ياعمري ياأنا ..! - نادي الهلال السعودي - شبكة الزعيم

الفيروسه الزرقاء · #1 24/12/2005, 05:55 PM

مرحباً الساع

أزيكمـ ! وكيف الدنيا معكمـ

؟
أنا هالأسبوعين مقهورتن ومضغوطتن وشابتن ضوء ولساني حالي يقول

[ ليتني ولـــــــــد ! ]

رحت لأخوي الكبير في يومـ من أيامـ ذي القعدهـ :p ------> اللي يشوفها يقول شهر ذي القعده خلص

!
قلت له :- ماتبي تحج هالسنة ؟
قال : والله ودي ، ليش ودك تحجين؟
قمت نقزت ونطيت عندهـ ، قلت : أي والله أبي

سكت أخوي ، قلت له : يالله رح احجز بالحملة قبل لايقولون مافيه حجز

، قام يطالع فيني ويقول الحمدلله والشكر ، تريثي يافتاة

.

المهمـ شفت خالتي اليومـ اللي بعدهـ ، وقلت لها :- ماودك تحجين هالسنة

؟ قالت : إن شاء الله بحج بس بدور لي محرمـ فاضي

قلت لها : زيييييين كلمي أخوي واقنعيه يحججني ويحججك

، قالت حلو بكلمه إن شاء الله .
مضت أيامـ الشهر وأنا لاهيتون في تعاستي وضغوطاتي وطبعاً مانطفى حماسي للحج ، وكل من سألني وقالي وينك يافيو قلت حجت

.

جاء أخوي يومـ الأحد وقالي فيّو تبين تحجين هالسنه؟ قلت أيييييييييييه ، قال صامله ماعندك نيه للتغيير
قلت لأ إن شاء الله ، سألته قلت ليش تسأل خلاص وافقت بتحججنا
قال: لاحد الأن ماأدري !
قلت طب كلمـ خالي بوحميد يمكن يحججنا بدالك ، اتصل أخوي ع بوحميد وقاله
خالي قال لأ مابعد أنهبلت أحج مع مطفوقات

أجلس مع ربعي ولا أفسد حجي
قال له أخوي : أحسن لك ماتحج معهم

سألت أخوي بتحججني هالسنة وإلا لأ ! قال لي إن شاء الله
قلت يعني إيه وإلا لأ

، قال يجيب الله مـطـر

-------> أبد مارتفع ضغطها

..:: يابختكمـ ::..

ياحظ البنت اللي عندهـا أخوان كبار كثار وخوال ماهمـ نذاله :p ، من جد بتكون إنسانه محظوظه مايتعلق مصيرها بشخص واحد

.

..:: صدفـه ::..

سبوحااان الله ، لقيت عندي رسالة بالايميل عنوانها " اهداء لكل من اشتاق للحج ولم يستطع " قلت يابعد عمري ياأنا كانهمـ حاسين بنات القروب أن فـيـّـو مشتاااقه تبي تحج بس ماتقدر نظرأ لعدمـ وجود محرم

المهمـ ، تفضلو القصيدهـ ترى والله ثمـ والله ياصدى الامس اني ماكتبتها

جايتون جاهزتون لي .

"ذكر أن البُرعي - يرحمه الله - في حجه الأخير أُخذ محمولاً على جمل ، فلما قطع الصحراء مع الحج الشامي وأصبح على بعد خمسين ميلا من المدينة هب النسيم رطبا عليلا معطرا برائحة الأماكن المقدسة ، فأزداد شوقه إلى الوصول إليها .
لكن المرضَ أعاقه عن المأمول فأنشأ قصيدة لفظ مع أخر بيت منها نفسه الأخير . يقول فيها

يا راحلين إلـى منـى بقيـادي
هيجتموا يوم الرحيـل فـؤادي

سرتم وسار دليلكم يا وحشتـي
الشوق أقلقني وصوت الحـادي

وحرمتموا جفني المنام ببعدكـم
يا ساكنين المنحنـى والـوادي

ويلوح لي مابين زمزم والصفـا
عند المقام سمعت صوت منادي

ويقول لي يانائما جـد السُـرى
عرفات تجلو كل قلـب صـادي

من نال من عرفات نظرة ساعة
نال السرور ونال كـل مـرادي

تالله ما أحلى المبيت على منـى
في ليـل عيـد أبـرك الأعيـاد

ضحوا ضحاياهم ثم سال دماؤها
وأنا المتيم قد نحـرت فـؤادي

لبسوا ثياب البيض شارات اللقاء
وأنا الملوع قد لبست سـوادي

يارب أنت وصلتهم صلني بهـم
فبحقهـم يـا رب فُـك قيـادي

فإذا وصلتـم سالميـن فبلغـوا
مني السلام أُهيـل ذاك الـوادي

قولوا لهم عبـد الرحيـم متيـم
ومفـارق الأحـبـاب والأولاد

صلى عليك الله يا علم الهـدى
ما سار ركب أو ترنـم حـادي "

للإستماع إلى النشيد بصوت الشيخ صلاح

يالله يارب تكتب لي أحج هالسنة

الفيروسه الزرقاء

بو عبدالله · #2 24/12/2005, 06:05 PM

الله يوفقتس للحج
وانتي لا تتوقعين من اخوتس يوافق على طول
انا صراحة لو اختي تقولي كذا يمكن ما اوافق
لانه مو سواق ولا خادم عندك
معلييش انتي لو ولد تعرفين
يمكنه ناوي يطلع طلعتن ثانية بالعيد
يمكنه ناوي يروح البر
وشيدريك؟؟
عموما الله يوفقك للحجة
مع اخوك ولا خالك
ولا عمك
اللي هو
والحج تراه مو سهل

الهلالي- ابوسارة · #3 24/12/2005, 06:24 PM

لي عوده ..

لكن لا مانع من القول أنني فاااضي وأبي أحج بعد انا واعتبريني أخو

والمثل يقول: أبو سارة وابو حميد وااحد عسى الله لا يفرق شملهم .. وكل الحجّاج خيّاله ----> استخف الولد

نعين ونعاون :p

-----> أقول صرّف عمرك تراك جبت العيد

هلالي الظهران · #4 24/12/2005, 06:34 PM

إقتباس


	مرحباً الساع

ياهلا يا هلا بفيو التطوير اللي صرنا ندور لها بملقاط

..

إقتباس


	أزيكمـ ! وكيف الدنيا معكمـ ؟

زينا بخير وسلامه والدنيا مالها امان << فاهم غلط

..

إقتباس


	أنا هالأسبوعين مقهورتن ومضغوطتن وشابتن ضوء ولساني حالي يقول [ ليتني ولـــــــــد ! ]

اظهروا وبانوا على حقيقتكم

.. يعني مافيه البنات البنات الطف الكائنات والبنت زي الولد ماهيش كمالة عدد

..

عموما الفيروسة وش بتتوقعين جواب من اخوك .. ما اتوقع اخوك بيضحي وبيحج فقط حتى تقدرين تاخذين حجتك .. اتوقع زمن هالكلام ولى

..

من الاساس اخوك او خالك ماهم ملزمين انهم يحججونك;) ..

عموما الوقت باقي ما طاف والامكانيه ما زالت مفتوحه امكن يحن قلبه اخوك.. انتي ادعي ان الله يشرح صدره لهالحجه ووقتها عاد انشبيله

..

فيو ما تلاحظين انك مسويه زحمه والطريق فاضي

.. اذا تزوجتي وقتها علمي الناس ان زوجك عيا يحججك ووقتها بنطيح براسه نقد وذب

..

إقتباس


	يالله يارب تكتب لي أحج هالسنة

امين يارب العالمين ..الله يكتبها لك ولكل مسلم..

عـز الهلال · #5 24/12/2005, 06:36 PM

الله يوفقكم ويفقنا

ونحج هذي السنة ويسهلها

الله علينا ونرجع بالسلااامة يارب

الـنـادر · #6 24/12/2005, 06:41 PM

يا حليلكم يا البنات

و صراحه اخوك معه حق

اجل يحج مع مهبل

بعدين انتم يا البنات احب سوالفكم

زي يوم الخميس من العصر الى العشا محجوز و لا فيه امل يتغير الحجز

ليه

عشان خلاتي و امي مجتمعين و اسمع سوالفيهم

احلى شي

ما عليه يا الفيروسه على الرد اللي ما يشجعك

بس هذا اللي اقدر ارد عليه الحين

الفيروسه الزرقاء · #7 24/12/2005, 06:49 PM

هلا بـك بوعبدالله ،،

أأأميـن جعلي إن شاء الله أحج

إقتباس


	وانتي لا تتوقعين من اخوتس يوافق على طول انا صراحة لو اختي تقولي كذا يمكن ما اوافق لانه مو سواق ولا خادم عندك

بلاك ماتدري العامـ وش صلح بي

، جينا بنحجز كل الحملات أكتفت

بعدين أخوي يقول أنها مسؤوليه يحج ببنات ، عندهـ يحج مع عزابيه أصرف له من عائله ، مدري متى بحج! شكلي بموت وأنا ماحجيت

إقتباس


	معلييش انتي لو ولد تعرفين يمكنه ناوي يطلع طلعتن ثانية بالعيد يمكنه ناوي يروح البر وشيدريك؟؟

أنا عارفـه جدول أعمالهمـ

، ماعندهمـ إلا تخيمـ بالبر مثل العامـ ، يحرمونا من التخييمـ ويخيمون وأحنا ننطق بين الاستراحات والبيوت

-----> أبد ماهيب منقهرهـ

إقتباس


	والحج تراه مو سهل

أدري ، من متى وأنا أبي أحج

تسلمـ ع هالمشاركـه

هلا بـك الهلالي بوسارهـ

إقتباس


	لكن لا مانع من القول أنني فاااضي وأبي أحج بعد انا واعتبريني أخو

زيـــن ، لقيت لي أخو فاضي يحججني

يلله قداااااااااااااامـ
خل نروح نلحق ونحجز باحد الحملات ونطلع التصاريح ونمشي لمكه

تسلمـ ، وأنتظر عودتك

هلا بـك هلالي الظهران

إقتباس


	ياهلا يا هلا بفيو التطوير اللي صرنا ندور لها بملقاط ..

خذتني دنيتي عنكمـ غصب

إقتباس


	من الاساس اخوك او خالك ماهم ملزمين انهم يحججونك ..

إلا ملزمين! ماهمـ محارمـ لي

، خلااااص يحججوني دامـ لازمـ محرم بالحج

إقتباس


	عموما الوقت باقي ما طاف والامكانيه ما زالت مفتوحه امكن يحن قلبه اخوك.. انتي ادعي ان الله يشرح صدره لهالحجه ووقتها عاد انشبيله ..

إن شاء الله يحن قلبه ، خصوصاً أنه ماعمرهـ حج

.

إقتباس


	اذا تزوجتي وقتها علمي الناس ان زوجك عيا يحججك ووقتها بنطيح براسه نقد وذب ..

لازمـ أدي فرضي وأحج قبل لا أتزوج

.. عندي أخوي يحج فيني أحسن من ولد الناس ، بعدين ماتدري يمكن أموت وأنا ماحجيت

ناااشبه في أهلها هالايامـ حججوني قبل لاأموت

إقتباس


	امين يارب العالمين ..الله يكتبها لك ولكل مسلم..

آمــــيـــــــــــن

تسلمـ هلالي ع المشاركـه

هلا بـك عـز الهلال

أمين يارب ، جعلك إن شاء الله تحج وأنا أحج والله يسهل أمورك وأموري

-------> ماهمها البقيه :p

هلا بـك النادر

إقتباس


	اجل يحج مع مهبل

الله يعين أهلك عليك

إقتباس


	زي يوم الخميس من العصر الى العشا محجوز و لا فيه امل يتغير الحجز ليه عشان خلاتي و امي مجتمعين و اسمع سوالفيهم احلى شي

لووووووووووووووو

ووووووووووووووووو

ووووووووووووووول

عندنا نموذج منك في البيت

.

إقتباس


	ما عليه يا الفيروسه على الرد اللي ما يشجعك بس هذا اللي اقدر ارد عليه الحين

شدعوهـ خيو ، بالعكس ضحكتني

، تسلمـ ع مشاركتك

الفيروسه الزرقاء

الكناري الأزرق · #8 24/12/2005, 06:49 PM

اقول حزنتيني لكن ما اقول الا الحمد لله اني ولد <<<<<<<<<عارف انك ودك تصطريني لكن الحق ينقال

M e T o O o · #9 24/12/2005, 08:46 PM

إقتباس


	يالله يارب تكتب لي أحج هالسنة

آمييييييييييييين...ولكل مسلم!

فتى الحروب · #10 24/12/2005, 10:12 PM

أهلا وسهلاً بــ فيوً

لاتخافين بإذن الله تحجين هذي السنة.. بس أبشرك ترى مكه زحمه في زحمه

<=== وش هذي التبشيره

بـ حكم إني من سكان مكه المكرمه (( أحم أحم:p )).. الباصات طالعه نازله

..

الله يعينا عليكم هذي السنــه:p

اللي بيحج من شبكة الزعيم .. لازم يدق عليً

.. مايصير لازم تتقهوون وتتعشون وتتغدون

..

اي أستفسار أنا حاضر:p <====== الرجال مسوي خبره

خالد،،،

فتى الحروب · #11 24/12/2005, 10:16 PM

سمعت إن أبوساره بيــحج هذي السنــه

..!!

حبيت أقول لك يالغالي إذا حجيت .. لازم تزوروني في البيت وإذا ماشالتك مكه تشيلك عيوني:p .. مع إني أظن أن مكه بــ تشيلك

راح أعشيك في أحسن مطعم + اوديك للكوفي شوب:p + اخليك تشاهد بأم عينك معالم مكــه

..

بإختصار (( راح أدور بك مكه كلها

))

بس هاه .. البنزين عليكــ:p

تحياتي لك

برق الزعيم · #12 24/12/2005, 11:39 PM

مرحبتين الساعتين

إقتباس


	تريثي يافتاة

حلوه

إقتباس


	خالي قال لأ مابعد أنهبلت أحج مع مطفوقات

تحطيم

إقتباس


	يالله يارب تكتب لي أحج هالسنة

امين يارب والأعمال بالنيات ياوخيتي

وانااشوف تنتظرين الين تكبردانه وتحج معكم

تحياتي وانااخوك

ابودانه

تغريد · #13 24/12/2005, 11:41 PM

هلاااااااا والله فيرووووووسوه

وينك يشيخه وحشتيييييييييني

انتي ومسنجرك الـ لاتعليق

اتكلم يرجعلي كلامي خخخخخخخخخ

الموهيم

نجي لموضوعك
يحياااتي ياانتي ههههههههههههههههه

عاد تصدقين

انا اترجوووني علشان احج

واغرائااات واشياااء علشان ارضى

جابولي التذاكر لعندي وانا لسه متردده

رضيت السعه 5 الفجر والرحله الساعه 7

هع

ماماتي الله يحفظها جايبتلي كرتون توكس حطتلي اياه في الشنطه
تقلي هــــا والحين رضيتي خخخخخخخخخخ

رحت مع عمي وخالي شرايك بس :p
لاا وولد عمي بعد>>>تحسبه محرم الاخت

كل يوم اتضارب معاه

ياخذ توكس مني

خوش حج صح:p

الله يتقبل مننا بس

عاد والله الحج مرررررررررررررره مررررررررررره حلووووووو

حلو بمعنى الكلمه

خاصة الجمرات

يوووه سوالف لو احكيكم بتضحكون علي

الي متردد ويقول خايف احج ومدري ايش اقلو ابد

توكل على الله وادعيلي

وفيروسوه الله يكتبلك الخير ان شاء الله
وتحجين يارب
انتي ادعي بس الله يحنن قلوبهم ويحججونك

والتماسيح الشيون

وش ذا النذاله الي فيكم

:p
حجووووو وحججو خواتكم وقرايبكم المسكينات

تكسبون اجرهم

باي

رفيق الزعيم · #14 25/12/2005, 12:19 AM

انا اعذر اخوك لان الحج موسهل

انا ودي احج ومتحسف اقول بعدين

abu_riman · #15 25/12/2005, 12:46 AM

أهلاً بفراشة المجلس ،،،

إقتباس

الرسالة الأصلية كتبت بواسطة الفيروسه الزرقاء


	قام يطالع فيني ويقول الحمدلله والشكر ، تريثي يافتاة .

" فيو ممكن أفهم ؟! أخوك نطقها كذا أو كتبتيها من عندك ؟! أبي أعرف كيف كتبتي تريثي في مشاركة كاتبة فيها

إقتباس

الرسالة الأصلية كتبت بواسطة الفيروسه الزرقاء


	سبوحااان الله جايتون جاهزتون لي .

لكن هذا يدل على تقدم رائع ؟! يعني قبل ما تكملين أربع سنوات في المنتدى بشهر طلعتي بـ ( تريثي ) ؟!

قولي آمين الله يكتب لك الحج و تحجين ، و إذا كتبه ربي لك عساك لنا تردين بحج مقبول و ذنب مغفور و سعي مشكور بالسلامة .

و تذكري فيو : الله من حاج ما حج ! و الله من حاج و هو في بيته ؟!

أخيراً عسى ربي كتبه لك تيسر لك أو ما تيسر ، الأعمال بالنيات "