اول شي بيئة الهلال بيئة مستقرة والحمد لله واغلب اللعيبة مرتاحين في الزعيم ولا يوجد اي مشاكل بينهم وهي من انقى البيئات على مستوى الاندية هذا غير عن تميز الهلال في اعطائه الفرصة لاغلبية اللاعبين الي جوه ومساعدتهم على النجاح سواء من الادارة او من اللاعبين ولاحظ كيف ان المواهب الشابة حتى ذات الميول المختلف عن الهلال تأتي للتسجيل في الهلال لانها تعرف ان الهلال والشباب هم اكثر الاندية المساعدة على النجاح بس يتميز الهلال بجماهيريته الطاغية
ومسئلة اثارة عقود اللعيبة هذي مجرد استغلال لاسم الهلال وشهرته فمن بعد صفقة خميس سمعنا عن عشرات اللاعبين وانهم راح ينتقلون من الهلال بينما الواقع لم ينتقل بعد خميس سوى احمد الدوخي وهالشي حصل تقريبا بعد خمس سنوات من انتقال خميس العويران ولو جينا نناقش قضية انتقال هاللاعبين
نشوف ان خميس العويران انتقل بسبب تطنيش طلباته والمماطلة فيهم وكان بقاءه ممكن جدا لو وجد اذان صاغية تسمعه حيث انه لم يطلب اكثر من نصف مليون ريال
اما الدوخي فنفس الشيء لو ادارة الهلال كانت تبي تجدد عقده كانت عطته ثلاثة مليون ونص الي هو طالبها بس باين ان هناك خفايا في العلاقة بين الاثنين جعلت الامير يحضر المبلغ كاش ويصر اما ان يقبله الدوخي او يرفضه وحتى لما صارت وساطات ظل الامير ثابت على موقفه
باختصار الزعيم ما زال زعيم ومطمح للعديد من اللاعبين واخرهم ياسر القحطاني واذا كانت قوة الاتحاد المالية اقوى فسمعة الهلال وراحة البال في الهلال وجماهيرية الهلال ما زالت مسيطرة سواء على قلوب النشأ او قلوب النجوم
اما كون الاتحاد منافس للهلال فالاتحاد مهما بلغت قوته وهيلمناه من الصعب عليه مجاراة الهلال تاريخيا وبعبارة اسهل انظر الفرق للسجل البطولاتي سواء خارجيا او محليا او حتى على مستوى لقاءات الفريقين
صحيح الاتحاد هو منافس المرحلة لكنه ليس منافس التاريخ ولن يكون وسواء حقق الاتحاد انجازات او لم يحقق فهذا اخر همنا لاننا نثق ان نادينا باذن الله اولا وبعد ذلك ببركة مجهودات ادارته ولاعبيه وجماهيره لن تتوقف انجازاته وانا اتمنى من الاتحاديين ان يركبوا اعلى ما في خيولهم لعل وعسى يوصلون على الاقل لظل الهلال
اما مسئلة الندم على اي لاعب فاسمح لي لو كنا راح نندم على حد كنا ندمنا على الثنيان والمصيبيح والنعيمة وسامي الجابر مو على ظهير نادرا ما كان له الدور المؤثر خلال المباريات خاصة في الفترة الاخيرة ........ اللاعب اول شي واصل 28 سنة ومستواه كان منخفض جدا جدا وواضح انه يلعب من غير نفس وبدون اي جدية فماذا سنستفيد من بقاءه ؟؟؟؟؟
على الاقل هو راح وحصل الهلال على مليون ونص ريال
وثق ان الهلال ورجالاته وجماهيره ما يندمون على اي لاعب حتى لو كان سامي الجابر
ولو كنت رئيس الهلال راح ابيع الدوخي مرة ومرتين وثلاث واربع وبدون ادنى تردد
اعطيك مثال بسيط هنري كان يلعب في اليوفي وكان احتياطي ولاعب عادي جدا لحد ما باعوه على الارسنال وشوف المواصيل الي وصل لها .... هل تعتقد ان اليوفي متحسرين عليه الحين ؟؟؟؟؟؟ بالعكس هم يعرفون انه لو بقى معاهم راح يظل مكانك سر وما راح يقدم اي اضافة لهم
وعلى نفس المنوال لاعب البرشا ريكيلمي نجم فياريال قدم مستوى خرافي مع فريقه ومع ذلك برشلونة ما فكر انه يرجعه باعتبار ان عقده ملك لبرشلونه وهو معار لفياريال اصلا عارف ليش ؟؟؟؟؟ لانهم يقيسون شنو قدم مع برشلونة مش شنو قدم مع الفريق الثاني
يعني عشان الدوخي سجل هدف وسوى كم حركة صرنا راح نتندم عليه
ترى جت له عشرات الكرات بنفس الطريقة مع الهلال وكان دايما يشوتها للجمهور وهذا مشهور عن الدوخي من يشوف الباب تجيه ام الركب وهذي ليست سوى فورة البداية لاي لاعب بسبب الحماس بس مصيره يكون حاله مثل الغشيان وانور والمهلل والموسى والداوود والودعاني وغيرهم ممن كان همهم هو المال لا اكثر ولا اقل