إقتباس الرسالة الأصلية كتبت بواسطة suliman 9 عشان تعرفون من احسن كماتشو ولا نواف

ليش المقارنات ؟؟ ليش نثير حساسيه وش بنستفيد ؟؟

نواف مبدع وكماتشو أبدع بالأمس ..

إذا كماتشو يبي ياخذ مكان نواف بجدارة عليه أن يقدّم ماقدّمه بالأمس في كل مباراة ..


------------

إقتباس الرسالة الأصلية كتبت بواسطة عطــر الأمــاكن انا اقوووووووول المفروض الحين تنتقد جيلسون اقسم بالله ما ادري وش الزين اللي فيه عقل لا يفكر........ما يعرف يكشف التسللات.........مناولات عادية.......ما عنده سوى الجسم اتمنى اشوف الجمعان او الصويلح بدلا منه والله تعبنا واتمنى ما يغركم الهدفين اللي جابها ترى لو جبت البلوي نفسه يقدر يدخلها ما نبي نخسر النقاط بسببه.......مثل العام الماضي دسيلفا كل الهجوم على سامي بعد قلبي قايم بالواجب وزيادة

يا الغالي من قال لك أصلا اني أبيه يستمر ؟؟

انا ضد استمراره لسببين :

امكاناته اتضح انها عاديه .. ومركزه ما يلزمنا ..

لكن أمس سجّل هدفين وذكرته فقط من ضمن من سجّلوا الأهداف..

كم أتمنى أن اشاهد صانع لعب ( جبّار ) مكاانه ..----> ما يقصد تشيكو مثلا

---------------------

إقتباس الرسالة الأصلية كتبت بواسطة ابن المدينة المنورة مبدع يابوسارة ولا تستغربون يازعماء ان طلع بكرة واحد وقال مقارنة بين ابو سارة ونجس النية وعندي استفسار وش تقصد إلى عام 1433

كم هو شرف أن تشبّهوني بجستنوف المتمكّن ----> هالجمله بأقولها إذا صرت محشش لاقدّر الله

يالغالي.. 1433 راح يكون عمر محمدالشلهوب 32 سنه .. وقتها يمكن يعتزل ويرتاحون ..

شغّل مخيخك الأيمن يا ولد المدينه


-------------------



عاشق الزعيم من اليمن : مشكور على العذر اللي جاء في وقته



المشذاب : يا غالي شرف لي لو تواجدت بالجزيرة أو الرياض.. حلمي أكتب في وحده منهم ..

بقيّة الصحف الأخرى ما تهمني بصراحه ورفضت ان اتواجد فيها ..

بس وش رايك لو شفتني في الرياضي كاشخ جنب بكر مالي ؟؟

إقتباس الرسالة الأصلية كتبت بواسطة مخلص للهلال يا جماعة الخير أنا مابيني وبين هذا اللاعب شيء ولا ثأر ولا حقد حتى انتقده من الباب للطاقه.. يا جماعة الخير هذا لاعب يرتدي الشعار الغالي الأزرق .. عندما يبدع سيأخذ حقه من الاشادة وافيا دون نقصان .. وإن أخطأ فلا يلومن إلا أمّه التي أنجبته .. هل أفهم من كلامك أنه لا يوجد لاعب في الهلال فوق النقد حتى سامي والتمياط؟؟؟

فهمت مغزى كلامك يا مخلص .. لكن بأقول لك رأيي وأتحدث عن ابوسارة فقط ولن أعمّم ..



أنا سبق أن انتقدت سامي وليس فقط في المنتدى ولكن في وجهه ..

ونواف لو حصلت لك فرصه وقابلته ستجده حريص على النقد قبل الاشاده ..

ياعزيزي : محمد بن فيصل لم يسلم من النقد وارجع لوقت رحيل الدوخي واقرأ ما كتبه أبو سارة ..

يوسف الثنيان انتٌقِد كثيراَ ..

فهل من المعقول أن ننتقد كل الرموز التي فوق ونسكت عن كماتشو لأنه معجب كم واحد هنا ؟

بداية الدوري العام الماضي كل المنتديات كانت تنقد سامي وتطالبه بالاعتزال .. بل وكتّاب كبار من ذكروا ذلك ..

بإختصار يا عزيزي : لا أحد فوق النقد .. وكماتشو من باب أولى ..






--------------------------

إقتباس الرسالة الأصلية كتبت بواسطة دبــل كيــك بـالنسـبــة لـكـمـاااتشــو .. روقـااانـه فـي مـبـااارااة الـبـااارح .. أثـبـت لـي ... بـمـااا لااا يـدع مـجـااالاااً للشـك قيـد أنملــة <<== مـااا ظبـطـت بـس مشـهـااا .. ان الـلااااعـب ذااا مـزاااجـي ... عـلـى حسـب تصـنـيفـة الكــووور ... أتـمـنـى أن تستـمر تـلـك التـرفيـعـة لكـي نـراااه فـي أقصـى حـالاااات روقـااانـه

أولا : مرحبا بدبل باشا رفيق الدرب في الأدغال وفي شبكة الزعيم


حيّا الله الوناسه والإبداع والعيارة اللي تقول للمصول : ما أعرفك ولا تعرفني ...



وعوداَ على ذي عود .. أتمنى من الكماتشينق انه يشرب قبل كل مباراة نفس اللي شربه قبل مبااراة أبها ..

يخالجني إحساس يقول أنه شرب قاز قبل المباراة فاشتعل إبداعا

اللي يعرف كماتشو أو يقرب له ليت يقول له يكثّر من الصنف هذا عشان لا نشوفه محلّق في أجواء السحب ونسمع:

طن .. طن ... المغادرون لديانيجيرو يتوجهون لبوابة رقم خمسه

إقتباس مــزحــة بـرزحــة ...!! آآآبــووو اللـكـاااعـة تـؤدي دوورهـااا حـزااات :p بـمـااا أنك فـلقـتـنـاااا .. خـذ ذي القـفـلـة .. واحـكـم الـزرفـااال ..

هذي اللكاعه ما يفهمها الا واحد مثلك تلكّع في اللكاعه حتى قالت له دعني

إقتباس بـعـض الـعـرب ودّك تـحـطـه وسـط مـخـبـااااك ؛؛؛ وتـظـهـر خشـيـمـه كـل ســاااعـة تـحـبـه أبـوســاااارة ... مـاااا ودّك ..؟؟!!

صادق وصح الله جبهتك واستلم :

وبعض العرب ودك تدوسه بممشااك .. وتثبّته كورنر وثمّـن تقبّه ----> هذا المرداس

والله ودي بس الهوى ضدي :p وحبة فوق خشمك سلة السيف


-----------------------------

إقتباس الرسالة الأصلية كتبت بواسطة اسد بحريني مشكور عالموضوع بس وانا خوك كان ودي انك تحش في القناة الرياضية الفاشلة

والله مدري ليش غابت عني هالنقطه ..


أبلشونا هالرياضيه .. مرة نقل فضائي وجاحدين الارضي وكأنهم يقولون ركّبوا دشوش ..

ومرة نقل أرضي وجاحدني الفضائي ولسان حالهم يقول : خلّوا الدش ينفعكم !!


أللهم لك الحمد والشكر .. أجل أحد يتوفّر في بلده الزعيم ويحط بداله قفز حواجز ومناقز !!!

لا تعليق وأُخالني علّقت



---------------------


هلالي من أرض اليمن :



أحرجتني بكلامك .. يكفيني فخراَ إني وصلت لدرجة أرى فيها أمثلك يتتبعني وينتقدني

بارك الله فيك ومو غريبه هالبلاغه وجودة الإطراء عندما تأتيك من ديار أهل الحكمة ..

ألف شكر عزيزي ..


-----------


راعي الجبيل :

أي ظهر يرحم لي والديك:p ؟؟ الموضوع نازل فجر أمس بس الظاهر أنك ما صحيت الا من شوي


-----------------


شكرا لكم جميعا على مداخلاتكم التي أعطت المقال نكهة أخرى ..

وصدق الشاعر الجاهلي يوم تهيّض وقال:



الوقت يمضي والنكهة تبقى ..