#1  
قديم 19/12/2005, 03:25 PM
زعيــم مميــز
تاريخ التسجيل: 06/02/2004
المكان: جــــــــــــــده
مشاركات: 5,914
هل ستفعل شيء الاداره الهلاليه..شوفوا وش قال فوده عن الاخطاءالتحكيميه..باكيتا والمنتخب

السلام عليكم


طبعا انا ماحبيت انزل الموضوع هذا امس نظرا للعصبيه والقهر الكثير والكبير

وقلت اخليها اليوم عشان اكون هادئ واتكلم بعقلانيه

لكن بصراحه شفت المواضيع احترق قلبي على مافعله المرداس امس


مباراة امس بين الهلال والشباب كانت أسوأ مباراة (تحكيميا)

لا حكم اول يشوف ولا حكم ماعد ولا حتى حكم رابع

أسوأ لاعب امس كان الشلهوب

واللي راح يقول ان الشلهوب لعب زين اتمنى انه يشوف المباراة مره ثانيه

مايمسك كوره صح واذا مسك كوره انقطعت منه

باكيتا مع كل دقيقه في الشوط الثاني كان يلعبها الشلهوب كان ضغطي يرتفع

وانتظر باكيتا يبدله وبالقوه فك بعقله وبدله

أما من ينتقد جيلسون

اتمنى لو كان هو جيلسون عشان يعرف ان جيلسون جننه هذا الحكم (الاعمى) المسمى بالمرداس

كل كوره كانت تذهب لجيلسون ويذهب معه زيد المولد (القذر) كان يطيح والحكم على طول يحتسب فاول عليه

ماذا تريدون من جيلسون ان يفعل اذا كان اذا نط للكوره حسب عليه فاول

اذا دخل على الكوره حسب عليه فاول

اذا انطلق بالكوره حسب عليه فاول

ما ادري وشلون كان جيلسون يستحمل سخافة المرداس

الهلال ابدع امس وبشهادة الامير بندر بن محمد

لكن اذا كان الحكم ضدك مستحيل انك تفوز

اذا كان كل كوره يدخل فيها لاعب هلالي على لاعب شبابي يحتسب هذا الحكم فاول عليه وكرت اصفر

وكل كوره فيها احتكاك بسيط بين لاعب هلالي وشبابي يحتسب فاول للشباب

وأي لاعب هلالي يطيح مايحتسب له فاول ولا يطالع فيه اصلا

هدف عمر الغامدي اعتقد انه افضل هدف بالدوري الى الان

بعد الهدف بدأ المسمى بالمرداس يلعب في قوانين الكره على كيفه

أنتظرت الحكم فوده بعد التحليل امس عشان اشوف وش يبي يقول

وهذا اللي قاله:

1-البطاقه الصفراء لياسر الياس لايستحقها ابدا

2-البطاقه الصفراء لعبدالعزيز الخثران غير مستحقه

3-اللاعب الشباب اللي دعس على رجل الخثران قدام الحكم المساعد كان من المفروض ان اللاعب الشبابي ياخذ عليها كرت اصفر

4-الحكم لم يحتسب ركلة جزاء للهلال واضحه جدا لعمر الغامدي وكان من المفروض من الحكم المساعد انه يرفع رايته لوجود ركلة جزاء على زيد المولد

5-هدف عبدالله الجمعان صحيح ولا غبار عليه لان اللاعب لم يفعل شيء للمدافع

هذا ماقاله فوده عن الحكم

وبعدها سأله المقدم هل غير حكم المباراة نتيجة اللقاء..؟

أعتقد ان سؤاله غبي جدا لان فوده كلامه واضح

قال فوده نعم غير مجرى المباراة لصالح الشباب

وبالمناسبه تراه فوده قال فيه اخطاء تحكيميه كثيـــــــره في هالمباراة

لكن في الاخير قال المقدم ماتقييمك لحكم المباراة من 10

قال علي فوده أعطيه 6/10 سته من عشره

المفروض يكون على كلامك يافوده تحت الخمسه

حسبي الله على لجنة الحكام وعلى الحكام السعوديين وعلى المراقبين

بالنسبه لطرد فيصل السلطان هو طرد صحيح

لانه اللاعب متسلل وسمع الصافره وسدد الكوره بعد ماسمعها واحتج

انا وانا اشوفها على التلفزيون سمعتها

طرد نواف التمياط صحيح

وحتى لو مب صحيح يستاهل نواف الطرد

قفزة نواف واتجاه رجله اليمنى للاعب الشباب زيد المولد كان عنيف

صحيح انه نواف مادخل برجله اليمين وكان الدخول مب ذال القوي بالقدم اليسرى

لكن طريقة التمياط في الدخول على اللاعب عنيفه ولم اكن اتوقعها من التمياط ابدا

وزيد المولد (القذر) جلس يمثل هو وراسه فهذا (القذر) استغل غباء حكام المباراة امس بشكل واضح

عبدالله الجمعان حمدت الله انه ماسوى للحكم شيء خصوصا بعد ما الغى هدفه الصحيح

اللاعبين ما احتجوا على الحكم ابدا مما جعله ياخذ راحته بزياده

عكس الشبابيين كانوا يحتجون على اي خطأ هلالي مع انها صحيحه

الامير محمد رئيس الهلال اتمنى انه يرفع احتجاج على حكم المباراة للاتحاد السعودي

لكن للاسف اتحادنا السعودي اتحادي بحت

واذا سووا شي وقفوا الحكم كم مباراة

وش الفايده اذا وقفوا الحكم لن يستفيد الهلال شيء

لو اننا في اوروبا كان عداوا المباراة ووقفوا الحكم

لكن للأسف نحن في اسيا

من يون تبون الهلال يفوز وهو اي هجمه لنا يحتسب فيها فاول شبابي

وبلنتي لنا مايحسبه وهدف صحيح يلغيه

العربجي عبدالمحسن الدوسري بعد ماسجل الجمعان الهدف هو طاح

وسقوطه كان طبيعي

لكن يوم قبل مايصفر الحكم لاحتساب فاول كان رافع راسه واول ماصفر نزل راسه وبدا يمثل انه تألم

أحمد عطيف هذا اللاعب الشبابي اعشق تحركاته ومهاراته واهدافه الرائعه

هو صحيح لاعب شبابي

لكن حب اللاعبين لايقتصر على لاعبي الهلال فقط

اتمنى لك التوفيق يا أحمد عطيف

باكيتا لا اتمنى ان يذهب رغم اخطائه امس

تصريفة الاتحاد السعودي أمس كانت مضحكه بشأن تدريب يوردانيسكو للمنتخب

فقالوا في الاتحاد السعودي أنه بسبب اخطاء يوردنيسكو في كأس العالم (وتسببه) في هزيمة الاتحاد هو ماجعل الاتحاد السعودي يصرف النظر عنه

شر البلية مايضحك

نعم نحن ابناء الوطن لكن اخذوا باكيتا في وقت محرج

لانه باكييتا عرف قدرات اللاعبين وتأقلموا مع باكيتا هم ايضا

وراح نلعب في كأس آسيا القادمه المؤهله لكأس العالم

شكلها بصراحه (مقصوده)

الله يعين الهلال ويوفقهم في المباريات القادمه

الاداره الهلاليه قررت توزيع مكافأت الفوز رغم تعادل الفريق امس

نظرا لمستواهم الممتاز وكثرة الاخطاء التحكيميه

الشباب كانوا فرحانين جدا جدا بالتعادل وكأنهم فازوا بـ5

وهو شيء طبيعي ان يكون طموحهم امام الهلال التعادل

كماتشو لم يكن بمستواه امس

مبروك للشباب والحكام ولجنة الحكام تعادلهم مع الهلال أمس

معلق القناة الرياضيه السعوديه مابقى الا ينزل يلعب مع الشباب امس



في الأخير آسف جدا ان قلت شيء غلط

وأتمنى اللي يبي يرد لو يبي ينتقد ينتقد بأدب

واللي مايقدر أنا مستغني عن رده يخليه للمواضيع الثانيه أفضل

آسف على الاطاله

والى اللقاء
اضافة رد مع اقتباس
  #2  
قديم 19/12/2005, 03:41 PM
الصورة الرمزية الخاصة بـ السااام سااامي
زعيــم مميــز
تاريخ التسجيل: 31/08/2005
المكان: الريـــاض
مشاركات: 1,780
بالنسبة للحكم وللتحكيم
ردد ردد يا ليــــــــيل ما أطولكــــــــ

وبالنسبة للشلهوبـــــــ
يا أخي العزيز
من رأيي أن أي لاعب يتعرض مستواهـــ للإنخفاض
ولكن سرعان ما يرجع كما كان
والشلهوب خير من يُقدر حب الجماهير له

والشكر لكــ أخي الغالي
اضافة رد مع اقتباس
  #3  
قديم 19/12/2005, 04:29 PM
زعيــم نشيــط
تاريخ التسجيل: 16/10/2005
المكان: حائـل
مشاركات: 948
أما عاد جيلسون
لا الغالي
والله المباراة بديره وكماتشو وجيلسون بديره
تشكرات
اضافة رد مع اقتباس
  #4  
قديم 19/12/2005, 04:33 PM
زعيــم فعــال
تاريخ التسجيل: 17/07/2005
مشاركات: 246
ياخي المرداس هذا مابقى الا هو يروح يسججل على الهلال
اضافة رد مع اقتباس
  #5  
قديم 19/12/2005, 06:00 PM
زعيــم فعــال
تاريخ التسجيل: 01/07/2005
مشاركات: 300
صح لسانك

الشلهوب اسوأ لاعب

جيلسون ما كان يقدر يسوي شي بسبب الضغط الي عليه من الحكم بس ما كان في مسواه شنا جيلسون في المباريات اللي لعبها و كان احسن

الكايتن نواف مو عادته لكن دخوله كان عنيف و يستاهل الطرد

حظ عبدالله الجمعان كان مره سئ انه لعب المباراه و المرداس كان مبدع و الحمد لله انه ما ضرب الحكم مع انه كان يستاهل

باكيتا ما ادري ليه طلع الشلهوب السئ جدا في المباراه و دخل خالد عزيز عشان يزيد الضغط على المرمى الهلالي و الا ايش السبب ؟

ليه طلع ياسر و خلا جيلسون اللي ما سوى شي يذكر الا انه كان يسبب فولات بسبب و بدون سبب و ياسر اللي ممكن ان في دقيقه يغير مجرى المباراه

حتى اخراج ياسر الياس كان غريب لكنه نتج عن التغير الاول لانه لو لعب نواف بدل الشلهوب كان ما احتاج التغير هذا

انا ماني لا محلل رياضي و الا لاعب و لا شي يذكر انا مشجع محروق دمي لكن باكيتا السنه غير حتى في تغيراته كان باكيتا العام لما يغير الاعبين الي مدخلهم يا يجيبون اقوال او يصلحون اما السنه حتى وقت التغير سئ دايم متأخر

على العموم خيرها في غيرها و ها رد لك للزعماء

و سامحوني اذا قلت شي غلط لكن هذا من وجهت نظري فقط
اضافة رد مع اقتباس
  #6  
قديم 19/12/2005, 06:14 PM
زعيــم مميــز
تاريخ التسجيل: 23/12/2004
المكان: الرياض - جدة
مشاركات: 2,201
امس كان الهلال مقنع .. بس الاخطاء التحكيمية كانت مأثرة كثير على الاداء...

المهم الحمد لله .. امس شفنا فريق الشباب اللي هو الأول وش قاعد يسوي مساكيين يدافعون ويضيعوا وقت .. شوفوا الزعيم ايش مسوي فيهم.. الله يعيينهم ... الله يوفق الزعيم... الله ينصرنا عليهم...


مرعوبيين ... امس الشباب فازوا حققوا الكأس...



المهم الزعيم زعيم ... والهلال رائع ... والجمهور رائع.... ومنتدى الزعيم رائع ...


والله يعطيكم العافية
اضافة رد مع اقتباس
  #7  
قديم 19/12/2005, 06:20 PM
الصورة الرمزية الخاصة بـ THE COACH
زعيــم مميــز
تاريخ التسجيل: 08/05/2005
المكان: الـقــصـر الــمـرصـــود
مشاركات: 1,796
ياخي جيلسون ذا تعبان
اضافة رد مع اقتباس
  #8  
قديم 19/12/2005, 06:38 PM
في انتظار تفعيل البريد من قبل العضو
تاريخ التسجيل: 30/05/2005
المكان: ريـــــــــ العز ــــاض
مشاركات: 136
مشكـــــــــــووور خيـــــو قرعـــوه

ويعطيك ربي مليوون عااافيـــه

كفيــــت ووفيـــــــــــــت

وصــراحه كلامك كلـــه 100%

ومانقـــول الا

حسبي الله على كل من ظـــلم الهلال
اضافة رد مع اقتباس
  #9  
قديم 19/12/2005, 06:38 PM
زعيــم مميــز
تاريخ التسجيل: 06/02/2004
المكان: جــــــــــــــده
مشاركات: 5,914
يعطيكم العافيه

بالنسبه للشلهوب ماكان في جو المباراة أمس

أما جيلسون ما أدري ليش مو عاجبكم أمس

والله مايقدر يسوي أكثر من اللي سواه والحكم هذا موجود

أما اخراج ياسر القحطاني انا معكم انه غلط لانه ياسر كان يلعب

وياسر الياس خرج بتبديل اجباري

كان عنده اصابه
اضافة رد مع اقتباس
  #10  
قديم 19/12/2005, 08:46 PM
زعيــم مميــز
تاريخ التسجيل: 27/06/2005
المكان: الرياض
مشاركات: 3,258
مشكوووور كفيت ووفيت ماقصرت
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:10 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube