السلام عليكم ورحمة الله وبركاته

مع احترامي لجميع من يقول المنتخب داخل بطولة غرب اسيا لمجرد الأستعداد لكاس العالم ماعاد فينا صبر على تخبيصات (كالديرون)
ناس يقولون هذي البطوله داخل فيها كالديرون فقط للأستعداد لكاس العالم !!!!!!!!!!!!!!!

يا عالم الاستعداد لكاس العالم او لأي بطوله دوليه يكون بعمل مباريات وديه وعمل معسكر مغلق لايقل عن 20 يوم
يعني بالعربي ما تستعد لكاس العالم ببطوله دوليه !!

انت يوم تدخل بطولة غرب اسيا يا انك تكون مستعد بمعسكر مايقل عن 20 يوم لعمل تجانس بين اللاعبين وايضا لتجريب وتطبيق التكتيك واللاستراتيجيه اللي بتدخل فيها البطوله بحيث يكون كل لاعب يعرف وش اللي مطلوب منه داخل الملعب حتى الاحتياطي يكون عارف وش راح يسوي يوم ينزل الملعب مو مثل منتخبنا امس اللعب في ديره وهم في ديره ( كل لاعب يلعب على هواه وبطريقته ومافيه اي هويه ولا تشوف اي تكتيك حتى اللي مايفهم في الكوره يقدر يقولك هذا المنتخب جالس يلعب بدون تكتيك ) يعني مافيه مدرب

اتمنى من الاتحاد السعودي ولجنة المنتخبات انها تنظر للوضع وتعيد النظر في (المدرب ) لأنه بصراحه غير مقنع من اول ماوصل ولايغركم التأهل لكاس العالم ترى مجموعتنا كانت ضعيفه ماعدا كوريا يعني من قبل مانلعب كان مضمون التأهل ولو بالمركز الثاني ولكن بحماس اللاعبين وخصوصا كابتن الفريق ( سامي الجابر ) وايضا بدعم ( الجماهير العريضه ) تحقق التأهل يعني ( لانضحك على انفسنا ونقول مدرب قدير ترى والله العظيم مدرب فاشل ومحظوظ انه يدرب المنتخب السعودي يعني هو المستفيد من التأهل لكاس العالم مو المنتخب السعودي اللي تأهل اربع مرات ) ولا منهو كالديرون عشان يضيف شي للمنتخب !!!!!!!!

خلاصة الموضوع لانضحك على انفسنا ونقول هذا اعداد لكاس العالم يا اخي مافيه منتخب يدخل بطوله لمجرد الاعداد يا اخوان الأعداد يكون بالمباريات الوديه والمعسكرات الطويله مو معسكرات العشره ايام كل شهر يجمعونهم ( مثل فرق الحواري اذا عندهم مباراه )

بعدين انت اذا انهزمت في بطوله دوليه تسجل في التاريخ نتيجة المباراه وما احد راح يقول كان استعداد او فريق رديف او (بطيخ ) على فكره الخمسه اللي امس راح نخسر خمس او ست نقاط بسببها في التصنيف الدولي ( الفيفا ) ويا قلب لاتحزن !!!!

يجب عودة لاعبين الخبره ومشاركتهم في كاس العالم 2006 ويجب ان يضم المنتخب اللاعبين التاليه اسمائهم اذا ارادوا عمل شي في كاس العالم وهم :

سامي الجابر , ياسر القحطاني , سعد الحارثي , محمد العنبر , محمد امين ( للهجوم )

خالد عزيز , نواف التمياط , سعود كريري , محمد الشلهوب , مناف ابو شقير , محمد نور , تسير الجاسم , بدر الحقباني ( للوسط )

عبدالعزيز الخثران , حسين عبد الغني , احمد الدوخي , ابراهيم شراحيلي ( اظهره يمين ويسار )

رضا تكر , حمد المنتشري , احمد خليل , احمد البحري , اسامه المولد ( قلوب او متوسطي دفاع )

مبروك زايد , محمد الدعيع , محمد خوجه ( حراس مرمى )

انجل يوردانيسكو ( مدرب للمنتخب )

هذولا ( 26) لاعب اتمنى نشوفهم في كاس العالم وصدقوني انا وشريحه كبيره من الجماهير السعوديه الوفيه تراهن على هذه الاسماء بأنها بأذن الله ستقدم شي في كاس العالم 2006 وراح يكون انجاز اكبر من انجاز كاس العالم 94 وانا متأكد من هالشي

اتمنى من الاتحاد السعودي ومن لجنة المنتخبات بالذت الاستماع الى اراء الجماهير السعوديه المحبه لمنتخبها والغيوره على شعار الوطن ولا اتحادنا السعودي فالحين بس يطلبون من الجماهير الحضور ومساندة المنتخب في الملاعب وملء الملاعب وبس ويوم يقول الجمهور رايه يقولون ( لااااا ) انتم ماتفهمون في الكوره !!!!!!!! عجبي !

امتنى من الجميع ابداء رأيهم وان شاء الله نقدر نوصل اصواتنا للمسؤولين عن المنتخب ونحن الجهمور السعودي المحب على ثقه بأن المسؤولين في الاتحاد السعودي على قدر المسؤليه ويهمهم تشريف الكره السعوديه وهم على قدر عااااااااالي جدا من الوطنيه وحب الوطن وراية لااله الاالله محمد رسول الله دايم عاليه

ودمتم بألف خير