على الجميع الدخول على هالموضوع كل يوم (ضروري) - نادي الهلال السعودي - شبكة الزعيم

هـاجس · #1 19/08/2001, 07:37 PM

مساء او صباح الخير على الجميع (سفر ترى خذتها منك )

هلا والله بالشباب كيفكم عساك بخير

بعد اذن مشرفينا الاستاذ سفر المرزوقي الله يرده سالم لنا ومشرفنا الاستاذ ابراهيم النجيدي اسمحولي بذا الموضوع وخلوه يكمل اسبوع لو سمحتوا .....

اخوكم هاجس يا شباب مشارك في مسابقه كبيره على مستوى الانترنت والمسابقه عباره عن سؤال لكل يوم لمدة اسبوع ومدة البحث عن الاجابه يوم واحد فقط 24 ساعه ...

واكثر شخص يجيب نقاط هو اللي يفوز بالمسابقه انا اتوقع اني بجيب على كل الاسئله لانكم معي في المسابقه ترى متأمل فيكم خيررررر،،،

الجائزه الاولى عباره عن فياقرا اسود 2001 اذا خذته ابشروا بكل واحد اخليه ياخذ دوره فيه عند اخوياه ويرجعه واذا يبي يكشخ لمده يوم عادي بس اهم شيء ااااخذه

تكفوووووووون يا شباب كل يوم ادخلوا على الموضوع وشوفوا السؤال يمكن تعرفون الحل اذا ما عليكم امر

سؤالي لليوم الاول هو :

- جورج برنارد شو كاتب مسرحي مشهور من اعماله قيصر وكليوباتره و الانسان والسوبرمان وجان دارك، يغلب على مسرحياته السخرية والظرف، فما جنسيته؟

I- فرنسي
II- انجليزي
III- امريكي

علموووووووووووني .....

انتظر اجاباتكم على احر من الجمر ترى اخر موعد للاجابات بكره الساعه 6 المغرب يعني شوفولي الحل مبكر واللي يسلمكم ،،،

ابراهيم النجيدي · #2 19/08/2001, 07:49 PM

ماتعرف جورج برنارد شو , ومشارك بمسابقه انت ووجهك !! ,,,

أنت ماتستحي ولا بوجهك حيا !! ,,,

إنجليزي يالداج .... ولا يكثر هرجك تقعد تشغلنا بموضوعك إسبوع في المنتدى كأنه محجوز لهالموضوع " الماصل " اللي مثل راعيه

,,,

إنقلع

,,,

راعي المحبة · #3 19/08/2001, 08:03 PM

اخوي هاجس
افا عليك
ليه تنتظر الى بكرا وانا موجود
جورج برنارد شو انكليزي الجنسية

واي خدمة حاضرين طال عمرك
لا يردك الا الكيبورد

لا يهمك هاللي مسوي لي فيها
قال طاغية قال
اقري العب بعيد يله

حساس · #4 19/08/2001, 08:43 PM

أخوي هــاجس شكلي بصادقك إذا فزت

عموما علشان أختصر عليك اللي ذكره إبراهيم وراعي المحبة صح
الرجال أنجليزي وعطنا اللي بعده .

إقتراح علشان ما تتوه خذ بريد كل واحد عنده أستعداد يشارك في الإجابة على السؤال وأرسله السؤال ويرد عليك في المنتدى أو يرسلك رسالة خاصة وبكذا تقدر تعرف الإجابة الصحيحية إلا إذا كأنك تشوف هذه الطريقة توصلك للحل المناسب فهي بعد حلوة يعني لو دخل واحد وقال إجابة خطأ يصححها له بدليل عضو ثاني . وعموما هذا مجرد إقتراح وطريقتك حلوة والطريقة اللي ذكرتها لك بعد أهم شي نساعدك وتحصل على السيارة .

وتخليني أجربها علشان ما يلعبون عليك = = = > نصاب

عموما بالتوفيق إن شاء الله أخوي هاجس , , ,

نجم الصبح · #5 19/08/2001, 08:57 PM

السلام عليكم *
عزيزي هاجس ..

جورج برنارد شو كاتب مسرحي مشهور من اعماله قيصر وكليوباتره و الانسان والسوبرمان وجان دارك، يغلب على مسرحياته السخرية والظرف، فما جنسيته؟

انجليزي ،،،

وتراني في الخدمة أي سؤال أقلبلك الدنيا عليه ..

<------ انتبهوا منه تراه مصلحجي ..

لك تحياتي ..

هلالي متعصب · #6 19/08/2001, 09:15 PM

انا اقول ايطالي !!!!!!!

هـاجس · #7 20/08/2001, 12:56 AM

بعدي والله بكل اللي دخلوا وخاصه اللي ردوا واخص واحد حبيب قلبي ولد النجيدي ياحبي لك والله ابشر وبو خليل بما انك انت اول واحد اذا خذت السياره ابخليك تضرب فيها بوري

يابعد عمري والله يابو خليل واتمنى تواصلكم معي لكل الاسئله

اخواني راعي المحبه وحساس ونجم الصبح والجميع طبعا اتمنى انكم تدخلون على هالموضوع كل يوم وانشاءالله يكون سؤالي سهل ونقدر ناخذ السياره

مشكووووووووووووووووووووووووورين ،،،

هـاجس · #8 21/08/2001, 12:11 AM

شباب تكفوووووووون الحل

- يعتبر كتاب العقد الفريد من افضل كتب الادب العربي، فهو يعتبر من المراجع الادبية واللغوية الهامة. من هو مؤلف ذلك الكتاب؟
I- احمد بن محمد المعروف بابن عبد ربه
II- محمد بن عدي المعروف بابن الاندلسية
III- هشام بن طريف المعروف بابن قتادة

اي واحد علما اخر وقت هو بكره الساعه 11 في الليل .

وسلامتكم ،،،

نايف · #9 21/08/2001, 12:35 AM

عزيزي هاجس

ابشر بسعدك,,,,
وان شاء الله معك كل يوم بس اسولف معك وانت راكبها;) اللي هي الفياجرا

الجواب عزيزي

الكتاب * المؤلف * الموضوع
العقد الفريد * ابن عبد ربه * أدب

ارفع راسك انت هلالي · #10 21/08/2001, 12:46 AM

1- اتمنى من كل قلبي تفوز بالجائزه

وترى مابي منك شئ بس علشانك هلالي ابي لك التوفيق

2- الجواب اخذ اللي بقول لك ولا تتردد فيه ترى والله ماجاك الا الصدق

العقد الفريد لابن عبد ربه

امنياتي لك بن يحالفك الحظ السعيد.

الحاير · #11 21/08/2001, 12:50 AM

اخوي هاجس خذها مني وانا ابوماجد
I- احمد بن محمد المعروف بابن عبد ربه
ترا الكتاب عندي رووووووووووووووووووووح تراني ابي اسوقهااااااااااا

الاسير الهلالي · #12 21/08/2001, 12:56 AM

هلا حبيبي هاجس واشكرك على الرسالة الخاصة التي ارسلتها لي وحقيقة هذة شهادة اعتز فيها كثيرا منك .

الجواب هو كتاب العقد الفريد لاحمد بن محمد المعروف بأبن عبدربه .
وقد سبقني للجواب الاخوة الكرام :
ارفع لااسك انت هلالي .
نايف .
الحاير .

ولك تحياتي .
الاسير الهلالي - الرس

هـاجس · #13 21/08/2001, 02:26 AM

هذا عشمي فيكم يالهلاليين الله يوفقني وابشروا بركوب الفياغرا

تسلمون والله ما ادري وين اودي وجهي فيه بعد هالتعب اللي سويتوه لي بعد هاليومين وابشركم سؤال امس طلع صح وخذت نقطه وفي اكثر من منافس لي اجاباتهم صح بس انا متاكد ما دام اني مع هالهلاليين بفوز غصب

واخيرا تحقق حلمي والمس الفياغرا

تكفون ياشباب استمروا معي يوم بيومه

في هالوقت تقريبا

وسلامتكم ،،،

نايف · #14 21/08/2001, 03:31 AM

تأمر امر بس قلي صورة مين

;)
والله يكتب لك الفوز اميـــــــــــــن يارب

هـاجس · #15 21/08/2001, 05:22 AM

الغالي نايف انت تامر امر بس تبي تعرف منهو صاحب الصوره

معقوله ما عرفته

انا متوقع انك انت الوحيد اللي بتعرفه لذكاءك وخبرتك العاليه

هذا طال عمرك

؟؟؟؟؟؟؟؟؟

تدري خلها في الفياغرا اذا سولفت معك