بسم الله الرحمن الرحيم

السلا م عليكم و رحمة الله وبركاته..........

في البداية ارجو ان الاخ رامبو ما يقفل الموضوع نظرا لاهميته القصوى لبعض الناس.



اليوم وكما عودتكم يا احبائي
ساتحدث عن موضوع يهم شريحة من الناس.....الغزلنجية
و سوف اتحدث باسم الشاب العاقل الذي لا يغازل(هذا الواقع والله)(ما قلت و الله عبث...)

بداية....
ارجو من الاخ هلال الخبر

انه يتفاعل مع الموضوع ويكتب للاخوان ما يراه و يسمعه من مواقف تحصل في الراشد
اذ كانه فعلا من الخبر
___________
مبنى 27:

في جامعة الملك فهد للبترول و المعادن 26 مبنى دراسي...
لكن الفاهمين و العاقلين يقولون انها 27...يعني الراشد
طبعا الكلام لا يقتصر على طلاب الجامعة

بصراحة الراشد زي المحطة
اي واحد بيروح البحرين .....لازم يمر يونس شوي

وشهي الوناسة.....سالتوني و انا باعلمكم..
الوناسة انه يصف طابور ورى وحدة
نعم طابور

بنت تمشي ....ووراها 37 ادمي
فيهم اللي على (سنقة عشرة)....يعني متشيك بالمصري
بعضهم مرسم بالثوب و الشماغ الملكي و الجزمة(و انتو بكرامة)
و بعضهم لابس جنز ضييييييق تقول بنية
و بعضهم لابس جنز وسيييييع زي الباكستريت بويز
و بعضهم اللي شكله يسد النفس
و فيهم اللي توه طالع من المعهد (ما اعرف اسمه لكنهم يتعلمون فيه صيانة الطائرات...عسكري يعني)
و فيهم اللي شنبه ماشاء الله
و فيهم اللي ما بعد بلغ.......(اعوذ بالله...حتى البزران مسوين زحمة...على بال امهم)
_____
هذا الشباب
اما البنات....كلهم طقم الا من رحم ربي
يلبسون عباة ما ادري وش يسمونها....عمانية و فرنسية(ا قسم بالله للحين ما اعرف الفرق)
و مسوية رقم سبعة عند العنق
و حاطة طيب ينشم من اخر المجمع

_____
الهيئة
فيه عدة مكاتب للهيئة في مواقع متنوعة
بعضها عبارة عن كشك صغير......................هذي فاضية 24 ساعة
و مكتب منطول هناااااااااااك باخر المجمع
فيه شيخ و عسكري

مبنى من 3 طوابق +القبو
ما فيه الاشيخ واحد
_____

مواقف
كل العوامل السابقة ينتج عنها العديد من المواقف
بعضها طريف
و بعضها يفشل
و بعضها مخزي ويبكي

اسوا موقف مر علي
في يوم حصلت مشادة بين واحد(عضلاته تقول ستيف اوستن)وواحدة
( موضوع العضلات هذا بعدين ان شاء الله)
الحاصل ان البنت الظاهر من استنتاجات العالم الواقفة ذاك اليوم طقت الولد او تفلت عليه(الله يهدينا جميع)
فالخبل هذا(مغتر بعضلاته) حلف الا يطقها.........(يضرب بنت....عيييييب)

فااسكيورتي تدخل ...و الشرطة جت و الهيئة

و هبا(يقولونها الاخوان المصريين) قب المجمع كله

ما بقى واحد ما فيه خير الا اشترك في المهزلة اللي حصلت
الاف الشباب(الظاهر انه كان يوم خميس)
الصلع(طلاب المعهد) و المرسمين(طلاب الجامعة) والبقية الباقية الا من شاء الله
كلهم اتحدوا لهدف واحد

انهم يرقمون غصب
سارت العائلة تمشي ووراها 24344 واحد
اللي يدف و اللي يسحب العباة و اللي ....(اعوذ بالله)

و العسكر واحد منهم بغى ينصرع من القهر...يرد خلق الله و هم ولا واحد معبره ....يدفونه و يمشون

و قاموا العسكر (اذكياء ما شاء الله)
بعد ما عرفوا انه مافيه فايدة من الشباب...
كل ما حصلوا عايلة ...يمشي وراها كل العسكر الين تطلع مع البوابة
و اللي يبي يلحق و يطلع مع البوابة الله يعينه على الجلد
( فيه واحد تلقف على باله يبي يلحق عايلة طلعت...يحسب العسكري بيسأله..هم يصيرون لك
لكن العسكري ماشاء الله ...شديد...صكه كف طير القمل اللي على خشته)
_______________________
مهزلة بمعنى الكلمة
و من يومها اخوكم ما عاد طب الراشد
حاجة تكسف(بالمصري)

و طبعا كان من بين العوايل امريكان و عرب مدرسين في الجامعة
و الفضيحة ما بقى مخلوق الا عرف فيها
_______________
و الله ما ادري كيف اختم
اصلا النصيحة ضايعة في بعض الاشكال
و انا واثق ان كل اعضاء الزعيم
مؤدبين و عاقلين ما يسوون الحاجات هذي
______________
انا ما قاهرني الا هالبزارين اللي يغازلون
الواحد ما بلغ و ماسك جوال في يد و الرقم في يد
______
و الا هاللي كتب الرقم في منديل وقطه على واحدة
تقرفت مسكينة
_______
و الا كم من واحد انطق و انلعن سلسفيله(على قولتهم)
لكن ما من معتبر
______
يا جماعة عسى ما جاكم النوم
اللي بينام يطفي النور
_______


نصيحة
اللي الله مبتليه بهالعادة(المغازل يعني)
يتقي الله و يتذكر ان له خوات
او اقارب اذا ما له خوات(ياشين اللي يقول اصلا انا ما عندي خوات...يبي ياخذ راحته)
هذا دين
و قضائه بيكون في واحدة من خواتك..او اقاربك

ويمكن بنتك .....

(وَمَا الْحَيَاةُ الدُّنْيَا إِلاَّ لَعِبٌ وَلَهْوٌ وَلَلدَّارُ الآخِرَةُ خَيْرٌ لِّلَّذِينَ يَتَّقُونَ أَفَلاَ تَعْقِلُونَ )الانعام 32

الحمد الله اني ماجيت الراشد ولا عمري دخلته