#1  
قديم 24/12/2005, 08:45 PM
زعيــم فعــال
تاريخ التسجيل: 28/08/2005
المكان: هذه عنيزة ما نبيعه بالزهيد
مشاركات: 454
عبر مجله " أصوات " : ياسر القحطاني يموووت في " رنــيــم " ويفتخر بجماهير الهلال

عبر مجله " أصوات " : ياسر القحطاني يموووت في " رنــيــم " ويفتخر بجماهير الهلال
بتاريخ Thursday, November 17
الموضوع: شبكة الهلال



يحب ان يعيش حياته على طبيعته لم يكترث لشهرته قد تعيقه عن التنقل لامكان يريد وفي اى وقت وعندما يتعلق الامر بالصحافه تجد متجاوبا ومتفهما , تجاوب معنا من اول اتصال ولكن هل يستطيع احد الامساك بلاعب محترف ؟

بدأت تفاصيل لقائنا به منذ اشهر وتحديد قبل نهائي كأس ولي العهد في الموسم المنصرم وتأجيل اللقاء لما بعد المباراه داهمنا معسكر المنتخب للاستعداد لتصفيات كاس العالم ولاننا في " اضوات " نريد ان يظهر اللقاء في شكل مختلف ومميز , تابعنا تحكرات القناص حتى وصل للرياض لكن هذه المره عدسه اصوات , ولكنه افلت منا من اللقاء ولم يتسرب اليأس إلى داخلنا حيث بقينا في بهو الفندق الذي يقيم فيه المنتخب لثلاثه ايام متواصله التقينا فيها بالنقاص ياسر القحطاني قبل مباراه اوزبكستان واجرينا مع اللقاء المطول عن حياه هذا النجم ولم يتبقى لنا الا ان ندعوكم للاتسمتاع برحله في حياه النجم ياسر القحطاني .

نريد أن نعرف معلومات عن بطاقتك الشخصية..

ماجبتها والله..! (قالها مازحاً) ثم أردف..أنا ياسر سعيد القحطاني من مواليد 1982م أعزب وبرجي هو الميزان.

كيف كانت طفولتك؟

لايوجد فيها شئ مميز أنا واحد من بين تسعة أبناء الاوسط بينهم تحصلني لامدلع ولامنسي الحمد لله الوالدين الله يحفظهم مو مقصرين معانا كلنا.

ماكنت تغار من اخوانك اللي ماخذين عنك الدلع؟

لابالعكس الوالد والوالدة معطين كل واحد حقه بس يمكن اللي يميزني وخلاني اخذ شوية دلع هو إني جيت بعد 3 بنات فكان لولادتي فرحه عند الاهل وتدلعت شوي بس مو كثير.

ما اسم حارتك أيام الطفولة والمراهقة؟

حارتي أسمها العقربيه في الخبر في المنطقة الشرقية ولازلت عايش فيها منذ طفولتي

هل كنت متعلقا بكرة القدم منذ طفولتك؟

طفولتي كانت على مراحل في بدايتها ماكنت هاوي الكره لكن بعدين بديت أمارسها.

من هم اصدقاء الطفولة؟

أصدقائي هم عيال الحارهة لازلت معهم رغم مشاغلنا اللي سافر واللي مشغول بدراسته وانا بالكرة .لكن يجمعنا شئ واحد هو المسجد دائما بعد الصلاة نجتمع مع بعض وحنا خمسة أنا وفهد وسلمان الخالدي وعبدالرحمن الجنيد ونايف الحسين.

هل تذكر اول يوم لك في المدرسة؟هل تذكر أسم المدرسة؟

أذكر مابقى دمعه إلا هليتها(يقولها وهو يضحك)كنت في روضة الواحه في الخبر وكان نظامهم اتكيت وحركات اذكر الوالدة لبستني الكرفته وكنت ابي المدرسة ومتحمس لها واول مادخلت وتركتني الوالدة بكيت عليهم لحد ماقالوا لي رح لبيتكم كان هذا في البدايه وبعدين تأقلمت واذكر في حصة الرياضه كانوا يخلونا نلعب الكورة باليد وانا ماحبيت هالوضع وصرت كل ماتجيني الكورة احطها في الارض وألعب برجلي واسحب بالصغار وكان فيه اثنين من الصغار في كل حصة رياضة يجلسون يبكون وإذا جتهم المعلمة تقولهم ليش تبكون يقولون ياسر مايعطينا الكورة!!

هل كنت مشاغبا وتضرب بالمدرسه؟

ماكنت مشاغبا بس كنت أتحرك كثير يعني(مااقر في مكاني)ماأحب الجلسة.

هل كانوا المدرسين يعاقبونك على كثرة الحركة في الصف؟

لابالعكس ماكانوا يعاقبوني لانهم يعرفون أن حركتي ماكانت مصطنعة وهذي طبيعة ياسر وتحصلني إذا سألني المدرس وانا ملتفت اجاوبه بسرعه لأني مركز بسمعي معه.

كنت تنضرب في المدرسة بينك وبين الطلاب او تضربهم؟

لاكنت في الابتدائي مسالم لا اطق ولا أنطق.

وبعد الإبتدائي؟

طبعا بعد الإبتدائي يعتبر الواحد دخل مرحلة جديدة وكنت أشوف اخوي الكبير كل يوم داخل لنابمشكلة وهواش في الحارة ومشاكل هذاك الوقت لكن الشي اللي تغير بالنسبه لي من الإبتدائي كنت اشوف انه عيب اروح المدرسة ببدلة الرياضة كنت احس انه لازم البس ثوب وغترة لانه اللي يلبس بدلة وقتها كان مدلع واللي يلبس ثوب يعني رجال وبعدها عاد بدت المشاكل بالنسبة لي لاني كنت أتاثر بأخوي الكبير عبدالحكيم في لبسه واللي يسويه عموما وصرت ياطاق يامطقوق مع عيال الحارة.

حدث عالق في ذهنك منذ الطفولة؟

ما انسى وفاة صديق عزيز علي جدا درس معي من اولى إبتدائي حتى الرحلة السادسة وتوفي وقتها رحمه الله عليه(قالها متأثرا..)

كيف توجهت إلى كرة القدم؟(حدثنا عن البدايه)

بدأت مع فريق الحارة اللي كان أسمه فريق العقربيه بعدين التحقت بفريق حواري أخر هو فريق شركة لوتو عن طريق المدرب القدير حمد الدوسري واللي كان له الفضل بعد الله لما انا عليه الآن التحقت بفريق لوتو كان بقيادة المدرب حمد اللي كان وده يسجلني في القادسيه من البدايه لكني رفضت وفضلت الحواري لاني احبها وتعودت عليها وعلى اللعب حافي حر في الملعب بدون التزامات بعد فريق لوتو رحت تمرنت بفريق الإتفاق رغبة مني اني اتمرن في نادي وبتأثير أصدقاء لي يتمرنون في الإتفاق تمرنت معاهم لمدة أسبوع بعدها قالوا خلاص بنوقع معاك طلعت هذاك اليوم وكان فريق لوتو مباراة في نادي الإتفاق وانا طالع شافني المدرب حمد الدوسري قالي وش عندك هنا قلت اتمرن مع الإتفاق ولحظة ماقلت له هالجملة ترك المدرب حمد فريق لوتو وسحبني مباشرة لنادي القادسية وقالي أنت في الإتفاق بتسجل في الشباب وبعد سنتين بتطلع للفريق الاول وأنا الحين بسجلك في القادسية في الفريق الاول مباشره وتحت إشراف المدري البرازيلي كابرال ويبخلونك محترف وقال لي بلعب في جدة ضد الغتحاد والاهلي وفي الرياض ضد الهلال والنصر أغراني في ذاك الوقت وسجلت في القادسيه.

كيف كانت بدايتك مع القادسيه؟

كانت صعبة جدا لأني في بدايتي مع الفريق كنت توني مسجل في جامعة البترول والكل يعرف مدى صعوبة الدراسة فيها للمنتظمين كيف علي انا اللي أتمرن يوميا مع النادي..اللي سويته اني ضغطت على نفسي صرت أدرس واتمرن في النادي لحالي مع المدرب لمدة شهر قبل بداية الدوري وبدون أستخدام الكرة نهائيا في التمرين يوميا ومع بداية الدوري دخلت مع المجموعه ووقتها قال المدرب كابرال لللاعبين إن ياسر بيلعب مباراة الإتحاد يمكن تستغربون لانه ماتدرب معاكم من شهر لكن قالهم حكاية التمرين لحالي وانضباطي في التمرين حتى أنه كان يعطيني التمارين ويتركني ويراقبني من بعيد وانا اطبق اللي يقوله بحذافيره.

هل استمرت معاناتك بين الدراسه والنادي؟

حاولت اضغط على نفسي كثير ومن اول سنة لي مع النادي انضميت للمنتخب وزادت الصعوبه في الدراسه في جامعة البترول والورة بنفس الوقت ضغطت على نفسي واستمريت حتى السنة الثانيه لكني فشلت في التوفيق بينهم ورحت لكلية المعلمين قلت يمكن أسهل دراسة من جامعة البترول ومرت سنة وانا في كلية المعلمين وبعدها انضميت للمنتخب الاول وقتها كانت بطولة كأس العرب في الكويت ولا قدرت اواصل لافي جامعة البترول ولا في كلية المعلمين لكن لازال عندي اصرار كبير اني ادرس لو بنظام الانتساب إن شاء الله.

مثلك الأعلى في حياتك؟

الوالد الله يحفظه.

وفي كرة القدم؟

عالميا مارادونا وشيفشينكو اللي احبه كثيرا ومحليا ماجد عبدالله وسامي الجابر وكنت اتمنى أني لعبت في وقت ماجد,لكن احمد الله أني جيت في وقت سامي موجود وألعب بجانبه وأستفيد منه في الملعب والكابتن ماجد أيضا لايبخل علي بتوجيهاته دائما خارج الملعب.

هل تفضل أن يكونوا أبناؤك لاعبي كرة قدم مثلك؟

بترك لهم الحريه التامة في اختيار أي توجه يحبونه حتى لو كان كرة القدم.

وإذا قال واحد منهم بلعب في نادي الإتفاق؟

ماعندي مانع يلعب لللأتفاق لانه ناد كبير.

اول هديه حصلت عليها ممن؟ وماهي الهديه الأغلى عليك؟

كانت هدية نجاحي من اولى إبتدائي من الوالد الله يحفظه والأغلى من الوالد بعد نجاحي من الثانوية العامة.

هل تحب القراءة؟

أحب الشعر واهوى قراءته.

لكن الشعر مايصنف من ظمن القراءة؟..

أعرف لكني أحب الشعر كثيرا واقرأ.لكن اكثر شئ الشعر بالنسبه لي.



يعني نقول إن هالقراءة والمتابعة الكبيره طلعت من ياسر شاعرا؟

(بعد شد وجذب وتاكيد ونفي بيني وبينه) لا انا مو شاعر بس متذوق لشعر فقط.

ومن الكتب ماذا تحب أن تقرأ؟

أحب ان اقرأ كتب التاريخ كثير واستمتع فيها في البيت او في السفر.

حدثنا عن هواياتك.

احب البر والسفر كثيرا واحب الإنترنت اتصفح في المواقع الدينيه والرياضيه والاسريه ومواقع السيارات احبها كثيرا.

بما انك تحب البر أكيد لك في الصيد نصيب؟

والله مو مره يعني صيد الضبان ما اعتبره شيئا لأننا متعودين عليه اما الطيور احبها بس ما أصيدها.

تأكل الضبان؟

أكيد أكلها.

طيب وصيد السمك؟

فاشل فيه كثيرا أذكر مرهة رحت انا ولد خالي نصيد سمك في الجبيل وكانت الساعة 12 الظهر وهالوقت يقولون محد يصيد فيه سمك أبدا مو وقت صيد ولو تشوف السنارة عبارة عن عصا وفيه خيط حتى الإبره مو موجوده يعني السمك انبسط علينا نحطله الطعام وياكل ويمشي.

والسفر؟

لأن وقت إجازاتي قليل مايتعدى 15 يوما أحب اسافرلدول مختلفة واتعرف على كل شي فيها قدر الإمكان.

اطول رحلة سفر لك كم كانت مدتها؟

كانت 3 أشهر معسكر مع منتخب الشباب مابين مصر والإمارات واليمن.

وكيف تقضي وقتك في معسكر خارجي طويل مثل هذا؟

ما اقعد..أسبب دوار للي معاي أحب أستغل كل دقيقه فراغ لي بالمعسكر أحب اعرف كل شئ عن البلد اللي حنا فيها عشان إذا رجعت ما اقول كنت أتمرن وأكل وأنام بس لا..أقولهم وش شفت في البلد.

يعني نقترح على المنتخب يخصصون جولة سياحية دائمه والقائد هو ياسر؟

أصلا دائما إذا قالوا فيه جولة سياحيه تحصل الشباب كلهم وراي.

أصعب قرار اتخذته في حياتك؟

كرة القدم.

ليه؟

لاني بديت فيه وتوفقت ولله الحمد ووصلت للمنتخب وكان ارتداء شعار منتخب بلادي أكبر مسؤوليه علي,أيضا موقفي امام الجماهير اللي تحبني وتعتبرني قدوة,ايضا السفر في المعسكرات والبعد عن الاهل.

نقطة ضعفك؟

المعاقين بصراحه لما أشوفهم تنزل دمعتي مباشرة احس أن لهم حق علينا وأبسط حقوقهم اننا ندعي لهم ونزورهم.

أين ومع من ترتاح في حياتك؟

مع اهلي.

أقرب صديق إلى قلبك.

هو امر اعتبره واجب علي اللي هو القرآن الكريم لاني أبحث عن توفيق الله دائما ويلازمني في كل وقت.

ومن الأصدقاء؟

هو أخ كبير قبل أن يكون صديق عزيز هو الامير تركي بن خالد اللي دائما يوقف معي ويشجعني وله فضل كبير علي بعد الله ويكفي إني أقولك إنه قبل كل مباراة ألعبها اكلم أمي وأبوي والامير تركي بن خالد.

من هو شاعرك المفضل؟

جرت العادة ان يكون خالد الفيصل وبدر بن عبدالمحسن لكن هم يعتبرون رموز وكلنا متفقين عليهم وانا شخصيا احب خالد المريخي وحامد زيد وضيدان بن قضعان وسعد علوش وعبدالله الفرحان وفيصل اليامي.

ماشاء الله عليك الشعراء اللي تحبهم كثير ولاشفنا أي قصيدة أو اغنية تحمل اسم ياسر..؟

هوبصراحه فيه ابيات تجيني ممسج على الجوال تشجيعيه لي من بعض الشعراء أخرها كان من عبدالله فرحان.

ممكن نسمع منها شي؟

(جلس يفكر ويحاول يتذكر شوي بعدين قال نسيت وحتى الجوال راحت منه الرسائل غير الشريحة لذالك عوضنا وعوض القراء على الله...!!!)

مطربك المفضل؟

أحب عبدالمجيد عبدالله واموت في راشد الماجد واعشق رابح صقر هالثلاثة مايغيبون عن مسجل سيارتي.

أغنية تطرب لها؟

واحشني موت لماجد المهندس.

ناديك عربيا وعالميا؟

الاهلي المصري وبرشلونه الأسباني.

كاتبك المفضل؟

شعر الغزل الجاهلي.

جريدتك المفضله؟

جريدة اليوم.(التعصب للمنطقة الشرقيه ممتد من رابح وراشد لجريدة اليوم قلنا له انك متعصب وضحك كثيرا).

مجلتك المفضلة؟

طبعا لو قلت اصوات بيقولون يجامل لكن,أقسم بالله العظيم اني انزل كل أسبوع للسوبر ماركت واخذ خمس مجلات متعود أشتريهم دائما من ضمنهم مجلة " أصوات".

وش اللي جذبك لأصوات؟

الإخراج مختلف وجميل ويعجبني ايضا المصداقيه شدتني كثير لانكم دائما اذا كتبتم مانشيت على الغلاف افتح الموضوع في الداخل واحصل مصداقيه في الطرح تعكس المانشيت اللي على الغلاف.

يمكن لانك انجرحت من العناوين الكاذبه اللي على الغلاف؟(ذكرته بكذبة ابريل وقصته مع اريام).

انا ما ادري للحين ليه اريام تفاعلت مع الموضوع وليه ردت وأساسا الموضوع كذبه ولا له اي داعي التعليق عليه وانا أشره بصراحه على مجلة ( شهد ) كثير انه وضعت صورتي بهالشكل لكن مابليد حيله ومع الاسف أني تعاونت معهم كثيرا لأنهم يعتبرون من اولى المجلات اللي عملت معهم حوار لكن ما ادري ما ادري جاهالموضوع هل هو بحسن أو سوء نية!!؟؟ وأيا كان أنا لايمكن اني أقبله.

قناتك المفضلة؟

كل قنوات روتانا.

ماهو لونك المفضل؟

الازرق.

عطرك المفضل؟

شانيل.

سيارتك المفضله؟

احب اللكزس وسيارتي مرسيدس!!.

ماهي اكلتك المفضلة؟

مافي غير الكبسه..

الكبسه رمز في الاكلات السعوديه نبي غيرها ..

الملوخيه واساال طباخ المنتخب ابواحمد لاني متعبه كثيرا فيها .

اكله تجيد طبخها ؟

الكبسه

يعني اذا جينا الشرقيه معزومين عندك عليها ؟

اكيد بس اذا بطنك عورك مالي دخل (( يقولها ضاحكا )) ,,

هل تحب الجلوس في المنزل اكثر ام خارجه ؟

ما ااجلس في البيت الا في الاوقات العاديه اللي مفروض الواحد يكون فيها في البيت مثل الظهر والعصر واحب اطلع كثيرا حتى ان اصدقائي يقولون انت ماتعرف تصير مشهوره تحصلني معاهم في مطعم اضحك بصوت عالي وامزح معهم بشكل طبيعي بس احصل منهم انتقادات انه انا معروف عند الناس لازم مااسوي اى شىء في الامكان العامه زي كذا لكن بصراحه مااسمعلهم وعايش حياتي طبيعي مثل اى شاب .

هل تعيقيك شهرتك عن التنقل بحريه ؟ اذكر لنا موقف طريف او صعب مر عليك ؟

مر كلمني الوالد يوم الخميس وانا برا البيت وسالني وينك ؟ قلت رايح لمجمع الراشد واستغرب كيف اني اروح لمجمع الراشد يوم الخميس والساعه ثمانيه الليل قلتله اني محتاج لاغراض وابي اشتريها فقالي انت تعرف وضعك وممكن تتعرض لمواقف محرجه وزحمه لكني اصريت اني اكمل طريقي للسوق .

ولما رحت وش صار هناك ؟

صدقت كلام ابوي بصراحه من اول مادخلت خطوتين توقيع ووقف نصور معك يعني ماحسيت بخصوصيه ابدا , حتى كل مااشوف لبس تحصل خمسه وراي يشوفون اللي انا اشوفه

ماحسيت بالاحراج وطعلت من السوق ؟

الا والله انحرجت بس ماطلعت لانني صممت اسوي اللي انا جاي علشانه وهي اني اتسوق لي اغراض محتاجها وكملت لاني احب اكون بين الناس وماتهمني الزحمه .

ماصار لك موقف صعب في السوق ؟

الا صارت زحمه عند محل كنت ابي اشتري منه شىء وصارت زحمه بنات يبون يصورون اونت تعرف عاداتنا وتقالدينا ترفض هالشىء وانا نفسي ارفض لكني انحرجت كثير وجت الهيئه وطلبت مني اني اخلص غرضي بسرعه واطلع وفعلا اشتريت الحاجه اللي ابيها وطلعت .

وموقف طريف ؟

مره في السوق جاني طفل صغير اكثر من مره وكل مره يجيني فيها ويقولي وقع على هالورقه وكل شوي جايب ورقه جديده وبالاخير جاء وقالي مين انت وش اسمك ؟ انا بصراحه ضحكت على نفسي ولاعرفت وش اقول بس قلت له الاوراق وين وديتها ؟ قال هناك قلت طيب اذا سالوك عني قلهم انا راغب علامه

ماهي اوصاف زوجه المستقبل ؟

ابي لي شفتها تحلو الدنيا دنياي .. وانسى هموم الليالي والبشر

بلد تعجبك وتحرص على زيارتها (( ومالذي يشك فيها )) ؟

مصر لاني اعشق الاماكن الشعبيه في مصر جدا واحرص دائما انه جزء كبير من رحلتي تكون كلها زياره لهاالاماكن ووقتها عرفت ان مخرجين المسلسلات المصريه مايتعبون بس يحط الكاميرا على احد المقاهي الشعبيه ويجي ياخذ ها من بكرى يحصل مشهد طبيعي كامل لحياه الشعب هناك

متى اخر مره رحت لمصر ؟

الصيف الماضي

ماواجهك موقف محرج خلال احدى رحلاتك لمصر ؟

اذكر مره كنت واقف عند مطعم مزحوم بالمره واللي ياخذ الطلبات عرفني وكان اللي يسوي الطلبات مرتفع ضغطه من الزحمه وبس يصارخ على الزبائن وقال اللي ياخذ الطلبات لصاحبه انه هذا الكابتن ياسر القحطاني عديه بسرعه رد عليه اللي يسوي الطلبات معصب (( كابتن والا مش كابتن وانا اعلموه ايه )) ,,

بلد تتمنى زيارتها ؟

امريكا

مدينه ترتاح لتواجد فيها في المملكه ؟

المنطقه الشرقيه

هل يأتيك ازعاج على الجوال ؟

عندي جوالين الاول اذكر كنا في المعسكر وجاني احمد البحري زميلي في الغرفه يقولي ياسر جوالك وصلت المكالمات التي لم يرد عليها فيه إلى 415 مكالمه , اما الخاص يعني يجيني باليوم من ست إلى سبع ارقام مااعرفها

لو لم تكن لاعب كره قدم ماذا كنت تتمنى ان تكون ؟

وانا صغير كنت اتمنى اكون طيار حربي مدري ليه ويمكن عشان كذا صرت مهاجم في الكوره .

لو اعطيت مبلغ خمسه ملايين ريال وقيل لك اصرفها في خمس ايام ماذا تفعل ؟

اصرفها لو تبي في يوم واحد .

شلون ؟

مليون ريال هاذي بتبرع فيها للجمعيات الخيريه عشان ربي يباركلي فيها والباقي بحطها في الاسهم .

وانت تشاهد طفل يحمل حقيبته ذهابا للمدرسه , ماذا يدور في ذهنك ؟

اقول الله اعلم هل يدري هالطفل او يتصور يوم من الايام وش بيصير عليه

هل تحب الاطفال ؟

اموت فيهم

من اقرب الاطفال لك في العائله ؟

عيال اختي وبنت اخوي رنيم وساري وود وبدر .

ولو بكى طفل بين يديك ماذا تفعل ؟

اتورط واتوهق فيه ولا اعرف وش اسوي اى شىء له حتى لو كان عمره خمس سنوات وادور على اقرب ام واقولها خذيه عني .

اذا كنت في مقاعد الاحتياط بماذا تفكر ؟

ابحث عن الاسباب اللي خلتني اجلس على مقاعد الاحتياط وفي نفس الوقت احاول اركز في المباراه وادرس الفريق المقابل علشان لو طلبت مني المدرب العب اكون عارف الفريق اللي بلعب ضده .

صف لنا جو الباص بعد الخساره ؟

كئيب جدا والخساره والهزيمه اسوء اللحظات عندي .

ماهو وقت التمرين المفضل لديك ؟ وهل تحب التمرين الصباحي ؟ وماذا ستفعل لو فرض ؟

الوقت المفضل بعد المغرب , وبالنسبه للتمرين الصباحي اعتقد الجو عندنا مايسمح , لكن لو فرض علينا ماعندي مشكله فمع الوقت تتأقلم .

مذيع يجذبك لمتابعه التلفزيون ؟

بتال القوس ومحمد الشهري واحمد الحامد وبركات الوقيان

معلق يجذبك لمتابعه المباراه ؟

محمد البكر وناصر الاحمد ويوسف سيف

شخصيه تتمنى لقاءها ؟

كنت اتمنى لقاء خادم الحرمين الشريفين الملك فهد بن عبدالعزيز – رحمه الله –

اختر شخص او عده اشخاص تود توجيه اسئله معينه لهم ..

- عبدالمجيد عبدالله : اقول لوين رايح بعقولنا يابوعبدالله .

- راشد الماجد : اقوله لاى درجه انت ناوي تخلينا نحبك

- رابح صقر : اقوله إلى متى وانت (( خارشنا )) معك .

شعورك النفسي قبل الدخول لمباراه حساسه ؟

بالنسبه للمنتخب حنا كلاعيين محظوظيين انه عندما سمو الامير سلطان بن فهد ونائبه الامير نواف بن فيصل لانهم يشجعوننا بشكل كبير ويحفزوننا قبل لاندخل المباراه ويهيئون لنا جو يخليبنا ندخل المباراه ومتحمسين وناوين الفريق اللي ضدنا ومانبي غير الفوز .

قبل مباراه الكويت في تصفيات كاس العالم 2006 نمت ؟

بصراحه اذن الفجر وانا مانمت مو عن شىء بس كنت احس بأرق .

زميلك في الغرفه احمد البحري ماكان له دور في الموضوع ؟

لا بالعكس حتى هو مثلي ماجاه النوم تحصلنا كل شوي كل واحد يسئل الثاني نمت ونقول لا وعلى هالحال لحد مانمنا .

ويوم كنت في القادسيه ماصار لك مثل هالموقف او شىء مشابه له ؟

اذكر مره اشجع الشباب قبل احدى المباريات واحمسهم واقولهم ركزوا والمباراه مهمه وووو ويوم وصلنا للملعب نسيت البوت حقي وهات ياتعليق من الشباب علي .

كيف واجهت الجماهير الهلاليه بعد نهائي كاس ولي العهد ؟

حسيت بالفخر بهالجماهير اللي حيتني وطلبتني العب لفريقها حتى وهو وانا خاسر كانو مصدر فخري لي بعد المباراه .

كلمه اخيره ؟

احب اشكر مجله " اصوات " اللي احبها على استضافتي واتمنى ان اكون موضوع يقرأ في المجله .



وننتظر الردود

تحياتي لكم : قناص عنيزة

للمراسلة للهلاليين فقط

[email protected]
اضافة رد مع اقتباس
  #2  
قديم 24/12/2005, 08:48 PM
زعيــم فعــال
تاريخ التسجيل: 28/08/2005
المكان: هذه عنيزة ما نبيعه بالزهيد
مشاركات: 454
وين الردود
اضافة رد مع اقتباس
  #3  
قديم 24/12/2005, 09:16 PM
الصورة الرمزية الخاصة بـ توأم روحي
زعيــم متألــق
تاريخ التسجيل: 22/06/2005
المكان: Riyadh
مشاركات: 1,464
مشكوووورة على المجهووووووود

والله يعطيك العافية

ويوفق ياسر مع الهلال
اضافة رد مع اقتباس
  #4  
قديم 24/12/2005, 09:34 PM
زعيــم متألــق
تاريخ التسجيل: 24/09/2005
المكان: ربـــ الأسياح ـــوع
مشاركات: 1,358
ألف شكر لك ياغالي
اضافة رد مع اقتباس
  #5  
قديم 24/12/2005, 09:43 PM
موقوف
تاريخ التسجيل: 21/08/2005
المكان: البطولات الهلاليه
مشاركات: 556
موضوعك بصراحه بايخ ويشوه سمعه ياسر وين حنا فيه بنات واغاني وغزل سلامات استحي على نفسك انت في منتدى رياضه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:24 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube