| اخوي كافو
اختي كرستال
كلامكم صحيح الروح مطلوبه من اللاعبين بس انا اقول الروح هذي والقوه في اللعب للمدرب دور كبير فيها
يعني المدرب اذا كانت شخصيته قويه مع اللاعبين بالاضافه لقوة التمارين صدقوني راح تتغير الروح للاعبين
لكن اذا كان المدرب ضعيف الشخصيه صدقوني راح ينعكس هالشي على اللاعبين انفسهم
وكلنا نشوف الفرق بين كالديرون وبين ( باكيتا ) و ( يوردانيسكو ) يعني هالمدربين شخصيتهم قويه ويفرضون شخصيتهم على اللاعبين وحتى في وسط المباريات تحس انهم عارفين وش جالسين يسوون بعكس ( كالديرون ) اللي يعتمد على الحظ ويعتمد على الكابتن ( سامي الجابر ) يعني بالعربي ( كالديرون ) بدون سامي ولا شي وكلنا شفنا شلون نتايج المنتخب تغيرت مع رجوع سامي للمنتخب
لأن سامي عنده شخصيه قويه مع اللاعبين داخل الملعب وهذا هو الشي المفقود في ( كالديرون ) صاحب الشخصيه المهزوزه وكلنا شفنا لقاء ( كالديرون ) مع( بتال القوس) في برنامج (مواجهه) ياأخي مدرب مايعرف يرد ولا يعرف يناقش وأجوبته كلها غير مقنعه ابدا شخص ضعيف ومهزوز وماعنده اي ثقه في نفسه
ياخي شوف ( باكيتا ) في لقائاته التلفزيونيه تحس هذا الانسان واثق من نفسه بدرجه عاليه جداا ونفس الكلام ينطبق على ( يوردانيسكو ) وكلنا نتذكر بطولات الهلال مع يوردانيسكو ومع باكيتا وهذا اكبر دليل
على العموم اتمنى تغيير المدرب وضم اللاعبين المؤهلين للمنتخب وترى منتخبنا السعودي مو حقل تجارب لكل من هب ودب يعني ياكالديرون يامحترم لاتجلس تألف وتخترع وتخبصنا معاك احنا مو ناقصين  | 