10/01/2006, 04:20 AM
|
| زعيــم فعــال | | تاريخ التسجيل: 06/07/2005 المكان: شقراء
مشاركات: 207
| |
| مو مهم سعة الملعب. المهم انه يكون على مستوى عالمي ومتطور.
في بعض الدوريات الأوروبية نلقى العديد من الملاعب مليانة في معظم المباريات وحتى اني شفت مباراة في ملعب كبر استاد الملك فهد وتوقعت ان الحضور فيها 70ألف وتفاجئت بإن المعلق يقول إن الملعب سعته 55ألف فقط (وهالعدد مايغطي إلا نصف استاد الملك فهد أو أكثر شوي) والسبب في ذلك هو عدم وجود مضمار جري(يعني الملعب مخصص لكرة القدم بس)
الحضور الجماهيري هو متعة كرة القدم وبدونه تفقد اللعبة الكثير من متعتها بل انها تصبح مملة ورتيبة في معظم الأحيان
وعشان تجذب الجماهير للحضور لابد انك تضع الكثير من المحفزات من تنظيم الدوري و نوعية الملاعب والدعاية والجوائز وغير ذلك.
سمعت ان مسميات البوندسليجا والكالشيو والجي ليق وغير ذلك من اسامي الدوريات العالمية ماهي الا اسامي شركات تقوم بتنظيم الدوري وتطويره وتكون هي المسؤولة عن كمية الحضور وقوة الدوري لذلك في تسعى للربح بأكبر قدر ممكن وتضع مسألة الربح كهدف رئيسي.
لذلك لايمكن انها تتعاقد مع اي دوري الا وهي عارفة قوة الدوري من قوة النجوم الموجودين فيه و عدد المتابعين له عشان تضمن الربح الأكيد فيه.
عشان كذا راح تسعى انه تكون جميع الأندية متساوية في عدد المباريات وحنا الإتحاد ماخلص مبارته الرابعة وبعض الأندية لعب مباراته ال12 و دخل في الجولة الثانية.
ومواعيد المباريات يكون في الوقت المحدد وبشكل منظم يتلائم مع أوقات المتابعين عشان يكسبون ثقتهم فيها وحنا مواعيد المباريات تتغير في يوم وليلة وهذا غير التأجيلات وتوقف الدوري.
وبيع التذاكر يكون بسعر معقول ومتوفر في اماكن متعدده وبعروض مغرية مثل التخفيضات اللي يحصل عليها من بعض المحلات ودخولك مجانا عند امتلاكك عدد معين من التذاكر وحنا التذكرة تاخذها من الملعب فقط وبسعر غالي ولاتحصل بعدها ولا شي.
وهذولي التذاكر وتنظيم الدوري بس. لكن فيه اشياء كثيرة لا يتسع المجال لذكرها مثل الدعاية وحقوق النقل وجودة الملاعب وغير ذلك.
في وجهة نظري ان الدوري السعودي بقوته ونجاحه مؤهل انه تمسكه شركة معينه وخصوصا ان السعودية يوازي عدد سكانها بعض اعداد سكان الدول الأوروبية لكن اعتقد ان العائق الرئيسي كبر حجم مساحة وطننا. فمشجع الهلال في الدمام يحتاج لقطع 400 كلم عشان يحضر مباراة في الرياض بينما في الدول الأخرى مثل اليابان وايطاليا قد تكون المسافة 40 كلم فقط.
وعشان كذا تكون مباريات الحسم والديربي عندنا ممتلئة بعكس المباريات العادية اللي يكاد يكون فيها الحضور معدوم.
عموما عدد الحضور مو مهم في انشاء الملاعب وهذي قطر ماضرها عندها عدد كبير من الملاعب ومعظمها يكاد يكون فاضي.
على الأقل اذا ماقدرنا نحط ملاعب جديدة نطور من مستوى ملاعبنا. عندنا ملعب الملز من سنين وهو على حاله ماتغير اللهم انهم صبغوه برتقالي فقط بينما لو زادوا طاقة الإستيعابية شوي وضع له كراسي وخلوه مغطى وطوروه راح نشوف ملعب ولا أحلى يشجع على الحضور ونفس الشي بالنسبة لملعب جده.
الزبده:
اذا بغينا نطور من مستوى كرتنا لابد من الخصخصة الشاملة والمحترفة. |
الوضع العادي
