#1  
قديم 13/12/2005, 05:10 PM
زعيــم متواصــل
تاريخ التسجيل: 08/09/2005
مشاركات: 95
هذي قصتي واحكموا عليها

بسم الله الرحمن الرحيم

السلام عليكم ورحمة الله وبركاته

ياالله ان تحيي كل(ن) بكشرته وشلون خششكم يا الربع

طبعا ابدخل في الموضوع عرض ولانيب متأخر عليكم

هذا ياطويلين العمر والسلامه كنت انا والعياذ بالله من كنت وماربورو
والا الروث ( روث مان) يقولون انه خفيف
و زين للمفاصل <<مدري هذا رأي ابو وليد

كنت في المتوسط <<وتعرفون خير الأمور الوسط

وكان لي خوي ماشفت مثله خوي يقال له ابو هوى طيعا انا وابو هوى
دايم مع بعض انا واياه في مدرسة(ن)وحده اوصفها لكم <<اقول لاتوصف
عسى مهيب عزيمه بعد انتظروها قريبا

وفي فصل(ن) واحد وكرسي(ن) واحد <<اقول هها بس معد بقى
الاتقول000في سروال(ن) واحد

كنا نرسب مع بعض وننجح في الدور الثالث اللي تحت البدروم <<اسمع به
ومابعد ذقته بس يقولون انه طعم مع الماينيز والكاتشب خاضة(ن)
اذا صار مسويه واحد(ن) يعرف يظبطه

كنت ذات ظهر(ن) والشمس توها غايبه وانا اطالع النجوم والتفكر في
مخلوقات الله (تونا ماخذين صنع ربي في قراءة رابع )

رنت الحصه اقصد رنت افكار جهنميه في البيدجانه اللي
ادربيها فوق تستوفي <<على فكره تراي منيب بسيط على قولة ابو هوى
دايم يقو ل منت بسيط لو بس تهتم بنفسك شوي كان تصير اكبر مروج

المهم قعدت مع نفسي قعده خلويه <<وثالثنا الشيطان والحمدلله
اللي ماطبت علينا الهيئه وقالوا قضية خلوه

يسم الله الرحمن الرحيم ما امداني اكمل الى وطب علي !!! مهيب
الهيئه لا هذا خويي ابو هوى قال لي وش عندك قاعد(ن) لحالك عسى
ماسويتها على روحك << الله يطمله الولد تفكيره اقتصادي

قلت يابو هوى مليت من الدراسه من الدفاتر والكراسه
قال لي خلاص غب عن المدرسه

وارتح لك كم يوم قلت انا كثر غيابي

انت نسيت اني ااغيب يوم واغيب اسبوع

انا يابو هوى ابي اجازه شرعيه ميه بالميه

قال ابو هوى خلاص قدم على اجازة امومه يعطونك شهرين

زي جدتي مرفت الله يرحمها سوتها قبل خمسين سنه

قلت انا اخاف النظام تغير بعدين جدتك يمكن عندها واسطه

وبعدين اجازة امومه للطالبه 14 يوم بس
حرام (ليش الطالبه ماتحس والمعلمه مسيكينه؟؟؟؟؟؟

بعدين امومه لازم عقد نكاح<< والا الولد مقدور عليه

هنا حك راسه ابو هوى وطاح منه مفك14 وعلبة زيت فرامل

بعدين طلعت من دمجته الفاضيه لمبه وتولع وزعق زعقت واحد(ن) يبي يروح
للحمام ( تكرمون)

قال ابو وفى انت اذبح شغالتكم ويسجنونك في الحاير
وبكذا تستريح من الدراسه وغثاها

ما امداه يكمل الا وانا صابخه بمفك 14 اللي طاح من دمجته
واكب في وجهه زيت الفرامل

قال ابو هوى ليش كذا وش سويت يا ابو وفى قلت تبيني اذبح الشغاله
ياخبل لا انت خبل لاشكلك خبل<<اقول بس لاتكمل

ومن اللي يهتم في البيت والوالده الله يمسيها بالخير
ماصدقت تلقى وحده تشبك معها
وتعطيها وجه وتخفف عنها متاعب الحياة

الفكره يابو هوى مهيب شينه حلوه

لكن ليش ما اذبحك واضرب عصفورين بحجر واحد

منها انك تموت وتستريح من الدراسه وانا يسجنوني وايضا استريح
من الدراسه وغثاها

قال ابو هوى هاه يعني انا بعد استريح من الدراسه
مهيب شينه بس لالا
انا ما ودي افصل من المدرسه
المدرسه فيها رزق يا ابو هوى

الشايب يعطيني مصروف ريالين كل يوم لا انا ماودي افصل
تبي المصروف يطير علي
انا عندي فكره ثانيه وهويقول في نفسه <<كلش ولا المصروف

قال اذبحك قال ها ومصروفي يروح للورثه الشايب وعجوزه<<هذا ماكان يتمتم به بينه وبين نفسه المارة بالسوء

ثم قال بس يابو وفى قلت له والثاني قال الله يجيبه

الفكره عندي وانا ابو هوى

قال وهو يغمره الانتعاش (اصله يموت في الببسي) ودايم بين الحينة والاخرى
يقول قدها قدها انت قد الحركه حتى لو تقول له كيف حالك بيقولها

قال انت نسيت يا ابو وفى انك تعرف تمثل ولو لا الله ثم
جدك تسان طالع احسن من امينه رزق

قلت صح حتى انهم ملقبيني ب(عادل شلبي)
ثم تطور مستواي وصاروا ينادوني مضحي الدوسري ولايهون عبدالرحمن البيشي

نيني امثل يا بو هوى

قال ايه قلت ودراستي من اخليها له
اخليها لك انت وكشرك والله ماتنجح ولا في حلم البط <<قبل دجاج دجاح
خل نذوق الحمام ولو مرة(ن) وحده وش يضركم

قال ابو هوى لا ابيك تمثل تمثيل تستفيد منه
قلت وشلون

قال ابيك تروح للدكتور وتمثل عنده دور المريض وهو الدكتور وانا المخرج

ومعيار الزيت اقصد معيار نجاحك هو الاجازه

ان عطاك الدكتور الاجازه فانت ناجح
والا عطاك كرت اصفر ولا انتاب خسران

انا جازت لي الفكره وانبسطت منها وخصوصا ان فيها تحدي
وانا كلش ولا تحداني
وشعاراتي هي


لا تحدى وانت ماتسوى التحـدي
لاجميل ولاصريح(ن) ويش ابيبك


روح وعدي واصح اتحدي

المهم بعد انا عندي نخوه ومرؤه احيانا اجيبها معي من البيت

قلت يا ابوهوى جتك بعد مني اجازه مامن وراها جزيه

قال وش لون قلت هاهاي منت اذكى مني وانا ابو وفى ماعنه خفى

سلفني اسمك ولو انه ماغسل وانا ابا اعطيك اسمي
واروح لمستوصفكم وادخل على الدختر على اني ابو هوى
واذا عطاني الاجازه طمرت لمستوصفن
ا
(يؤثرون على انفسهم ولو كان بهم خصاصه)
قال ابو هوى اخاف تموت وبعدين يطير مني المصروف

وانا ما احب ابوك ماقدرت اتحمله ابو رفيقي وشولون لو صار ابوي
لايشيخ انا مابي اجازه

قلت معصي تبيني اغيب لحالي وين اروح ليه

بعدين ابوي تراه يحبني

بس مايحب اصدقاي

ولا اقتنع الا يوم قلت له
ان بابي يقول لي لو خليت رفيدزك المروح ابو هوى انا مستعد ارفع مصروفك
الى 3 ريال (طبعا ابو هوى رجل مادي
)
وفعلا وبسرعه دعست و رحت انا وابووفى لاني اصبحت ابو هوى وخويي صار ابو وفى

ويوم دخلنا على الدختر

قال الدختر سلامات فيك ايه يابو هوى؟

على طول قال ابو هوى الله يسلمك يادختر مافي الا سلامتك

قال الدختر الله مين فيكم ابو هوى؟

قلت انا ابو هوى وهذارفيدزي ابو وفى

قال الدختر امال بيرد عنك ليه؟

قلت يادرختر انا مسكين وشوفي ضعيف وفي ربو
عشان كذا ما اشم زين

هنا الدختر هز راسه وقال ام زاد انا اقول ليش يرد رفيدزك عنك اثرك تسذا
الله مير يربي بس يكون بعونك يا ابو هوى

وصرت كل ماسألني عن شي رديت عليه بعكس اللي يسأل عنه

الا سألني عن بطني جاوبته عن راسي وهلم تعالو (جرى)

المهم اللين قال الدكتور انا ححولك الى دكتور ولاده
!!!!
انا قمزت من الروعه قلت ماتخسى وتعقب يامصري قريح
دكتور ولاده وانا مركب لولب

عاد نط ابو هوى قاعد ساكت وده يحتسي

اها وانا اقول مشاء الله صايم(ن) كل رمضان

دكتور ماتعلمنا الجنين هو بنت والا ولد؟

الدكتور تقلبت عيونه وطلع من راسه عصفورين صغيرات
وفاق(ن) اثمه ويقول لي بسم الله عليك ياوليدي وراك تسنك مقروص
انا ماقلت دكتور ولاده
انا بأول دكتور ودان انت ماتسمعشي كويس

ولاده ايه انت مادام مركب لولب ماتخافش من حاقه

قلت عاد انا الا ابا اخافش واخافش واخافش ولا عندي فيك ولي عندك طلعه

و اقول ميد ابو هوى اصدزي قم خافش معي يا الرخمه افزع
ولا تخلي رفيدزك يخافش لحاله

قال ابو هوى انا مانيب مخافش مع احد كل(ن) يخافش لخاله

عقبها قال ابو هوى يادختر ابو هوى تعبان اوي اوي اوي

ومسكين اويات مهيب اوية(ن) وحده
انا اشوف ياسعادة الدختر
تكتب له اقازه يستريح فيها كم يوم<<اعقب يابو هوى وصار يعرف يحتسي
مع انه مافيه امل ينجح في التعبير (صدز الجوع خذيديم اجواد)

الدختر قال مايهمكش يابو وفى انا حدي صاحبك ابو هوى اقازه يومين بحلهم
وشحمهم ولحمهم سيبوهم ليه حتفاهم معاهم

قال ابو هوى احنا نبي اليومين والباقي خلهم لك
يادختر انت كريم وحنا نساهل


ويعدين طلعنا من المستوصف نضحك ومبسوطين

وقال ابو هوى الصدقي بها المناسبه السعيده على خشمي انا ابعزمك علىاندومي ابو ريال

ويوم خلصنا الاندومي (طعم الدجاج)

رحنا لمستوصف حارتنا

ويوم دخلنا المستوصف عاد انا مبسوط وشبعان شبعان واتاغر لا وعندي خبره

يعني داخل وانا ضامن الفوز بنتيجه كبيره
لا واغني (في نفسي)



1 بالله ياهل العيـاده
2 ابي وريدزة شهاده
3 اباعرضه للحبيـب
4 قولوا ان الدكاتـر
5 شافوه وقالو ياساتر
6 هاتو حبيبه يطيب
7 والزق عليها طوابع
8 واقدمه بالاصابيع
9 واقول يامستجيـب




دخلنا عند الدختر وابو هوى ماسكني وانا واطوح الونات شرق(ن) وشامي
و اتمايل يابري حالي

واقوال اه اه احو احو احو اكحكح <<مشتغل بذمه واخلاص

والدختر تقل متوصي(ن) بي مجهد الله يعافيه وكل مانغز بطني زعقت

وقلت يويل ويلي ويلاه ويوم شفت الدكتور متفاعل معي انا اندمجت
معه في الدور ويوم التفت يكتب ادخل اصابعي في اثمي
ويوم رفع الدكتور راسه الا وانا مطرش (اي مزوع )

مليت بالطو الدختر ومكتبه ودفيتراته

واوراقه يبي لها اسبوع تنشر في الشمس


المهم الدختر اتصل على طول على الاسعاف
وقال بسرعه تيقي متتأخرش

الواد عنده زايده عاوزين ننأله لمستشفى الشميسي

قلت للدكتور لا يادكتور انا مابي اجازه شهرين انا ابي اجازه يومين بس

وانا ابلع ريدزي قال الدختر احنا مش في حال اقازات دلوئتي

وشوي الا الأسعاف جايه ونزل واحد مشاء الله عليه ويخليه لعين(ن) ترجيه

شنب وشماغه على تستفه وفي يده زقاره ولاهيب نفسه فس خشمه

انا حاولت اني انحاش بس جتني ام اركب

وقلت لهم انا اكذب مافيني شي حتى اسألوا ابو هوى

قال ابو هوى يمكنه من الأندومي انا شاك(ن) فيه

يابو هوى انا مافيني شي علمهم
قال ابو هوى الدخاتر ابخص يا ابو وفى

اسمع كلام الدختور تراها من مصلحتك بعدين الزايده ماينسكت عليها
يمكن تنفجر في بطنك في اي لحظه وتموت <<خذناها في الجغرافيا المنزليه

وبعدين جا راعي الأسعاف يسحبني ماقدر انا مسمر على الكرسي

بعدين الدختر نادى المممرضين والعاملين عليها والمؤلفة قلوبهم والمرضى
على شان يسحبوني ويركبوني في( جمس الهيئه) اقصد في الأسعاف

الله لا يعيده ولا يعيد افكار ابو هوى وسحبوني بعد ما رفعوني

صاح فني المختبر ! ايوه حصلنا العينه حصلنا العينه!!!

بعدين ركبت الأسعاف وقلت لو اني ذابح ابو هوى تسان اصرف

انا الحين مبت ميت وابو هوى ينعم بالمصروف كل يوم اه يا القهر

وقلت خل احاول في سواق الاسعاف صح انه شديد ولا عنده تفاهم

لكن مافيه اخس من تجربه وان مالقحت والا ماضرها الفحل <<يمديكم على هالقصايد

قلت لسواق الأسعاف الله يخليك انا العجوز تحتريني على احر من الثلج
ومالها الا الله ثم الكمخه اللي قدامك الله يوفدزك
وينجح في تعليم الكبار ويشفي امك من شلل الأطفال

عاد انا اكوس واحد في الدعا

وقل يا الله جعل حمامك يصيرن احسن من حمام ابو الياس
وانا لو ماشفت في وجهك الحبابه والسماحه ماطلبت
منك( يد بنتك) اسف اقصد انك تحولني

وانااوعدك اول ما اتطمن على العجوز ابا الحقك على طول
والله ما راح اتأخر عليك وهذي 20ريال تحويشت العمر
اذا ماجيت خذها لك حلال(ن) بلال بن رباح عليك

ناضرني السواق بنضرة كلها حنيه وشفقه وقال والله ياهاكلمخه
انك صعبت علي ورحمتك انا خلاص ابانزل هنا ولا عاد تعودها
ولاتبطي علي في المستشفى انا احتريك

واذا ماحصلتني لاتسأل عني تراي ابمشي وانت كيفك لاتقل
ماعلمتني

وفعلا الله يجزاه خير لبق على جنب وقال لي حول حالت رجلك
لا رحم الله هالخشه

انا على طول وبسرعة(ن) تسبق البرق حولت ويوم مشيت الا
وهوراجع انا قلت انالله شكله كفشني وعرف اني منيب راجع

ويوم وقف عندي قال تعال قلت والله اني ابرجع قال عمرك مارجعت
بس نزل ذا الكرتون اللي كان تحتك<<تعرفون العينه اللي اخذها فني المختبر
ما حنا ناقصين خياس

ونزلته وركضت للبيت واقول توبه ماعد ابي اجازات


مايستفاد من القصه
ــــــــــــــــــــــــــــــــــــــــــــ
1- الصداقه زينه رب اخ(ن) لك لم تالده امك بس لايصير مثل ابو هوى
2- الاثار زين بس لايصير الشي شوي بعدين يخلص وماعاد يبقى
لك شي
3- مهيب مشكله متى تنجح بس اهم شي تنجح
4- ايزي قو ايزي كم والدليل الاندومي شف وشلون جا وشف كيف راح
5- الدراسه احسن يكثير من عملية الزايده
6- سواقين الاسعاف حبوبين ممكن بكلمتين ينزلونك مهمب مثل
سواقين المرور ماينزلزنك الا في التوقيف وكاتبين عليك القسيمه
7- الحمدلله نتيجة التحليل اللي من العينه في المستوصف ابشكم سليمة وتقبلوا تحيات ابو وفى ماعنه خفى
اضافة رد مع اقتباس
  #2  
قديم 13/12/2005, 06:07 PM
زعيــم متواصــل
تاريخ التسجيل: 19/05/2005
المكان: اقسم بالله العظيم اني سعودي
مشاركات: 63
مشكور بس انتبه من اصدقاء السوء
اضافة رد مع اقتباس
  #3  
قديم 13/12/2005, 06:47 PM
زعيــم مميــز
تاريخ التسجيل: 16/10/2005
مشاركات: 15,366
والله اني ما فهمت شئ لكن

مشكووووووووووووووووووووووووووور
اضافة رد مع اقتباس
  #4  
قديم 13/12/2005, 06:54 PM
زعيــم متألــق
تاريخ التسجيل: 29/06/2005
مشاركات: 1,282
مشكووووووووووووووووووووووووووووووووووووور

معني ما فهمت شيء
اضافة رد مع اقتباس
  #5  
قديم 13/12/2005, 07:17 PM
زعيــم جديــد
تاريخ التسجيل: 21/08/2005
المكان: قصر الوليد خخخخ
مشاركات: 30
هههههههههههههههههههههههههه
ونعم الاخويا انت وابو هوى
اضافة رد مع اقتباس
  #6  
قديم 14/12/2005, 01:22 PM
زعيــم متواصــل
تاريخ التسجيل: 08/09/2005
مشاركات: 95
هلا بالأخ

Hilal Onli

الكناري الأزرق

هلالي وتشلساوي

بنت الأزرق

لكم خالص ابوتحياتي

على مروركم الغالي
وارجو ممن لم يفهمها ان يقرأها مرة اخرى
ولبأس ان يقول قرأتها ولم افهمها ايضا
وارجو من السادة القراءه القراءة والتعليق
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:09 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube