#1  
قديم 21/08/2001, 06:15 AM
الصورة الرمزية الخاصة بـ الاسير الهلالي
زعيــم نشيــط
تاريخ التسجيل: 03/08/2001
المكان: الرياض
مشاركات: 926
من منكم مثلي يشتاق اليه ؟؟؟؟؟؟؟؟؟؟؟؟؟؟؟؟؟

*************** اشتقت للبر ***************


يا ما حلى الجلسة على حافة النار **** مع دلة جنب المعاميل صـــــفرا
يخلط لها من غالي البن وبـــــهار **** والعنبر الهندي مع الكيف يبرى
مع ربعة بين المجالس لهم كار**** الكل عن ذكر المناقيد يــــــــــــــدرا
ما بين حلوات السوالف والأذكار**** على مسيل طامي قاع خبـــــــــــرا
في مربع بين الخزامى والأزهار**** لافاح ريحه تلقى الأرواح سكـــرى
الأرض خضرا والمداغيث نوار**** والجو غيم وهامي الطــــــــــل يذرى
فيه الزبيدي شالع شق الأستار****صلع،مفاريع على جال مجــــــــــــرى

الشاعر / سليمان النقيدان ( من هواة البر )
==================================================================
الله على من هد خطوات الأشقــــــــــــــر *** في مرتع عقب المطر ماحدٍ جـاه
في مرتع توه من الــــــــــــــوسم مخضر *** عشبه جديد والخفاري أمــــــلا ه
والطير شقلبناه عقب المناســــــــــــــــر *** قرناس خبت بالحمامه طرحناه
لاقابل الحباري كنه مبشــــــــــــــــــر *** عوايده لاقابل الخرب يفــــــــــــراه
أن طار لحقه وأن وقع حظه أقشر *** تجسر على ضرب أبرق الريش يمناه
هذي طلعت الروح و الحال يستــــــــــــــر *** والعمر له ديال لابد يـــلقـــــاه
عشب جديد وشبة الضو في بـــــــــــــر *** مع نشامى كل طيب تهقــــــواه
هرج المازح بينهم والمفـــــــــــــاخر *** وكل يعد أفعتول طيره برؤياه
أخير من ربع على الحكي تسهر *** مغير وش قال فلان وفلان وش جاه

الشاعر / ظافر القحطاني ( من هواة البر )


الاسير الهلالي - الرس
اضافة رد مع اقتباس
  #2  
قديم 21/08/2001, 08:56 AM
زعيــم متألــق
تاريخ التسجيل: 19/04/2001
المكان: الرياض
مشاركات: 1,009
والله اتوقع الكل مشتاق للبر والربيع
اضافة رد مع اقتباس
  #3  
قديم 21/08/2001, 07:39 PM
زعيــم مميــز
تاريخ التسجيل: 15/03/2001
مشاركات: 4,718
تسلم حبيبي ألأسير

والله أشتقنا للربيع والبر وعلوم الرجال

خذ من ابو سليمان

ليل الشتاء طرياه لاجت بلأ فكار %%%% يرتح قلبي وله العين تشتاق

الله وأكبر لاتذكرت ألأ مــــطار %%%% بشعبان حايل والقمر فوق براق

والا الغروب ولحظة الغيم لا سار %%%% عزالله اني بشوفها خاطــري راق

وحلاوة الدنياء اليا شبت النار %%%% وحوله شباب لي على الكيف وارفاق

مع دله مبهارها هـيل ومسـمار %%%% وتنعش فؤاد من عنا الوجد خفاق

------------------------------------------------------
أوي والله طلعتن تـــبهج البال %%%%% في وادي التقبل يسار المسره

قبلة جبل سبا وراء نايف الجال %%%% في طلحة ظــله كــبير تــشره

طلعة نشامى نــقوة أرجال ودلال %%%% ماهم خطاة اللي فلوسه يـصـره

-----------------------------------------------------

الله على الساعة أربع من الليل %%%% والليل قمراء بالنصف من شهرها

مابين حزم وروض والقاع به سيل %%% ومن بين ريضـان تخالف زهـرها

ياماحلا ياسعود صــف المعاميل %%%% بوجارها تو المسـوي حـــفرها

من حولهااللي يقبلون التعاليل %%% كلن يجيب السالفه من بــحرها

---------------------------------------------------

ابي اتمشى بالخلا دامــني حي %%%% واشوف آيات الهي خلقها

خص مدامني بين سلمى وجبل طي %%%% الله على كل الخليقه فرقها

حايل وريضانه هـنوف بها غي %%%% من شافها لوهو غريب عشقها

------------------------------------------------

مزن نشا من فوق حايل نـخيله %%%% عساه ينثر فوق حايل هــــماليل

ياعل رواده الياجاالـعقيله %%%% يقول ابشركم ضـفاحايل الـــسيل

يهل وبله فوق خشم الرعـيله %%%% والمزن من خلف الجبل كنه الليل

دافق ورافق والنسايم عليله %%%% يلم نــسناسه خـــشوم المباهيل

كم خريب بس تــــسمع عويله %%%% يـدعـج بـوديان تـسد المداخــيل

وعم القراياوالبوادي هميله %%%% واللي لفا يذكر صــدوق المخاييل

والمربعانيه تواما شــليله %%%% وتـربع ديار للــنشاما مـداهـيل

تلقى به الريضان صارت خميله%%%% فيه الزبيدي عامل له دحامــــيل

والله يسقي كل دار مــــحيله %%%% من وابل يـستر بـه وافي الــحيل

وسلامتك يالغالي

اخر تعديل كان بواسطة » ابوسليمان في يوم » 21/08/2001 عند الساعة » 07:43 PM
اضافة رد مع اقتباس
  #4  
قديم 21/08/2001, 08:56 PM
زعيــم متألــق
تاريخ التسجيل: 12/03/2001
المكان: الخرج والقلب في العريجاء
مشاركات: 1,308
السلام


يعطيك العافيه يالاسير الهلالي

وياليتك مع الأخ ابو سليمان

تضعون هالاشعار الشعبيه الحلوه في موضوع خاص لوحده
ويساهم بقية الأعضاء في ذلك

حتى يستطيع من يريد ان يحفظها لديه


الحريف
اضافة رد مع اقتباس
  #5  
قديم 21/08/2001, 09:04 PM
زعيــم فعــال
تاريخ التسجيل: 01/01/2001
المكان: K.S.A
مشاركات: 435
Post

اااااه

شوقتوني والله للبر وشوقتوني للسعودية والرياض


الله يردنا بالسلامه


وصح للسان الشعار

وصح للسانك أخوي أبو سليمان

وماقصرت أخوي أسير الهلال
اضافة رد مع اقتباس
  #6  
قديم 22/08/2001, 04:45 AM
زعيــم نشيــط
تاريخ التسجيل: 15/06/2001
مشاركات: 752
تسلم والله يالأسير على هالإختيارواسمع وش يقول الحويفي


لاضاق صدري قلت بس اطلعوابي......خلوني آخذلي مع البر مشوار

مانيب قاعد بس أحسب ذنوبي......وأعبر أيامي من الحوش للدار

أما أقتدي برجال وإلا اقتدوبي....ماني من اللي لأقبل الليل يحتار


مشاركه بس وإلا القصيده أطول
اضافة رد مع اقتباس
  #7  
قديم 22/08/2001, 02:34 PM
زعيــم نشيــط
تاريخ التسجيل: 17/06/2001
المكان: حذف اجابتين
مشاركات: 509
مشتاقين للبر

اخص والله عندنا شعار
اضافة رد مع اقتباس
  #8  
قديم 22/08/2001, 02:42 PM
زعيــم متواصــل
تاريخ التسجيل: 14/06/2001
مشاركات: 127
اشهد اني اشتقت للبر والربيع


والخضار وفقع الحفر


ياسلاااااااااااااااااام ....
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:53 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube