السلام عليكم

اخواني الهلاليين كيف حالكم وعيدكم مبارك جميعا وتقبل الله منا ومنكم صالح الاعمال

صراحة تفاجأت من اتحاد بن همام التغيير اللي حدث لملعب المباراة النهائيه لبطولة اسيا ثم التراجع عن ذلك وبعد يوم واحد فقط وتنفيذ طلبات اتحاد البلوي كامله!!!!!!!

خبر تغيير الملعب الى الاردن يقولون فيه ان الاتحاد السعودي طلب من الاتحاد الاسيوي تحديد مكان غير جده لروحانية الشهر الكريم
الى الان ممتاز
اليوم تم الغاء القرار السابق واعادة المباراة الى جده وبالتوقيت اللي يريح الاتحاد وفي الخبر اللي في (واس) يقولون بتدخل مباشر من سلطان بن فهد ونواف بن فيصل وعبدالله الدبل .

وش التناقض هذا يقولون طلب من الاتحاد السعودي ثم يتدخلون ويعيدونها ؟؟؟؟

طبعا نحن لا نكره هذا الشيء للاتهاد ولكن (الحقيقه بدت مثل الخيال)
هذا يثبت نظافة الموضوع وان البطولة للاتحاد (نادي الوطن وعكاظ والمدينه طبعا)..

يا اخوان هذا النادي جميع تحركاته مريبه منذ ان استلم هالبلوه رئاسته.

وبعدين فريق ينهزم بثلاثه ثم يروح ويتفاوض مع الفريق ويفوز بالخمسه علشان يشارك في هالبطوله ثم الفوز بنتائج مريبة في اكبر بطولة اسيوية وبالخمسات صراحة انه فريق محمد كلاي.

ايضا يا اخوان صراحة هناك شيء غريب في بن همام اي اما انه بلع في الموضوع والا كيف .

بعدين اتحاد نص القرن كيف يتنازل سريعا عن قناعاته .

سنين والهلاليين يطالبون بنادي القرن والحبيب (يقول خلوا البلوي يكلمني).

الله يرحم الحال ويبعدنا عن طرق الشيطان

في امان الله

الحين بدال ما تفرح للفريق السعودي اللي يمثل المملكه خارجيا تقوم تتهم الناس بذممهم...
ياخي اترك التعصب عنك و خل روحك رياضيه و افرح لفوز اندية الوطن اللي تمثلنا خارجيا سواء كان اتحاد او شباب او اهلي او حتى النصر (مع انه يشارك في كل 10 سنين مره خارجيا)..
خاف ربك في الكلام اللي تقوله..ترى قذف الناس بالباطل من اكبر الذنوب..
سنرفع العلم السعودي في هذا النهائي الاسيوي وليس شعار الاتحاد..فالوطن يأتي اولا لانهم في النهايه سوف يقولون الفريق الاماراتي و الفريق السعودي..
تــــــــــــحياتي

خلهم يلعبون في جده

ما نبي يكون لهم حجه اذا فاز العين عليهم

صاحب النظره الخجوله (( لما يكون الفريق السعودي اللي تتكلم عنه يسوي اشياء زينة هاك الساعة نرفع راسنا))

لكن شغله بالرشاوي والاشياء الثانية فهذا لانقبل فيه

يا الاخطبوط عطني دليلك على الرشاوي و الاشياء الماهي زينه هذيك الساعه لكل حادث حديث..
طالما ان الفريق يحقق نتائج قياسيه على اعتد الفرق الاسيويه و مشرفنا خارجيا يجب ان نقف صف واحد من اجل سمعة الكره السعوديه و نترك التعصب الداخلي و المنافسه بين الفرق السعوديه..
لو كانت الدعوه رشاوي في رشاوي اجل نبي نرشي المنتخبات الاسيويه عشان ناخذ كاس اسيا الجايه..
يا عزيزي فكر شوي و اسخدم مخك...هل ستقبل الفرق الاسيويه الكبيره مثل اندية كوريا و الصين و اليابان ان تتنازل عن فرصة اللعب في كأس العالم للانديه و اللعب امام اقوى و اعرق الفرق العالميه من اجل المال؟
صف النيه الله يرضى علييك..

وانت ياصاحب النظره الخجوله من الي وكلك محامي عن البلوي وبعدين انت ماتلاحظ ان فيه حاجة غريبة ان يصدر قرار من الاتحاد الاسيوي بعدم تاجيل المباره وبعدها بيوم يمسحون القرار بسهولة



منين اشترو المساحة تقدر تقولي ياخجول :p

اعتقد الاجابة حقتي حتلاقيها في رد محب قاهرهم ياسامي

الفلوس تغير النفوس ماودي أحط بذمتي بس بصراحه وش هالقرار المفاجئ زود انه في جده

لا واي يوم تبون حشى ماقالوا متى تبون نسلمكم الكاس تبون في الوقت الاصلي ولا الاضافي

من جد ان لم تستحي فاصنع ماشئت والله ماللي رايح فيها الا الهلال ويقولون فريق الدلال

بس سبحان الله حلال على الاتحاد وحرام على الهلال عشنا وشفنا

يا محب انا محد وكلني محامي عن البلوي بس الرسول صلى الله عليه وسلم يقول من رأي منكم منكر فليغيره بيده الى اخر الحديث...
طايحين في الرجال اتهامات و سب و القاب يخجل الرجل يقولها وانا متأكد ان معظمهم من المراهقين..كأن المنتدى صار ماله سالفه الا البلوي..الرجال يدور مصلحة فريقه و هل هذا غلط؟
بعدين اللي خلا الاتحاد الاسيوي يغير قراره انه فيه رجال يطامرون وراها و يسعون لمكانة و حفظ سمعة الكره السعوديه و يبذلون قصارى جهدهم من اجل ان تبقى على قمة الكره الاسيويه..وجه الخير سلطان و ساعده الايمن نواف و لا ننسى عضو الاتحاد الدولي عبدالله الدبل..
يا شباب افرحوا للفرق السعوديه مثل ما نريد و يفرحنا ان تفرح لنا جماهير المملكه بمختلف ميولها عندما يحقق الزعيم بطوله خارجيه..ووحشنا طعم الاسيويه..انشاالله خير ذا السنه

ما راح اتنزل و ارد على الاطفال اللي مثلك مثل ما رديت على الرجال اللي يتناقشون بعقلانيه لانك بالعاميه بزر..
و ارمي الكره في ملعب المشرفين عشان ينظفون الموضوع من *****

اللهم اني صايم بس

وبعدين الرجال الي تقول عنهم يطامون ويدورون حقهم ليش الايام هذي صارو يطامرون وينهم عن لقب الزعيم وغيره بس الله يخليك لا تقول انها مهي صراع بين اموال البلوي واموااال الامارتية هذي الحقيقة المره

يا محب يا بعد قلبي الزعيم لا يحتاج لان يتوج بهذا اللقب لانه لازعيم غيره على الكره الاسيويه بحكم عدد البطولات الاسيويه التي حققها..
و قصة نادي القرن اتوقع من اسباب عدم طرح هذا اللقب بسبب حداثة الاتحاد الاسيوي الذي لم يتجاوز الخمسين عاما فكيف يعطي لقب بــ 100 عام
واذا كانت هناك نيه لاعطاء لقب نادي القرن في اسيا فمن يستحقها غير الهــــلال؟..سواء من ناحية عدد الالقاب محليه او خارجيه او من حيث الشعبيه الجارفه التي يتمتع بها..

اقول يا راعي النظرة خلك في الهلال وهين..
وخل عنا الفزعات
ومواقف البلاوي لا تنسى

إقتباس الحين بدال ما تفرح للفريق السعودي اللي يمثل المملكه خارجيا تقوم تتهم الناس بذممهم... ياخي اترك التعصب عنك و خل روحك رياضيه و افرح لفوز اندية الوطن اللي تمثلنا خارجيا سواء كان اتحاد او شباب او اهلي او حتى النصر (مع انه يشارك في كل 10 سنين مره خارجيا).. خاف ربك في الكلام اللي تقوله..ترى قذف الناس بالباطل من اكبر الذنوب.. سنرفع العلم السعودي في هذا النهائي الاسيوي وليس شعار الاتحاد..فالوطن يأتي اولا لانهم في النهايه سوف يقولون الفريق الاماراتي و الفريق السعودي.. تــــــــــــحياتي

يا صاحب النظره الخجوله ...
ليتك اخذت من اسمك ولو قليلاً..

لو كان الزعيم مكان الإتحاد في هذه المعضله ... لما هب الإتحاد السعودي لنجدته كما فعل مع الإتحاد .. و ستظل المواقف السلبيه تتوالى على الهلال من الاتحاد السعودي لكرة القدم والأيام بيني و بينك والشواهد من الماضي كثيره وارجع الى الموضوع المثبت لترى مثالاً واحداً

ثم متى وقف جمهور نادي الاتحاد مع الهلال في مشاركاته في البطولات الخارجيه حتى نرد لهم الجميل ؟!!... أم أن الاتحاد هو نادي الوطن والبقيه اندية الصومال؟

بالإضافه الى انك تدافع بحجة الوطنيه عن أناس لا يمتون لها بصله لا من قريب ولا من بعيد وإلا لمنعتهم و طنيتهم من التسبب بالتفرقه العصبيه بين لاعبي المنتخب الواحد ((ممثل الوطن)) أم ان الوطنيه تـــُــــفـَــسّـــر على أهوائك و أهوائهم ؟!!