#1  
قديم 15/12/2005, 11:11 AM
الصورة الرمزية الخاصة بـ أبولافي الهلالي
زعيــم مميــز
تاريخ التسجيل: 10/04/2005
المكان: @ الموج الازرق@
مشاركات: 2,855
هل تشترن الماء لتمارسون امراضكم النفسيه .؟




أعذروني عى بعض القسوه .. فاحيانا تقسو لتصل للعدل المفقــــــووود ..

وعلى بعض الاخطاء في التعبير لاني من زود ما فيني استرجلت كل ما كتبت دون اعداد ..



من يوم أعلنوا موعد مباراة أعتزال الكابتن يوسف وانا على نار كيف أقنع أخوياي نحضــر المباراة .. لانهم ليسوا من هواة الحضور للملعب

وبعضهم لا يشجع الفرق المحلية ويتابع الدوريات العالمية ..

مع ظروف الاختبارات والبحوث الجامعيــة كان من الصعب تفويت يوم بدون ما تنجز لك جزء من بحث تخرجك أو مذاكرة ذالك الاختبار ..

فعلا يوم السبت علينا تسليم بحث لا يقل عن مئه صفحه والتحضير لمناقشته يوم الاحد .. ويوم الاثنين .. هناك اختبار من 40 درجه يحدد مسارك هل هو للنجاح او للرسوب ..!!

بالاخير وافق يذهب معي ثلاثة .. واحد هلالي وواحد برشلوني وواحد فالنساوي وواحد .. وانا الرابع الهلالي .. وليتنا ما رحنا ..!!

جينا قبل موعد المباراة .. بعد ما قومت واحد منهم من غداءه والثاني من نومته الي بعد اختبار ( كان يوم الاربعاء ) والثالث سبقنا على الملعب ..

وصلنا لبوابة قبل موعد فتحها ..وفي التفتيش الاول كان هناك زحمــة .. وفجاءه لقيت الي يفتش يرفع احد اعمدة الاعلام ويضرب في ناس عنده .. ما دريت الا كل الشعب الي مقفين لي صار ت وجيههم لي بيهربون عن الضرب عند البوابة .. انا بحاول اتجنبهم ما دريت الا والنظاره تطيـر بعد ما صدمني واحد من الجماهيــر .. ووسط الزحمه لاتسألوني شصار للنظاره لانها لفظت أنفاسها الاخيــر .. شلت النظاره الي كانت تتمنى تشوف يوسف ودخلت بها الملعب على أمل ان يكون قبرها في نفس الموعد الذي ستفقد شمس الابداع يوسف .... كل لعيونك يهون يابو يعقوب ..!!


جلسنا بالدرجة الثانيه بالدور السفلي .. تقريبا الساعه 4 و 23 دقيقة بالضبط ..

أكتملت تقريبا مدرجات الدرجة الثانيه وليتها لم تكتمل (( عذرا يا يوسف )) .. بعدها بدات مباراة اخرى وكان من كان بالدرجه الثانيه الدور السفلي هم الشيطان .. بدا رمي كل ماهو صالح للرمي .. قوارير ماء مليانه وشبه مليانه ومفتوحه ومسكره .. وعصيــرات .. حتى النعال تكرمون ..

معقوله هذا يصير ؟؟

صرت أطالع بس فوق على أمل الا تصيبني قذيفه مائيه او نعليه .. وصرت اتمنى لو يدخلون اللاعبين عشان ينشغل مريضي النفس الي يرمون ..

أكذب عليكم لو قلت لكم حسيت بالامان قبل ما بدات المباراة .. لم يكن هدوء عاديا بل كان هدوء يسبق العاصفه ..

بس وصلنا لللدقيقة 40 لا تسألوني عن بعدها .. مشاهد مؤسف مرة مرة .. الي منصفر وشايلينه بعد قاروه جت براسه وهو بامان الله ..

واللي يتوطأ كل من قدامه يبي بس يطلع ... ويهرب ..

انا شلت نفسي بهرب و العلم بالباي باي ..

واحد من اخوياي بجنبي جته قارورة ماء وردها بيده .. بعد ما سلم الله .. لكن لا تسألوني عن يده وهو طول الطريق يشكي .. ويقول هذا جماهير الزعيم الي انت تقول ...؟؟؟


الامن كان يتفرج على المباراة من الاسفل ..؟ لماذا لم يذهب لمدرجات الثانيه ؟؟

كل من كان بالدرجة الثانيه بالطابق العلوي كان مخطئ ويتحمل الذنب ..

ليش ما كل واحد يعقل المجنون المريض نفسيا الي قاعد يرجم .. وكلا حسب الي قربه ..

بنسبه للفئه الكبيرة الي كانت ترمي القوارير .. هذا لا شك انه مريض نفسي ويعاني من سقم في تفكيــرة وأكيد في طفولته حصل له شي جعله بهذا الكره والحقد ..

كل من رمى هو يعاني من ضعف شخصيه جاء ليحاول تنميتها .. من وراء الستار .. والا لو كان به خير واجه الرجال ..

لا تسالوني بين البوابه الي تطلع من الملعب والبوابة الخارجيه وش صار ... لانه والله العظيم حتى قوارير من زجاج كانت تتكسر عن يمينا ويسارنا ..


كل من رمى ... حسبنا الله ونعم والوكيل عليه .. وعلى كل من تفرج عليه دون ان ينصحه ..


لو سألتوني هل سأحضر مباراة للهلال بعد هذه .. سأقول لكم أني سأختار بعناية أي مباراة أذهب لها .. والمباريات الكبيرة الهلاليه الخالصة كما في البطولة الاسيويه .. بالتاكيد لن تكون من اهتماماتي الحضور لها .. هذا اعتقد ليس تفكيري بل تفكير كل من كان بالدرجه الثانيه بالطابق السفلي .. أمس

يهمني الا اتمدد كما تمدد من اصابته تلك القاروه وكان بين اعضاء الرابطة .. حتى تم ادخاله للمضمار محمولا على الايدي ..






الى هنا وكل يهون لعيونك يا بو يعقوب ..

.. قفلة ..

بعد ما طلعت واجهني تفتيش بعيد عن الملعب .. واعطاني مخالفة على عدم تجديد الاستمارة .. قلت له :: من شوي بغينا نطلع معاقين وانتم غير موجودين .. أكيد بتصيرون غير موجودين واكبر اهتماماتكم رخصه مطوفة .. !!


لما كان الرمي على اشده رفعت علم الهلال وأشرت بيدي عليه ... وكاني اقول مو عشاني بس عشان الهلال ويوسف ..! لكن لا حياة لمن تنادي ..
..
اضافة رد مع اقتباس
  #2  
قديم 15/12/2005, 11:19 AM
زعيــم مميــز
تاريخ التسجيل: 24/06/2005
المكان: باريس نجد ( عنيزة)
مشاركات: 3,926
-


بصراحه شي محزن .. ولكن هم فئة قليلة وانا متأكد انهم مو هلاليين ..

هاللي يحذفون القوارير حثالة شوارع تحب التجمعات وتجي تخرب ..

وتذكر مبارة المنتخب مع اوزبكستان صار فيها نفس الشيء ..

والمفروض من الامن منع دخول الماء مادام فيه بعض الجماهير جهله ..
اضافة رد مع اقتباس
  #3  
قديم 15/12/2005, 11:26 AM
الصورة الرمزية الخاصة بـ أبولافي الهلالي
زعيــم مميــز
تاريخ التسجيل: 10/04/2005
المكان: @ الموج الازرق@
مشاركات: 2,855
اذا كانت قليله ما وصلنا من الدرجه الثانيه فهي مئات المحذوفات ..!!

وانا أحمــل العاقل الي بالطبقة العلويه .. احمله المسئوليه قبل الي يرجم ..!!

أنا احمل المسئوليه لحوالي الثلاثين الف متفرج ... للاسف ..!!

اذا كان على كلامك اخوي انهم قله فالاغلبية كانت تتفرج مبسوطه .. بدون حتى اقل ثقافه ووعي وحرص .. لانه قد يكون هو من في الاسفل .. او يكون احد اقاربه وحينها صدقني انه سيحاول يمنع كل منهو قريب منه من الرمي ..
اضافة رد مع اقتباس
  #4  
قديم 15/12/2005, 11:36 AM
زعيــم مميــز
تاريخ التسجيل: 24/06/2005
المكان: باريس نجد ( عنيزة)
مشاركات: 3,926
-

تبي النصيحه ودك تستمع عند جماهير واعية فاهمه تعال حول المنصه والدرجه الممتازة ..

رؤية واضحه .. جماهير فاهمه .. لاترجيم ولاسب ..

بس عيبهم البرود شوي بالتشجيع ..

وحنا مثلك يابعدي تبهذلنا بين الجماهير وجينا من القصيم وسفر ومصاريف وامتحانات .. وتطلع من الملعب مصدع راسك ..
اللي يحضر المباريات لازم يتحمل .. علشان الهلال ..

بس نصيحه لاعاد تقعد تحت الدور السفلي الا اذا ضمنت ان فيه تشديد على دخول الماء مثل مباريات الهلال والنصر ..
اضافة رد مع اقتباس
  #5  
قديم 15/12/2005, 11:41 AM
زعيــم فعــال
تاريخ التسجيل: 15/05/2005
المكان: شرقــــــــــاوي
مشاركات: 270
اول شي تسلم ع الكلمات الرائـعه والصادقه الي تقولها ..

وانا حاس فيك وحاس بكل الجماهير الي بالدرجه السفليه ...


وثاني شي .. يا الغالي اعذرني على هالكلام الي بقوله لك

انا من الناس الي جالسين بالدرجه العلويه .. وعند الاعلام بالضبط ...

وتعرف الي يرجـّـم يكون بأعلى المدرجات .. واعتقد القواريير تأتيك بسرعه فضيـعه ..


وانا جالس وكافي خيري وشري ..

واناظر رئيس الرابطه حقوي ... وودي اشيله واقوله لا تقول شي اطلع وخلهم يولـّـون ويتحملـّـون الي يسوّوونه


واحب اقولك يا الغالي .. انا من الناس الي (( شطفتني قاروره تمشي مليون ))

بس الله ستر ...


وبعدين كلامك قوي يا الغالي عندما تحمـّـل المسؤوليه للعاقلين الي بالدرجه العلويه

وانت تقول المفروض العاقلين هم الي يكلمون ويهدّون ويعلمون (( الجهلاء الي يرمون )) ... صح ولالا


يا الغالي انا وغيري من الجماهير علمنا وكلمنا ... وننصح ونصارخ ونقولهم (( خلاص شباب ))

بس لا حياة لمن تنادي .. ‍‍


وش تبينا نسوّي بالله عليك ..؟؟؟؟؟

وبصرررررررررراحه ..؟؟؟


تبينا نروح عندهم ونكلمهم واذا مافاد فيهم نتصافق معهم ...؟؟

ونسوّي مشاكل وهوشات ...؟؟

مثل الي صارت جمب الرابطه ...؟؟ واعتقد الكل شاف المهازل الي تحت


يجيك متفرج (( مسوي فيها قوي )) ويتضارب مع العسكري او مع زميله الي جمبه ...

عشان ايش ؟؟؟؟؟

عشان محل محجوز وماادري وشوووووووو سلااااامات ...‍‍

والله ناس متخلفه اقسم بالله إنهم جهـّـال ...


وكلكم شفتوا الهوشات الي صارت فوق ...

ولا تهون الهوشات الي صارت تحت <<-- ياسلام سلـّـم


وربي احس إني بالارجنتين مدري بانجلترا ... على هالهوشات



لا وبعد وشووو ...؟؟

لما وزعوا عليهم الاشرطه البيضا ...

وربي مسخررررره

على طول من استلموها الجماهير حذفوها ...


صدق ناس ما تنعطا وجه ..

الحين معطينكم هالاشرطه تنثرونها وقت الاهداف او دخول لاعبين الهلال وفالنسيا ..

ترمونهم على طوووووووووول ..؟؟ ياساتر بس


وربي ناس تضحـّـك صراحه ..

عموما اخوي ادري إني طوّلت بالرد ..

ودخـّـلت مواضيع × مواضيع

بس وش اسوّي من القهر الي شفته انا والي شافوه كل الجماهير الحاضره ..

من افراد (( معينيين وجهلاء )) .. قاموا برمي علب العصير وقوارير الماء وتكرمون (( النعول )) .. <<-- وربي تخلـّـف


لاهنت يا الغالي .. وهد اعصابك ..

وانسى كل شي ..

وفكـّـر بدراستك .... وكل واحد سوّا هالشي .. يدري إنه مخطي



سلملم
اضافة رد مع اقتباس
  #6  
قديم 15/12/2005, 12:04 PM
زعيــم نشيــط
تاريخ التسجيل: 07/09/2005
مشاركات: 856
اولا شكراا
ثانيا " ترا فيه بعض الجماهير اللي حضروا ليسوا هلاليين يبغون يخربون على الهلال وهم حاقدين ليه ينجح الحفل ويفوز الهلال فسووا حركتهم البايخه
اضافة رد مع اقتباس
  #7  
قديم 15/12/2005, 01:46 PM
الصورة الرمزية الخاصة بـ أبولافي الهلالي
زعيــم مميــز
تاريخ التسجيل: 10/04/2005
المكان: @ الموج الازرق@
مشاركات: 2,855
المشذب ..

حضرت مباريات للهلال وما كان الترجيم بالشكل هذا ..!!!

توقعت ان الحضور اغلبيته هلالي والدار امان دام الاغلبية هلال ..!!


لكن ياللاسف بس ..


فديتك يا ابو سلطان


يسلم راسك ع المرور اخوي ..

وتسلم على الشي الي سويته .. ولو كان فيه كثيرين نصحوا وتكلموا ماعتقد صار الي بيصير ..


بس شي يبط الكبد ويذبحك لما تحضــر مباراة .. وتحس ان الي معاك أكثرهم خارجين من اصلاحيات ...! فعلا لا ابالغ .. كلام وسخ وترجيم وقلة حياء ..

أبي اعرف هالاشكال كيف نقضي عليها ..؟؟؟

كيف احنا كجماهير نقضي عليها .. والا العسكر مغير ترزز وكلام فاضي .. ما حولك أحــد ..

سلمان بن نمشان اه بس .. من وين شاري شهادة الهندسه انت وهالتنظيم السئ جــدا جــدا ؟؟

لما يكون الحضور مثل هالعينات المفروض انه يحشرونهم حتى كيس حب ما يخش ..

بس وش تسوي بناس يرمون حتى نعالهم ؟؟




هلالي متمكن ..


لا تحمل المسئوليه دايم لغير الهلاليين .. احنا الاغلبية وحنا بوجيهنا المباراة ...!!
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:42 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube