#1  
قديم 07/11/2005, 01:52 AM
زعيــم نشيــط
تاريخ التسجيل: 28/08/2005
المكان: الظهـــران
مشاركات: 546
قصيده فيها كل قبائل المملكه

[align=center]يالله يـاخالق اراضيــن وابـحار = الواحد المعــبود رازق عبـيده
الخـالق الغــفار علام الاسـرار = وفرق شعوب الارض في كل يده
وابدي واسولف من عذيبات الاشعار = ابــيات شعر والمعـاني وكيده
اشري وابيع واعرف كيـف بـختار = واختار من جزل البيوت الـفريده
واذكر تـراث وعز وامـجاد وافخار = قبائل تومن بديــن و عـقيده
وصلت حضارتنا على سطح الاقمار = ابنا الجزيرة والجزيره مــجيده
في ظل حكام لهــم فعل واشـوار = آل السـعود الـلي تفك الضهيده
نسل الزعيم الحاكم العادل البار = مجدد امجـاد الجــزيره بجيده
حتى اصبحت حره وحنا له انصار = في ظل اخو نوره هنوف سعيده
وصارت لابو تركي بطوله وتذكار = والفخر والامجاد تبقى شهيده
وخلف لنا املوك لهم فعل واخبار = الشعب واحد والقياده رشيده
والامن بانينه على ساس وجدار = وقرو على العابث عقوبه شديده
وحنا حماة الدار من كل غدار = وما همنا بطشه وخبثه وكيده
قبائل مالحقناهم اوعار = وعشنا بهذي الدار عيشه رغيده
والحمد لله نحمده سر واجهار = شعب تكاتف من سنين مديده
ودون الوطن جيش على كل معبار = لارفرف البيرق ونادى عقيده
بشرق البلاد وغربها دوم حضار = وارض الشمال اللي نفوده مديده
وارض الجنوب اللي تخيضر بالاشجار = جزيرة فيها القبايل عديده
ارض بها قحطان وافين الاشبار = وياعز منهم بالشدايد بسيده
واذكر عتيبه يوم للطيب مغوار = لا ثارت الهيجا وقرب ضديده
وشمر هل الطولات والجود مقدار = اهل الكرم واهل الفعول الحميده
وقوم اعنزه مروين الاخصام الامرار = اولاد وايل من عصور عهيده
ومطير قوم تكرم الضيف لا زرار = وياويل خصم في حراهم وعيده
واذكر قبيلة حرب يانعم الاخيار = وتاريخهم يحكي سطور مجيده
وسبيع نعم القوم ووجيه الاسفار = زبن الدخيل ليا زبن من طريده
واذكر قبيلة يام والطيب يندار = اهل العلوم الوافيه والرشيده
ثم الدواسر تجعل الخصم منهار = عيال زايد عز منهم سنيده
ثم السهول اللي لها الطيب مدرار = وعن منهج العادات ماهي محيده
ثم اذكر العجمان حماية الجار = والمرجله والجاه فيهم عتيده
واذكر بني مره طويلين الاعمار = ما ينقد المري ولا له نقيده
وبني هواجر لابة تقدح النار = اهل الركاب اللي خطاها بعيده
واذكر بني خالد قبيلة وامار = قوم لهم في المجد قول ورصيده
وبني تميم اللي لها الطيب مصدار = بني تميم وكل فعل تجيده
ثم الزعوب اللي بها الخصم يحتار = شجعان ماترضى سوا ماتريده
العازمي وافي وفي الطيب بيطار = روحه على كل المصاعب صميده
ثم الظفيري في المصاعيب جبار = والطيب والامداح باصله وطيده
ثم اذكر الاشراف بجلال واكبار = اهل الحجاز اللي تفك الزهيده
ثم الهذيلي له مواقف ومندار = راعي الفخر راعي العلوم السديده
ثم البقوم اللي لهم جيش وامهار = ريف الضيوف ليا لفاهم وليده
واذكر ثقيف اللي لهم مجد وآثار = ومهما حسبنا من كلام نعيده
وبلحارث اهل العز بشهود واقرار = ا لحارثي ياطيب فعله وجيده
والمالكي معروف لا صار ما صار = في موقف اهل الطيب يبذل جهيده
واثني تحياتي عدد وبل الامطار = على سليم وكل خصم تكيده
واذكر جهينه هل مواقيف وادوار = تلقى الجهيني راسم الطيب بيده
واذكر بلي والمجدله فعل واظهار = وتاريخهم يحكي فعول فريده
وبني عطيه في المواجيب حضار = قوم بوقت الجد قوم عنيده
ثم الحويطي والكرامه له اشعار = ثم الشراري له فعول مفيده
ثم الرشيدي في الصعيبات صبار = على علوم الطيب فعله يزيده
وباقي جنوب الدار والقاف مادار = باقي على قلبي كلام واشيده
زهران نعم القوم في وقت الاضرار = والخصم عينه من لقاها سهيده
والغامدي معروف له عزم واصرار = راعي المراجل والعلوم المفيده
وشمران قوم والجمايل لها اطوار = وبلقرن سم للقلوب النكيده
والاكلبي والمحلفي مابعد بار = والحارثي طيبه وفعله يشيده
وبني شهر وبني عمر سيف بتار = قوم على الاخصام نار وقيده
والاسمري والاحمري صيتهم سار = بين القبايل والمواقف شهيده
واذكر عسير الهول ذربين الاذكار = وابها احتموها فالسنين الشديده
وادهم والصيعر على حد الاقطار = يحمون حد الدار من اللي يريده
وامشي مع الساحل مع جمله افكار = رسمتها والطير زان اتغريده
وانزل على جيزان تاريخ واديار = ورجال فيفا والقبايل عديده
وارجوا العذر واهل المواجيب عذار = الي نسيته مانذكر في القصيده
الواهبي عدد ابيوته بالادوار = من شاعر ماشل قلبه حقيده
شهران ربعي هم هل المدح والكار = واهل الكند واهل السيوف الجديده
يوم البلد مايامن الزند لاثار = زيزومنا ابن مشيط نعم الوليده
فالجهل شجعان وفي السلم تجار = من بطن بيشه للتهم لارفيده
حبيت ابين موقفي بين شعار = وارجوا سموحتكم على ذا النشيده
ماحب انافق واتعنصر تعنصار = ولا ني باطيع اهل العقول البليده
ما كل من طب البحر قيل بحار = وما كل من شل الفشق جاب صيده
فالشعر بستان به ورد وازهار = واللي تعداها بيوته فقيده
واقولها في الشعر تكرار وامرار = ضرف بلا عنوان يلغى بريده
وبعض السوالف له مواقف ومحضار= وشعر بلا معنى لزوم نبيده
وصلوا على المرسول شفاع الابرار= محمد الهادي وقدوة عبيده[/align]




م
ن
ق
و
ل
اضافة رد مع اقتباس
  #2  
قديم 07/11/2005, 02:12 AM
زعيــم نشيــط
تاريخ التسجيل: 28/08/2005
المكان: الظهـــران
مشاركات: 546
افا ما شوف ردود

يعني القصيده مي بزينه

وي وي
اضافة رد مع اقتباس
  #3  
قديم 07/11/2005, 02:13 AM
زعيــم مميــز
تاريخ التسجيل: 17/05/2005
المكان: قلب الزعيم
مشاركات: 2,235
والله صح الله لسانه عز الله انه ماقصر بيض الله وجهه جمع الحضر والبدوا


وخصوصا

وأذكرقبيله حرب يانعم الأخيار =تاريخيهم يحكى سطور مجيدة
اضافة رد مع اقتباس
  #4  
قديم 07/11/2005, 02:22 AM
الصورة الرمزية الخاصة بـ blueblood_999
زعيــم مميــز
تاريخ التسجيل: 10/09/2004
المكان: United States
مشاركات: 4,406


صـح لـســان قـايـلـهــا ..


ومطير قوم تكرم الضيف لا زرار = وياويل خصم في حراهم وعيده





اضافة رد مع اقتباس
  #5  
قديم 07/11/2005, 02:33 AM
زعيــم جديــد
تاريخ التسجيل: 23/06/2005
مشاركات: 5
واذكر عتيبه يوم للطيب مغوار = لا ثارت الهيجا وقرب ضديده
اضافة رد مع اقتباس
  #6  
قديم 07/11/2005, 02:34 AM
زعيــم جديــد
تاريخ التسجيل: 29/08/2005
مشاركات: 25
صح لسان الشاعر

وتسلم على القصيده
اضافة رد مع اقتباس
  #7  
قديم 07/11/2005, 02:45 AM
زعيــم نشيــط
تاريخ التسجيل: 28/08/2005
المكان: الظهـــران
مشاركات: 546
زهران نعم القوم في وقت الاضرار = والخصم عينه من لقاها سهيده
اضافة رد مع اقتباس
  #8  
قديم 07/11/2005, 03:14 AM
زعيــم مميــز
تاريخ التسجيل: 26/03/2003
المكان: U.S.A
مشاركات: 2,011
وبني تميم اللي لها الطيب مصدار = بني تميم وكل فعل تجيده

صح لسان الشاعر ..
وسلمت يدك

والله المستعان
اضافة رد مع اقتباس
  #9  
قديم 07/11/2005, 03:24 AM
زعيــم مميــز
تاريخ التسجيل: 29/10/2005
المكان: زمن اغبر
مشاركات: 2,790
صح لسانك
اضافة رد مع اقتباس
  #10  
قديم 07/11/2005, 03:24 AM
زعيــم متواصــل
تاريخ التسجيل: 22/06/2005
مشاركات: 63
صح لسانك يااخي ابو عهود

مشكووووووووووور على الشعر
اضافة رد مع اقتباس
  #11  
قديم 07/11/2005, 05:20 AM
زعيــم مميــز
تاريخ التسجيل: 21/03/2004
المكان: مسنتر بالمجلس العام
مشاركات: 5,764
[align=center]وقوم اعنزه مروين الاخصام الامرار = اولاد وايل من عصور عهيده


يعطيك العافيه قصيدة
[/align]
اضافة رد مع اقتباس
  #12  
قديم 07/11/2005, 05:35 AM
زعيــم مميــز
تاريخ التسجيل: 11/06/2004
المكان: القصيم
مشاركات: 1,758
وبني تميم اللي لها الطيب مصدار = بني تميم وكل فعل تجيده

وبني تميم اللي لها الطيب مصدار = بني تميم وكل فعل تجيده

يسلمووووووو
اضافة رد مع اقتباس
  #13  
قديم 07/11/2005, 05:56 AM
موقوف
تاريخ التسجيل: 18/10/2004
المكان: أورانس,, حيث الأمان
مشاركات: 2,727
إقتباس
الرسالة الأصلية كتبت بواسطة ابونوف الهلالى
والله صح الله لسانه عز الله انه ماقصر بيض الله وجهه جمع الحضر والبدوا


وخصوصا

وأذكرقبيله حرب يانعم الأخيار =تاريخيهم يحكى سطور مجيدة


صح لساااااااااااااااااااااااااانك
اضافة رد مع اقتباس
  #14  
قديم 07/11/2005, 06:05 AM
زعيــم مميــز
تاريخ التسجيل: 23/04/2004
المكان: بين النجوم
مشاركات: 4,461
وقوم اعنزه مروين الاخصام الامرار = اولاد وايل من عصور عهيده



يعطيك العافيه على القصيده الحلوه واحلى بيت ومن دون عمصريه



وقوم اعنزه مروين الاخصام الامرار = اولاد وايل من عصور عهيده


تشــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــاو
اضافة رد مع اقتباس
  #15  
قديم 07/11/2005, 07:56 AM
زعيــم مميــز
تاريخ التسجيل: 16/09/2004
المكان: MED-US
مشاركات: 2,871
صح لسان من قالها
ومشكوراخوي على النقل


إقتباس
واذكر قبيلة حرب يانعم الاخيار = وتاريخهم يحكي سطور مجيده

ونعم
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:00 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube