ابقولكم قصه حلوووووه من قصص التيته ( يعني الجده ) الحلوووين

كان ياما كان في قديم الزمان وفي سابق العصر والاوان ...
هذا يقولكم فيه مكان في الغابه عايش فيه اسد وغراب وبعير ( جمل ) وثعلب
المهم اللي يحكمهم الاسد طبعاً والبعير مستشاره يستشيره في بعض الاشياء طبعاً البعير معروف بحكمته

الاسد هو اللي يطلع يصيد ويجيب فريسه كل يوم ياكلها هو والباقي ياكلونه الثعلب والغراب ....... البعير لا طبعاً بحكم انه ياكل عشب مايحتاج صيد ... مرتاح العشب قدامه وياكل فيه

في يوم من الايام الاسد اصيب ومرض وما صار يطلع من بيته .... وما يقدر يصيد فريسه ياكلها وياكلونها شعبه اللي هم الثعلب والغراب ... أما البعير مرتاح وياكل لين يشبع ما همه فريسه ولا شيء

ماش ماعجبهم الوضع وحالتهم وحالة الاسد يوم عن يوم تسوء .. أما البعير كل يوم يزيد وزنه ..

عاد الثعلب ماقدر يتحمل الوضع وراح للملك الاسد وقاله : يا طويل العمر ما ينفع كذا على كذا بنموت جوع كلنا
قال الاسد : وش نسوي يا ثعلب انا زي مانت شايف ما اقدر اتحمل
قال الثعلب : طيب وش رايك ناكل مستشارك البعير تراه كل يوم ينتفخ
قال الاسد : لا يا شيخ هذا من زمان وهو مستشاري الخاص ومخلص لي مره ما اقدر اخونه كذا عالطول
قال الثعلب : ما فيه الا هذا الحل يا طويل العمر
قال الاسد : لا لا لا ما اقدر آكله كذا بدون ما يدري اغدر فيه ... صعبه
قال الثعلب : خلووووها ... الحل عندي وانا بو هندي
قال الاسد : وش بتسوي انت ووجهك
قال الثعلب : ما عليك انت مالك الا من يشبعك
قال الاسد : نشووووووووف

راح الثعلب الماكر الملعوووون ونادى الغراب وقاله بالخطه اللي بيسويها ......
نادى الثعلب الغراب والبعير وقال تعالوا ابيكم في اجتماع مهم لازم نجتمع علشان نشوف وضعنا هذا ونلقاله حل ..... ووافقوا واجتمعوا

@ الاجتماع

الثعلب : يا شباب ترى كذا ما ينفع لازم نشوف حل للاسد الله يطول بعمره ... وهو طول هالسنين وهو اللي يوكلنا ما ناكل الا من خيره والحين هو مريض مسكين ما يقدر يصيد ولازم احنا نساعده على الاقل نرد الجميل

الغراب : صدقت يا خوي لازم نساعده ونفديه بارواحنا

البعير : والله انكم صادقين والله هذا طويل العمر عشره انا وياه بس وش الحل وش نسوي

الثعلب : تعالوا خل نروح لطويل العمر ونشوفه ونتطمن عليه اول شيء

راحوا للاسد وجلسوا معه وقعدوا يسولفووووون

الثعلب : ياطويل العمر انت حبيبنا وتاج راسنا اكلتنا طول هالسنين والحين انت مريض ...... يا طويل العمر انا افداك بعمري والله وش رايك تاكلني انا طعمي زين يشبعك يا طويل العمر ويشبع اتباعك

الغراب : واااااااع وش يبي فيك انت من زين لحمك انت ووجهك ما ينفع ولا بقرش ... يا طويل العمر وش رايك تاكلني انا .... انا من لي غيرك يا طويل العمر انت ملكنا ما اقدر اشوفك بهالحاله

البعير : لا يا طويل العمر انت عارف معزتك عندي انا مستشارك من سنين وافديك بحياتي ... وش رايك تاكلني انا ......... انا لحمي طيب ..... اقولك اكلني انا يا طويل العمر
................ ما كمل كلامه ويطب عليه الاسد وياكله ويشبع ويشبعوووون اتباعه

وسلامتكم ,,,,

هذي قصه اعجبتني وفيها حكمه ودي انكم تتعضون منها

تقبلوا تحياتي ..
I'M BoW WoW ...

انواع الدجه البغير مسكين على نياته الله يرحم حاله

هلاا ٍBoW WoW

تصدق قصة مثل خشتك ( يعني قمر تهبل تجنن )

يخوي ورا الاسد ما وكل الثعلب يدورله فريسه غير البعير ( منسجم مع القصة :p :p :p )

الحين ماتقول ويا وجهك:p ان الاسد مريض اجل كيف تحامل علي نفسه وطب بسرعه علي البعير المفروض يخلي أعوانه يطبون عليه

<======واحد ذكي

البعير مسكين مع انه كبير الا انه دايم مخفه ؟