مشجع بصوت عالي :خوجلي توقع واركد وخل هبالك مع النصر ترى الدعوى كاس عالم ..الركاده ياخوي ( من كلامه مبين انه هلالي .بس معه حق الدعوى كاس عالم)
يرد مشجع بكل عقل : ترى الخوجلي لابس الاخضر الحين يا شباب .اتركو عنكم التعصب وشجعو السعوديه ( مبين انه يشجع النص... احححم النصور الخضر)
بصراحه كلام منطقي وتحس انه تفكير واعي ..بس بعد المباره ومن ضيقة الصدر هوجست في كلامه .. يالربع سامي وش يلبس مع المنتخب ازرق والا اخضر..يا هووووو كلامه شككني يمكن سامي سبب لي عمى الوان والا وش معنى يهاجمونه وهو لابس الاخضر ..لالا ..اكيييد انه كان يلبس ازرق مع المنتخب ..بس لحظه...!! اتذكر بعد مبارة السعوديه وانجلترا في ملعب ويمبلي (اجل وين يا شين ملعب الصايغ اكيد ملعب ويمبلي) المهم بعد المباره وكالات الانباء اتفقت في اغلب عناوينها ان الاخضر السعودي احرج الانجليز وكاد يهزمه في عقر داره .....عقر ؟؟؟؟
(عقر = ضاحيه في جنوب لندن ..ايه هين )
ومن ضمن نجوم المباره ان لم يكن الثاني بعد الدعيع فهو سامي , يعني سامي وقتها كان لابس اخضر .يعني الحمد لله نظري سليم ما عندي مشكله في الالوان ..اجل يبي لي ارجع لدفتر علوم حق رابع ويفضل يكون رابع /ج لان مدرسهم مصري وكلامه كثير اكيد بالقى في اللي كتبو شي مفيد ..
...اممممممم بالالالالا والاااااااا واااااااا (بزعمي قاعد اقرى ) ........ وجدتها وجدتهها وجدتههها
(اللي يشوفني يقول لاقي شي يسوى ...بس بصراحه يسوى اهم شي لقيت سبب لجنونهم وحقدهم على samitota ممكن يكون سبب بايخ بس ممكن يكون مقنع)
يقول الدرس بتاع ( بتاع لان الدفتر حق ولد المدرس المصري) المهم بتاع دمج الالوان ان بعض الالوان اذا دمجت مع بعض يطلع نتاجهم لون آخر :-
مثال 1) احمر + ازرق = اسود
مثال 2) احمر + اصفر= بني
مثال 3)ازرق + اصفر= اخضر ...يعني الأخوان وصلت لهم نتيجة دمج اأزرق مع الصفر غلط وبالتالي اصبحت المعادله مقلوبه وصارت عندهم كذا
******اصفر + اخضر= ازرق فصارو يشوفون سامي ازرق مع الهلال او مع المنتخب , يعني يبي لنا حل من اثنين نعيد تاهيل افكارهم عن ألالوان او نتحمد الله على العافيه ونتمنى لهم استقرار في الوان الطيف بتاعت عنونهم
وفي الاخير يمدحون العدسات اللاصقه بتاعت المغربي , وللمعلوميه ما فيه عدسات صفراء
ودمتم سالمين



da7imtota

لا تهمك هالاشكال الوسخه والغيره تسوي اكثر

واللي ما يطوله يخمشه.

احلى شئ فالموضوع ان سامي مزلبهم وقاهرهم وكايدهم يالله عساه دوم.

ادلع ياكايدهم

قصه جميله والمسكله ليست في الالوان بل في العقول والا لاعب واسطه ويجلس ولاعب واسطه ويقولون انه موقوف بسبب الخوجلي اي تناقض تعيشون فيه ايها البلهاء اننا لسنا منكم اننا نستخدم عقولنا للتفكير وليس للكذب وافتراء الاقاويل علي عباد الله ....
سامي سيظل نجما باذن الله وسيقود الاخضر الي كاس عالميه ثالثه تقتلهم وتجعلهم لايعون من هذه الصدمه الا وهو يلوح بيده متزعماً هدافي العرب العالميين انا اقول العالميين ماقلت التمهيديين ....

قصه رائعه والله يعين علي مدرس رابعه |ج

وتحياتي لك

والله ياخوي
مو عمى الوان وبس عمى قلوب بعد

اشكر الاخوان اللي علقو على الموضوع , وانا عارف مهما تكلمنا يبقى الذيب فوق كل كلام .. ولكن من باب لقد اسمعت ولو ناديت حيا ..وعلى قولته الأخوان في جمهورية مصر وما حاوطها العيار اللي ما يصيب يدوش وعلى المقيمين خارجها مراعاة فارق الاقوال .
عموما الكلام بيطول بس اوصيكم يا معشر بني هلال في الذيب ..وعلى قولتة الشاعر
يا ذيب انا بأوصيك لا تاكل الذيب كم ليلةً عشاك عقب المجاعه

موضوع رائع الله يسلمك
بس بلاهم في عقولهم هي اللي مسببه لهم هذه الأمراض