نزل للاسواق شريط الفنان الكبير محمد عبده
والذي كان يحمل اسم (شبيه الريح)
بحاول الحين بطرح كلمات الاغاني
وان شاء الله اليوم او بكرى بالكثير بطرح لنكات الاغاني


أغنية شبيه الريح
من كلمات ألامير الشاعر:عبدالرحمن بن مساعد
الحان :صادق المشاعر
وهذه مقاطع من الاغنية
ابي اعرف متى تسكن رياحك......وابي اعرف غرورك هو متى يطلق سراحك
وابي اعرف متى تعصف ومتى تعطف..ومتى تنزف جراحك
وابي اعرف اذا باقي في بحرك موج اكسر فيه مجافي
وابي اعرف اذا باقي في همك هم ما شالته اكتافي
وابي اعرف اذا باقي في هالدنيا حزن ما مرني واستوطن اطرافي

مقطع آخر
سنيني يم وقلبي المركب المتعب وانت الريح
مجاديفي عذاب وهم وزاد الوجد والتبريح
وصبري صبر بحارة بغوا في اليم محارة
غشاهم موج..كان من الغضب اغضب..وكانوا للهلاك اقرب..لولا كثروا التسبيح


أغنية أحبه حيل
من كلمات :طلال الرشيد
الحان:طلال باغر
وهذه كلمات الاغنية
ليت ربي ما كتب لحظة وداع ولا فراق ولا دموع ولا ضياع
وليت كل الناس خل مع خليل وكل ما قيل النهاية بين الاحباب الرحيل
قلت احبه حيل
كل ما ادفن خيالك يا عنيد تمطر الدمعة وينبت من جديد
شفت وش سوى بي حبك يا بخيل
لو نويت اعاتبك القى الكلام يعتذر لي منك ويلوم الملام
والقى حتى كلمة احبك قليل


الوجه الثاني من الشريط


أغنية..ماعاد بدري
من كلمات:تركي بن عبدالرحمن
والحان:طارق محمد
وهذه كلمات الاغنية
ما عاد بدري.. قلت لي وش تحرى..ذابت نجوم الليل من جمر الآهات
ما عاد بدري...تدري العمر مرة...سرقت سنينه مننا كيف لحظات
تقول باكر وانت باكرك برا..برا الزمن واقف على مر الاوقات
ابتنتهي الدنيا قبل ما اتجرأ..ولا ضاعت الفرصة ترى الموت حسرات
يامن تسخر كل أمري بأمره..همي وحزني والفرح والمسرات
ما ترحم اللي وسمت فيه عبرة..اشتاق حتى صار به منك لمحات
الحب كله لو جمع عشر ذرة ...واللي بقلبي لك ملايين ذرات
احساسي لك كوكب تعدى المجرة..فيها الفضا شيد لنفسه مجرات



أغنية..سير علينا
من كلمات: سعود شربتلي
والحان: آل فيصل
وهذه كلمات الاغنية
سير علينا يا هوى......مشتاق لعيونك تعال
سير وشوف اللي جرى...في غيبتك حالي برى
النوم من عيني سرى.....وانا انتظر منك الوصال
سير على ليلي وزور......هات القمر طوقني نور
مليت من كثر السؤال.......مشتاق لعيونك تعال
لاجيتني كل الوفا.......واللي هجرني..لك يعود
والدنيا تضحك لي وفا.....وانسى معك كل الوجود


أغنيةسمي
من كلمات: فيصل بن تركي بن عبدالله
الحان:ناصر الصالح
وهذه كلمات الاغنية
يالعيون اللي تصيب وما تسمي.........منك احب الجرح لو ما ينتجارى
بالعقل سمي وبالخفاق سمي............رغبتين كلها يمك تبارى
ايه احبك والغلا يسري بدمي..........والسهر ما قدر عيون السهارى
والله اني ما شكيت الناس همي .......لو عظيم الحلم عن عيني توارى
انثر ورود الغلا وتروح لمي.......رشفة تروي ظما كل الصحارى
ما سألت الناس عن مدحي وذمي........دايم الغيرة لها قلوب غيارى
لمي احزان الزمن والهم لمي.........يكفي سنين مضت وانا حيارى
رحت يمك ليتك تروحين يمي......كان شفتي كيف تدليل العذارى

وان شاء الله خلال يومين بنزل لنكات الاغاني
ولكم احلى تحياتي