اخواني واخواتي اعضاء الزعيم...

السلام عليكم ورحمة الله وبركاته.....

اسمحوا لي ابدأ الموضوع بدون مقدمات وندخل على طول بالموضوع....


هناك من يقول بان للرجل هوايات لا يمكن للمرأة أن تقوم بها.............والعكس هناك هوايات للمرأة لا يمكن للرجل أن يقوم بها.........

و أنا ضد هذه الفكرة لأن كل شي مشترك بين الرجل والمرأة ....

فمثلاً فيه من يقول أن الطبخ والمطبخ شيء خاص بالمرأة وهواية تخص المرأة فقط فبنظره انه لا يمكن يكون الرجل في المطبخ ويكون الطبخ هوايته أوه هذا عيب هو رجل كيف يمارس أشياء تخص النساء !!!!!!!!!!!
وهذا كله كلام خطاء في خطاء .......

و للمع لوميه فيه رجال كثير مشهورين بلذة صنعهم للطعام عرب وغير عرب وحتى فيه نسبه كبيره من الأولاد الصغار والرجال السعوديون يمارسون هواية الطبخ ويحبونها.........
ويتقنون صنع الطعام افضل من المرأة.....

وفيه أيضاً نسبه كبيرة من المجتمع تقول عيب على البنت أنها تميل للكرة وتشجع فريق معين فبنظرهم إن الكرة والرياضة خلقت للرجال فقط..............

وحتى لو كان أسلوب المرأة في الكلام والكتابة عن الكرة والرياضة بشكل عام افضل من الرجل
فلن يغيروا هذه النظرة الغير صحيحه.......

مع العلم بأن جميع دول العالم تمارس فيها المرأة جميع أنواع الرياضة كما يمارسها الرجل وتشجع أيضاً فريق الرجال وتهتف له في مدرجات الملعب ولا عيب في ذلك وأنا ما اقصد الدول الغربية بل العربية........
وأنا هنا لا أطالب بحضور المباريات لأن هذا شيء ماوس منه......

والشيء الذي أريد أن اعرفه لما هذه النظرة موجودة ؟؟؟؟؟؟

واعتقد أنه لا يوجد شيء يخص المرأة وشيء يخص الرجل من ناحية الهوايات.......

واتمنى ما اكون اطلت عليكم

تحياتي
هلاله

الرياضة ليست حكراً على أحد ... كما هو الطبخ كذلك

الاخت الفاضله هلاله:

كما ذكر الاعصار فلا توجد هواية حكراً على جنس عن جنس آخر فتجدي بعض الرجال حريمهم يعطوهم (( بالجزمه )) وتقوله ادخل المطبخ =========== >>> طبعاً موب أنا أقول بعض الرجال


ولكن ممارسة رياضة كرة القدم حكراً على الرجال دون المرأة وممكن للمرأة التشجيع

وتحياتي ياهلاله


ابو فيصل

نعم كل شي لايمكن حكره لجنت دون الجنس الاخر

فمثلاً الرياضة ليست حكر للرجال كما انها ليست جميعها تصلح للمرأة


فهناك رياضات من الصعب على المرأه ممارستها ككرة القدم ورفع الاثقال


كما ان الطبخ ليس حكر للنساء دون الرجال ولذلك لكل جنس امور تحكمه لتلبية ميوله ورغباته !!!



وهناك امور عديده وضوابط تتحكم بميول الرجل عن ميول المرأة وعن مدى تحقيق هذه الميول ;)




تحياتي

أعجبتكم حكراً

حكرآ اسف قصدي البنات ماعندهم هوايه اكثر من الفلوس الي ماتجمعها انما توبعزقها <============من يمديه على هالكلمه.

انا والله مدري لكن كل على فطرته الي خلقها ربي له............

لكن انا احسن وااحد يسوي مندي في اللاستراحه وبس

مع العلم اني اخالفك الرئي في الهوايات كلن على مزاجه ما تفرق بين رجال وحرمه ولكن كل ديره لها طبايع

انا برايي ان الهوايات كلها مشتركه بين الرجل والمرأه .. لكن النسبه تختلف ..
اما الاشياء اللي عددها الاسير الهلالي .. فكلها موجوده عند الجنسين ..
لكن النسبه تزيد عند اهل الاختصاص ..
ويحكم الهوايه نعومة المرأه .. وخشونة الرجل ..
لكن هذا الشيء مايمنع وجودها عندهم ..

عزيزتي هلاله ..
اعتقد دائما بعض الهوايات تحددها الفطره نفسها ..
لان للرجل طبيعته وللمرأة طبيعتها ..

اما الاشياء التي تكلمتي عنها ((( وخصوصاً ))) كرة القدم والتشجيع .. فانا معك .. وعموماً يحق للنساء التشجيع ومتابعة الرياضه لو بعض الرجاجيل شافوا غير كذا ..

وتسلمين اختي ..

شكرا لكم اخواني واخواتي على المشاركه ......

الغالي الاسير الهلالي

من قال لك ان المراة ماتمارس الصيد...فالمراه تمارس الصيد مثل الرجل.
اما التفحيط والتطعيس فاحب اقولك(ولاتلقوا بايديكم إلى التهلكه)
وبعدين كيف تمارس المراة التفحيط والتطعيس وهي اصلا ماتسوق عندنا بالسعوديه
والرقص بالسعوديه الرجال يمارسون الرقص اكثر من الحريم واكبر دليل العرضه السعوديه موهي نوع من انواع الرقص وايضا بعد المباريات وخاصه الحاسمه فتشوف كل الاولاد مشغلين المسجل وعلى اعلا صوت ويرقصون بالشارع قدام خلق الله
وهالايام الرجال يتسوقون اكثر من الحريم والتسوق شي ضروري ولا كيف ؟؟
والمكياج مو هوايه حاجه ضروريه لكل امراة اما اذا كنت تقصد الكوافيرات ففيه رجال كثار كثار كثار يمارسون هواية وضع المكياج ولهم صالونات خاصه ومشهورين مره وهم افضل من المراة في وضع المكياج وموجودين في كل انحاء العالم حتى هنا......

وشكرا لمشاركتك.....
*********************************

عزيزي الاعصار

اسعدني ردك لانك اكثر واحد كنت اتمنى يقرا الموضوع وانت اكيد عرفت سبب كتابة الموضوع
اما بالنسبه للرياضه والطبخ فهي كما قلت ليست حكرا لاحد وايضا باقي الهوايات فجميعها مشتركه بين الجنسين والمرأة اكثر حاجه من الرجل لممارسة الرياضه.....

وشكرا لك اخوي الاعصار على المشاركه;)
*****************************************

اخوي الغالي طلال

كلامك سليم.....ويمكن يكون مع الزوجه حق انها تشوت زوجها وتقوله اطبخ
يمكن يكون ماوفر لها خدامه وهي يالله تستحمل العيال وتلاقيه هو بس يطبخ لربعه وبالبيت مايعرف طريق المطبخ جرب الطبح طلال تراه متعه وخاصه للرجال....على فكره المرأة الحجازيه شديدة شوي على زوجها
من قال لك طلال ان كرة القدم للرجال بس في دول العالم يوجد اندية كرة قدم للنساء ..مافيه الا حنا ماعندنا...اما التشجيع بنشجع مهما صار حتى لو منعنا منه......

وشكرا لك اخوي طلال
*********************************

اخوي الغالي عاشق النمر

كلامك حلو وسليم اخوي عاشق....ماعدا ان المرأة يصعب عليها ممارسة كرة القدم او رفع الاثقال لانها هي تحتاج اكثر من الرجل لتقوية العضلات
واتمنى انك تفكر زين بهالنقطة اخوي.....

وشكرا لمشاركتك.....
*********************************

الغالي هلالي متعصب

انت قديم من وين طالع وين عايش الحين الحرمه هي الي تصرف على زوجها وعيالها وبيتها ورجلها راتبه يالله يكفي السفرات والطلعات والاستراحات وسهرات الربع وياخذ بعد من راتب زوجته.... واعتقد ان الحرمه تصرف فلوسهاعلى نفسها اخير لها من انها تصرفها على زوجها وربعه.....واسفه اذا غلطانه عليك

وشكرا لمشاركتك.....
*********************************

اخوي Rui Costa

انت تطبخ في بيتكم؟؟؟؟
مادامك تطبخ بالاستراحه اعتقد انك ماتطبخ الا لربعك بس حلو انك تمارس الطبخ.....
وانت صادق بالنسبه للطبايع ياليت نقدر نغير هالطبايع المتخلفه....

وشكرا لمشاركتك.....
***********************************

اختي الغالية عنود الصيد

كلام رائع وحلو اختي......

شكرا لك اختي على المشاركه....
***********************************

اختي الغاليه هلالية سدير

شكرا لمشاركتك....

***********************************

لقيت لكم الهوايه الوحيده الي ماتقدر تمارسها المرأة

وهي ملاحق البنات في السوق والشوارع