أعذروني عى بعض القسوه .. فاحيانا تقسو لتصل للعدل المفقــــــووود ..

وعلى بعض الاخطاء في التعبير لاني من زود ما فيني استرجلت كل ما كتبت دون اعداد ..



من يوم أعلنوا موعد مباراة أعتزال الكابتن يوسف وانا على نار كيف أقنع أخوياي نحضــر المباراة .. لانهم ليسوا من هواة الحضور للملعب

وبعضهم لا يشجع الفرق المحلية ويتابع الدوريات العالمية ..

مع ظروف الاختبارات والبحوث الجامعيــة كان من الصعب تفويت يوم بدون ما تنجز لك جزء من بحث تخرجك أو مذاكرة ذالك الاختبار ..

فعلا يوم السبت علينا تسليم بحث لا يقل عن مئه صفحه والتحضير لمناقشته يوم الاحد .. ويوم الاثنين .. هناك اختبار من 40 درجه يحدد مسارك هل هو للنجاح او للرسوب ..!!

بالاخير وافق يذهب معي ثلاثة .. واحد هلالي وواحد برشلوني وواحد فالنساوي وواحد .. وانا الرابع الهلالي .. وليتنا ما رحنا ..!!

جينا قبل موعد المباراة .. بعد ما قومت واحد منهم من غداءه والثاني من نومته الي بعد اختبار ( كان يوم الاربعاء ) والثالث سبقنا على الملعب ..

وصلنا لبوابة قبل موعد فتحها ..وفي التفتيش الاول كان هناك زحمــة .. وفجاءه لقيت الي يفتش يرفع احد اعمدة الاعلام ويضرب في ناس عنده .. ما دريت الا كل الشعب الي مقفين لي صار ت وجيههم لي بيهربون عن الضرب عند البوابة .. انا بحاول اتجنبهم ما دريت الا والنظاره تطيـر بعد ما صدمني واحد من الجماهيــر .. ووسط الزحمه لاتسألوني شصار للنظاره لانها لفظت أنفاسها الاخيــر .. شلت النظاره الي كانت تتمنى تشوف يوسف ودخلت بها الملعب على أمل ان يكون قبرها في نفس الموعد الذي ستفقد شمس الابداع يوسف .... كل لعيونك يهون يابو يعقوب ..!!


جلسنا بالدرجة الثانيه بالدور السفلي .. تقريبا الساعه 4 و 23 دقيقة بالضبط ..

أكتملت تقريبا مدرجات الدرجة الثانيه وليتها لم تكتمل (( عذرا يا يوسف )) .. بعدها بدات مباراة اخرى وكان من كان بالدرجه الثانيه الدور السفلي هم الشيطان .. بدا رمي كل ماهو صالح للرمي .. قوارير ماء مليانه وشبه مليانه ومفتوحه ومسكره .. وعصيــرات .. حتى النعال تكرمون ..

معقوله هذا يصير ؟؟

صرت أطالع بس فوق على أمل الا تصيبني قذيفه مائيه او نعليه .. وصرت اتمنى لو يدخلون اللاعبين عشان ينشغل مريضي النفس الي يرمون ..

أكذب عليكم لو قلت لكم حسيت بالامان قبل ما بدات المباراة .. لم يكن هدوء عاديا بل كان هدوء يسبق العاصفه ..

بس وصلنا لللدقيقة 40 لا تسألوني عن بعدها .. مشاهد مؤسف مرة مرة .. الي منصفر وشايلينه بعد قاروه جت براسه وهو بامان الله ..

واللي يتوطأ كل من قدامه يبي بس يطلع ... ويهرب ..

انا شلت نفسي بهرب و العلم بالباي باي ..

واحد من اخوياي بجنبي جته قارورة ماء وردها بيده .. بعد ما سلم الله .. لكن لا تسألوني عن يده وهو طول الطريق يشكي .. ويقول هذا جماهير الزعيم الي انت تقول ...؟؟؟


الامن كان يتفرج على المباراة من الاسفل ..؟ لماذا لم يذهب لمدرجات الثانيه ؟؟

كل من كان بالدرجة الثانيه بالطابق العلوي كان مخطئ ويتحمل الذنب ..

ليش ما كل واحد يعقل المجنون المريض نفسيا الي قاعد يرجم .. وكلا حسب الي قربه ..

بنسبه للفئه الكبيرة الي كانت ترمي القوارير .. هذا لا شك انه مريض نفسي ويعاني من سقم في تفكيــرة وأكيد في طفولته حصل له شي جعله بهذا الكره والحقد ..

كل من رمى هو يعاني من ضعف شخصيه جاء ليحاول تنميتها .. من وراء الستار .. والا لو كان به خير واجه الرجال ..

لا تسالوني بين البوابه الي تطلع من الملعب والبوابة الخارجيه وش صار ... لانه والله العظيم حتى قوارير من زجاج كانت تتكسر عن يمينا ويسارنا ..


كل من رمى ... حسبنا الله ونعم والوكيل عليه .. وعلى كل من تفرج عليه دون ان ينصحه ..


لو سألتوني هل سأحضر مباراة للهلال بعد هذه .. سأقول لكم أني سأختار بعناية أي مباراة أذهب لها .. والمباريات الكبيرة الهلاليه الخالصة كما في البطولة الاسيويه .. بالتاكيد لن تكون من اهتماماتي الحضور لها .. هذا اعتقد ليس تفكيري بل تفكير كل من كان بالدرجه الثانيه بالطابق السفلي .. أمس

يهمني الا اتمدد كما تمدد من اصابته تلك القاروه وكان بين اعضاء الرابطة .. حتى تم ادخاله للمضمار محمولا على الايدي ..






الى هنا وكل يهون لعيونك يا بو يعقوب ..

.. قفلة ..

بعد ما طلعت واجهني تفتيش بعيد عن الملعب .. واعطاني مخالفة على عدم تجديد الاستمارة .. قلت له :: من شوي بغينا نطلع معاقين وانتم غير موجودين .. أكيد بتصيرون غير موجودين واكبر اهتماماتكم رخصه مطوفة .. !!


لما كان الرمي على اشده رفعت علم الهلال وأشرت بيدي عليه ... وكاني اقول مو عشاني بس عشان الهلال ويوسف ..! لكن لا حياة لمن تنادي ..
..