السلام عليكم ورحمة الله وبركاته

..


..


..


..


..


أعزائي عزيزياتي ... فلذات كبداتي


موضوع بصراحة ترددت إني أقوله .. بس قلت حنا بالعشر الأواخر يعني أحلى وقت


طبعا هالموضوع زعلني لين قلت بس <====== مشكلة يازعلك عاد


بصراحة الموضوع باختصار ولا حد يطب ببطني ويقول كلام يزعلني <====


عن مباراة نادي الاتحاد مع نادي العين ...


وقبل لا تقولون هذا منتدى الجمهور الهلالي موب منتدى الاتحاد أو العين ..


بقول لكم إن الموضوع خاص بالجمهور الهلالي ...


بصراحة أمس كنت أتابع مباراة العين والاتحاد وقسم أتمنى الاتحاد يكسب ...


على حبي القوي للزعيم ... على اخلاصي في حب الأزرق ...


إلا إني تمنيت يفوز الاتحاد من كل قلبي .. <===== شغلكم يابتوع المندسين


ولكني تفاجأت بكثير من الجماهير الهلالية تتمنى فوز العين !!!!!!! <=== شي عجيب


ليه ووش الأسباب اللي تخليك تتمنى فوز فريق أماراتي باللقب الآسيوي وتمثيل آسيا عالميا ؟؟


بينما نادي سعودي بغض النظر عن وش هالفريق الاتحاد النصر الاهلي يلعب هالنهائي الحلم ؟



قسم بالله ياعالم أفهموني .... العالم ماراح يقولون هذا فريق الاتهاد والا تشاد والا اي من المسميات هذي ..


العالم بيقولون فريق الاتحاد ( السعودي ) ... مثل مابيقول لاقدر الله والله لايقوله العين ( الاماراتي )


على كرهي للاتحاد ... وسوري على الكلمة هذي لأن الحب من الله ...


إلا إني شخصيا ماحب أحد يمس زعامة الزعيم ويشكك فيها .. مثل مافعل الاماراتيين ...


الاماراتيين عام والعيناويين خاصة بالأمس القريب شككوا في زعامة ( الكرة السعودية أندية ومنتخبا )

والاتحاد راح يكون رد للأندية السعودية للأماراتيين .. واثبات ان لازعيم الا الزعيم السعودي

وآسيا تشهد له ..

ولاثبات سيطرة الأندية السعودية على القارة ...

العين الأماراتي ... بكل وساعة وجه كاتبين العين زعيم آسيا ..


مع إن بطولات العين الخارجية بطولتين ... بطولة آسيا وبطولة الخليج !!!


بطولتين وزعيم ... قسم بالله ولا تدخل عقل

أجل النصر زعيم أجل


ياشباب ... ياحبي لكم ياجمهور الهلال ... يالذوق أنتم ...


خلوا عنكم التخلف الأعمى ... موب التعصب الأعمى ..


لأن التعصب يكون في النطاق المحلي ... أما التخلف إنه توصل بك المواصيل تشجع نادي خارجي على نادي سعودي ...



ياجمهور الهلال ...


أدري الاتحاديين حطوا تواقيع استهتار واستخفاف بالزعيم في منتدياتهم ...

ولكن الزعيم يرد عليهم موب بكلام منتدى ... يرد عليهم بالملعب ...


أدري الأتحاديين تطاولوا على الأسطورة سامي عبدالله الجابر ووصلت بهم الوقاحة لتصميم توقيع .

ولكن سامي رد عليهم الموسم الي راح وأحرق قلوبهم ... وللتسحيب بقية ياتحاديين ...

وسامي يرد عليهم بالملعب ...


أدري الأتحاديين تطاولوا على الهلاليين في مباراة جدة ... بالسب والشتم وحتى الضرب ..


لكن هذولا جماهير متخلفة ... وعينات من ناس عديمة الأخلاق وعديم الذوق ...


أدري فيه كات اسمه جستينيه ... شغله الشاغل محاربة الزعيم ونجومة ..

لكن هذا المتخلف مايخلينا نصير متخلفين مثله ونصير بدون وطنية ولا انتماء ولا ولاء للوطن

هالكاتب شكك في بطولات الزعيم الخارجية وفي انجازات لاعبيه العالمية ...

وهذا شي فيه تجرد واضح من الوطنية .. وفيه التخلف الأعمى مثل ماقلت لكم


لكن يخسى هالكاتب يخلينا عديمي ذوق مثله ...


جماهير الاتحاد مثلها مثل باقي جماهير الأندية ..

فيها المتعصب وفيها الحاقد ولكن يبقى فيها العاقل المتزن الحيادي في كلامه ...



ليه مانكون متعصبين داخلينا ونقول اللي نقوله ... بس لاوصل الأمر لتمثيل الوطن نصير سعوديين ..


ماقلت نصير اتحاديين ولا نصراويين ولا أهلاويين .. نصير سعوديين بس


واعلموا أن العين وجماهير أكثر حقدا على الهلال من الاتحاد <=== رأي خاص

تحياتي وهذا اللي أبي أوصله لكم ...



أبو ساري - النمسا

والله صدقت
انا عن نفسي كنت مع الاتحاد وتمنيت انه يفوز وكان يقدر يخلصها ومستواه كان قمه وعرفت كيف يتعامل مع المباراه وياجماعه يكفي انه سعودي مثل ماقال والله كنت اتمنا الاتحاد يفوز وقولون مايقولون كنت مع الاتحاد امس وهذا المفروض كلنا كذا فريق سعودي بغض النظر عن ميولنا ياجماعه هذا راح يلعب بكاس العالم وراح يذكر اسم المملكه ومهما كان فيه شرذمه من جمهور الاتحاد يستهزئ بالزيم ونجومه كل جمهور فيه الصالح والطالح

الف شكر على هالموضوع واحلى موضوع

كلامك صحيح انا ودي اقوله بس ما ادري اشلون اوصل المعلومه للجماهير ودايم ارد على الي يشجع الامارات ضد السعوديه واقول لهم الاتحاد يمثل السعوديه والله انا اكره العين اكثر من الاتحاد لان الهلال كانت له مواقف في الامارات من الضرب من الفريق العيناوي ومن السب من الجمهور وادري انهم يكرهون الهلال اكثر من التحاد

وحنا واجبنا نشجع السعوديه لان الاتحاد يلعب بسم الوطن

وشكرا لك يا ابو ساري على الموضوع الحلوو والكلام الحلووو

باي

والله انا اكره الاتحاد كرهي لابليس بس اشجعه عشان الوطن

والله اني اشجعه عشان ماينفخون علينا الاماراتيين

المثل يقول (( انا واخوي على ولد عمي وانا وولد عمي على الغريب ))

كلام جميل .......


اخاف بكره ينكرون البطولات الهلاليه مادام بن همام رئيس الاتحاد الاسيوي

وراح يقولون الي فاات مات انتو النسخه القديمه واحنا في النسخه الجديده

وكلنا بصوت واااااااحد بتوفييييق للاتحاد ممثل السعوديه في الخارج

والله صدقت ..


يا اخي هالاماراتيين ما ادري رافعين خشومهم ليش .. امس في تحليل ابوظبي الرياضيه ... كانوا يتكلمون قبل المباراه كأن العين ضامن الفوز !!


لا وبين الشوطين محمد نجيب يقول (( اعترف ان الاتحاد مسك الشوط الاول )) لاحظ (( اعترف )) !! مب اعترف

الا غصب عليك !!


الموضوع اكبر من اتحاد وهلال .. الموضوع تمثيل وطن ..


تحيتي ...

ابو ساري ماشاء الله عليك تطلع درر انت

انا والله اول مابدت المباره كنت اشجع العين لاكن يوم فكرة شوي قلت اذا تاهل العين وش يبي يقولون فريق اماراتي لكن اذا تاهل الاتحاد يبي يقولون فريق سعودي مع اني عارف انهم مايردون وش اصول هالاتحاديه


فاخواني السعوديين بس هم اللي يعرفون ان اغلب لاعبي الاتحاد اذا مهب كلهم حج ولم يعد لكن في الخارج مايعرفون هذا الشي


فاتمنى فوز الاتحاد وتحقيق البطوله والتاهل لكاس العالم عشان ترتقي الكرة السعوديه

العالم اذا شافوا ان اللي تاهل لكاس العالم للانديه في النسخه الاولى والثانيه فرق سعوديه تبي تتغير نظرتهم عن انديه السعوديه واذا نبشوا شوي يبي يشوفون ان اللي تاهلت ثلاث فرق لان الهلال تاهل ولكن ما اقيمت البطوله

واسف على الاطاله

يعطيك العافيه اخوي ابوساري كلامك عسل ووالله كلامك عين العقل ومن غير الوطنيه ومن غيراللباقه انك تشجع فريق غير فريق بلدك انا كنت اشجع الاتحاد مع العلم لكرهي وعدم حبي لهذا الفريق لكن اليا لعب فريق يمثل الوطن الحزازيات والكره كله ينمحى ويروح

حنا جماهير الهلال جماهير واعيه ومقدره لكن مابدر من بعض الاخوان يمكن تكون العاطفه اخذتهم (لقولهم بعدم تشجيع الاتحاد) وعدم التفكير بعقولهم واعتقد انهم سيتراجعون عن هالقرار وتشجيع الفريق الذي يمثل وطننا الحبيب

تقبل كل التحايا والتقدير

ممتاز اخوي أبو ساري كلام رائع وعقلاني كلنا مع العميد يوم السبت هو يمثل الكرة السعودية وبعدين يأخ هلالي شقراء لاتصير عنصري لعيبة الاتحاد سعوديين كلهم لان أي واحد ولد في هذا البلد هو سعودي فرق أنك تجنس وهوانه اصله مو سعودي لكنه مولود هنا لان مثلا قبائل هوسه وفلاته ساكنه في مكه من زمان اذن هم سعوديين ولا شف منتخب فرنسا كلهم اصولهم غير فرنسية لكنهم فرنسيين لانهم ولدوا وترعرعو فيها فهم فرنسين فكلامك للاسف عنصري مريض

إقتباس الرسالة الأصلية كتبت بواسطة دمي أزرق موووت والله انا اكره الاتحاد كرهي لابليس بس اشجعه عشان الوطن والله اني اشجعه عشان ماينفخون علينا الاماراتيين المثل يقول (( انا واخوي على ولد عمي وانا وولد عمي على الغريب ))

اخوي ابوساري والله ناس اعماهم التعصب
اجل اشجع فريق مو من دولتي على فريق جار والله ماتصير
على العموم والله ماقصرت ووصلت المعلومه الله يعطيك العافيه

خير البلية ما يضحك.....!

الموضوع رائع وكلنا نتمنى فوز الاتحاد لكن العجب العجاب مع احترامي لك موضوعك في قمة التناقض انا اقول لك شلون ....!
انت مرة تقول نشجع الاتحاد ليس حبا فيه ولكن لانه يمثل الوطن طيب كلام حلو ومنطقي وجميل لكن الشي المتناقض بالموضوع انك تقول اتمنى فوز الاتحاد لان العين اخذوا لقب الزعيم من الهلال يعني بالعربي انت تكره الاتحاد مثل ما قلت وتكره العين لكن تتمنى فوز الاتحاد على العين بسبب ان جماهير العين لقبوا فريقهم بالزعيم الاسيوي .... طيب حلو الاتحاد ان شاء الله راح ياخذ الكاس ويارب انه ياخذه اكيد جماهيره راح يلقبو فريقهم عميد وزعيم اسيا .... طيب وش الفايده ...!

اللي ابي اوصله نتمنى فوز الاتحاد بسبب كونه ممثل للوطن ليس كون العين اخذ مسمى الزعيم واستحقروا الهلال وبطولاته .... والاتحاد كذلك فعل نفس الشي ....! يعني كلاهما عملتين لوجهة واحدة .....!

اتمنى من الاخوة اللي يرد لايكون مجامل لحد رفع اي موضوع لحد انه خالي من النقد ....!

اللي ما يعرفه الجميه ان ابو ساري صاحب الموضوع من اعز اصدقائي وهو يعرف ذلك ولكن ذلك لايمنع من قول الحقيقة ..........!

اتمنى ان الفكرة وصلت ..... واذا ما وصلت كل واحد يجب له مدرس خصوصي .... <<<

تقبلوا خالص شكري

تكملة للرد ....... تناقض عجيب من بعض الاعضاء نشجع الاتحاد وهو يحط توقيع للبلوي وههو لابس العباءة قمت التناقض وهذا يدل صحة المقولة مع الخيل ياشقراء ......!


وربي اعضاء متناقضيين لدرجه تدعو للخجل

كلامك كذا