ألبوم الشاعر حامد زيد ( الزعيم) بسم الله الرحمن الرحيم السلام عليكم ورحمة الله وبركاته من باب عشقي للشاعر الكويتي حامد زيد (الزعيم) يسرني هنا أن أنقل لكم نبذة عنه وأيضا أجمل قصائده وبعض صوره راجيا منك التفاعل معي وإبداء آرائكم في موضوعي نبذه عن الشاعر الاسم: حامد زيد سعدون العازمي مواليد : 4فبراير 1977م الحالة الاجتماعية : متزوج وله ثلاث بنات حاصل على شهادة دبلوم تجاري من كلية الدراسات التجارية عضو ديوانية شعراء النبط الكويتية بدرجة شاعر ممتاز موظف في وزارة الشؤون الاجتماعية والعمل. كانت بداياته الأولى في الظهور عبر وسائل الإعلام من خلال البرنامج التلفزيوني (ديوانية شعراء النبط ) وذلط في أواخر عام 1996م , والبداية الفعلية بالصحافة من خلال مجلة المختلف في احتفالية عددها المئوي في نوفمبر 1999م. أطلقت عليه الصحافة الشعبية الخليجية العديد من الألقاب أهمها: (قنبلة الشعر- شاعر الشباب – شاعر المختلف – شاعر المطولات – شاعر الخناجر) أقام العديد من الامسيات بالكويت من أهمها : * أمسية مهرجان القرين الثقافي في ديسمبر 2000. * أمسية الهيئة العامة للشباب والرياضة بالتعاون مع جريدة السياسة في 12 يونيو 2000. * أمسية هلا فبراير بتاريخ 5 فبراير 2001. * أمسية هلا فبراير بتاريخ 9 فبراير 2002. * أمسية هلا فبراير بتاريخ 16 فبراير 2004. * الملحمة الوطنية التي أقيمت بمناسبة مرور عشر سنوات على تحرير الكويت. وأربعين سنة على الاستقلال كواحد من عشر شعراء مشاركين على مستوى دول مجلس التعاون الخليجي. كما شارك في العديد من الأمسيات والمهرجانات خارج دولة الكويت, ومن أهمها : * أمسية إتحاد طلبة الكويت بالقاهرة في أكتوبر 2000. * أمسية المدينة المنورة في 25 يونيو 2001. * أمسية مهرجان صيف الطائف برعاية الأمير فيصل بن خالد بن عبدالعزيز في 5 يوليو 2001. * أمسية مهرجان القصيم السياحي والتي تجاوز عدد حضوره 8000 شخص بتاريخ 31يوليو 2003. * أمسية أبوظبي في 15 أكتوبر 2003 تحت رعاية سمو الشيخ فلاح بن زايد بن سلطان آل نهيان *أمسية صيف أبها في 7 أغسطس 2004 تحت رعاية الأمير فيصل بن خالد بن عبدالعزيز. * أمسية الاتحاد الوطني لطلبة الكويت في الولايات المتحدة الامريكية في 25 نوفمبر 2004 في العاصمة واشنطن . إصدارات الشاعر • ديوان مقروء يحمل عنوان ( أربع خناجر). • ألوم مسموع بعنوان (شعر حامد زيد ) • ألبوم آخر يحمل عنوان (السفينة) . • وديوان مطبوع بعنوان ( ما لا يفعلون ) |
ما لا يفعلون ما بقى إلاسود الأيام تحرمك الرقــــــــاد * * كيف الأوهام اتجرى تسريك مغبـــــون من متى تجزع من الدمع وتخاف البعــاد ** من متى تقذي بك ظنون وتجيبك ظنون صرت تاخذ كذبتي صدق ومزاحي وكاد ** لو باقول إني بخونك تحسب إني بخـون ما تعرف إن كل شاعر يهيم بكـــــل واد *** وإنهم دايم يقولون ما لا يفعلـــــــــــــون أبك أنا لو قلت أبنساك وأنكرت الــــوداد ** والله إني ما نسيتك ولاهم يحزنــــــــون من جزع من صفعةالشمس يطمع بالبراد **** ومن فقد وجهاته الخمس يلقى بك ركون إعتبرها هفوة إنسان أو كبوة جــــــــــواد **** لو بتسمح فأنت غالي ولو بتجرح تمـون عد صداتك مروة وطعناتك ضمـــــــــــاد ** خلهن لا راحن طعون ولا ردن طعـــون خنجرك يستاهل الطعن ومتوني شــــــداد *** ومنك يا زين الخناجر ويابخت المتــــون رد لي حنية المزح باحساس الجمـــــــــاد ** خلنا واحد يجي صلب والثاني حنـــــــون موت فيني وأندفن فيك بثياب الحــــــــداد ** وإن حيت أموت لرضاك أحيا بك بهــون مرة أرقد بالكفن وأنت ترقد بالمهـــــــــاد ** ومرة أرقد بالمهد وأنت ترقد بالكفـــــون أدري أن شجونك شجون وعنادك عنـــاد **والبلا إن عنادك عناد وشجونك شجـــون ربك اللي سخرك لي تقود وما تقـــــــــاد ** والله الخالق ولله في خلقه شــــــــــــــؤون إزرع ضلوعي من رضاك وأبشربالحصاد ** لعنبوا من جيت ترضيه وترد محـــــزون بس تسوالك بلد قول تسوالك بــــــــــــــلاد ** أنت كل العالم بكون ولحالك بكــــــــــون ما بعد محبتك حب ومرادك مــــــــــــراد ** غير كونك سيد حشاي تدري من تكـــون نعمتين اختصوا الخلق من جود الجــــواد **** كافل الأرزاق من حيث ما لا تعلمــــــون البنون ونعمة المال في العيون العبـــــــاد **** زينة الدنيا الدنيا بلا شك في كل العيـــون مثل زينة دنيتي بس عندي شي يـــــــزاد **** من عرفتك صاروا المال وأنته والبنـون أنتشي بك نشوة التيه لعناق الرشـــــــــاد **** وأفزع إلك بفزعة القرم لشهاق الزبـون لوتزيد الشوق جمرة تحولي رمــــــــــاد **** لو يزيد العشق شعرة بوصل للجنــــون خل هقواتك كبيرة ونظراتك بعـــــــــــاد **** كانك أنت بكبرك تهون من اللي مايهون أزعلك وأرهن حياتي تحت رحمة زنــاد **** تهبى لا والله إلا أنت والموت تهبـــــون عاد إلا إذا أرضاك هرجي ولا اللي قلت فاد **** إننا لله وإنا إليه راجعــــــــــــــــــــــون وأنت باكر بتعرف على نا س جـــــــــــداد **** والكلام يجيك من كل شكل وكل لـــــون لا تحسب إن كل كلمة بتسمعها وكـــــــــاد **** ولا تصدق هرج شاعر وتخدعك الظنون دايم إعرف إن كل شاعر يهيم بكــــــل واد *** وإنهم دايم يقولون ما لا يفعــــــــــــلـون حتى أنا اللي قلت أعشقك وما أطيق البعاد ***** يمكن أطلع لا عشقتك ولا هم يحزنــون |
http://www.hamedzaid.com/88/data/thumbnails/9/1_5.jpg أمام البيت الأبيض في واشنطن http://http://www.hamedzaid.com/alboom/smol/sh1smol.gif في السادسة من عمره |
الذهب يا كثر ما رافقت خلان وأصحـــــــــاب × وياكثر ما في شدتي هملـــــــــــوني على كثر ما أعدهم ستر وحجــــــــــاب × على كثر ما احتجتهم وتركـــــــوني من صارت الخوة ثمن حفنة تــــــــراب × نفس الوجيه اللي نصوني نســـــوني من غير ذكر عروق وفروق وأنســــاب × كانوا ثلاثة والثلاثة جفــــــــــــــوني علمتهم كيف الأهداف تنصــــــــــــــاب × ولما سواعدهم قوت صوبــــــــــوني عشاني أصغرهم عمر صاروا أحــزاب × عشاني أصدقهم قصيد ظلمـــــــــوني اللي نجاح أسمي زرع فيهم أنيـــــــــاب × حتى النصيحة ما بغوا ينصحــــــوني دام العطايا عندهم دين وأتعــــــــــــــاب × والله لو أطلب ذنبهم ما عطــــــــــوني طالب نصيحة كني مطالـب رقـــــــــاب × وهي نصيحة كيف لو زوجــــــــــوني كنت أكتب لنفسي مشاريه وعتـــــــــاب × ولا أدري ان اللي قروني .. قرونـــــي تضاربت من دوني عقول وألبـــــــــاب × واجد بغوا غيري واجد بغــــــــــــوني أقفل هدب تسهر على شعري أهـــــداب × كني حبست رقادهم في جفـــــــــــوني لو شفتهم واحد يشوفوني أســـــــــــراب × من وين ما لدوا نظرهم لقـــــــــــوني أثري وجودي بينهم محرق أعصــــــاب × ومزعل بعضهم من بعض لو طـروني يا كبري بعيني وأنا توني شــــــــــــــاب × وأهم كتاب الشعر حاربــــــــــــــــوني حتى ولو يهوي على نجمي شهـــــــــاب × يكفيني أن اسمي كبير بعيـــــــــــــوني قد قال أبوي إن هبتهم قول ما هــــــــاب × ولو يقدرونك قول ما تقــــــــــــدروني وما دام قبري محتضن راس مرقــــــاب × على قد ما تقدرون ادفـــــــــــــــــنوني لو ماني بذيب نهشت عظمي ذيـــــــــاب × ولو ماقدرت أثبت وجودي لغــــــــوني لو ماسكنت وجيههم مت بغــــيــــــــــاب × لو ما عرفت أمحي ورقهم محـــــوني ما جيت أبدبل كبدهم شعر وخطــــــــاب × لين دبلوا كبد الذي خلفــــــــــــــــوني ياويل وجهي كن للدمع مخــــــــــــــلاب × ما جف ماه وما استحى من طعــــوني كل ما طرالي منظر مريب وارتـــــــاب × كان الوحيد اللي يحرك شجــــــــــوني قبلة صلاة وذكر وخشوع وكتـــــــــــاب × وأمي على سجادة النــــــــــــور دوني تدعي لي الله يفتح بوجهي ابـــــــــــواب × تتوسله بالشدة يكون عـــــــــــــــــوني من كثر ما خفاقـــــــهــــا بالدعـــــا ذاب × صارت تحس إن زملاي كرهـــــــوني بشرتها يمه معي ربع وأصحـــــــــــاب × ماني لحالي واجد اللي يبـــــــــــــــوني من يوم ما حاز قلمي كل الألقـــــــــــاب × قلطتهم في دفتري وحفظــــــــــــــــوني الله وهبني هم بني عم وأجنــــــــــــــاب × من يوم ما جيت أعجبتهم و أعجبـــوني وإعجابه فيني ما هو بية إعجــــــــــــاب × باسلوبي بشرحي بطرحي .. بلــــــوني لو قلت عن نفسي بشر صرت كــــــذاب × لو قلت دمي من ذهب صدقــــــــــــوني لو كيفهم زرعوا دربي أعشــــــــــــــاب × لو بيدهم يتشبهون.. شبهـــــــــــــــــوني من كثر ما صاروا من طبوعي قــــراب × حتى بلبسة شمغهم قلــــــــــــــــــــــدوني واجد دعوني وأغلقوا من دوني البــــاب × وكثار ناس أبكي لهم ما بكـــــــــــــــوني لو طالوا لهدمي مناسيب و أطنـــــــــاب × كان وغلاتك من زمان اهدمــــــــــــوني ما دام حطوا فيني عيوب وأسبـــــــــاب × جنبت عنهم مثل ما جنبــــــــــــــــــوني أصلا.. لو ان بخوتي شي ينعــــــــــاب × ذبحت نفسي قبل لا يذبحـــــــــــــــــوني أنا يدي لو ما كست متني ثيـــــــــــــاب × نذرا علي أقطع يدي من متـــــــــــــوني مو عيب أجي مدعو ولا أشوف ترحاب × العيب لو أني رجعــــــــــــت أن دعوني ما دمت أجي ولا اشوف ترحــــــــــاب × حرمت أروح إذا يبوني يجـــــــــــــوني |
المملكة عندنا غير المناسبة : قصيدة تعبر عن موقف الشعب الكويتيمن العمليات الإرهابية التي وقعت في المملكة العربية السعودية من بعض أصحاب الفكر المتطرف , وتهنئة بشفاء الامير سلطان بن عبدالعزيز آل سعود حفظه الله من الوعكة الصحية التي ألمت بسموه: --------------------------------------------------- يا طير غرد , وازهري يا نواويـر *** يا شمس طلي , وانزحي ياغمامـــــــة ويا نفس زفي للوجيه التباشــــــــير *** ويا جفن كف من البكا والندامـــــــــــة من هالدقيقة ما للاحزان تبـــــــرير *** برجوع أبو خالد لنا بالسلامــــــــــــــة ما دام (سلطان) الكرم حي وبخــير *** ما عاد ننشد .. لو تقوم القيامـــــــــــــة بشت يذرّي عن عجاج المعاصـــير *** ووجه يرد ارواحنا بابتسامـــــــــــــــة وكف يجود بلا حدود ومعايــــــــير *** وشهامة ما بعدها من شهامـــــــــــــــة أكرم من اللي ما ياخذ الجود تبــذير *** واصدق من عتاب الخوي في خصامه واشد من ضرب السيوف الشواطير *** واجلّ من وصف يحدد مقامـــــــــــــه (سلطان) ياقرم يقود الطوابـــــــــير *** يا سيد الجيش السعودي وإمامــــــــــه يا شوق تلعات الرقاب الغنـــــــادير *** يامنبر الدين الحنيف وحسامـــــــــــــه جيتك وفي صدري وطن من تعابير *** وبخافقي حب الكويت وغرامـــــــــــه لان الرفيق: يحن, ويحس, ويغـــير *** والصف الاوحد .. مستحيل انقسامـــه شعب الكويت يكن لك كل تقــــــدير *** ويبّلغ الشعب السعودي سلامـــــــــــه ويعاهدك مهما تدور المقـــــــــادير *** نبقى لكم مثل الفشق في حزامـــــــــه لأن قد المملكة عندنا غـــــــــــــــير *** المحترم يفرض عليك احترامـــــــــه واللي يوفي بالتزامه مع الغيـــــــــر *** عيب علينا ما نحفظ التزامـــــــــــــــه يا جارنا اللي ما يجي منه تقصيــــر *** يا أكبر دروع اهل الجزيرة ضخامـة أرض الحرم.مهد الكرم.منبع الخــير *** طهر الظبي. ستر العبي واللثامــــــة يا قصة الكوثر, ويا زمزم البــــــــير *** ويا موقع أقدام الخليل ومقامـــــــــــه أغلى ثرى تاطا به الرجل وتســــــير *** واكثر عباد الله ورع واستقامــــــــــة إن كبّروا هزّ الفضا صوت تكبـــــير *** ولسجودهم في ناصيتهم علامـــــــــة طول اللحى لوقارهم زود توقــــــــير *** وقصر الثياب ابهم .. جمال ووسامـة أصحاب نهج ودينهم دين تذكـــــــــير *** وآمالهم تبني وطن من عدامــــــــــه لان العمل يجمع شعوب وجماهيـــــر *** عمر الجهل ما عز للدين قامــــــــــة ومن يدّعي الاصلاح لأغراض تدمـير *** ما اظن للرحمة صلة باهتمامــــــــــه الموعظة تيسير .. ما هي بتعزيـــــــر *** وحنّا نميّز بالحلال وحرامـــــــــــــــه ما للهدف من قتل الاطفال تفسيــــــــر *** وصبر على فعل الجرايم .. غشامــــة أكثر من اللي صار.. وش عاد بيصير؟ *** المسألة وصلت حدود الكرامـــــــــــة ما الله خلق في سمانا عصافـــــــــــير *** والحمد لله ما لنا بالرخامــــــــــــــــــة جهّالنا عند المواجه مغاويـــــــــــــــر *** وافعالنا عزم . وثبات. وجزامــــــــــة يوم الضعيف في الشدايد.. معيثيــــــر *** حنا ليا ضاقت.. نطشّ العمامـــــــــــة نفزع بوجه المدفع بسيف وبعيـــــــــر *** ولا عاش فينا من يرد بكلامـــــــــــــه يا مير ما يلحقكم الشك يامــــــــــــــير *** ولا غيركم يا اهل الزعامة زعامــــــة الله مدّبر فيكم العدل تدبــــــــــــــــــير *** ومعكم يسود امن البلاد ونظامــــــــــه وان كان للفتنة على الشعب تأثيــــــــر *** يمكن تزّود وحدته والتحامـــــــــــــــه الحكم حكم الله , ولا فيه تغـــــــــــــير *** ودوامكم يا سيدي من دوامــــــــــــــه والله لاعنتر.. ولا سالم الزيــــــــــــــر *** يقدر يزعزع بأرض الاسلام هامـــــه دام الفهد طيّب ، وأبو متعب بخيــــــر *** والنايب الثاني رجع بالسلامـــــــــة هلّت على الشعب السعودي تباشيـــــر *** وقامت على حزب الضلال القيامة م: على القراء الأعزاء أن يراعوا وقت كتابة القصيدة |
http://www.hamedzaid.com/88/data/thumbnails/9/11.jpg في الامارات http://www.hamedzaid.com/88/data/thu.../9/hamed19.jpg في أستديو تلفزيون دبي http://www.hamedzaid.com/88/data/thumbnails/9/88.jpg صورة أخرى بالامارات |
http://www.hamedzaid.com/88/data/thumbnails/9/11.jpg في الامارات http://www.hamedzaid.com/88/data/thu.../9/hamed19.jpg في أستديو تلفزيون دبي http://www.hamedzaid.com/88/data/thumbnails/9/88.jpg صورة أخرى بالامارات |
ولا يزال هناك البقية أنتظروني ...... رهيب |
وازيدك من الشعر بيت لشاعر الخناجر : عفا الله عن خطا غدر الخناجر والضلوع ابطال باسامح واتركك تحت الظلام الحالك .. الحالك دخيلك وفر دموعك ترى هدر الدموع اذلال وترى مافية احد يصبر مثل صبري بغربالك انا عيب على انقض كلامي ,والرجال افعال واذا قلت اقطع حبالك ..تراني بقطع حبالك عشان اكسب هدب عينك تجرعت العذاب اشكال وليتك ترأف بحالي علشان ارأف بحالك مسوي في حياتي شي .. مايذكر ولا ينقال حتى العدو وأهو العدو .. مايعمل اعمالك تمسيني على الهم وتصبحني على الغربال تقلطني فناجيلك .. وتقصر عني دلالك !! تحملت التعب لاجلك وانا حملي يهد جبال رحلت من العذاب .. وماوقفت الا على جالك علامك كلما أجيك متواضع جيتني تختــال معاك اليا متى باصبر .. وصبري معك يحلى لك مثل ما اقبلت لعيونك لزوم تلدلي باقبــــال ومثل ماقد حشمتك , حس واحشم قلبي اشوالك انا محد (ن) بجابرني اساير معك هالمنوال ترى ماني تبيع لك .. ولاني اصغر عيالك انا جيت اعشقك : نبض ومشاعر , مااعشقك تمثال انا جيت اسكنك واحياك وابقى فيك , وابقى لك انا جيت بظما عاشق تعب يطرد سراب اللال انا جيت استفز رضاك ..من فرقاك والجالك انا ماهمت بك عاقل انا كنت اعشقك بخبال انا ماكنت احبك حي .. انا كنت اعشقك ..هالك تخيل من كثر ماخفت تلقى للزعل مدخال اخاف اخطي على طيفك وادوس برجلي ظلالك تبعتك .. والعرب تتبع رعود البارق الهمال وانا شفت المطر .. يتبعك في حلك وترحالك كان اللي خلق حسنك خلقني مع جسدك ظلال وصرت اقرب جسد يمشي معك بقفاك واقبالك ابي قلبك يحس انه فقد .. بمحبته رجــــال ملكته من هدب عين .. وخسرت ارضاه باهمالك صحيح ان الفراق اقسى ولكن الوصل محال وانا صعب على ارضي غرورك .. واضعف قبالك بعد ماحققت عيني فبعدك للرقاد امال اعود للسهر ؟ ياخوي فال الله ولا فالك ببدل نظرتك فيني .. واجي لك كل يوم بحال باكون اقرب من ثيابك عليك .. ولا اتهيالك بالمك ,وانثرك ,واجمعك ,وارجع انثرك باهمال باخونك ,وازعلك, وارضيك ,وازعل منك وارضى لك ابرسم بالثرى وجهك .. وابدفن صورتك برمال ابشكي للعرب فرقاك .. واضحك عند عذالك ابهديك الوصال :فراق .. واهديك الفراق وصال ! بسوي مثل ماشوفك تسوي ..وافعل افعالك عشان عرف من فينا الزعول .. ومن وسيع البال ابيك تذوق فنجالي .. وانا بذوق فنجالك نصيحة احتفظ فيها قصر معك .. الزمن أوطال ابي تسمع كلامي زين .. وتحطة عـــلى بالك .. اذا حبك اهبال أطفال .. لك عندي هبال أطفال ولا .. وابشر بعد بهبال حب ماهو بهـــبالك اذا قصدك تهين اســـمي عشان تشمت العذال ترى لا انته ولا غيرك .. ولا عشرة من اشكالك |
8 8 8 شكرا وأنا كنت ناوي أحط كل القصايد بس ما دامها جات منك القصيدة تحمل بعض الاخطاء المطبعية وننتظر رأيك |
آهـ يارهيبــ :) كمـ يعجبنيـ هـذا الشاعر حـد ..[ الثمالهـ ].. ;) إسمحليـ إنـ أسهبـ وأشارككـ في هـذا الموضوعـ :) من أجمل قصائدهـ التيـ سمعتهـا لهـ .. قصيدهـ المبانيـ يقولـ ..[ مطلعهـا ].. جابك الله من فراق ضيق صدور المباني قبل للوحشه تزعزعـ بيتك الصلب وتبيدهـ للإستماعـ http://www.hamedzaid.com/7amed/ram/a10.ram قصيدتهـ المشهورهـ ..[ الشعراء ].. اللي يقولـ فيهـا إقتباس:
للإستماعـ http://www.hamedzaid.com/7amed/ram/a1.ram قصيدتهـ الثالثهـ ..[ الحلمـ ].. يقولـ فيهـا : إقتباس:
http://www.hamedzaid.com/7amed/ram/al7lm.ram باللهـ دقيقهـ صمتـ <=- أقرو البيتـ هذا وركزوا فيهـ ..! إقتباس:
أتمنى ما طولتـ :) ومشكور أخويـ على موضوعكـ الرايقـ ;) ;) |
فعلاً شاعر كبييييير .. عرفت تختار من تكتب عنه .. موضوع رائع .. يعطيك العافية .. |
أهلا بك أخوي عبدالله وللمعلومية قصيدة الشعراء هي نفسها قصيدة ما لا يفعلون وشكرا لنقلك قصيدة الحلم اللي توني جاي أبحطها بما انك من عشاق حامد زيد مثلي فأتمنى منك تلبية طلبي وإليك قصيدة المباني كتابة |
المباني جابك الله من غياب ضيّق صدور المباني قبل لا الوحشة تزعزع بيتك الصلب وتبيده بيتك اللي من رحلت وكلّ جدرانه تعاني ما تحمّل ينتظر شهرين,وعيونك بعيده الله العالم لو أنّك جيت متأخّر ثواني ما تشوف الاّ بقايا من حصاه ومن حديده من عرفتك,وأنت تايه من مواني لي مواني وتارك قلبي مولّع من وقيدة في وقيدة ضاعت سنيني احدّ بها ليالي واتحداني وانت ما تشبع من غياب ولا تخاف من النقيدة ودّي اتحمّد لك الله بالسلامة.. ما مداني كل ما توصل برحلة, ترجع برحلة جديدة دام تدري كلّ وجه غير وجه الله فاني يا اخي اكسب لك ثواب,وخاف ربك في عبيده كان فيني عيب قل لي : فيني العيب الفلاني كان هرجي مزعلك في شيّ قل لي : لا تعيده عيب تصغر في عيوني,وانت برقاب الغواني كيف تستهل طعوني, وانت خابرني وليدة ؟ لعنبوك أن متّ بيدك..من يفكّك من اخواني ؟ لا حزنوا ربعي على فرقاي ش اللي تستفيده؟ أنت منت اللي عشقته..أنت أكيد إنسان ثاني ليه صرت بهالبرود, وهالأحاسيس البليدة وين حبّك للزعل. والاّ العناد الأولاني؟ وين حنّية زمان,وفرحة العمر الرغيدة؟ وين ذاك اللي ليا اقبل ما يبات الاّ بأماني ؟ وين راح اللي ليا اقفى ما يروح الاّ فقيده ؟ واحد.. من جابه الله بسّ يامر ويعصاني الوحيد اللي اخافه غصب,وامشي معه (سيده) (ما بغيت اطيح بيده) لين ما ربّي بلاني والاّ أنا لو هي بكيفي (ما بغيت اطيح بيده) ذاك بس اللي ليا من جيته يلخبط كياني اللي بنظرة ينشّف دمّ قلبي في وريده قبل اشوفه اجمع له احلى القصايد والمعاني وان لقيته ما عرفت اقول له جملة مفيده ألف مرّة قبله اعدّ القصيدة من لساني ولعنبوه جيت عنده قمت اخربط بالقصيدة أمدحه,وأنا ادري انّه لو تباطاني نساني أنطحه,وانا أعرفه مجنون وأفكاره عنيدة من يسّوي بي سواتك يالرهيف الأسمراني؟ من هو من الناس غيره غلطته ترفع رصيده؟ من يقص جناح طيرك وانت أعزّ انسان جاني ؟ ليه أخاف رماح غيرك وأنت ضرباتك سديدة ؟ إن تبعتك.أتبعك من طيبي وواسع بطاني والاّ أنا لاجيت اكيد انسان..عزّ الله بكيده أقدر أنزع لك ثيابي,والبس ثياب الأناني واقدر اطلع من عذابي, والعب بدورك واجيده ومستعدّ اكسب رهاني..لو بغيت اكسب رهاني واخدعك باحساس كاذب,وآتحدى من يصيده أبك انا لي شفت خلّي حطّ غيري في مكاني والله اني لا اتركه واصدّ.. لا عشق سيد سيده جيت ما ابيك اتحقرني جيت ابيك تعزّ شاني جيت ابي فزعة ضلوعك من مشاعرك البليدة خلّني داخل (حدودك) واجبر بخاطر زماني أكذب بباقي (وعودك)واصدق بلحظة سعيدة إنتشلني من (برودك) لو تولّع بالمحاني عطني احساس(بوجودك)واخذ كل اللي تريده تكفى,واليا قلت:تكفى.بيع خلق الله عشاني لا تضيّع من يديني فرصة العمر الوحيدة يعلم الله شفت منك ومن غيابك ما كفاني كان ما تقدر تخفّف هم قلبي... لا تزيده شف غيابك وش مسّّوي بالصدور وبالمباني وانت تدري كيف كانت صدمة غيابك شديدة والله انّك لو وصلت البيت متأخر ثواني ما تشوف إلا بقايا من حصاه ومن حديده |
صمت الكبرياء كم هو جميل أسمك شكرا على مرورك |
ألف شكر لك أخوي وتسلم يديك |
يسلمووووو انا من اشد المعجبين بهالشاااااااعر .... بس مقهور منه ... كم له ماطلع شرييييط جديد ؟؟؟ ياخي ليه هم كذا الشعراء يطلعون شريط والا اثنين ثم ينامووووووون باقي العمر؟ |
شااااعر راااائع.........:) يعطيك الف عافيه............. :) |
الله يعطيــــكـ الف عافيه بالفعل حــــامد زيد شاعر خيالي s60s وهو شـــاعري المفضل s60s آآآآآآآآآآآآآآآآآآآآآآآآآآآآآآآآآه يــا حامد s60s ثانكس على القصايد الرااااااااااااااااااااااااااائعه والله انك بالفعل رهييب وحامد بعد رهييييب ولــكـ خالص شكري الكلاسيكي |
مشكورين على مروركم أخواني عزيزي الهواء العفو وشكرا على مرورك الغالي عزوز الأزرق كم له ماطلع شرييييط جديد ؟؟؟ حامد كل خمس سنوات يطلع ديوان أما الأمسيات فحدث ولا حرج المتألقة تغريد شكرا على مرورك عزيزي الكلاسيكي إنتظرني في المزيد من القصائد |
الجمهرة إي بالله اخطو,والخطا اللي جابهم عين الصواب مبطي وأنا اشوف الطمع يكشف رداهم واستره ما يملي عيون الحسود بهالزمن غير التراب ومن لا يتوب من الخطا تحرم عليه المعذرة اللي من اوّلها خراب .. اكيد تاليها خراب والبِندَق اللي ما تثّور في هدفها .. تذعره ودّك ليا من جاتك الغلطة من الناس القراب!! الصاحب اللي ما كسبت محبّته ما تخسره مشكلتي أنّي ما عرفت احسب لصدّتهم حساب قلّطتهم صدري على ذكرى قصيد وحنجرة صوتٍ يصول بمنبره,وخطاب ما مثله خطاب والطيبة اللي زعزعت صوت الخطيب ومنبره ما فيه دمعٍ صوّبوه احبابي بوجهي وخاب ولا رزق حزني على غالي , ولا فجّ انْحره كلّ الزهاب اللي معي..ذكرى من اصحاب الزهاب واللي بقى لي من عذاب..اشرس طريقي واخطَرَه لانّي تجنّبت الغرق..تعديت من فوق السحاب لانّ اكثر اصحابي ورق.. ما شفت للطيب اثمره والله ما حطّيت بين الحقد والخوّة حجاب حتى غدوا ربعي يحدّوني على الضيق..(اشكَرَه) البارحة ثارت عليّ رقاب.. وآوتني رقاب البارحة يا ثقل دمّ البارحة ويا محقَرَه أهبّ يا وجه الحسد وشلون جمّعهم.. وغاب كيف السنين اللي عطتني .. (بعثرتهم بعثَرَة) أثر المصايب.. ما تجيك إلا من الناس القراب وبهالزمن حتى الخويّ اللي تثق فيه..احذَرَه لا بارك الله في رفيقٍ.. تزعله كلمة عتاب ولا جمّع الله الرجال اللي تفرّقهم (مَرَه) عوّدت نفسي كلّما شدّدت في يٍمّة ركاب ما اصدّ وجهي عن طريق ليا جبت اخبْرَه الصاحب اللي ما يجي من صحبته غير العذاب!! نذرٍ عليّ ان ما هجرني.. والاّ أنا اللي بهجره من يفتح لفرقاي باب .. افكّ له عشرين باب واذا خويّي ما يقدر خوّتي ما اقدّره إن (روّحوا) فانا بري منهم إلى يوم الحساب وان (جرّحوا) قولوا لهم ما حرّكوا فيّ اشْعره شفه لهم حول السنة .. ولا خذوا منّي جواب أحسن دوا للي يحاول يستفزّك .. تحقره أنا جمعت اوراقهم بكتاب .. واغلقت الكتاب يا وقت لمّ اللي تلمّه, وانثر اللي تَنثره ما كنت احاتيهم صغيّر .. عاد احاتيهم شباب إن ما ذخرني صاحبي لليوم الاسود ما اذخره عقب اكتئاب البارحة ما عاد أنا حمل اكتئاب الطيب جَرجرني, وانا ماني بناقص جَرجَرة اللي يخاف من الظما يترك لنا طرد السراب واللي ما هو بقدّ الظلام ووحشته .. لا يسهره أنا.. تجّرعت العطش لين احترق وجهي وذاب أنا.. كسرت بخاطري قبل الصداقة تكسره أنا.. خسرت اللي غيابه غير عن كل الغياب أنا .. غفرت لعالمٍ .. ما تستحقّ المغفرة أنا اكثر (إنسانٍ تعلّم) من كثر اخطا واصاب أنا آخر(لسان يتكلّم) في زمان الثرثرة أنا (القصيد اللي فزع) من دفتره .. مليون ناب وانا(الوحيد اللي جمع) مليون ناب بدفتره جفني وجرّحه السهر, حيلي وهدّته الصعاب دمعي هدر..ضحكي ندر..عمري وضيّعت اكثره شيّبت بعقول العرب.. هيبّت روسٍ ما تهاب جمهرت ناسٍ عمرهم ما يعرفون (الجمهرة) ما صرت ذيب الاّ لأن اللي حواليني ذياب ما كنت اغيب ألاّ لأن العفو عند المقدرة ترى حلاتك, لا حملت لصاحبك كلمة عتاب إن ما نطقت ابْها بوجهه.. ما تذمّه بظهره في هالزمن ما يملي عيون الحسود الا التراب والا الحظيظ.. الطلقة اللي ما تصيبه تذعره ودّك ليا من جاتك الغلطة من الناس القراب الصاحب اللي ما كسبت محبّته ما تخسره |
الله يعطيك العافيه .. بصراحه انا اموت في اشعار حامد زيد .. فعلاُ تميز .. |
يعافيك ربي المتيمه في حب النقط |
http://www.hamedzaid.com/88/data/thu...Untitled-1.jpg مع الأمير فيصل بن خالد http://www.hamedzaid.com/88/data/thu.../8/hamed44.jpg مع أسرة برنامج جواهر http://www.hamedzaid.com/alboom/smol/10.GIF الصورة تعبر |
ولا يزال هناك البقية أنتظروني ...... رهيب |
يعطيـكـ ألفـ عافيهـ أخويـ .. وبالنسبهـ لقصيدهـ الجمهرهـ للي يبي يستمعهـأ : للإستماعـ <=- http://www.hamedzaid.com/7amed/ram/a3.ram |
شكرا على تعاونك أخوي عبدالله |
رسالة رثاء قصيدة في رثاء الشيخ زايد بن سلطان ال نهيان جيت أخاطب صرح وأحكي عن منارة *** جيت اجدد جرح شعري واستثيره جيت أقاسم دين الاسلام المرارة *** جيت اجرّد حزن أمة من جفيرة جيت اصفّق للتواريخ بحرارة *** جيت اوثّق ذكريات الألف سيرة عن صروح,وعن طموح,وعن إدارة *** عن قيادة,عن ارادة , عن بصيرة عن وجود الحب عن صدق الطهارة *** عن حنان الأب عن رحلة سفيرة عن منارة كل بيت وكل حارة *** عن خسارة كل دار وكل ديرة عن رجل يصعب على الشعر اختصاره *** عن زعيم قل منم تنجب نظيره لانّه اول من ثبت حبّه لداره *** ولانّه اكثر من غمر هالأرض خيره ولا نّه اقدم حبّ يجمعنا شعاره *** ولانّ دنيا ما بها زايد مريره كل دمع مايساق له بغزارة *** والله أنه ما يساق لموت غيره من رحل سبع الجزيرة عن دياره *** ضاقت الأرض بعرب شبه الجزيرة يا ذراع رد للطهر اعتباره *** يا رسالة رحلة الخير وبشيره يا سبب مجد الإمارات وعماره *** يا ذرى كل الشعوب المستجيرة يا صدارة ..ما بعدها من صدارة *** يا مسيرة..ما تعدتها مسيرة غيبتك ضيعة,وفقدانك خسارة *** والقلوب بلا جناحينك كسيرة الوطن يبكيك ليله مع نهاره *** والبشر تنعى جمايلك الغزيرة يكفي انك كنت للأمة بشارة *** يكفي انك سيّد الحلم وأميره يكفي انّك واحد لسابع إمارة *** يكفي انّك ديرة بمليون ديرة من حدودك بدّل العالم مساره *** من رعودك بلّل التاريخ بيره مع سجودك أثبت الدين انتصاره *** بعد جودك صابت الحكام غيره يا ملاذ لكلّ من لاذ بفراره *** يا مجير لكل من جوره يجيره يا مرسخ كلمة العدل بجدارة *** يا ميسّرها وهي قبلك عسيرة يا حضارة..في زمن ما به حضارة *** يا ضمير لعالم ميّت ضميره من يعوض الخير عن غيبة وقاره *** من يلوم العرض في راعي الستيرة من يطفّي في ضلوع الشعر ناره *** من يشّتت عن عقول الناس حيرة عشت مثل الحب لا يمكن دماره *** كنت مثل المزن غيره تحت خيره كنت مثل الطيب نفرح بانتشاره *** كنت بالنسبة لنا حاجة كبيرة أنت نور ترفض الأرض اندثاره *** أنت غيث يروي الدنيا غديره أنت جار يفزع ليا ضاق جاره *** أنت سيرة..مثلها ما فيه سيرة أنت غاية.أنت راية.أنت شارة *** أنت خوّة .أنت قوّة . أنت جيرة أنت كلّ المدح ما ينقص عبارة *** أنت كل المجد ما تبقى مسيرة باختصار.انت الذي صعب اختصاره *** أنت تاريخ من اولّته لاخيره جيت اقاسم حزن شعبك وانهياره *** جيت ابستفزع قصيدي واستثيره جيت لك ببكي على القبر بغزارة *** جيت اجرّد سيف حزني من جفيره شاعر يكسب من وقارك وقاره *** ويعتبر مصير شعبك من مصيره من قناعة حبّ شعبك وافتخاره *** إفتخاره عن قناعات كثيرة لانّك اوّل من ثبت حبّه لداره *** وانّك اكثر من غمر هالارض خيره ولانك اكبر حبّ عاشته الإمارة *** وموتك أكبر حزن عاشته الجزيرة |
http://www.hamedzaid.com/alboom/smol/12.GIF صوره للجمهور بأمسية الهيئه العامه للشباب والرياضه بمركز شباب الدعية تاريخ 12-6-2000 http://www.hamedzaid.com/alboom/smol/n27.jpg لقطه من جمهور امسيه المدينه المنوره |
ولا يزال هناك البقية أنتظروني ...... رهيب |
مشكورررررررررررررررررررررررررر |
العفوووووووووووووووووووووووو |
شكرا لك يارهيب الحزين على هالموضوع ,, وبالرغم من أني أحتفظ بغالبية قصائد حامد زيد وبالذات المنشورة في مجلة المختلف ,, إلا أنه فعلا شاعر لاتمل قصائدة وله حضور فريد في إلقائه ,, وبالنسبة للبيتين اللي في التوقيع ,, أجل أهل نجد يحبون البيك !! أحسب انا الوحيد اللي يحبه !! ووينك يادبل كيك ماترد على الأقل علشان إسمك في التوقيع ,, شكرا يارهيب الحزين وبالتوفيق لك ,, |
أخوي راشد شكرا على مرورك وإثنائك على توقيعي |
إقتباس:
|
السفينة ضاقت وساع الفيافي والوعد متن السفينة للطريق اللي دعاني بعد أمان الله وأمانه لا تناديني.. وصوني قلبك الله لا يهينه لا يراهن في رجوعي لاجل ما يخسر رهانه ليه ما ارحل عن غرامك بعد ما ذقت الغبينة؟ اذكري لي شي واحد يستحق أقعد عشانه قلب ما حنّ لوصالي ما ني بحاجة حنينه وأشهد أنه ما يعزر بالرفيع إلا هوانه الهوى الغدار حدّ الله ما بيني وبينه والرجل لا خير فيه إن ما حفظ قدره وصانه واحدٍ مثلي ليا من حدته عوجا سنينه ما شكا لأقرب بن آدم لو هو أغلى من أخوانه يوم قلبي ما عصاك وما قدرتي تذبحينه ليه خنتيه وانتي معه من نفس الديانة كان ذبحي بدك أرحم لي من اللي تفعلينه وإن طلبتك تذبحيني.. ما ذبحتيني ..لعانه كل جرح من جروحي تذكرينه.. تنكرينه كنّ مالك في نزيفه يد خانت بالأمانة ينزف الخافق تواضع لين لطختي جبينه ولا أنا ما كنت أبيها توصل لحد الإهانة قلت من باب الميانة صاحبك وتعذبينه لعنبوك ارخي معاي شوي ما صارت ميانة طعت عقلك يوم قيل ان العقل بالبنت زينة لكن الشرهة عليّ الـ.. كنت أحسب انك تكانة من بعد ما كنتي أنتي في حشاي أغلى سجينة اوعدك باطلق سراحك واتهمني بالإدانة وين رايح..؟ لأي دربٍ ما يرجع للمدينة ليه رايح..؟ لأن قلبك ما ترك قلبي و شانه كيف ابنسى..؟ ربك اللي ملهم القلب السكينة مثل ما عانه بقربك.. لا نوى فرقاك عانه كان قاسي يجرح أطراف السكاكين السنينه ما يطيح.. وبنت مثلك حبها هزت كيانه ولا أنا خابر خفوقي ما يمد إلا الثمينة وان بغا يغيض الثريا قعد القمرا وزانه مزعلٍ لجلك هنوفٍ رجت عقولٍ رزينه وان تهادت بالطريق الجرهدي تزهر جنانه جادل حتى الجمال إن شافها كتف ايدينه والقمر لو شاورت له ينزح وتقعد مكانه كانت أول من تحكم في فروع الياسمينة وان تعدتهن تثنن خيزرانة.. خيزرانة بعتها لاجلك وصارت لأصغر أطرافك رهينة ولا هي لفتة هدبها تغمرك ثقل ورزانة والخفوق اللي تغذى من معزة والدينه مشكلته إنه تعلق في زمن ما هو زمانه كل ما زادت جراحه واكتشف غلطة ضنينه صدقيه إن قال: ما به شخص يستاهل حنانه يوم نادى: يافلانة ما رضيتي تسمعينه لين صوت يا فلانة يا فلانة يا فلانة كنت أشوفك زعفرانة تقرض الورد وتدينه يمكن اني ما قطفتك بس أشوفك زعفرانة كنت أهاب البعد عنك وأطلبك لا تذكرينه كان خوف من الفراق وخطوة الفرقا جبانة ما اقتعنت إن الخيانة للرجل تلوي يمينه لين ما ربي بعثك وذقت من طعم الخيانة اسمحي لي ما بقى فيني مكان تطعنينه واقبلي من جوف قلبي كل عطفه وامتنانه والله الله في عذابك بتركك عينك بعينه ذلليه ولا يردك عن شقاك إلا لسانه ولا أنا قررت أسافر وأمتطي ظهر السفينة لان ما به شي واحد يستحق أقعد عشانه |
|
ولا يزال هناك البقية أنتظروني ...... رهيب |
قصيدتهـ في المرحومـ لهـ بإذنـ اللهـ للإستماعـ : http://www.hamedzaid.com/hamed7/rthaa.ram قصيدتهـ الرائعهـ جـدا السفينهـ :) ويلقبـ بالسفينهـ أحيانـاً للإستماعـ : http://www.hamedzaid.com/7amed/ram/a4.ram وأعتـذر على الـتأخير :) |
قصيدتهـ في المرحومـ لهـ بإذنـ اللهـ للإستماعـ : http://www.hamedzaid.com/hamed7/rthaa.ram قصيدتهـ الرائعهـ جـدا السفينهـ :) ويلقبـ بالسفينهـ أحيانـاً للإستماعـ : http://www.hamedzaid.com/7amed/ram/a4.ram وأعتـذر على الـتأخير :) |
حامد شاعر خطير أحياناً ينرفزني وأحياناً أقف إعجاب لكلماته أكثر ما يعجبني له الحلم فكرتها عجيبه وفي نفس الوقت مختلفه لكن غروره ينرفزني وكأنه المتفضل على ملهمته أنه كتب فيها وفي نفس الوقت ثقته جميله متناض جميل مبدع كل الشكر للرهيب رهيب اللي أتحفنا بالمواضيع الرهيبه بالحب والإشراق |
رائدة الزعيم أحترم وجهة نظرك وأوكد لك بأنه ليس مغرورا ولكن هذا أسلوبه ولكن ما بالك إذا سمعت سعد علوش هو الغرور بعينه شكرا على مرورك |
حد علمي حدّ علمي بالغلا.. يوم كنت أسوى كثير يوم كانت ضحكتي طبع وعنادي سمة وحد علمي بالعنا.. يوم خفاقي ضرير قبل أهدم العشق وابنيه وارجع واهدمه وحد علمي بالبكا.. يوم لي قلب وضمير قبل أشوف المسلم يموت بيد المسلمة إيه عدّت من يدي بس ما عدت بخير ليلةٍ عيّت تجيني بس جتني مظلمة من عرفت احساسها كنّ في قلبي نذير والنهار المكتئب باين من مقدمه ليلة حسيتها لا تجور و لا تجير مثل طفل ما حقرته وعييّت أحشمه واصبحت مثل شعرة.. واقصمت ظهر البعير وابتدا مع موته الجرح.. من حيث اختمه صار لي بالعشق ما لا هقيت أنه يصير انظلمت بعشرة انسان ما كنت اظلمه العشير اللي تبرى من ضلوع العشير الحلا عزز خطاياه والحظ اخدمه لا تبسم يكسر النور بعيون البصير وكنّ شمس المغربية تبات بمبسمه معتدل في قامته لا طويل ولا قصير ممتلي بالزين من معصمه لي معصمه فيه بألوان الهدب .. لون غير ولون غير مثل ما للرمش بالعين .. قصة مبهمة كنّها نكس البيارق على شط وغدير ومثل لملمة الشتات.. بشتات اللملمة مع سوادٍ مجدلٍ ما يثور إلا يثير كنّه اللي ينهم الريح ثمٍ تنهمه ما تجمع لين قيد حرير مع حرير في ظلامٍ علم الليل ما لم يعلمه ما هقيت إن الهدب صلف وأجفانه تغير لين سلهم لعنبوا جد ذيك السلهمه ما عتقني لين ساق البشاير للبشير يوم صد وجاه قلبي بشحمه ولحمه والله إنه حط قلبي تحت رحمة شطير في يديه وكل ما راد يقسمه.. اقسمه يا عساني ما اعدم رضاه في برد وهجير ولو عدمت مروته يا عساني ما اعدمه إن طلب عيني رضا.. قلت ما غيره نظير وإن شرب دمي غضب قلت يستاهل فمه وا هنيه يرقد الليل مرقاد الغرير كنّ نومه لا بغى يهزم الجفن اهزمه ولا أنا من صفرة عصير ليا صفرة عصير والسهر يا يلزم العين ولا تلزمه لو صحيح إن الحبيبين يجمعهم مصير كان نفس اللي حرمني من النوم حرمه والله إن مروتي ولعت فيني سعير يوم شفت تلّ قلبي وداسه بقدمه ما رحم زهرة شبابي وأنا توي صغير لين ضيّق خاطري ضيّق الله انسمه إيه عدّت من يدي بس ما عدّت بخير ليلةٍ عيت تجيني بس جتني مظلمة حدّعلمي في عناها عذاب وزمهرير يوم قمت أوحي بالأضلاع صوت وهمهمه وحد علمي بالرجا من نصير ليا نصير يوم شفت النفس تذبح وهي مستسلمة وحد علمي بالبكا يوم لي قلب وضمير قبل أشوف السلم يموت بيد المسلمة |
شكرا على الموضوع الرائع ويعطيك العافيه اخوي وانا من اشد المعجبين بالشاعر الكبير حامد زيد واتمناله كل التوفيق0000 اسعد من حولك تسعد saraaaaaaaab |
عين الرضى عن كل عيب كليلة إقتباس:
إقتباس:
أحس عاجبه نفسه لكن قصيده جميل أنا ينرفزني إلقاء حامد وفي نفس الوقت جمال شعره في إلقاءه يمكن إختلاف اللهجه هو المشكله ولازلت أقول حامد كبير وسعد كذلك بالحب والإشراق |
سراب شكرا على مرورك |
رائدة الزعيم أحترم وجهة نظرك وأنتظريني في قصائد سعد علوش |
وانا أحترمك وأنتظر قصايد سعد ترا أعتبرته وعد بالحب والإشراق |
نهاية الأسبوع القادم ستجدين الموضوع شكرا |
مشكوور ولاهنت أخوي :: رهيب :: حـامد زيـد وما أدراك ما حـامد زيـد.. شـاعر رهيييييييب ومبدع وزعيم s13s إقتباس:
:: وأسمحلي أشاركـ بواحده من روائع المبدع :: الأولي والتالي جاء نهار مارحمتني جيته وقدومه شفت فيه الناس واجد واقفين قبالي كنت أحسب أنها حقيقه والعرب ملمومه وقمت افضفض عن همومي وأشتكي غربالي ويوم زال الحزن عني وانجلى بغيومه وأثرني ماغير أسولف بالخلا بلحالي من عذابي قمت أعزي قصةٍ مرحومه ولعت بإيدين خلي وأنطفت بإهمالي قصةٍ لدت عيون صويحبي من نومه يوم شلت الموت بإيدي وأبتلوا عذالي ما رضيت أكسر غلاي وماقدرت ارومه وعاذلي ماصد عني وماقوى منزالي أبتليته لين جتني خنجرٍ مسمومه وأبتلاني لين جاب الأولي والتالي والله انه ماعذلني لين شق هدومه ولين خانتني عزومي وانكسر تمثالي وإلا أنا ما كنت أبين لأمطرت ديمومه بالمدامع من فراق المخلصين أمثالي كنت أوقف وأتذكر نفحة اليشمومه وأذكر أني كنت غالي في عيون الغالي واحدٍ كانت نسايم سيرته بسمومه وكان كل ماشاف ظلمي بالهوى يلجالي ذاك والله كلما أرسل في حشاي سهومه أنتهى ليل السكينه وأبتدا زلزالي والله أني كل ما اسمع سيرته وعلومه قمت أشوف الموت الأحمر واقفٍ بظلالي وأشهد أني كلما اسهى وأفتكر برسومه ماوعيت إلا وأنا أرمي غترتي وعقالي ليت ربي يحتميه ويحرسه ويدومه يومه أقرب من عروقي للجسد بوصالي وليتني لما عرفته ما عرفت خصومه وما وقعت بظلم ناسٍ ماوراهم والي العذول اللي حرمني حاجةٍ مقسومه ليه يحرمني قهوتي والدلال دلالي وليه يسأل في غرامي وإن بغيت أسومه دام صار الجيب جيبي والريال ريالي والله أن العشق شيٍ يستحق القومه وأشهد أن عيون خلي تستحق أفعالي يكفي انه لانظر لي نظرةٍ محشومه يرتجف كفي ويوقع من يدي فنجالي وإن لمحت بطرف عينه دمعةٍ مكتومه جيت كلي من عذابي عالي متعالي وإن تبوسم لي بعينه والشفاة مضمومه والله مدري وش اللي بعدها يجرالي ليت يومي قبل يومه أو معاه بيومه وليت حاله غير حالي دام هذا حالي إن غفيت الليل جتني بالمنام حلومه وإن صحيت الصبح ناسي سيرته يطرالي والله اليبطي وعيني تسهره وتقومه والله اليبطي عذولي مايفك حبالي دامني لازلت أحبه وأعشقه بهمومه بذكره مع كل خطوه حللت ترحالي وبذكره مع كل ليله مظلمه مشؤمه نزلتني في حشاه ورفعت منزالي وبذكره مع كل دمعه نوخت بهمومه وحسستني بأن قدري في غرامه عالي وبذكره كلما نسيته وإن ذكرت سلومه قمت أشوف الناس واجد واقفين قبالي وإن حسبت أنها حقيقه والعرب ملمومه ماتحكمت بسكوتي لين طال جدالي ويوم زال الحزن عني وأنجلى بغيومه وأثرني لازلت أسولف بالخلا بلحالي :: ولي عودة بإذن الكريم :) |
ليه تطعني ليه تطعني وأنا ميت بليا ماكفاك اللي حصل لي قبل ساعة كن بين همومي وبينك حميا جيتكم واحد وجيتوني جماعه أنت منا والمصايب من هنيا كلكم ضدي ترى ماهي شجاعه ماابشع من جروح طعنات الكفيا غير سكينٍ تصيب بهالبشاعه لا تتوب ولا تذوب ولا تريا جرحها جرح وفضاعتها فضاعه ترتوي من فيض دمي واتفيا وصار قلبي مثل اخوها بالرضاعه وأنت ليلٍ لو ضويته ما يضيا ضعت فيه وشفت نفسي في ضياعه أتهيا وين ما أشوفه تهيا وأرسي بمرساه وشراعي شراعه من عرفته والمحيا بالمحيا وما يروح إلا ذراعي في ذراعه إن رضيت أرضيه وإن عييت عيا وإن طلبني قلت له سمعٍ وطاعه s60s ماعشقت من النجوم إلا الثريا وماملكت من الكنوز إلا القناعه s60s وأنت وجيوش الموادع والجفيا كيف أوقف ضدكم وانتم جماعه لو بجيكم بالشجاعه والحميا البلى إن الكثره تغلب الشجاعه :) |
اخووووي رهيب بالفعل احسنت الاختيار اذا كان للقصيد زعيم فهو حامد زيد يعجبك بكلماته الرائعه والرجوليه ... لا يحب التخنع في كلماته وفي القائه. بشرتها يامه معي ربع واصحاب *** ماني لحالي واجد اللي يبوني اخووووي اذا سمحت لي اتمنى وكل قلبي اني اسمع القصيده اللي نزله في الامير سلطان بن عبدالعزيز واللي انت نزلتها كتابه اتمنى اذا فيه لها صوت ترسله لي على الايميل لاني والله تعبت وبحثت وما لقيتها اتمنى اذا عندك رابط للقصيده ترسله على هذا الايميل [email protected] اخــــــــوكم ازرق هلالي |
جيت ما ابيك اتحقرني جيت ابيك تعزّ شاني جيت ابي فزعة ضلوعك من مشاعرك البليدة شـــــــــاعر .... لامع كالنجــم الساطع في لليل ظــلامه دامس ... تكفى,واليا قلت:تكفى.بيع خلق الله عشاني لا تضيّع من يديني فرصة العمر الوحيدة يعلم الله شفت منك ومن غيابك ما كفاني كان ما تقدر تخفّف هم قلبي... لا تزيده صـــــح لســــانكـ .s60s ... |
حامد زيد شاعر كبير تميز بأسلوبه القوي للرجل الذي دائما يعتز بنفسه ولاينكسر |
|
يعطيك العافيه ....s60s حامد زيد ما يختلف على شعره اثنين...روووووووووووعه...s60s وكنت بارد بكم قصيده.. لكن الأعضاء كفوا ووفوا.. ما بقوا لي شي...s60s |
ألماسة الزعيم شكرا على مرورك ومشاركتك وبالنسبة للأمسية فإنها ليست موجودة لدي ولكن ممكن يحطها الأخ عبدالله |
أخوي أزرق هلالي شكرا على مرورك والقصيدة نادرة جدا لذلك سيطول البحث عنها |
مهوسة الزعيم شكرا على مرورك |
أبو حمد كلامك عين الصواب |
الوقت المعتمد في المنتدى بتوقيت جرينتش +3.
الوقت الان » 06:48 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd