السلام عليكم ..

يااخوان ارجو عدم التعميم ابد في الكلام من المستحيل ان ترى كل شي صحيح اكيد في من الجمهور كم واحد ماهو كويسيين...

انا حضرت المبارة امس وصراحة ما شفت كل هالشي.. في اشياء ترمي ولاكن مابي اجزم انها قوارير كانت بعيدة عني ولكن هي قليلة .. وانتوا شفتوا الملعب امس اشياء كثير تنرمي منها اوراق وصور يعني شي عادي.

ومن حق الاتحاد وجمهوره انه يفرح ...

ومن حقنا احنى انه نفرح كسعوديين واقول للاتحاد الف الف ملروك وماقصرتوا والله ..

يااخوان ارجو منكم اذا في احد من الاتحاد غلط هذا ما يدل انه كل الاتحاديين غلط...

اما بخصوص محمد نور .. كل عارفين انه لاعب كويس اما ما يخص اخلاقه هذا هو حر فيه وفي ناس مسؤولة عنه .. انا ماحقعد اراقب كل اللاعبين واذا شفت واحد طالع مع بنت او يغازل اقول اخلاقه مي كويسة هذي امور شخصية ... وفي من هو اعرف مننا في تقديرها .. محمد نور لاعب في منتخبنا الوطني .. وصدقوني يا شباب
زعيمنا الله سبحانه وتعالى موفقه لأننا نحترم كل الناس ومانغلط على احد ( وعلى نياتهم يرزقون ) واذا في احد غلط علينا احنا نرد عليه بس في الملعب ,,,

اما الكلام الفاضي نتركوا لهم خلهم يتكلموا زي ما يبوا... ارجو ان تعرفوا ليس كل من يكتب في هذا الموقع هلالي ولا اتحادي ..


فلا نظلم اي احد ( وان بعض الظن اثم )

ويمكن اللي قاعد يكتب ماهو سعودي ولا عنده مبدئ يبي يشكك في وطنيتنا .. انا ادري انوا احنا نشجع اي فريق ضد الاتحاد ولاكن محلية .. اما اذا كان هناك تمثيل لوطننا العالي وترابه .. فيا اتحاد ويا كل الاندية السعودية ابشروا بعزكم ..

كلمة اخيرة لاخواني جمهور الهلال ... انتم زعماء وشي طبيعي انكم تتعرضوا لكلام .. لا تلتفتوا لورا.. وخلونا نفرح باذن الله للبطولات الجاية.. رجال الزعيم بحاجتكم بالدعاء والحمد لله لقد وعدوا واوفوا وحققوا كل البطولات ... يا زعماء ضريبة النجاح والشهرة والمجد .. هي الحقد والغيرة ...

اذا ماقدروا علينا في الملعب ايش يبقى لهم ... اكيد الكلام ... وصدقوني انااعرف كثير اتحادية والله جدا محترميين.. وشي عادي المنافسة والحماس.. ايش فيها يعني ..


احنا نموت بالزعيم ... وكل جمهور يموت بناديه ..

بس بالاخير لازعيم الا الزعيم .. ارجو انه نترك الكلام لهم ونلتفت للذهب..

الف الف الف مبروك للاتحاد .. شرفتونا وماقصرتوا .. رجال والله ... واخوانكم في الهلال حيكونوا معاكم في اي مكان يكون هناك فيها اسم الوطن .... اما هنا فياولكم مننا ... شكرا لك

سامحوني على الاطالة ... فمان الله