احبتي الغاليين......................محبي الزعيم وعشاقه.........................:
في البدايه اسمحولي اتحدث لكم عن مدينة اشيقر..تلك المدينة الحالمه:
ماهي اشيقر.......:
هي بلدة قديمة في منطقة الوشم الواقع في اقليم نجد في المنطقة الوسطى احدى المحافظات في المملكة العربية السعودية .
و(أُشَيْقِر) بالضم ، ثم الفتح ، وياء ساكنة ، وكسر القاف ، وراء .

قال ياقوت : قال الحفصي الأشيقر جبل باليمامة ، وقرية لبني عكل .

فكانت تسمى قديما ( عكل ) باسم اهلها بني عكل .


الموقع :
تقع على
خط طول : 45.11.34

خط عرض:25.20.28

تقع شمال غرب مدينة الرياض .

ويستطيع القادم من الرياض الى بلدة أشيقر أن يتخير احد الطريقين :

طريق الرياض ، حريملاء ، الرغبة ، القصب ، شقراء ، ومن ثم أشيقر ببعد 193 كم.

أو

طريق الرياض ، ضرما ، مرات ، ثرمدا ، القرائن ، شقراء ، ومن ثم أشيقر ببعد 170 كم.

والقادم من المجمعة يمكنه الوصول الى أشيقر عن طريق الداهنة ومن ثم أشيقر ببعد 75 كم.

وكذلك القادم من القصيم يمكنه الوصول وذلك من مخرج أشيقر ، ام طليحة ، ام حزم والغاط ، الغرابة ومن ثم أشيقر ببعد 178 كم.
التسمية :
ترجع التسمية الى ضلع ( الجنينة ) الواقع في شمال البلد وهو جبل أشقر فاكتسبت الاسم منه , فأشيقر تصغير أشقر .

صور عن مدينة اشيقر...........:
للاسف الشديد كنت اود ارفاق الكثير من الصور..
ولكن نظرا لتعطل موقعي هذه الليله اعدكم بالعودة للموضوع وارفاق الصور انشالله.
وللحديث بقيه.

الله يعطيك العافيه

وكان ودنا والله لوشفنا صور للمدينه

لكن وفيت وكفيت بالكلام يالغالي

ونعم والله بمحترف توقعات...وألف نعم بأشيقر وأهلها........



أن كان على الصور أنت تأمر أمر يا محترف خذ هذي صور من أشيقر :






(على الله تطلع الصور عاد -فورتون سيتي- وبهاذيلها و أذا ما طلعت الصور سو تحديث)....

وموقع مدينه أشيقر على النت و الذي أنزلت منه الصور السابقه موجود على الوصله التاليه :

أضــــغــــط هنا للوصول لموقع مدينه زيورخ أووووووووه معليش أقصد مدينه أشيقر (ياخي كلهم زي بعض)




............مع تحياتي

هلا محترف التوقعات ....شكرا على الموضوع الحلووووووووووو...

انا صراحه رحة الى اشيقر وكذلك (الفرعه )....

بس اشيقر يميزهاا وجود منتزه (الجبل ) صرررررررراحه رهيب

وهناك ملاحظه 95% من اهل أشيقر هلاليه حتى الموووت (لاني ستفسرت من احد اهل الشقر عن هذا الموضوع... )

لدرجه ان احد البيوت قد صبغ بالون الازرق والابيض (انا شايف طالع هبااال )

مخاوي نجد تشكر على الصور..



شكرا

اخوي الغالي: فتى الذهب
تسلم ياغالي وماقصرت..
وطلبك بخصوص الصور مشالله الشباب ماقصرو....
تحياتي لك.


اخوي الغالي:مخاوي نجد
وانعم فيك وسبعة انعام..
والحقيقه انا عاجز عن شكرك ومايامر عليك عدو ياحبيبي..
بصراحه منقذ..والله يعطيك العافيه..وانشالله نردها لك.
تقبل تحياتي ومحبتي لك.


اخوي الغالي: الـحـب الأول
بس منتزه الجبل.....
بصراحه كل شي حلو فيها...
المستوى والهوبجه..والفرعه والسايح..وعليك الحساب..
بس عساك من هواة القنص...;) ;) ;)
الله يعطيك الف عافيه..وتسلملي.

السلام


تسلمون كلكم


والله اني استفدت استفاده كبيره

وياليت بقية الأعضاء يشدون حيلهم وكل واحد يكتب عن ديرته


عاد تصدقون

اني كنت اعتقد انها تكتب هكذا اوشبقر

ولكن بعد مواضيعكم صححت الخطاء

ويشكر الأخ الغالي محترف متوقعات واللي فجر الموضوع




الحريف

هلا محترف توقعات
اجل انت من الديرة .... يا الله حيه

يعطيك الف عافيه على المعلومات القيمه عن مدينة اشيقر
وهذا عوايدك يالغالي دائم متجدد ومبدع !!

واسمحلي ببعض المعلومات الاضافيه وهي :

وتنقسم مدينة أشيقر الى قسمين رئيسيين وهن اشيقر القديمه واشيقر الجديده
مدينة اشيقر (( وتنطق أوشيتزر )) بها الكثير من المواقع التاريخيه والتي تميزها عن باقي القرى ومن مناطقها التاريخيه :
الصعيدا - الديرة - العزده - الشريمي - الحويطه - العصاميه ..... الخ

ويميز مدينة اشيقر (( الشارع الاصفر )) والذي يشقها من النص والذي يشبه شارع الشانزليزيه بس هو احسن شوي
وهذا الشارع يتميز في اوقات فوز الهلال ،،،، يصير شارع التخصصي ((انواع الرجه )) والتفحيط ،،،


ومن اشهر المنتجعات السياحة في أشيقر هو منتزه الجبل ويسمى (( ضلع الجنينه )) وهذا المنتزه يتهافت عليه السياح من جميع اقطار المملكه <------ (( هالجمله مستعيرها من سفر< يعني لا تدققون > ))



وتشتهر اشيقر بناديها والذي يسمى ( نادي رمحين )) ويتميز نادي رمحين بكثرة الاهداف (( التي تدخل في بابه )) بس عادي اهم شي المستوى


واخيراً سكان اشيقر 99% منهم يشجعون نادي الهلال و 1% مايشجعون شي ،،،،،،،،،،،،،، جريتكم ،،،






تحياتي يا محترف مواضيع ;)

والله ونعم والف نعم بأشيقر وأهل أشيقر . وأخص منهم أبو عابد . بس لو يتركون الحراره عنهم شوي كان طلعوا ولا أحلى . ومشكور أخوي محترف توقعات وأخوي مخاوي نجد على هالمعلومات . والله يعطيكم الف عافيه

;) ;) ;) ;) ;) ;) ;) ;) ;) ;) ;) ;)

والله اعرف لي شباب من اشيقر لكن رجال صح


والنعم بك وباهل ذيك الديره.

شاكر لك ومقدر على مواضيعك المميزه.

تراني اتكلم جاد انا ما اعرف زين الا سدير وجلاجل اهل موقع يا حظي خربوا ذا السديراويه

اشيقر انا ما اعرف عنهم الا انهم طماعين بس وتراني اتكلم جاد يعني يحافظون على الفلوس (مدحه مهب سبه ) مهب انا الله يخلف

الي في المخباء تطلعه اليد والله بس المثل حركه

ما اقول الا (والله من زين الديرة):p :p :p

الا وينها عن (غابر)يالربع..