15/12/2005, 03:34 PM
|
| مشرف سابق بمنتدى المجلس العام | | تاريخ التسجيل: 06/01/2001 المكان: w w w . a l z a e e m . n e t
مشاركات: 6,596
| |
الكل يعلم الآن أن الضرب ممنوع ..حتى من الأطفال ..
وما أكلها إلا حنا أول يوم كان الضرب هواية 
بالنسبة للضرب فأنا ضده إذا كان بالشكل القديم ..(( الضرب على الشاردة والواردة !! )) ..!!
لكن عاد منع الضرب جملة وتفصصيلاً هذي فيها كلام ..ومن مختصين ماهوب مني أنا ..
بالنسبة لي الحمد لله ما أضرب ..ومقتنع إن فيه طرق كثيرة أفضل من الضرب ..لكن عاد بافترض إني ولي أمر وجاني الولد يقول إن المدرس ضاربه ..!!
أول شيء راح أبين للولد إن المدرس ما ضربه إلا لمصلحته ..وإنه مابينه وبين المدرس معرفة سابقة وإلا شيء حتى يضربه بدون سبب ..!!
وبعد كذا بقول للولد خل نتذكر اليوم الدراسي وندور مكان الخلل ونشوف ليش ضربك المدرس ..وبكذا راح يعترف الطالب إنه أخطأ ..وإن العقاب جاه على الخطأ اللي سواه ..
بعد كذا راح أزور المدرسة وأشوف الموضوع والسبب وكل شيء ..!! ممكن أناقش المدرس وإنه ماله حق يضرب الولد وممكن أقول له لك الجلد ولي العظم يعني على حسب اللي اسمعه من المدرس ..
أهم شيء ( وكثير من أولياء الأمور يسوونه ) إنه يقعد يسب المدرس وإنه ماله حق وإن عيالنا ماهوب لعبة بيديه ..(( طبعا كل كلامه هذا قدام الولد )) وبالطريقة هذي تهتز صورة المعلم عند الولد وبكذا راح يزيد الأمر سوء ..ويزيد مستوى الطالب بانحدار ..وصار بدال ما يبني يهدم ..!!!
الكلام طويل بالموضوع هذا والمشاكل واجد .ووجهات النظر متعددة ..وما نقول إلا الله يعين الجميع ..
تحياتي وشكري لك على الموضوع الجيد .. |
الوضع العادي
