هذآ اللي صآر بمباراة الهلال والنصر<_أضحك ووسع صدرك ياهلالي - نادي الهلال السعودي - شبكة الزعيم

LBa your heart · #1 03/12/2005, 03:43 AM

.:.

السلام عليكم

أخباركم

ادري مو رايقين بس وسعو صدوركم كل لاعبين الهلال ماقصروو والجماهير بعد ماقصروو (بعد انا ماقصرت)

المهم

ليش أتعب نفسي واقول ان هذا اللاعب الهلالي مالعب زين وان المدرب غلطان وان ياسر الياس وفهد المفرج مكانهم

بالاحتياط.. ترى مافاز علينا فريق النصر يمكن ان النصراويين يتخيلون انهم فايزين ...التعادل عند نادي الفقر (النصر)

مع الهلال يعتبر مثل (الفوز) وفوز فريق الفقر(النصر) على الهلال يعتبر (بطوله)... ;)

النصر<<_ بدون بطولات

.....

اللي أبيه منكم ياهلاليين أنكم توسعون صدوركم

وكل واحد يكتب له موقف حلو صار بمدرجات الهلال أو يكتب شي لفت أنظاره بمدرجات الهلال <_شكلكم مافهمتو

طيب من اللي شاف الولد اللي عمره حوالي 13 او 12 سنه اللي جالس تحت الرابطه بشوي وش رايكم برقصه ههههههه

هذا طول الله عمركم أخو خويي

بصراحه أبدع بالمدرجات هالولد

وحمس باقي جماهير الهلال النايمه سحبو

على المباراة وقامو يصورونه بجوالاتهم <_مسكين اللي مامعه جوال أبو كاميرا

وهذي سالفة ثانيه صارت لي بمواقف السيارات اللي بالملعب... <_راعي طويله :p

المهم

جماهير الفقر بمواقف الملعب مسوين بيقهرونا يرقصون عند سيارة اخوي طبعا اخوي الصغير والسياره هايلكس...

ودقيت على خوياي قلت تعالو عند المواقف وشغلت اغنيه وخليت أخو خويي الصغير اللي قلت لكم وش سوى

بالمدرجات الهلال

يركب فوق الهايلكس ويرقص بعلم الهلال

عشان يلفت الانظار ويتجمعون جماهير الهلال ..

وتجمعو وغطينا على جمهور الفقر وطلعناهم من المواقف وربي ضحكنا عليهم ضحك اللي يشوفوهم يقول فايزيين على

الهلال 5/0

<_شايل عجرا ومدخلها بكم ثوبه عشان ماتشوفه الشرطه ;)

شكلي طولت عليكم بالسالفه

أدري بتقولون لي هذا مو هلالي لأني رايق بالمره بس وربي كنت مقهور بالملعب <_اترفع عنده الضعط

بس حبيت انكم تنسون هالمباراة لان قدامنا مباراة الاتششششاد مدري الاتههههاد...

.:.همسه.:.
"ياهلالي غالي غالي "

أخوكم

.:.كلي هلالي.:.

قيصر ميلان · #2 03/12/2005, 03:49 AM

هههههه الله يرجك

تكفىى جيب معك الولد الصغيرر في المبارات الجايه علشان الجمهوور يتجمعووا

Laheeb · #3 03/12/2005, 03:50 AM

والله انك فاضي

]¦[¾™ أخوالقمر ™¾]¦[ · #4 03/12/2005, 03:53 AM

هلا وغلا فيك أخوي كلي هلالي

والله بالنسبه للمباره كنا نتمناها هلاليه وليلة زرقااء
بس تجري الريااح بما لا تشتهي السفن

اول شي احب اقول كماتشو هو نجم المباراه عشااااان مانقول ما ذكرنا الي لعبو صح

المهم يالحبيب انا لفت انتبهااي شي واحد صاارحه وضحكت منه

هو شعاار لنادي النثر حاطينه فرحانين فيه ههههههههههههههههه وشكل الي كاتبه ماعمره شاف النصر بمنصات التتويج

المهم الي مكتوب على الشعاار
( عمري ما تمنيت شي قد ما تمنيت بطوله )
بس اقووله تحقق منااااك اليوم تعادلهم مع الزعيم يعتبر بطووله لهم

مشكور اخوي
<< حااط قدامه شااي نعناع يبي يرووق من العصبيه

تشكرات زعمااء

هلاليه بجنان · #5 03/12/2005, 03:59 AM

انا قطعت قميصي من القهر مع انه غالي بس يالله كل شي يهون لعيون الزعيم

LBa your heart · #6 03/12/2005, 04:11 AM

.:.

قيصر ميلان أبشر ..أنت آمر وانا اطآمر ...مشكور على مروركـ...

.:.

Laheeb أخوي شكلك هلالي متعصب وبعدين وش عرفك أني فاضي

بس لو تضحك شوي أحسن (أضحكـ تضحكـ لكـ الدووووونيا)..

.:.

]¦[¾™ أخوالقمر ™¾]¦[ ماقلت شي جديد كماتشو(الارهاابي).
سحرني بلعبه وخلاني أحب الهلال زيادهـ وفوق كذا صرت أحضر مباريات الهلال كلها اللي بالرياض

( عمري ما تمنيت شي قد ما تمنيت بطوله ) <<<< أما هذي حلوه لو شفتها بالملعب بموت ضحك

مشكور على مروركـ أخوي

.:.

هلاليه بجنان ههههههههه ماعليك أجيب لكـ قميص جديد اذا شفنا الهلال رافع كأس الدوري

مشكورهـ على تفآعلكــ...

.:.

نزيه المشاعر · #7 03/12/2005, 04:23 AM

مشكور اخوي

والله انك رفهت عني شوي

LBa your heart · #8 03/12/2005, 04:27 AM

.:.

نزيه المشاعر هذا اللي أبيه منكـ فقط

ومشكور على مروركـ... ;)

.:.

أبو فالح الهلالي · #9 03/12/2005, 04:38 AM

حلو موضوعك بس احس انه يبي ينشات اضن مو ذا محله يمكن العامه

الموووووووووووووووهم ...

انا صارلي موقف انما ايه ماله داعي ..
كنت انا ولد خالتي تونا طالعين من دورت المياه الله يكرمكم رايحين بنصلي العشاء
مادريت الا العسكري يناضر فيني ويقول تعال ياكلب تعال يا حيوان كرمكم الله المووووووهم << ماكذب خبر حط رجله
عطيته ضهري ونزلت نعالي الله يكرمكم عنده وماتشوف الا غبرررررررررررتي ولد خالتي مع الخيل ياشقراء وراي
والله اني اركض واضحك ولد خالتي يقول يلعن شكلك وش مسوي وانا اركض
قلت يارجال ماسويت شي لاكن الزبنه مي بشينه
(( انا قلت بنفسي اكيد واحد مسويله بلا وشافني العسكري يحسب انه انا ))
واشوف واحد دب قدامي يركض انا استغربت العسكري يناضر فيني ويناديني انا اللي قدامي يركض ليه مدري ؟
المووووووووووهم ركضنا حوالي مية متر الا ثلاثة عساكر بوجيهنا وعسكري ورانا
(( يعني مسويلنا شبكة ))
المووووووووهم مسكونا العساكر واحد من الثلاثه اللي كانو قدامنا رفع يده يعني ما عنه وعن المخمس شي
الا والعسكري اللي ورانا يقول وقف وقف ماله دخل ماله دخل انا يوم سمعت كلمة ماله دخل قلت بس طلعنا منها
الموووووووووووهم جا العسكري اللي كان يطردنا << لعنبوا السالفه كلها عساكر هههههههههه
يقول فكهم ..
طلع الدب متكلم على العسكري ولسؤ حضي اني يوم طلعت من دورة المياه اعزكم الله كان الدب متعديني
واول ماطلعت من الباب الا العسكري بوجهي وكانت ردة فعلي الغبية اني هجيت والمسكين ولد خالتي معي .........

الموووووووهم
ليه تهجون وش مسوين اكيد معكم شي وتفتيش ولعنت مترس وربع ساعه وقفوا لا تروحون وبالاخير يالله فكنا
عقب حب خشوم ومطالب وترجي يالله فكنا ..

والى اهنا انتهت مغامراتي مع عساكر الملز ..

الى وش طاري ها السالفه <<< نسى الموضوع اللي داخل عشانه ...

ودمتم ..

زعيم شمالي · #10 03/12/2005, 04:49 AM

عن جد أنت رايق

LBa your heart · #11 03/12/2005, 05:06 AM

ههههههههههههههههههههههههههههههههههههههههههههههههههههههههههه

أبو فالح الهلالي الله يرجك من جد ضحكت ضحك أتخيل شكلك تركض ومتخيل شكلكـ دب

ومشكور على تفآعلكـ...

.:.

زعيم شمالي بالله الكلام اللي قلتهـ سب ولاذم هههههههه

مشكور على مروكـ...

طيطوو

.:.

▐ĞћмĐỗй▌ · #12 03/12/2005, 05:20 AM

مشكووووووووور خوووووووووي

اما انا كنت متحمس ابي يجيب الهلال قووووول
واول ماجاء قووووول الهلال من الفرحه والحمااااااس اصارخ وجيت ابى اصفق
مرت يديني من جنب بعض<<<<<<< احول
شافتني الوالده وقامت تضحك علي <<<<<<<<<< طبعا قلب وجهي احمر وفحم

<<<<<<<<< توبه يصفق الا اذا بطالع في يديني زين

الزعيـــ 15ـــــــــــــم

LBa your heart · #13 03/12/2005, 05:30 AM

الزعيــــ 15 ـــــم

هههههههههههه من الفرحه محد يقدر يسيطر على نفسهـ ماألومكـ يالاحول خخخخخخخخ

مشكور على تفاعلكـ..

.:.

LBa your heart · #14 03/12/2005, 05:33 AM

يؤؤؤؤؤ

ملاحظهـ نسيت أكتبها

شباب انا اقصد المواقف اللي صارت بالملعب مو بالبيت :sad:

لاني يوم شفت رد أخوي الزعيــــ 15 ـــــم استغربت قلت وش جاب اامه للملعب

وطلع أبو الشباب جالس بالبيت

.:.

روعة الكرة · #15 03/12/2005, 06:34 AM

صارلي موقف مع مشجع نصرواي قبل ثلاث سنوات كنت حاضر مباراة الا هلي والنصر المربع لكاس ولي العهد وكنت

جالس مع مدرجات الا هلي وجت ضربات الترجيح وفاز الا هلي على النصر وتاهل للنها ئي مع الهلال وفاز الهلال واحد

صفر بهدف المو هوب المهم وانا جالس في المدرجات ما بعد طلعت جا ني مشجع نصرواي يكلمني يقول القهر مو انكم

فزتو علينا القهر انكم بتقا بلون الهلال على النهائي وبيا خذ الهلال الكاس رديت عليه قلت اهم شي نو صل للنهائي