في البداية أحب أن أقدم أسفي الشديد لجميع الجنس الآخر وليسمحوا لي بأن هذا اللي صاير وهن أدرى مني بأحوالهن ولن أقول الا موقف بسيط حصل لصديق عزيز ... وإن شاء الله بين كل حين وآخر أعطيكم موقف مثله من ذي المواقف حقت الحريم واللي تدل على سطحية عقولهن (( طبعاً مو كلهم تقريباً 99.99% بعد ما أستثنيت المشاركات معنا في المنتدى الهلال وزوجات أعضاء وزوار المنتدى )) عساني نسيت حد ثاني !!!!


مرة من المرات (( واحد من أصحابي ))) حاطها بين قوسين علشان ماحد يقول انه انت ياأبو فيصل أعيد وأقول واحد من أصحابي بالأمارة إسمه (( خالد )) أخذ زوجته (( خلود )) ونزلوا مجمع الشرق التجاري بجدة طبعاً المجمع مشهووووور بمحلات الأقمشة الراقية وكل القماشين في ذا السوق من أحسن القماشين في السعودية مو في جدة وبس .... طبعاً جدة غير وأقمشتها غير ;) <<<<======= أقهر بعض النااااااس


المهم خالد وخلود دخلوا لأول محل وشافوا كم قطعة لين ماعجبت خلود قطعة قماش وانبهرت
وقالت له : حبيبي خلاص اشتري لي هذه القطعة .
قال خالد للبائع : بكم المتر؟
البائع: بميتين.
قال خالد لخلود: كم متر تبغي؟
قالت خلود لخالد : بكم المتر ياحبيبي؟
قالها: المتر بميتين ريال.
قالت له : بميتين ريال !!
قالها : ايوة بميتين ... اشبك مستغربة..
قالت له : لالالالا ماني مستغربة ولا حاجه بس اني ما ابغاها ماهي حلوة.
قالها : اول عجبتك ودا الحين تقولي ماهي حلوة !!!!!
قالت له : لالالا ماعجبتني شوف خيوطها نازلة من هنا.. والفصوص تطيح.. والنقشة قديمه .. صناعتها تايوانية ... (( وجالسه تعيب في القطعة )) .
قالها : انتي حرة بكيفك... نشوف قطعة ثانية.
قالت له زوجته : لالالالا شوف لنا محل ثاني ذا المحل تعبااااان!!!!!!


ودخل خالد وخلود للمحل الثاني وشافوا عدة اقمشة... طبعاً خلود كل ماتشوف قطعة وقبل ماتقول حلوة تسأل البائع عن سعرها ... وكل القطع ماعجبتها .. تدروا ليه علشانها رخصية هيا جالسة تدور على قطعة المتر الواحد بألف أو بألفين ..


أخيراً خلود شافت محل ديكوره ملفت للنظر ... بالعربي فخم .. محل كبير .. يشرح الصدر .. قالت لخالد يالله نشوف هذا المحل .. ودخلوا المحل ...


خلود للبائع: شوف لنا قطع فخمة ممتازة أحسن شيء عندك.
البائع: نزل لها قطعة فخمة المتر الواحد بخمسة الاف ريال (( طبعا خالد شاف السعر مكتوب عالقطعة )) علطوووووول قال لخلود: القطعة هذه ماهي حلوة تعبانة صناعتها صينية... شوفي غيرها .. وشافت غيرها ...

وبعدين قالها : خلينا نروح لمحل أبو أحمد عنده تشكيلة حلوة وصاحبنا وراح يراعينا..


وراحوا عند ابو احمد ..دخلوا المحل وسلم خالد على ابو احمد واخذه على جنب بعيد عن خلودوقاله (( شوف ياابو أحمد أي قطعة المتر حقها بميتين قول بأربعمية والي بأربعمية قول بثمنمية يعني دبل السعر اوكي ))
قاله ابو احمد: ليش؟
قاله خالد: بعدين اقولك ..
وشافوا كم قطعة لين ماوقع في عينها قطعة عجبتها بالمرة
وقالت خلود لأبو أحمد بكم هذه القطعة؟
طبعاً ابو أحمد فهم الحركة بدل مايدبل السعر مرة دبله مرتين والقطعة سعرها بخمسمائة وقال: هذه بألفين ..
قالت خلود لخالد: حبيبي خلاص قله يقص لنا منها ثلاثة متر ونشتريها بالمرررررة حلوة هذه القطعة ... شوف خيوطها متناسقة ... لونها يبهر ... نقشتها جديدة تهبل ... تاخذ العقل ...
قال خالد لخلود : ابشري ياحبيبتي ماتغلى عليكي القطعة .. ولاتنسى يا أبو أحمد شوف لها بطانة مناسبة بس مايقل سعرها عن ميتين ريال هههههههههه (( البطانة اللي يلبسوها الحريم تحت الفساتين <<<<========== للي مايعرف معنا البطانة ))


ماقلت لكم عقول ناقصة والله يكمل عقلك يامرة هههههههههههههههههه
ونصيحة أي واحد معاه المدام وعاوز يشتري حاجه يسوي زي ماسوا خالد مع خلود


وتحياتي للجميع ...

أخوكم
أبو فيصل

السلام عليكم اخوي الغالي طلال ،،

ماادري وش اقول لك غير كذا =========> و

(ناقصات عقل ودين)

الله يتمم على خلود عقلها ويحفظها ويحفظ جميع نسائنا ونساء المسلمين ،،

أبشر والله ولايهمك ياطلال من عيوني الثنتين

إذا بغينا نروح بحرمة معنا للسوق أتفقنا قبلها مع راعي المحل اللي نبي نروح له

تحياتي:p

بعض النساء حتى الرجال مايفرقون بين الزين واللي ماهو زين الا بالسعر
ويعتقدون ان الغالي هو الجيد لذلك يشترون الغالي وهذا لايعكس الحقيقه.
صدقوني حتى بعض الرجال يتبعون هذه الطريقه وليس النساء فقط .
لذلك تلاقي بعض المحلات ذات الديكورات الجميله يبيعون سلعهم مضروبه في 5 وبعض الاحيان في عشره ، الرخيصه ْتضرب في 10 والغاليه تضرب في (2-5) وهكذا . احد الاخوه كان في جده واراد ان يشتري ساعه فحصل ساعه حلوه واعجب فيها وعندما سأل البائع عن ثمنها قال له ب8000 ريال سعر نهائي
وحصل نفس الساعه في محل اخر واشتراها ب 4500 ريال ورجع للمحل الاول وقال له انا اشتريت الساعه بنصف القيمه وانت تبيعها دبل سعرها قال له البائع صادق يااخي ولكن انا لدي زبائن معينين لو ابيع الساعه بقيمتها التي اشتريتها بها لما اتوا الي لذلك ابيعها بهذا السعر حتى احتفظ بهؤلاء الزبائن .

شفتوا ان اهل العقول في راحه ‍‍! .
دنيا حظوظ !!.

هههههههههههههههه ================> صدق الحريم ان ناقصات عقل ودين

تعرف الخيل باثمانها حكمه معروفه تنطبق على الخيول انما حريمنا يعتبرونها الحكمه المفضله في الحياة ووالله وربي ماعمري شفت افسق منهن بالفلوس اجل مره وشوفت عيني لقيت حرمه باحدى الاسواق تقول للي يبيع وش الي عندك 60 ريال هي شرت شي الضاهر 140 وعطته 200 ورجع لها الباقي وضاق صدرها .......بس الي يعطيهم وجه يستاهل.

جابر عثرات الهلال: الله يكمل عقولهن ويهديهن الى صراطه المستقيم

أبو فهد: أهم شيء اللي معك ماتحضر الاتفاقية


خالد: والله انك صادق ... طبعاً حتى في بعض الرجال ماعندهم عقل ونسبتهم 1% تقريباً


الشايب فهد: ادعي لهم ياشيبتنا


هلال متعصب: بصراحة المثل اللي قلته يدل على تخلف تلك الحرمه

ماشاءالله عليك اخ طلال .... درت على المملكه وسويت بحثك وعرفتهم و بالنسب بعد ...

ياما حريم توجه رجالها انهم يقتصدون .. اعرف ناس واجد كذى .. والرجال ولا همه .. اهم شيء انه مايتفشل بهالعزيمه .. او مايعتذر من زملائه عن هالسفره عشان مايقولون مامعه .. و غيره كثير ..
والله ذابحتهم المظاهر ... وفي الزمن هذا .. الرجل والمرأه .. مافيه فرق بينهم من هالناحيه .. وما احد ينكر هالشيء !!!
وكلهم ينلعب عليهم في السلع والاسعار .. مو بس الحريم ..

والمسأله تعتمد اكثر شيء على الثقه بالنفس اذا كنت واثقه بذوقي او لا .. وهذا الشيء موجود عند الرجل والمرأه ..

لا اختي عنود الصيد انا اعترض وبقوه <===== واحد مشوت :mad
وانا مع اخوي طلال بكل اللي قاله

وبعدين للمعلوميه اخوي طلال ان الحرمه ماتسوي كذا علشان
الغالي احسن وافضل لا انااقولك ليش وهذا اكبر دليل لاختي
عنود الصيد الحرمه دايما خايفه ان الزوج يتزوج عليها
وحده ثانيه اذا كثرت فلوسه ويلا ما تشتري اللى من الغالي
اللى بذيك القيمه وماتاخذ الرخيص وكل ذا علشان تفلس
الرجال المسكين وهذي الحقيقه المره في اكثر الحريم اليوم
وللاسف

والا وش رايك طلال وانتم يالشباب

صيح ياطلال

ولكن فيه منهن خوات الرجال القنوعه اللتي تقدر معنى الحياة الزوجيه

وأبشرك يالغالي هن بكثره

وبعدين ما أنقد على المراءه وين الرجال ياحيف بس !!

الله يحلنا من والدينا الرجال رجال والمره مره

بس من جد ياطلال بعض الرجاجيل ودك تلبسه لبس مرته أبرك له

لا شخصيه ولامنطق

والمره تبي الرجال الحار الشوشلي السنافي ماتبي الرخمه اللي يدربي

راسه وراه

مختصر الكلام يالغالي (( متى ماكان الرجال رجال فأعلم بأن المراه

ستكون مراءه ))

بالعكس اذا كان قصدها خايفه يتزوج عليها .. فهذا اللي بتسويه اول سبب يخليه يفكر بها الشيء.. وهو اذا كان يفكر يتزوج عليها مايرده شيء ان شاء الله يتسلف .. الحريم عارفين هالشيء .. وقله منهم يفكرون هالتفكير ..

والمرأه تفكر كيف تحافظ على بيتها اكثر من رجلها من حيث التوفير .. والمواقف اللي يسوونها ما تنعد وفيه منها اللي يقابل بالاساءه ..
مثل وحده بس تجمع راتبها مع راتب رجلها بيبنون لهم بيت العمر .. وبعد ما انتهى جاب وحده ثانيه وسكنها فيه .. هذا وش تسميه ؟

بس مشكلتكم يا الرجال ماتقدرون , واذا سوت حرمه شيء قلتوا كل الحريم كذى ..

اما اللي يبون يشترون الغالي والحاله الماديه لرجلها ماتسمح .. غالبا مايكون السبب عدم ثقتها بذوقها وتبي الغالي اضمن .. او انها مظاهر وتفاخر بينها وبين صديقاتها ومعارفها وهذا هو الغالب ..

عزيزي طلال...

ماتوقعت ان هالكلام يجي منك ابداً

واحب اقولك انك لما تتكلم عن المرأة فانك تتكلم عن امك اختك زوجتك بنتك فكيف تقول هالكلام عنهم...

وانا استغرب كيف حطيت النسبه هذي رغم انك استثنيت اكثر....

وانتم دايم كذا يالرجال تشوفون عيوب الحريم ولاتشوفون عيوبكم

والحين كل الحريم هم الي يصرفون على انفسهم بعرق جبينهم مو من رجاجيلهم....

وهالايام الرجال يتفشخرون اكثر من الحريم


وتحياتي لك طلال
هلاله

عنود الصيد20002: باحث اقتصادي ومني قليل بالبلد ;)
اسمحي لي الحريم أكثر حبهم للمظاهر طبعاً من خلال البحث


ساري مع القمره: بس ياخسارة اكثرهم لبسهم في الأفراح والخرجات والطلعات وفي البيت ماتلبسش حاجه حلوة للزوج


ابو سليمان: حبيبي اصابع يدك ماهي سوا


هلاله : عفواً أنا استثنيتك وقلت الا أخواتنا العضوات في المنتدى واستثنيت اخواتي وزوجتي بقولي والا زوجات اعضاء المنتدى واخواتهم


والله انا آسف ياهلاله اذا كان كلامي يضايقك بس والله العظيم هذا الشيء حصل من جد وما أمزح والقصة واقعية 100% (( طبعاً فكرتها وليس حوارها ))

وكله الا زعلك ياهلاله

الاستاذ طلال حبيبي كيف وكيف فيصل قبل كل شي : كلامك علي عيني وراسي ولكن النسبه التي ذكرتها الا تلاحظ انك بالغت فيها نوعاً ما ..

وانا حقيقه اضم صوتي للاخت التي ذكرت ان هذا الامر عائد الي الثقه بالنفس اولا ولعلنا نشاهد امامنا مواقف لاشباه رجال لانعلم من اي كوكب هم ........

اخواني الكرام لتسمحوا لي بطرح رايي حول هذا الامر لعله ان يفيد احداً :

انا ارى ومن وجهة نظر شخصيه بحته ان الامر سيان بين الرجل والمراءه وخاصه في هذا العصر الذي اختلطت في الامور وبات الفرق بين الاشخاص بما يظهر لنا ..
ولهذا تحررت الكثير من الناسء من هذه العقده لعدة اسباب لعل ابرزها كثرة الحديث عن هذه المشكله والتي للاسف الشديد تحولت وبقدرة قادر الي الرجال وانا اعتقد علي تفاصيل دقيقه ودقيقه جدا يحب ان يظهر بها الرجال او لنقل اشباه الرجال وهي شبه تلاشت من عالم المراءه في عصرنا هذا علي اقل تقدير او لنقل هذا الجيل علي الاقل ..............

هذا رايي المتواضع والذي اتمنى ان لاغضب اياً من الطرفين لان الحق لابد وان يقال وحقيقه كم اعجبني راي الاستاذ القدير ابوسليمان وكما قال الرجل رجل والمراءه مراءه ....

والسلام ختام

اقول ترا صدق غثيتنا ياااخي لا تقهرني بجدة لا تخليني اجي مشي من مكه

انت متأكد ان هذي القصة واقيعة وبعدين تعال اياني وياك اشوفك في قرية مرسال تروح تآذي خلق الله ;) ;) ;)

ترا واله اقول لفيصل اخليه يقول لامه