12/11/2005, 01:56 AM
|
| زعيــم جديــد | | تاريخ التسجيل: 16/03/2005
مشاركات: 32
| |
محب من أمريكا: رسالة هامة وعاجلة للأعضاء والإدارة
بسم الله الرحمن الرحيم
كثر بالآونة الأخيرة الحديث عن جلب لاعبين للفريق وأنا حبيت أطرح وجهة نظري لما فيها مصلحة بإذن الله لفريق
أولا الاعب (( عيسى المحياني )) يا جماعة إلي مايعرف الاعب عيسى المحياني يرجع لكأس العالم لشباب ويشوف المنتخب كيف كان قوة وكان الهجوم مجرشي و المحياني ولا أروع لاعب على مستوى وكانت كل الأندية حلطه عيونها عليه خصوصا أنه يلعب لنادي الوحدة بعدها جته إصابة مباشرة بعد كأس العالم وغاب فترة والحين رجع ثاني.
نصيحة عدم التفريط بهذا الاعب شوفو (( منصور البلوي )) فريقه كامل ولاكن هل إكتفى أبدا لازم نسير مثله  أنا أدري عندنا مهاجمين كفاية لاكن هذا الاعب مكسب وإلي يقوول عندنا ياسر سامي الجمعان الصويلح والعنبر مع إستبعاد النجم الكبير سامي لأنها بتكون آخر سنة له مع الهلال وخلينا إنكون واقعين وهذا الاعب عمره صغير يعني مكسب لهلال وأنا من وجهة نظري إنجيبه صح عندنا مهاجمين كثير بس البقاء للأفضل......
ثانيا: اللاعب (( عبدالرحمن القحطاني )) أكيد كل من تابع دورة التظامن وكل من تابع نادي الإتفاق يعرف مايملك هذا الاعب من إمكانياة وأخلاق عالية وصراحة الاعب نسخة من الاعب الكبير (( نواف التمياط )) بأخلاقه وفنه وهو على فكرة ياخذ نواف قدوة له بالملعب.
اللاعب بسطور:
الأسم: عبدالرحمن القحطاني
العمر: 22 سنة لاحظو العمر
طبعا الاعب من سكان مدينة الجبيل الصناعية عنده أخو أكبر منه اسمه محمد بعدين عبدالرحمن وبعدين عبدالمجيد إلي ما يقل عن عبدالرحمن مستوى وعلى فكرة نادي الأهلي طالب أخو عبدالرحمن للعب بصفوفه بس تدرون إيش إلي مانعه نفس السبب إلي منع عبدالرحمن للعب بنادي اهلال سابقا.
السبب:
عبدالرحمن عاشق لنادي الهلال منذ صغره والله ثم والله وربي يشهد على كلامي أنا من الناس إلي لازمو عبدالرحمن قبل لا ينتقلل للإتفاق لما كنا نلعب كان لازم إذا جاب هدف يرفع الفنيلة ويكون لابس فنيلة ثانية عليها شعار الهلال وصورة الاعب الكبير نواف التمياط . خلص الاعب الثانوية العامة بس إلي حرمه الذهاب للعب بنادي الهلال هو وفاة والده رحمه الله وأسكنه فسيح جناته وإلي إظطره للبقاء بجانب والدته ولاكن عشقه للكورة ما خلاه يتوقف عند هذا الحد فقدم بنادي الإتفاق علشان يكون قريب من والدته الله يحفضها وخلال مشاركته مع الإتفاق حاول إظهار مستوى مميز وهذا ما حققه وهدفه الهلال لاغير وطبعا مستواه الملفت خلا المدرب ناصر الجوهر يستدعيه لقائمة المنتخب بدورة التظامن وإلي قدم فيها مستوى رائع.
والآن بعد كل هذي الأشياء إيش ننتظر ؟!! البلوي ياخذه !! مع إني أدري أن الاعب إذا ماراح للهلال ماراح يروح لغيره
كفانا تظيع للفرص عندنا رآسة أكثر من رائعة بقيادة الأمير محمد بن فيصل فلنكن الأفضل أنا ما أبي أكتب بالمنتدى ويكون النقاش بس بينا والنادي ما درى فينا!! رجاء لكل الإخوه الأعضاء إلي لهم علاقة بالإدارة ماساعدتنا بطرح إقتراحاتنا لإدارة النداي فلنصنع نحن التميز ولنكن يد واحدة مع الإدارة لصنع النجاح فالرجاء من من له علاقه بالإدارة طرح هذه الأسماء على طاولة النادي وصدقوني الاعب إلي يعشق الهلال لن يكلف النادي الكثير .
ولكم أحبائي جمهور الزعيم إلي عنده لاعب مميز ويشوف أنه بيخدم الهلال الحين ومستقبلا يضع اسمه وأرجو أن يكون هناك متابعه من قبل الإدارة الهلالية وصدقوني بتكون الفائدة كبيرة بإذن الله .
وأنا منزجهة نظري :
1- عبدالرحمن القحطاني (( الإتفاق ))
2-عيسى المحياني (( الوحده ))
3- راكان الدرسوني (( الإتفاق ))
وقبل ما أنهي موضوعي أنا كنت سابقا من سكان المنطفة الشرقية وإنتقلة للرياض ولاكن الحين أنا بأمريكا للدراسة أحب أقول للي يطالبون بالاعب صالح بشير نصيحة يا إخواني إنسوا هذا الاعب أنا شفت هذا الاعب كثير المشاكل مع الاعبين والإدارة والله مافي أي إحترام للغير ولعبه عادي مقارنة بمهاجميت الزعيم والله الاعب عاله على الإتفاق ومايبونه فليش إحنا نبيه!!
مع خالص حبي وتقديري |
صدقوني بيكون مكسب بالإضافة للاعب راكان الدرسوني هذا الاعب أيضا هلالي وأحب أوضح شي إخواني إحنا مو قاعدين إندور على ميول لاعبين الفرق الأخرى وإنجيب أي لاعب هلالي بس يلعلب بفريق ثاني لأ الأسماء هذي لمعة وأظهرة مستوى ملفت خلال سنتين ومستواهم خلاهم ينظموا للمنتخب وهذا يكفي ولكم الحكم.
شكرا لك على موضوعك 
بإذن الله الهلال من أفضل إلى أفضل
بالنسبة للمحياني
الوضع العادي
