هلا فيكم .. وبعد التحيه :
شباب أنا مشكلتي مشكله ولا لقيتلها حل ..
رساله دايم تجيني من الويندوز الي هي :
تسبب Z9e2r2 في حدوث خطأ غير معروف .
سيتم أغلاق Z9e2r2 الآن .
اذا صادفت مشاكل أخرى حاول اعادة تشغيل الجهاز .

هذي الرساله دايم تجيني سواء لهذا الملف او غيره .. وبعدين يصير الجهاز بطيء مررره ولا يستقبل التطبيقات الا بعد وقت .. واذا بغيت أشغل بعض البرامج يقولي : لاتوجد ذاكره كافيه لتشغيل البرنامج حاول مره أخرى . وآآآآآه

مع أن الجهاز جديد وما فيه شيء والويندو هو : ويندوز مي .
وسرعة الجهاز حلوه ما تقول ذيك الأجهزه البطيئه .. بس والله غريبه ..

وممكن بعض الأحيان تطفأ علي الشاشه وتجي ذيك الشاشه الزرقاء حقت ويندوز .. وأعيد الجهاز من جديد وهكذا دواليك .. يعني بالعربي الجهاز ما أدري وش فيه ..
مع العلم أني مسوي فومات قبل أسبوع لنفس المشكله ولا فاد ..

أتمنى أني وصلت المعلومه .. وانشالله تلقولي الحل .. هل أركب ويندوز مره ثانيه ولا أفرمت الجهاز وهذا ما أبيه .. ولا وش أسوي تكفون .. الله لااااااااااا يهينكم ..

وتحياتي ...

ههههههه اخوي .. عاد هو انت لحالك اللي عنده المشكله ذي .. انا عندي المشكله هذي .. ومبهذلتني بهذله الله لا يورييك .. وانا اقول .. ان الويندوز ميلينوم هذا .. مصيبة القرن ..واللي كاسر يدي وظهري ورجلي .. ان الوندوز ميلينويم هو الوحيد بين اصدارات الويندوز الي يتعرف على المودم بدون سي دي تعريف .. لآني الجهاز Gateway ولازم سي دي التعريف .. بس انه ظايع .. ومجبورين عليه .. مع انه كل ربع ساعه اظطر اني افرمت ((لا تصدقون )) بس يعني كل فترة لالالااازم فورمات .. والله يعيييين ...




ولكم تحياتي ..

لازم اخوي باتيقول ... تعرض الجهاز على اللي صلحه يشيك على الهاردوير ويشوف وش المشكلة .. يمكن المروحة بطيئة او لا تعمل !!!
عموما هذي نصائح جربها واذا ما ضبط نشوف حل اخر ..
اذا كان عندك برامج كثيرة تعمل في الخلفية اي مع بدء التشغيل لازم تعطل اللي ما تحتاج له .. من قائمة ابدأ اختر تشغيل run واكتب في المربع msconfig وراح تطلع لك عدد من اتبويبات اختر بدء التشغيل وشيك على البرامج الموجودة (تقدر تعرفها من امتداداتها) اللي ما انت بحاجة له شل علامة الصح من امامة واضغط موافق واعد التشغيل ..
ايضا مجلد ملفات انترنت المؤقتة داخل مجلد الويندوز حاول تنظفه بين فترة واخرى ....
ايضا قم بتنظيف مجلد temp في الويندوز ايضا وهو يحتوي مخلفات التثبيت للبرامج اللي قمت بتثبيتها مسبقا ..
انتبه ايضا من عملية فتح عدة تطبيقات في وقت واحد .... فهذا الشيء ينقص او لنقول يستهلك موارد كبيرة ..
ايضا شيك على وجود تعارضات بين القطع ... اضغط على جهازالكمبيوتر بالزرالايمن واختر خصائص ثم من اعلى تبويب ادارة الاجهزة (علىمااعتقد) وشاهد هل يوجد علامات تعجب صفراء !!

الامر الاخير ... ارجو تحديث برنامج الفايروس الموجود عندك ... واذا كان نورتون 2000 فيجب تركيب 20001 في الميلينيوم بالذات ..على حسب ما قرأت !!!!

تحياتي ,,,

مشكووور يالذيب ويابو منار ..

أنا وديت الجهاز لمهندس كمبيوتر وضبطه .. الجهاز صار ضاربه فايروس .. بس ربك ستر وسويت فورمات وركبت نورتن 2001 .. وماشي تمام وانشالله ما أضطر أسويها مره ثانيه ( خيال صح ) ..

تحياتي ...