#1  
قديم 15/12/2005, 08:25 PM
زعيــم فعــال
تاريخ التسجيل: 17/03/2005
مشاركات: 490
طـقّني وأصير أحسن منك ## يا هــلا بـ شارقه ثـانيه

سالخير قميعن




فيه مسطّل يقول لخويه اللي ماهوب بعيد عنّه,, تتوقع لو طحت من عماره 3 أدوار بأموت؟؟

قاله أكيد بتموت أجل كل هالمده في الشقلبه والطيران بدون أكل أكيد بتموت من الجوع

أعزائي المشاهدين

أعزائي النظّاره من المحيط للخليج <----<< مشكله اللي ثقافته تونسيه

يـقول منـاحي الله يذكره بالخير:


الضربه اللي ما توجعـكش تقويـك وتخليك ميه ميه ولا فراخ القمعيه<<<< أمه بنت هريدي لاتشرهون


بصراحــه تبادر إلى ذهنـي ومخيخي هالكـلام في الموسم اللي فـات وأيضــا بداية هـالموسم

الهـلال مثل الرجـال اللي دايم عـزيز وراسه مرفوع ...بس اذا انجرح يتحول إلى آلة قـتل مدمره

قـسم بالله إننـا المخلوقين بصفه عامه ماندري أرضنا من سمـانا ونحسب كل شر عقوبه لنـــا

<<< تززعط جبت شي جديد

إلـى الآن أتذكـر مرارة الشـارقة التي قال عنها البعـض هي خــراب مالطــه و إمبراطورية الهلال

ســادت ثم بــادت وخلاص بيشيلون عفشهـم هالملوك وبيسكنون في أسفل الأرض وأدنـــاها

في المقابــل تخيلوا مثـلا لو الهلال فـاز و وصل للدور ربع النهائي وبرضو فاز ووصل لنصف النهائي

وبرضو فـاز وفي المباراه الختـاميه فـاز في الذهاب لكن في الإياب اللاعبين ما ناموا زين وتعبوا

وبعدهــا خسـروا أقول مثلا يعنــي

بنـقول المدرب ما قصّر واللاعبين ما قصروا عين الله تحرسهم كان ناقصهم كـاس البطوله ونفرح جد

بنـكون كذا خسرنا شيئين لا يقلون أهميه عن بعض أولها الكاس وثانيها استنفار أعضاء شرفنا

وحمـاسهم وإحساسـهم إن هلالهم في خطـر ولابد له من وقفـه صادقه كما هي عادتهم حفظهم الله

لكن تعالوا يا اعيالي (وش عنده الشايب) في حـالة الخساره خصوصا بنتيجه غريبه علينا نحن الملـوك

1- خلّت اللاعبين يعيشون في حالة عدم الرضا عن انفسهم واحساسهم بأنهم تخاذلوا بكل بلاده

وهذا يؤدي الى اختلال في الأنظمه الأفرازيه الهرمونيه لتغذية الاعصاب والحاله السيكولوجيه

بشكل عـام وتجعلهم مجانين كوره ومشافيح لـعب وكؤووس << تختور نفساني+محلل متقاعد

2- رصـد ميزانيه كبيـره لبنـاء هلال جديد من ظهر هلال قديم وكلهم من عائلة آل هلال (مين يذكر ابو هلال)

3- إحسـاس الجماهير بضرورة المسانده الفعّاله للفريق بحيث يبيضون وجيههم كالعاده

4- إختيـار حبيب الكل ابو سلطان حيث انه شباب ويحب الشباب وبيبني فريق شاب

5- أعضاء الشرف صاروا يـد وحده لكن بـ 200 إصبع وكل إصبع يسوى بلد ;)

6- أنا نحفـت من زود الزعـل بدون ريجيم وإكسرسايس (تمارين سويديه مين جرّبها)


هـذا كله يا حبّاني ويا فلذات أكبادي ( ليه دايم يقولون فلذة كبد والمعده اهم شي جاحدينها)

أنتج لنــا فرقة رعــب إستكمالا لنجوم قديمه ولكنها تتجدد في قلوبنا بإستمرار

وفكـر جديد وطموح جديد ومنهج جديد ( مين عنده اختبار )

أتحدى أحد يقدر يجمع لي فريق سعـودي وعربي وآسيوي وان بغيتوا أفريقي

عشان مايزعلون حبايبنا الاتحاديه اللي اذا شافتهم الحرمه الحامل تتوحم بباذنجانه

تخيلوا مثـلا الخثران + الغنام + ياسر ابو قحط + العنبر + الصويلح + الهليّل + مضواح + فهد سرور

هذا غير النجوم المتواجدين مثل ساميو و الدعيع و نواف و الشلهوب و عموري (أحس محد دلعه من قبل)

وفوقهم مدرب أشهد ان امه جابت جنين ( دعوة جدتي اذا شافت مطاوعه)

أووه صح نسيت تفاريس وكماتشو جوو طقم واحد بصراحه مثل النظارات مايركبون الا بعدستين

ماشالله عليهم واحد يحرس الدعيع لحد يخطفه والثاني مخاوي الشلهوب يبغى يكشخ به

واحد ورا والثاني قدام وياسلام يا هلال يا سلام خليتني من حبك ما أنام

<< قرقعت قريحتي الشعريه (وجه مستحي)

بدؤووها بالإتفاق وخلووا بطنه فــتاق

و مرّوا على العميد وقالوا انقلعوا يا عبيد

و مروا على القادسيه وقالوا انتي منسيّه

تقهـووا عند الشباب وعشّوهم كبه وكباب

وختمـوها بالأهلي حبايبنا والله الراقين

ولا زال القطار يمشي وكل شي تماام بس اخاف السكّه تخلّص الله لا يقوله ان شاء الله

كل هـذا صار بمشيئة اللة ولله الحمد والمنّه وكل شي مكتوب في اللوح المحفوظ << جيب شي جديد

الفـرق بين الفرق الكبيره والصغيره شي واحد فقط لا غير

مو التأهل لكأس العالم أجل بذمتكم نقدر نسمّي التوجو منتخب عالمي وماهوب بسيط ابد

الفرق هو إن الفريق الكبير يصحى بدري ويزاحم الكل عشان يوقّف بالصف الأول ;)

أمـّا الفريق الصغير يتعلق بطرف الفريق الكبير وهو بنزينه مخلّص ويائس من حياته الكرويه

الرياضين نوعين واحد شقـي وواحد سعيد احمد فهد

لو الكل سعيد كان ماشفنا جماهير لفريق الأنصار مثلا مع كامل احتراماتي

أو مثلا ما شفنا جماهير لنـادي وست هام يونايتد << دكتوري الجامعه دايم يغيب والسبّه هالفريق

فـ بصراحه أحمد ربي على نعمة الإسلام ثم الوطن ثم هلاليتي اللي مابقى احد ماعلمته بها (وجه مستحي)

@ بعد إعتزال أبو يعقوب راحت على اللي ما سووا حفل إعتزال من قبل,,, وشلون بيتميزون الحين !!!

هالـحفل ما قد صـار في الكره السعوديه من قبل ( ياحبي لرجال الهلال قول وفعل ;) )

بـطل أوروبي + هلال ينشد به الظهر + جماهير بيّضت الوجه + تنظيم خيالي والكمال لله

وفوق هـذا عريسنا اللي انـزف على الملايين يوسف والله ان صلعته تسوى مليون شعره

@ الأخوان ما قصّروا تكلموا وتكلموا عن مهرجان أبو يعقوب وكيف إنه مثالي بكل شي ماعدا الجماهير

هذولا أنا ودي أسألهم بس قبلها جيبوا آله حاسبه خابركم دايخين وضايعين في الطوشه ;)

إذا اللي حضر 65000 (كـحد أدني) وقام بـالرمي والسب لايتجاوزون الـ 100 هذا اذا مو أقل

100 قسمتن 65000 ضربن 100 = الناتجن 0.1 %

عاد بالله عليكم يستاهل هالشي انكم تقرقرون مثل الحريم وقت الفضوه

ما أقول إلا يا همــلالي

أحد يبغى شي بروح أتعشى

فــمان الله
اضافة رد مع اقتباس
  #2  
قديم 16/12/2005, 07:19 PM
زعيــم فعــال
تاريخ التسجيل: 17/03/2005
مشاركات: 490


يـعني لازم أكتب

^
^
^
^
^
^
^

خـبر عاجل.....

انتقل اللاعب......


!!!!!!!!!!!!

عشـان تردون

(وجه زعلان وبيـتهور)

لا لا عـرفت خلاص

بـ أستلف يوزر أبو ساره أكشخ به شوي

(وجه مستحي)
اضافة رد مع اقتباس
  #3  
قديم 16/12/2005, 09:21 PM
زعيــم متواصــل
تاريخ التسجيل: 15/10/2005
مشاركات: 184
شكرن على الموضووووع بس مناحي انا الي قال ؟
اضافة رد مع اقتباس
  #4  
قديم 16/12/2005, 09:51 PM
زعيــم مميــز
تاريخ التسجيل: 11/06/2004
المكان: القصيم
مشاركات: 1,758
شكراااا

والحمدلله الهلال استفاد من هذه الكبوه
اضافة رد مع اقتباس
  #5  
قديم 16/12/2005, 10:30 PM
زعيــم متألــق
تاريخ التسجيل: 16/09/2004
مشاركات: 1,111
مشكووور اخوي على موضوعك الجميل
اضافة رد مع اقتباس
  #6  
قديم 17/12/2005, 12:34 PM
زعيــم فعــال
تاريخ التسجيل: 17/03/2005
مشاركات: 490
..مناحي بن مطلق..

سوري سوري (فلسطيني فلسطيني) ماكنت أقصد أقول عنك كذا وكذا :p

..نجماوي..

العفوو والحمدلله على نعمه علينا التي لاتنقطع بتاتا البته

..خايفة سامي..

عيونك هي اللي جميله (من زمان ماتغزّلت)

شـاكر لمروركم والله يعطيكم العافيه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:08 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube