ما هي الجامعة أو الكلية التي تخرّجك سفير أو انت تشتغل في السفارة؟


وفي اي دولة ؟

مثلا: اسبانيا هل لابد من اتقان اللغة الاسبانية؟



هل لا بد من اتقان لغتها؟



أنا الان أدبي في 3 ثانوي ممكن تدلوني؟

والله مدري اجي صحفي او في السفارة؟

هل ينفع قسم لغة انجليزية؟

خذ العلم ,

اللي اعرفه ان خريجو اللغات امداهم يشتغلون في السفارات.

ومن خلال خبرتي وسؤالي عن قسم اللغة الفرنسيه المرزوع في جامعتنا واللي مابه الا حوالي عشر طلاب

ان مستقبلهم الوظيفي دبلوماسيين ..


على فكره الصيف الماضي شالو القسم كله رحلة الى فرنسا >>>>>> سمع هالكلام مو متاكد .

تبي النصيحه ,, انجليزي لك وللزمن ,, وابعد عن علم النفس والجغرافيا خخخخخخخخخ,,

اضافة على كلام عزوز سميي والي اسانده الرأي في ان اللغة الانجليزية لك وللزمن اعتقد

ان مجال العلوم الادارية (( قسم علوم سياسية )) يخرجك سفير او دبلوماسي لكن يبغى لك

لغة اضافة الى دراسة هذا القسم



تحياتي

هل ينفع قسم اللغة الانجليزية؟



واين يوجد قسم اللغة الفرنسية؟؟؟؟
وهل يجعلني في السفارة الفرنسية؟؟


انا اتكلم جد ما امزح لاني رجل طموح

وحاولوا انكم ما تحطموني

السلام عليكم ورحمة الله وبركاته ...

شكلك انت مرررره متخزف من المستقبل ,,

لكن اسمع/:

المستقبل بامر الله وفكر انت فالمعدل العالي الان وبعدين كل شيء ينفتح امامك ,,وانت تختار بدل مايجبروك.

هذا موقع جامعة الملك عبدالعزيز ,, وفي كل كلية شرح عن الكليه والاقسام ومستقبلها الوظيفي/:
www.kaau.edu.sa
<<<<<بيسوي دعايه للجامعته, خخخخخخخ

والامر الثاني اظنهم يوزعون كتب في الثانويات تشرح هذي الامور اسمها " مستقبلك الوظيفي والمهني"
<<<<<<<شاك في اسم الكتاب..

وفالختام /: اهتم بنسبتك الان وبعدين يحلها حلالها ..

تذكر ذا الشخص اذا صرت سفير او شيء كبير كذا ,, واصحى تجحده..

مشكورين على ردودكم
ولكن هل يوجد في الرياض قسم لغات او في ابها؟؟؟

وهل ينفع قسم الانجليزي اني اجي في السفارة في اي بلد في العالم حتى لو كانت فرنسا اللي لغتهم اللغة الفرنسية؟

أخوي مايكل بالاك أهنيك على طموحك وحماسك الجدي في الدراسه.

بالنسبه لسؤالك عندك قسم العلوم السياسيه في كلية العلوم الإداريه، وعندك كلية اللغات والترجمه في جامعة الملك سعود الي فيها جميع التخصصات إبتداءاً من اللغه الإنجليزيه إلى اليابانيه.لكن المشكله تكمن في عملية القبول في قسم اللغه الإنجليزيه لأن القسم ماشاء الله يقفل القبول فيه على نسبة 90% وكسور.يعني لازم ماتقل نسبك عن 89% على الأقل ولازم تقديرك في اللغه الإنجليزيه في إمتحان الثانويه يكون ممتاز.وقسم اللغه الإنجليزيه في هذي الكليه وظيفته ومستقبله مضمون بإذن الله.واحد من أخوياي تخرج العام الماضي من قسم الإنجليزي في هذي الكليه وماشاء الله عليه الحين هو موظف في وزارة الخارجيه وبعد فتره راح يكون ضمن السلك الدبلوماسي في القنصليه السعوديه في كندا.ومجالات العمل في هذا التخصص كثيره.ومثل ماقال أحد الإخوان أهم شيء إبعد عن علم النفس والتربيه الخاصه والأقسام الي مثل هذي، وعليك بالكليات إلي لها مستقبل ووظيفتها مضمونه مثل كلية الطب والهندسه والحاسب واللغه الإنجليزيه.ولو كان الله كاتب لك وحده من هذي الكليات إن شاء الله راح تكون وظيفتك مضمونه في الجيب.

وعسى الله يوفقك في دراسك وفي إختبارات الثانويه.

مشكور كان على تشجيعك

لكن محتار ادخل علوم سياسية ولا قسم لغة انجليزية؟؟؟؟؟

اهلين اخوي مايكل بالاك ..

شوف واسمع كلامي زين

باعطيك كل شي من الالف إلى الياء ..


اول شي انت لازم تحدد ميولك .. يعني مثلا انت اسلوبك سياسي مع الناس ولك في السياسة وبالعربي تعرف تنافق وتكذب وتخربط ..! ادخل سياسة ..

اذا لغتك الانجليزية ممتازة .. ادخل قسم لغة انجليزية ..

اذا لك في الكتابة ادخل اعلام ..


وكل هذا موجود في جامعة الملك سعود .. بعد ما تتخرج ان شا الله من الثانوية تلاقي في موقع جامعة الملك سعود بعد تخرجك من الثانوية مواعيد القبول والتقديم .. وتروح تقدم على حسب نسبتك المكافئة .. وتشوف وش اللي نسبتك تسمح لك بدخوله .. وصدقني كل الاقسام الموجودة بالجامعات لها مستقبل وظيفي لكن لازم تجتهد بالجامعة وتشد حيلك مو تتخرج بمعدل 2.5 وتبغى تتوظف ..!

هذا موقع جامعة الملك سعود .
www.ksu.edu.sa


واذا احتجت شي ارسلي عالخاص وانا في خدمتك

اقدر ادخل سياسة بالادبي؟

اهلين اخوي مايكل بالاك

من جد ضحكت على السؤال الله يرجك ياشيخ
انا من فتره طويله مشترك بالزعيم لكن مع الاسف الدراسه اشغلتني عن متابعة الرياضه عموماً

بالنسبه لسؤالك عن التخصص اللي يوصلك للسلك الدبلوماسي - فما اعتقد ان التخصص له اي اهميه و اعتبار في هذا المجال -- بالعربي انت من ولده او لك واسطه جامده هذا اولاً بعدين فكر في التخصص
وحسب معلوماتي ان زارة الخارجيه تستقطب سنوياً عدد من الشباب للإنخراط في دبلوم الدراسات الدبلوماسيه اللي ينظمه المعهد التابع للوزاره
اما تخصص السياسه لوحدة دون المتطلبات السابقه ودون معجزات فلا اعتقد من انه يقدر يوظفك بأكثر من المرتبه السادسه
تحياتي لك
واسف على الاسلوب القاسي
الله يوفقك في دنياك ودينك
تشكراتي

خير انشالله دور محل غسيل سيارات وتوضف فيها ولا السفارة اغسل يدك من الحين

مشكورين على التحطيم