إقتباس الرسالة الأصلية كتبت بواسطة أبوأسامة الهلاااالي طيب نورنا ياعمو متى الدب خذا كأس عالم ثانية ؟؟؟

الظاهر يقصــد كاس العالم 94 ... اللي ما لمس فيها الكوره


ياخي لازال جمهور الريال يكابر ولا يعترف بالاخطاء

حبيبي اللي قاعد تتكلم عنه هو تاريخ ريال مدريد

والتاريخ لا يصنع بطولات

او كما قال المثل العربي (( التاريخ ما يوكل خبــز ))

صح لسانك


عين العقل والحكمه

كلام كبير من عضو كبير وصاحب فكر راقي وواعي

نعم الريال كبير

والمثل يقول دوام الحال من المحال

والقادم اجمل لملوك اوروبا شاء من شاء وابا من ابا


وتحياتي

إقتباس الرسالة الأصلية كتبت بواسطة faisal982sa الظاهر يقصــد كاس العالم 94 ... اللي ما لمس فيها الكوره ياخي لازال جمهور الريال يكابر ولا يعترف بالاخطاء حبيبي اللي قاعد تتكلم عنه هو تاريخ ريال مدريد والتاريخ لا يصنع بطولات او كما قال المثل العربي (( التاريخ ما يوكل خبــز ))

ماله داعي ارد لاني سبق وجبت هالطاري بس بوضح لك...

التاريخ يا حبيبي هو اللي يبين عظمة وقوة الفريق...

انا اعترف ان الريال الفتره هذي مستواه جدا منحط لكن انك تقول التاريخ ما يصنع بطولات غريبه

اذا انت ما تعترف بالتاريخ فــ هذي مشكله

على كذا كؤوس اسيا الهلاليه السته المفروض الهلال ما يعترف بها لانها من التاريخ ولاتصنع بطولات... وعلى كذا انت لا تطالب بفريق القرن للهلال لانه بطولاته من التاريخ اللي من اربع سنين ما شافها !!!

اعيد واقول وجهة نظري ان الرريال مو في المستوى ويحتاج تجديد كامل والمجامله طاغيه على الفريق ككل


تحيتي للجميع

^^
^^
^^

الحمد لله
الظاهر ان بعض الاعضاء يرد لمجرد الرد وهو لم يقرأ الموضوع او الرد
ومن انكر ان الريال ليس فريق قوي

انا قلت (( وارجو انت تقراها زييييييييييين ))

إقتباس حبيبي اللي قاعد تتكلم عنه هو تاريخ ريال مدريد

يعني انا لم انكر ان للريال تاريخ لا ينكره الا جاهل

ولكنني قلت

إقتباس والتاريخ لا يصنع بطولات

وشرحها ان العضو قاعد يتكلم عن ريال مريد (( كتاريـخ )) وليس الفريق الحالي

وارجع واعيد واقول

إقتباس او كما قال المثل العربي (( التاريخ ما يوكل خبــز ))

والامثله كثيره وحيه
اي نادي يلعب بتاريخه بالتاكيــد سوف يهزم
والريال الذي كانت اغلب اندية اوروبا تخشى مواجهته اصبحت تتمنى لقائه

اليورانيوم
كبير كلامك كبير والله

و أعتقد أن مشكلة الريال يتحملها بشكل كبير (بيريز) فهو تخلى عن ميكليلي في وقت كان الجميع و أولهم زيدان يقول وبصوت عالي لا تخرجو ميكليلي و كذلك ترك ديل بوسكي بحجة أنه مدرب لا يكسب الا بطولة واحدة في الموسم و الريال بحاجة لمدرب يكسب أكثر من بطولة في الموسم ( حرام وين هذه البطولة)

أما لوكسا فهو استغنى عن أوين و مورياتتنس و فيغو لأن الثلاثة نجوم كبار ولا يجلسون على مقاعد الاحتياط و خطط لوكسا لا تضع هؤلاء الثلاثة و لا ننسى مستوى الريال الكبير في وجود جميع اللاعبين.

اعتقد أن حل الريال في ( مايكل بـــــــــــــــــالاك)

ياجماعة خلوه مسكين يبى يفش غله شوى بعد الكارثة

حبيت اوضح نقطة للاخ اليورانيوم

اذا كنت تعبت نفسك في البحث عن معلومة عن اسم ملعب برشلونة فساوضح لك انت نيابة عن محبي برشلونة ان الاسمين صحيحة سواء الكامب نو او النو كامب واتمنى ان تتقبل ذلك بكل روح رياضية .

هههههههههه



وين عايش يابو ؟؟


للحين تشووف فريقك كبير ؟؟


حنا فرحنا بالفوز لانكم اعلنتوا تحدينا لكم عبر المنتديات والاعلام




مين يشووف لمسات روني يفرح


ومين يشوف مهارات ميسي يفرح


ومين يشووف انطلاقات ايتو يفرح


ومين يشووف هدوء اكسافي يفرح



وانا اقوول لمن لم يفرح بذلك اليوم مريض والله مريض


لكن عجبي بكم يالمدريديه ماتذكروون ايش سويتوا يوم فزتوا بالاربعه ؟؟

إقتباس الرسالة الأصلية كتبت بواسطة مهتوي ماله داعي ارد لاني سبق وجبت هالطاري بس بوضح لك... التاريخ يا حبيبي هو اللي يبين عظمة وقوة الفريق... انا اعترف ان الريال الفتره هذي مستواه جدا منحط لكن انك تقول التاريخ ما يصنع بطولات غريبه اذا انت ما تعترف بالتاريخ فــ هذي مشكله على كذا كؤوس اسيا الهلاليه السته المفروض الهلال ما يعترف بها لانها من التاريخ ولاتصنع بطولات... وعلى كذا انت لا تطالب بفريق القرن للهلال لانه بطولاته من التاريخ اللي من اربع سنين ما شافها !!! اعيد واقول وجهة نظري ان الرريال مو في المستوى ويحتاج تجديد كامل والمجامله طاغيه على الفريق ككل تحيتي للجميع

انا توني شفت ردك وجلست اضحك الين ما اوجعني بطني


الحين ايش دخل الهلال


الهلال ما امداه جاب بطولة قبل شهر تقريبا وتقارنه بالريال الي له سنتين او ثلاث


بس ياليت لاتدخلون الهلال مره ثانيه

إقتباس الرسالة الأصلية كتبت بواسطة مهتوي التاريخ يتكلم عن الريال فمن تشمت في الريال هالفتره فهذا يعكس اشياء كثيره ليس فقط تاريخ العضو في كرة القدم لكن تاريخه من اول ما خرج من بطن امه ... طبعا مو الكل ولكن الاغلب العمـــر بعض الاحيان له سلبيات وايجبيات... احترم العقلاء لكن صعبه انك تحترم الاطفال او من هم دون العمر المطلوب للتحدث عن ريال مدريد و برشلونه فــ البعض تجده طاح في فريق لانه اخذ الدوري العام وهذا يبين عمــر العضو الرياضي وغير الرياضي ...... اما عن المباراة فمثل ما قال اخوي ماجد تحدثوو الكثير عنها وتحليل ماجد عجبني كثير فالريال مو الريال قبل سنتين وقبلها تايه والعكس صحيح لبرشلونه .. فريق كامل ومنظم واستغل ضعف الريال بوجود نجوم كبار امثال اكسافي و روني اما سالفة مقارنة ايتو برونالدو اعيد العمر هو الحكم .. قبل 3 سنين شوف وين رونالدو كان في في كأس العالم وايتو وين... شوف من الهداف في كأس العالم.. رونالدو احرز كأسين عالم <<< بيجيني بزر ويقول ما احرز الا وحده واذكرك وغيره احرز بطولة الدوري الاسباني صعبه المقارنه بس اقول لك العمر له دور تحيتي للجميع

صحييييييييييييييييييييييييييح

الله يالدنيا ..

اخر شي كنت اتوقعه .. إني أعيش في زمن يصير فيه إيتو أحسن من رونالدو

حتى بحلاوة الإسم يتفوق رونالدو .. فـ ما بالك اللعب

واحد تجيه 150 كوره .. 140 كوره منها يطير حمام .. و5 بالعارضه و 3 يصدها الحارس .. وبالنهايه يطلع معه هدفين

وواحد يوصل فيه الأمر احياناً يركض من نص الملعب ويجندل دفاعات الخصوم وفوقهم الحارس .. ويسجل اهداف بالهبل ..

هذا غير التاريخ الي أشوف بعض العقول تتهاون فيه وتبي تنساه .. شي طبيعي يجهل التاريخ أي كتلوني .. لأنه آخر شي يفتخر فيه تاريخ ناديه (اتكلم كإنجازات مقارنةً بالريال) .. فرق بين 17 بطولة ليقا وبين 29 وفرق بين بطوله وحده يتيمه أبطال اوروبا .. وبين 9 يتزعم بها الريال حتى الآن ولسنين قادمه قارة أوروبا !!

كل الانديه تمر بهبوط مستوى ..وأي نادي في العالم شي طبيعي يبتعد فتره عن البطولات مو بس الريال

نادي برشلونه الي اشوف كم واحد هنا يهايط فيه .. أتوقع ما ينسون إنهم قعدوا 100 سنه ماحققوا فيها الا بطولة اوروبيه واحده فقط .. وقعدوا 6 سنين ما شموا ريحة الدوري قبل ما ياخذونه العام




أعماكم التعصب اعوذ بالله ..

تحياتي .. فقط للعقلاء ..

اليورانيوم

....................

فيه مثل يقول

إذا طاح الجمل كثرت سكاكينه

وهم ما صدقوا ...
وللاخ اللي يقول أي كأس عالم ثانية
أقوله ... عام 94 .. ولا تقولي مالمس الكورة
يكفي انه رفعه ..
والله يرحم 2002 ... كيف جت ... ما ادري ..