الماسنجر.................. - نادي الهلال السعودي - شبكة الزعيم

سعود · #1 08/08/2001, 03:45 PM

السلام عليكم

هل شباب كيف الحال
عندي سؤالين اثين؟؟؟
1- ابي اعرف اللى مسوي لي حظر في الما سنجر؟؟؟؟؟؟؟؟؟؟؟؟؟؟ شلون اعرف
2- ابي اعرف اللى حذفني من عنده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ شلون اعرف

ومشكورين مقدماً

abufahad · #2 08/08/2001, 07:23 PM

أقول حبيبي إذا تبي تعرف اللي حاذفك هناك طريقه سريعه وعمليه أفتح الماسنجر وأختر ادوات ثم السريه ثم تلقى قدامك الأعضاء إذا هو عربي
راح تحصلهم على اليمين أضغط على كل أسم في اللسته باليمين وأنظرلكلمة حذف(Delete)إذا هي في وضع التمكين فمعناته انه حاذفك

إذاهي ماهي في وضع التمكين فعناته الرجال أو الرجاله

للحين وهو يقدرك

أما الحظر فبنفس الطريقه إذا شفت الدليت في وضع غير التمكين فمعناته ياحاظرك ياماعاد يطلع على الماسنجر وهذه بسيطه ياتسوي لك أيميل وتجرب تستضيفه إن قبل فهو حاظرك على القديم والا توصي لك أحد من الربع يستضيفه وهو يعلمك إذا قبله فهو يعني حاظرك

تحياتي:p

سعود · #3 08/08/2001, 07:33 PM

مشكور اخوي ابو فهد

وهذا العشم في اهل ثادق

والنعم بأهل ثادق

abufahad · #4 08/08/2001, 07:55 PM

ماعليك زود يالغالي وحاظرين للطيبين ورى ماتسير علي بثادق

تحياتي:p

سعود · #5 08/08/2001, 09:14 PM

وش دعوا يا ابو فهد

نمون على اهل ثادق

ما يحتاج عزيمه

:p

محب الشلهوب · #6 09/08/2001, 02:50 AM

يلوموني فيك
انت من ثادق
يابعد حيي

الإعصار · #7 09/08/2001, 10:55 AM

اللي من ثادق بنخليهم مشرفين

ولا بنسوي ادارة اسمها ادارة ثادق لتطوير ومتابعة شبكة الزعيم

abufahad · #8 09/08/2001, 01:01 PM

سعود حبيب قلبي والله الله يحيك بأي وقت

هلا بك أكثر والله يامحب الشلهوب ويسعدني جدا التعرف عليك;)

الإعصار تسلم حبيب قلبي ويعطيك العافيه وقدها وقدود ونحن أهالي محافظة ثادق نيابة عنهم وأصالة عن نفسي يشرفنا((بس ياولد يكفي))

أقول أسكت خلني اكمل... يشرفنا أن ندعم ونسناند فريق الزعيم ومنتدى الزعيم بكل ما أوتينا من طاقة معنوية وأدبيه وماديه... أحم أحم.. عفوا... والله يحفظكم ويرعاكم

تحياتي:p

mjoode · #9 10/08/2001, 05:04 PM

يقول ابن عويدي :
لي ديرهً حامت عليها الغراميل *** يالله بعز فوقها دار ما دار
العتش وبلابيل عنها مشاميل *** عنها الغرابه مغرب الشمس وابكار
هذا وانا ما شفت عقبك مخاذيل *** مير الموده تجرح القلب يا دار
______________________________________
ابو فهد
لا اوصيك ودهم في قويره ابن عمار وابا الصقور،،،

والرميله بعد .....

(ابدا ومحد طال في وجيهم) :p

________________________________________

الف أولف من كلام نظيف *** ودموع عيني فوق خدي ذرايف
من لامني في حب ذاك الوليف *** أدقاق رمش العين سيد الخوندات
خوندات يالي مابعد عاشرنه *** قل له تراهن بالهوى يذبحنه
قلبي وقلبي يالمولع خذنه *** عزي لمن مثلي تعرض للافات

من الفيه ابن عمار

أبن الازرق(السابق) · #10 11/08/2001, 04:49 AM

شكرا على المعلومة