أبا الـــخـيـل - نادي الهلال السعودي - شبكة الزعيم

ابوسليمان · #1 07/08/2001, 02:56 PM

السلام عليكم ورحمة الله وبركاته

أخوني الغالين لقد بداءة معكم موضوع أسماء والقاب وكانت الردود

منكم جميله وتحثني بالأستمرار

شاكر من ساهم في أشادته في الموضوع ألأول

وألأن للموضوع الثاني وأرجو ان ينال أستحسانكم

-----------------------------------------------------

أبا الـــخـيل

لقب لجد اسرة أبا الخيل , من المهنا من النجيد من المصاليخ من عنزة ،

روي انه مزارع في النبهانيه ( أحد قرى القصيم ) ودخل يطارد خيلآ له

فسمي أبا الخيل0

وكان لهذه ألأسره أمارة بريدة سابقآ , منهم العمود والعوده والهواش00

قال محمد الصغير شاعر أهل بريدة في صالح الحسن المهنا:

نحمد الله جميله %%%%%% شيخنا صار منا

نافل كل جيله %%%%%% من سلايل مهنا

وقال العوني في رثاء عبدالعزيز المهنا غفر الله له :

والله لولا مزة العـظـــم مره ....... وفنجال بن عشر عـفر بهـاره

لآخذت من زين الغلاوين جره ....... أتبعها الفنجال يطفي حراره

من واهج بالصدرياكود حره ....... لافار يضرب بالنواظر شــراره

لاصير مثل اللي حديده يجره ....... هبيل قلب للخــلايق ســـفاره

يلومني دحش خياله مغــره ........ نوم الصفر يرث بوجهه غيـاره

عليك ياشيخ نزا عن شمره ........ مع أيمن الصبخا يسار الزباره

ياليتني ما ذقت حلوه ومره ...... ويليت يومي سابق عن نـــهاره

وسلامتكم

الموضوع السابق
المــلك عبد العزيز

ابراهيم النجيدي · #2 07/08/2001, 03:45 PM

هلا أبو سليمان والله الله بمثل هالمواضيع

,,,

أبا الخيل يرجعون لـ آل نجيد , وهم من المذهل من القرشه من المصاليخ من عنزه ,,,

المصاليخ لهم أربع تفرعات وهم :

المرده ومنهم آل سعود

القرشه ومنهم آل نجيد اللي منهم أبا الخيل

الخرشه ومنهم آل خليفه " حكام البحرين "

البلصان ومنهم الصخيري والسعدون والسعيد

وقال فيهم الشاعر :

ومـن حاضرة وايـل شيـوخ ومشاكيـل صـوارم يـوم المراجــل حلاحيـــــل

منهـم سليل نجيـد مـن نسـل ابا الخيـل فيما مضى تروسـوا جمـع قصمان

تحياتي لك ,,,

ابوسليمان · #3 07/08/2001, 04:46 PM

اهلين بالغالي رامبو

أشكرك للتعقيب وألأيضاح

يبدو انك من النجيد

والله مليون نعم بالأجاويد

ونعم بقوم عنزه

وموضوعي القادم عن أحد فرسانها المشهورين

لك الحب والتقدير

نايف · #4 07/08/2001, 05:43 PM

ونعم با ابالخيل ((البريداويه)) ;) وبكل عنزه,,,,
وتعريف جميل يابوسليمان

ننتظر المزيد,,, .

سفير النوايا الحسنة · #5 07/08/2001, 05:50 PM

الأخ الكريم ابوسليمان
ماعندي زيادة و لا تعقيب غلى الي تفضلت فيه يعطيك العافية
بس حبيت احييك على التجديد فالمواضيع و إثراء المنتدى في كل المواضيع
مميز ماشاالله عليك في مشاركاتك الرياضية و في منتدى الكمبيوتر
و في المنتدى العام
الله يقويك و يعطيك العافية
لاتبخل علينا بالمواضيع و المشاركات الحلوة
شكرا جزيلا لك

ابراهيم النجيدي · #6 07/08/2001, 09:10 PM

ماعليك زود يابو سليمان ,,,

ردي طال عمرك مهوب للإيضاح لإن كل اللي قلته عداك العيب والنقص فيه ومثلك أصلا مايجي منه قصور

.... لكن ذكرت النسب بتفصيل بسيط مهوب أكثر من كذا ;) ,,,

الله لايخلينا منك ولا من موضيعك ياغالي ,,,

تحياتي لك ,,,

ابوسليمان · #7 08/08/2001, 03:59 AM

الغالي نايف تواصـلك مع الجميع رقي في تعاملك
تسلم حبيبي

الغالي سفير النوايا الحسنة
أشكرك يالغالي على كلامك الذي يقودني الى بذل المزيد
وأبشر بالخير يالغالي

رامبو الغالي
تعلم يابو الخل وش انت في قلبي
فأنا أخوك (( الصغير

)

الشايب فهد · #8 08/08/2001, 02:07 PM

======================
يا سلام على مواضيعك يا ابا سليمان

اتحفنا بالمزيد يا الغالي
===========================

أبوفهد***** · #9 08/08/2001, 07:59 PM

مشكور يابو سليمان
تصدق أنا من أبالخيل بس ماعرفت اللي أنت كاتبه

عاشق النمر · #10 08/08/2001, 08:38 PM

يعطيك العافيه ابو سليمان والله مدري ليه انت الوحيد اللي بالمنتدى اللي ادخل موضوعه وتضيع الكلمات مني واجلس فوق العشر دقايق ادور رد مناسب لابداعاتك والا القى رد يناسب حجم مواضيعك الرائعه واطلع وانا ساكت

الف الف شكر ابو سليمان ;)

khaled79 · #11 09/08/2001, 01:15 AM

ماشاء الله عليك يابو سليمان ، عزى الله ان سوالفك ماتنمل لأنها سوالف
رجال فيهم خير .
بكل صراحه كل مواضيعك جذابه ومايطلع الواحد منها الا بفائده .
الله يعطيك العافيه حبيبي ابي سليمان وارجو منك الاكثار من هذه
المواضيع لأنهاتذكرنا بسير الطيبين .
والف الف شكر لك .