لغز على قهوة الصباح - نادي الهلال السعودي - شبكة الزعيم

J.A.J · #1 09/08/2001, 12:04 PM

هذا اللغز جاء تمخمخت عليه مع قهوة الصباح :-

شايب له سبع من العيال
.................. لهم صولات وجولات بكل مكان

اكبرهم وأوسطهم اصغرهم أعمار
.................. صار لهم من الزمن عدة سنين

والخمسة الباقين أنولدو قبل أبوهم
................. جابها لكم JAJ وأفهم يافهيم

معنى كلمة ( أنولدو) :- يعني جاؤ للدنيا

ياجماعة تراني في الشعر دجة ... يعني لاتقروها كشعر وانما كلغز بس .

تبون الحل ..... الى هالدرجة صعب عليكم ؟

الحل بكرة

هلالي متعصب · #2 09/08/2001, 02:52 PM

صراحه عصرت مخي مع الفطور وحتى وانا اتغدى بس ماعرفت شي ياليت تبسط شوي....

J.A.J · #3 09/08/2001, 11:49 PM

هلالي متعصب طيب وبعد العشاء

أو يمكن مابعد تعشيت

حبيب قلبي :-

بأبسطها لك وللجميع وعلى قولت ذاك اللي في القناة ذيك .... لعيونك

الشايب وعيالة مانستغني عنهم في حياتنا اليومية أبد أبد أبد...ومايستغني عنهم الا جاهل أو مهبول ؟

ودك بتبسيط أكثر من كذا ....... من عيوني

ALANIZY · #4 10/08/2001, 01:07 AM

اشغلتنا يا JAJ

من الي يولد قبل ابيه هل هي الارض الانسان الهواء الماءزززالخ

J.A.J · #5 10/08/2001, 10:27 PM

ALANIZY

الله يسلمك أخوي يمكن يكون اللغز صعب لأنه من تأليفي .

اعرف أنه صعب للجميع وأليكم الحل :-

الشايب هو :- 500 ريال ( عملتنا السعودية )

وعياله هم :- 200 ريال +100 ريال+ 50 ريال + 20 ريال + 10 ريال + 5 ريال + 1 ريال ........

الأكبر والأوسط هم :- 200 ريال + 20 ريال عملة حديثة الطبع .

واللي انولدو قبل ابوهم هم :-

100 ريال + 50 ريال + 10 ريال + 5 ريال + 1 ريال تمت طباعتهم قبل 500 ريال .

ان شاء الله عجبتكم ياغالين

هلالي متعصب · #6 11/08/2001, 12:04 AM

انا قلت السبع الموبقات او اركان الصلاة واثاري الدعوى فلوس

الظاهر لحسن عقلك الفلوس وانا اخوك اجل مع قهوة الصباح واخرها لغز مافيه امل احد يحله سؤال بسيط من متى وانا اخوك وانت تالف الغاز من زمان والا من قريب بعدين وش نشاطك في رمضان بالضبط يعني ماعمرك تعاقدت مع احد القنوات الفضائيه لعمل اسئله للمشاهدين

امزح معك وصراحه لغز مهبول .....

J.A.J · #7 11/08/2001, 12:46 AM

هلالي متعصب

حبيب قلبي أول مرة وأخر مرة ..... خلاص من تأليفي يفتح الله ... مرة وعدت على خير ...... مرة في العمر زي ماقالو ... الظاهر مانبي احراج للجميع ؟

الظاهر ماعدت على خير أكيد فيه ناس منقهره ...... ليش ماحلوها

لكن من الحين وطالع مافيه الا ....... ألغاز مرة عليهم;)

يمكن يحلونها

أما أسئلة رمضان لو يخلوني أحطها مافيه أمل ....أحد يحلها:p