03/01/2006, 02:25 AM
|
| زعيــم نشيــط | | تاريخ التسجيل: 14/10/2002 المكان: مـمـلـكـة الـزعـيـم
مشاركات: 662
| |
ياسر كفاية حرام&&&وش بقى ماسويت!!!
اول شي مبرووووك الفوز والتأهل لدور النصف النهائي وعقبال انشاء الله تحقيق البطولة السادسة على التوالي..
ثاني شي كثرة المواضع في المنتدى بعد المبارة الي تنتقد ياسر لمجرد الانتقاد او عشانه ماسجل ضربة الجزاء!!!
وربي افضل مباراة لعبها ياسر مع الزعيم كانت المباراة هذي حماس ومهارة وعمل كل شي الا التسجيل والتسجيل
توفيق من رب العالمين قبل كل شي يلي تنتقدون ياسر عشان ماسجل شوفو حماس ياسر في المباراة وشوف تحركاته
في الملعب وشوف وش يسوي اذا استلم الكورة بصراحة بهذل الدفاع القدساوي بهذلة ويكفك في الهدف الاول لحظة
استلام ياسر الكورة شوف كم مدافع اتجه لياسر وربي خمس مدافعين اتجهو لياسر لتغطيته وهذا الشي اتاح فرصة
لشلهوب اليوم بصراحة شفت مهارة ياسر وشفت تسحيب ياسر وشفت حماس ياسر ولا تنسون انه تحت ضغط نفسي لان
المباراة امام فريقه السابق ويبي يسجل هدف باي طريقة بس ماوفق ونقول له هاردلك يا القناص وربي ماقصرت وسويت
الي عليك ونتمنى نشوفك مثل كذا واحسن ولا عليك من الجماهير الي تطالب بابعادك او وضعك على دكة البدلاء كل هذا
حسد انك جاي لزعيم ب 28 مليون اللهم لاحسد
اتمنى من الي يطالبون وضع ياسر على دكة البدلاء او ابعاده عن التشكيلة ينسون ان ياسر منتقل لزعيم با المبلغ هذا
ويعتبرون ياسر ابن من ابناء النادي هل بيقتنعون بمستواه وانه يستحق انه يلعب اساس ولا لا!!!
على العموم ما اطول عليكم اتمنى انكم ماتقسون على ياسر وفي اخر الموسم بيدخل ياسر وبقية الكتيبة الزرقاء الفرح
والسرور على محياكم وصدوركم
دعوة للاستمتاع مع ياسر الكاسر وبقية كتيبة الاعدام الزرقاء
اخر تعديل كان بواسطة » روحي الزعيم في يوم » 03/01/2006 عند الساعة » 02:44 AM |
الوضع العادي
