[[ ما جاني النوم ]] - صفحة رقم 2 - نادي الهلال السعودي - شبكة الزعيم

فرصه ضايعه · #16 11/12/2005, 02:36 AM

هلا بصدى الامس ..

تو مانور المجلس ..

<< لاتصدق عاد :p

نخش في الموضوع طوالي ....

إقتباس


	واحد ما جاه النوم وش يصلح ؟؟

بس بسيطه

سو مثل مستر بن

.. قعد يعد في لوحه كلها غنم متداخلين بـ بعض الين صرقع:p :p

إقتباس


	وش رأيكم بالله ما حجرته بزاويه انا وهالرد المؤلم !!

أنا اشهد .. أنك حجرته

إقتباس


	ايه صح لا تنسون تباركون لـ الدب ;) بـ مناسبة الخطوبة الرجال ما شاء الله جزم يتزوج

ألف ألف مبروك يالدبدوب .. :p
بس هاه عاد لا تنسانا من المدعوين

<<< أهم شي الدعوة

واللوحات عاد ماأدري متى بنخلص منها
إلا على طاري اللوحات

ما فيه
ط ع م 100

ولا ق ص ي 100

ولا ح ك و 100

طيب
إذا مافيه بحجز الأخيره

ب ا ي 888 :p :p

يعطيك العافيه على هالتغيير المهضوم

بكل فخر هلاليه · #17 11/12/2005, 02:44 AM

ها بشر عساك نمت

الف مبارك لك الملكه

الهلالي- ابوسارة · #18 11/12/2005, 05:24 AM

حيّا الله صدااع الأمس

أجل دبدوب من ورانا ؟؟ يعني لما تناظر جسمك في المرايه تكتب لك : يتبع في المرآة المجاورة

والله لو إني مكان مديرك كان علوووم وجغرافيا وبلاوي زرقاء وأبيض ( متعصب هلال

)

تدري وش أحسن طريقه إذا حسيت ان النوم ماجااك ؟؟

خذ لك هذي الطريقه لصاحبها المخترع الكبير: بانكباانثر !

أقعد عد الغنم .. غنمه ورى غنمه إليين يجيك النوووم ..

عااد مشكله إذا صحيت من النوم وتلقى على التسريحه تيس جالس ومستلعن يقول مابقى ألا هي صدى يعدّني

أنا أحيانا تخمني خمّات ولا يجيني النوم ..

يا الحبيب يا اللبيب سيّر يرحم والديك يانوم طب في عيني ولا يطيع .. تدري وش أسوي ؟

على طول أفتح الثلاجه وعينك ماتشوف الا هستوب أو كافوسيد أو أي علاج حساسيه ..

لطّ لك نصف بياله وقتها راح تدعي لي وإن شاء الله مو علي :p

موضوعك ظريف .. خفيف .. بسيط .. وعلى طاري بسيط لاتفهمني غلط وتحسب أني أعيّرك بـ "بسيط" الدب حق افلام كرتون

..

المهم البركه يا غالي على الزواج ويتممه لك بخير وعسى السعاده فالك وفال أم عيالك

يووه عااد اليوم تتمنى النوم يجيك .. بكرة تطاامر ورى السهر

----> العزوبيه اطلعوا منها وأولهم أنا :p

وليت تبحث لي عن لوحتين وحده قداام يكون اسمها : ا ب و 001 والثانيه ورى واسمها : س ا ر 002

ألعن أبو التميز والكشخه بعد يابو سارة

أقول صدى وش اخبار الغصيده والخاص ترااها ذكريات أحضنهم قبل تنام وتذكرني

يالله طوّلت عليك وشكل النوم دااهمك بااااااي

إنبععع باععععع

صدى بالله ارفع المخده فيه طلي واطيته دمجتك

سلوتو

دبــل كيــك · #19 11/12/2005, 07:00 PM

واللـه يـااا صـدى الأمـس .. مـااا ودّي أطيــح الميـااانــة وأقـوولـك عليـك بالفـكـوووك

وللفكـووك أنـوااع لـعـل مـن أهمهـااا الشنينــة ... ويقـااال دواااء الكحـة حـزاات لـه مفـعـوولـه المبـاااشـر يعني وحـده بـوحـده ... وآخـر العـلااااج .. تـدري ابجيـك خـاااص قبـل لااا أجيـب العيــد

صـدقنـي لتقـعـد شخـري مااا يصحـيـك إلا ابومحـمـد يجـرك مع كراااعينـك للـدوااام

ومـبـرووك علـى الخـطـووبــة .. وأنصحـك بالثـقــل .. والرزااانـة .. وعـدم (التفيشــر) :p .. والتفيشــر يـؤدي أغلـب الأحيـااان لعـوااقـب وخيـمـة .. عـلـى طـاااريهـاا .. أتـذكـر واااحــد .. يسـوولـفلي .. عـن منااسبـة خطـووبتـه .. وكيـف انـه خـش زريبـة الغنـم بيشيـل خـرووف مخصصينـه لهـااا المنـااسبـة .. ويجـره مـع قـروونـه .. ويسـمـع الخـرووف يضاابـح بصـووت غريـب .. شـوي بدوون ماا يلتفـت الا كـن الخـرووف صـاار خفيف .. التفـت إلا كسـر قـرن الخـرووف .. والقـرن بيـد .. والخـرووف يرااافس محلـه ..جااتـه حـااالـة نفسيــه .. ماا غيـر ينـااطـح الشبـك .. وهـو تحـت هـول المـوقف .. انحـااش الخـرووف .. ويمسكـه بعـد مسـااافـة .. ويربـط كرااعينـه بسيـم .. ويجـره لحـووض الددسـن .. فكـاانت ذكـرى لاا ينسـااهـااا ... (تـرا مهـووب انـاا

) .. بس وااحـد مـن العيـااال :p

طيـب صـدى الدجــة .. ابيـك تشـووفلي اللـووحـة ذي وش معنـاااهـااا ...؟؟

ث و ر 002 ..!!

لاااا هنـت يـاا صـدى الصـرقعـة عـلى هـذا المـوضـوووع الخفيـف .. ويـاشيــن السهــر ..!!

يــرقــدوووووووون !!

راشــد · #20 11/12/2005, 11:38 PM

إقتباس


	ايه صح لا تنسون تباركون لـ الدب بـ مناسبة الخطوبة الرجال ما شاء الله جزم يتزوج

نقول مبروك على الزواج ,, وألا ننتظر ألين تصحي من النوم !!
أخاف تكون هذي من آثار النعاس !!
تحياتي لك ,, ومبرووووووووووك الزواج مقدما ,, وعقبال بقية العزاب !!

البارق · #21 12/12/2005, 12:27 AM

أجل فيه فارق للتوقيت

صدق صدى الدجة ما جت من فراغ

..

عاد ( هقوَك) <---- يقاله يشفر

إيه ( هقْوَك ) تمشي على المدير ..

أما عاد الخطوبة ..

<---- واحد يقول هيييييييييييييييييييييييييه

يعني أخيراً نفع بك كلامي وقررت تعرس

بعدين والله الموضوع ما أدري وش يبي وفيه مخالفة لقوانين المنتدى وهي (( الاستهتار بأشياء مضت أو قد حاس مريره الزمن )) <---- طبعا أضفته قبل شوي وبطبقه الحين وخل 888 تنفعك

<---- واحد ناوي شر وما لقى له درب

..

ويسلمو على هيك موضوع مرتب ومحيوف <---- أعجبتني أكثر من الموضوع

..

تحياتي ،،،

الـــوردة الزرقاء · #22 12/12/2005, 06:01 AM

مشكور

هلالي الظهران · #23 13/12/2005, 02:58 AM

يا صباح الاحساس كله المعطر برائحة الدردنيل الابيض:p لاحلى مدرس ولاحلى داج ..ياخي مدري ليه كلما اشوفك احس انك مثل يعقوب راعي الهمر

<< حالف الا يدخل بمقدمه مسوي ثقل فيها..

بدايه اعذرني استاذ

تراني ارد عليك وانا والنوم متقاطين في الكيبورد وهواش من يركب قدام

..<<< كل شوي داخل الموضوع ويحلف مايرد الا اذا داعب النوم جفوني حتى يصير توازن في الموضوع

..

إقتباس


	يالله الحين بخربط لين ما يجيني النوم عاد متى يجيني النوم هذي مشكلتكم

سبحان الله توارد الخواطر منتشر هالايام .. ومن الحين لاتدقق خلينا حبايب ولانخسر بعض

<< تقدر ع هالغمزه بس..

إقتباس


	الناس توقع 7 ونص وانت 8 ونص !!

الظاهر والله اعلم انك مدرسه الرياضه وكل يوم سحب على طابور الصباح ثمن يتوهق فيك المرشد الطلابي

.. يسعد الله ايام المدرسه بس

..

إقتباس


	بالله مهوب معي الحق ؟؟ !!

امحق حق

.. لو انا مكان ابو محمد كان خليتك تنظف حوش المدرسه حتى تكون عبره للطلاب

.. وبيني وبينك والكلام للجميع اذا ودك تفرق معهم بالفسحه وتلعب بقوارير المويه عادي

..

إقتباس


	ايه صح لا تنسون تباركون لـ الدب بـ مناسبة الخطوبة الرجال ما شاء الله جزم يتزوج

الف مبروك يا الدب وعقبال كل متزوج وحده ثانيه ولا عزاء للعازبين

.. << طلع منها

..

بس بشر الوالده وقول لها توني جزمت وان شاء الله الخطبه السنه الجايه والزواج الين يفرجها ربك

..

إقتباس


	ب ا ص 666

للبيع يا الاخو

.. شف انا اسومها ب 150 الف غير كذا ما ازيد

..

إقتباس


	ب ا ك 555 هذي لوحة واحد راعي شات دايم يقول برب همن يقول باك عشان يولكمون له

ايه زمان يافن .. ذكرتني بايام المراهقه والمراقبه والتنذل ع خلق الله

اقول ما القى عندك .. ر ق ص 666 او ر ك ب 666 ..<<<<<<<< هذا طلب نص شباب الرياض

..

صدى اعذرني النوم قام يهاوشني وقال جات لفتي

..

سلااااااااااام

الحاتمي · #24 14/12/2005, 04:24 PM

الـحـاتـمــي ..

مــر مـــن هـــنـــا ..

ويـقـول :يعني لازم نروح للإقلاع ولاّ ندمن على البايسون علشان نصحصح يا صدى البارح ؟!! ;)

<<< يبي يتهاوش بذا

بس وش رأيك باللي لوحة سيارته أ ن س 666

أويلاوووه <<< تعليق صدى الدجه بعد ما شاف اللوحة