31/12/2005, 04:51 PM
|
| زعيــم متواصــل | | تاريخ التسجيل: 04/03/2005 المكان: الرياض
مشاركات: 85
| |
| هلاليه مررره كيف حالك
والله يا غاليه شوفي المفرج لاعب على العين والراس حماسي يلعب بروح له طلعات حلوه "بعض الاحيان " يبرد الكبد
بس ان عنه مشكله من طلع وهو يحاول يقلد الامبراطور صالح النعيمه ابو فهد يوجهه في الملعب وحالته حاله مو اتحامل عليه بس ان هذي مشكلته من طلع اوكي هو اول ما طلع قلنا انه بيكون خليفته اذكره لما كان في منتخب الشباب والناشين بصراحه كان كويس بس انه من طلع للفريق الاول وهو من جفره لدحديره بس هو الله يهديه لو يبطل خرشته ممكن يصير كويس بس المشكله انه من جد مخروش وفوق كذا السبرنت عنده مره ثقيل ويشترك معه ياسر الياس في المشكله ذي ثقال مره ياخي الجمعان الي يقولون الناس عنه دب السبرنت عنده مهوب طبيعي على جسمه اوكي هذي من ناحيه الفرج
نجي لياسر الياس
ياسر اول ما طلع الموسم الي راح بصراحه قالوا عنه ان كويس وانه قدر يملى خانة الدوخي وانه واونه ...... الخ الخ الخ
انا لين الحين اقول ان ياسر لاعب مجتهد بس انه بيعوض غياب الدوخي مستحيل ولا حتى العصفور مستحيل يعوض الدوخي والي يقول البحري حتى البحري مهوب زي الدوخي ولا يجي ربعه يا جماعه اجيكم في مميزاته
اول شي ياسر الياس مكافح على الكوره ما يخلي كورته يلحقها
ثاني شي ياسر جسمه كويس للاعب كوره وخانته ظهير ظهره مهوب طويل رجوله طوال يعني مساحه الخطوه عنه كبيره هذي ميزه بس هو ما عرف يستغلها زي الدوخي
ثالث شي عنده روح وهذي حق كل الناس تشهد له
اجيكم لعيوبه
اول عيب واخطر عيب انه مهوب سريع وموقعه ظهير يعني عنده مهام دفاعيه وهجوميه الشباب الله يجزاهم خير يقولون في الدفاع كويس طيب انا معاكم يمكن انه كويس بس شفتوا السنه الي راحت وش سوا فيه مانقا هبل به يلحقه ملاحق مسكين مهوب قادر يجاريه في الركض
ثاني عيب
ما يحضن على كورته صح لما يكون ماسك الكوره مع ان جسمه يساعده بس للاسف ما يستغل امكانياته صح مهوب عارف كيف يبعد المهاجمين عنه تلقى لين استلم كوره يبي بس يشتتها باي طريقه
ثالث عيب
من الناحيه الهجوميه
رفعاته لا تمت للماهجمين باي صله وضعيه جسمه وحركه مفصله ورجاله وطريقه شوت الكوره مره سيئه اعرف ان بيجون ناس ويقولون اما انت يا كرويف بس فعلا للي عارف وفاهم كوره بيعرف وش اقصد . انا ما اقول انه سيئ بس اقول انه مهوب في طموح الزعيم باي حال من الاحوال والله مهوب طموح الزعيم . بعدين سحباته في الهجوم الي يسويها يبي لها سبرنت هو مشكلته الله يصلحه انه خطوته مره ثقيله مهوب خفيف ابد معليش يا الي تحبون ياسر انا ما احشه انا اقول عيوبه هو والمفرج بصراحه الاثنين هذولي مو طموح الزعيم ابدا ولا العصفور بعد ابد عمرهم ما كانوا اسماء تستاهل انها تمثل الهلال
تقبلوا تحياتي |
. واسف على الاطالة
مالك ومال الكوره
الوضع العادي
