (عميان ويرأسهم أعور) لأن الكل عارف وشايف

لكن بـأقول يا هلاااااااااااااااااااااااااااااااااااااااااااااااااااااااال

إقــسوا عليـهم دمّــرهم إقتـص مما أرادو بـك الســوء

قــاطعهم إحتقرهم لاتصافحهم في الــظلام والضــــوء

هـكذا يجب أن نعاملهم لأنهم والله يسـتاهلون كذا وأكثر


قفله:
طـبخ طبخـتــيه يالـرفــلا إكليــه
اضافة رد مع اقتباس
  #2  
قديم 13/01/2006, 06:26 PM
موقوف
تاريخ التسجيل: 19/04/2005
مشاركات: 2,521
مشكووووور والله انك صادق لازم نتكاتف وندعم الفريق في كل الملاعب ولا صلح مع ابو البلاوي
اضافة رد مع اقتباس
  #3  
قديم 13/01/2006, 06:28 PM
زعيــم متواصــل
تاريخ التسجيل: 19/03/2004
مشاركات: 141
انا معك بصراحة

العين بالعين والسن بالسن والجروح قصاص
اضافة رد مع اقتباس
  #4  
قديم 13/01/2006, 09:05 PM
زعيــم فعــال
تاريخ التسجيل: 17/03/2005
مشاركات: 490
أســد بحريني

شـكرا لمرورك الكريم وفـعلا التكاتف هو ماينقصنا حاليا

جمووول

حياك الله وكلامك في محله
اضافة رد مع اقتباس
  #5  
قديم 13/01/2006, 09:15 PM
زعيــم متواصــل
تاريخ التسجيل: 24/12/2005
مشاركات: 67
خلونا نلعب عليهم
نتفاوض مع مصطفايا او عبيد أو حاتم ، ثمن نلزقهم فيه خخخخخخخخخخخخ
اضافة رد مع اقتباس
  #6  
قديم 13/01/2006, 09:18 PM
زعيــم مميــز
تاريخ التسجيل: 20/08/2005
المكان: نايم في منتديات الزعيم
مشاركات: 2,757
8
8
8
8
8
8
8
خخخخخخخخخخخخخخخخخ والله فكره
اضافة رد مع اقتباس
  #7  
قديم 13/01/2006, 09:48 PM
زعيــم نشيــط
تاريخ التسجيل: 31/01/2005
المكان: قـNــلـAـب
مشاركات: 528
معك حق لازم نتكاتف وندعم الفريق لكي يواصل اكل الاخضر واليابس
اضافة رد مع اقتباس
  #8  
قديم 13/01/2006, 10:35 PM
زعيــم فعــال
تاريخ التسجيل: 17/03/2005
مشاركات: 490
سامي الزعيـــم

هـه

حياك الله

khalid999

هـه

حياك الله

moon=wessam

شكـرا لمرورك الكريم وفي إنتظار وقفة الكل مع هلالنا
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:53 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube