10/12/2005, 08:49 PM
|
زعيــم مميــز | | تاريخ التسجيل: 01/12/2003
مشاركات: 4,262
| |
قد اوافقك في انتقادك للمفرج وانه لاعب مهما حاول اكتساب الثقة يظل لاعب عليه هفوات كثيرة وثقته بنفسه ضعيفة
بس فيه حاجة ما ادري اذا انت ماخذ بالك لها او لا
المدرب مقتنع فيه من بين جميع اللاعبين الاخرين
يعني انتقادنا لفهد لن يقدم ولن يؤخر في قناعة المدرب فيه
المدرب يشوف مستويات جميع اللاعبين من الهليل الى خليل الى المرشدي
وسبق واشركهم وكاساسيين كمان في اكثر من مناسبة
وحتى لما يصاب فهد المفرج ويلعب واحد مكانه يظل مكان فهد محجوز بمجرد عودته
وهذا معناه ان المدرب مقتنع منه 100%
ثانيا انت تطالب اللاعب انه يبتعد
يا اخي من منا لا يحلم ان يكون لاعب كرة قدم خصوصا لما توفره هذه الرياضة من شهرة ومال لا يتقاضاه بعض الاطباء والمدرسين ...... تبي اللاعب يقطع مصدر رزقه لانه انا وانت غير مقتنعين فيه ؟؟؟؟ ما يصير يا الغالي لو انا مكانه اكيد ما راح اجيب خبرك لما يتعلق الامر بموضوع رزقي خاصة لما اشوف الادارة والمدرب مقتنعين فيني كل الثقة
والمشكلة يا عزيزي ليس فهد المفرج هو الوحيد الي مستواه منخفض حتى تفاريس مستواه في الحضيض وفي كل مباراة لازم ياخذ كرت اصفر فليش نلقي اللوم على هالمسيكين
وعلى الاقل فهد المفرج يحاول وعنده رغبة بالتطور ويحاول يزرع في نفسه الثقة ولاعب حماسي وقتالي في كل مباراة ويمكن احنا تسببنا عليه وزرعنا فيه عقدة الخوف والرهبة وخبرك بعض الاشياء صعب تروح
الي ابي اوصل له ما دام باكيتا مقتنع في اللاعب وما دام اللاعب اساسي فتشجيعنا له اولى من ذمنا
انا حسيت بهالشي لما انتقل الدوخي وقالوا ياسر الياس هو البديل
انا ما كنت مقتنع باللاعب ابدا واحسه ثغرة في دفاع الهلال وكنت خايف مرة خصوصا ان المرحلة حساسة
وكتبت كذا رد بدون شعور ينتقص من ياسر الياس
بس لما فكرت فيها طيب وبعدين اللاعب راح يلعب رضيت ولا انرضيت
ولما انا الي المفترض اشجعه اقوم احبط معنوياته واقلل من مستواه
مين الخاسر ؟؟؟؟
لا ياسر الياس ولا غيره لانه راتبه ماشي ماشي
الخاسر هو هلالنا
يا ريت نقتدي بالاتحادييين وهم يزرعون الثقة في لعيبتهم
ولا لاعب مثل عدنان فلاته هذا تسميه لاعب
بس شوف الثقة وش تسوي
اتمنى بس انك تعيد النظر والتفكير في الموضوع وتتذكر ان المفرج راح يكون اساسي المباراة الجاية فهل تبيه مهزوز ولا واثق من نفسه
وفكر في الهلال قبل ما تفكر في اللاعب
وترى كل من وصل لشي فهو يستاهله اكيد ان فهد المفرج قدم شيء خلى المدرب يقتنع فيه كل هالثقة ومو بس باكيتا ترى المفرج يعتبر من اللاعبين المحبوبين عند المدربين وترى حتى يتم اختياره بين فترة واخرى لقائمة المنتخب
ولا تظن هذا دفاع عن المفرج اي هلالي راح يظل يتألم من اخطاء فهد المتكررة بس وش نقول ما لنا الا الصبر ما دام المدرب مقتنع فيه ونردد لعل وعسى فهد يتعلم من اخطائه ويكون اكثر ثقة بنفسه |