![]() |
مشكور اخوي على طرحك للموضوع ... لكن حنا دايم نتكلم عن الخصخصة وحقوق النقل وحقوق الاعلانات ولا نلاحظ ان الأندية عندنا الحين داجة ومديونة وهي يصرف عليها .. طيب من اللي بيتوهق ويشتري نادي اذا تمت الخصخصة ؟! وحقوق النقل لو بيعت على قنوات مشفرة بتقل نسبة المتابعين وبالتالي تبي تأثر شعبية اللعبة وبالتالي تقل نسبة الحظور مع الوقت وتصير مثل حظور مباريات دوري الكويت ! وحقوق الاعلانات هي الاندية لاقية اعلانات وردتهن ؟! بعدين الاعلانات اللي عليها الكلام هي من الشركات العالمية اللي مداها طويل , والشركات العالمية ما درت ان عندنا كورة أصلاً تركيزهم على اوروبا وأمريكا الجنوبية . المشكلة عندنا هي ان موقعنا بعالم كرة القدم المفروض مثل الدول العربية بأفريقيا ننتج لاعبين ونبتعثهم لأوروبا بالبداية بعقود متدنية وبسيطة لين ينعرف اللاعب السعودي عندهم , بعدين يصير استثمار الاندية عندنا مبني على انتاج اللاعبين وبيعهم . وعلشان نقدر ننتج لاعبين مناسبين للاحتراف لازم نهتم بالقاعدة . والقاعدة موب يعني الناشئين والشباب بس , انما القاعدة تشمل أندية الدرجة الأولى والثانية والثالثة اللي الحين هي بسابع نومة .. وسلامتكم . |
إقتباس:
اخوي الغالي كلامك صحيح وانا عندي مقال يخص اللي قلته بس ابحث عن بعض المعلومات اللي تدعمه |
هلال sa كلامك رائع واتمنى يكون لك كتابات حول هذا الموضوع والكلام للجميع نطرح نقاط ونتمنى ان نضع الحلول ونزيل العقبات منتدانا فيه عقول كبيره ومتى ماصار تفاعل راح توصل فكرتنا للمسؤلين |
اقولكم مستحيل يطبق الاحتراف عندنا مثل اوروبا ولاسباب طبيعةالمجتمع لاتسمح بتطبيق الاحتراف اذا تطبق وحط خطين تحت اذا مايحتاج شرح اكيد |
والله ياخوي الاحتراف عندنا مو سيء لذاك الحد انا معك فيه بعض الاخطاء لكن لا تنسى ان بعض الدول العربيه ماتطبق الاحتراف وان شاء الله ان الاحتراف عندنا متطور من يوم للآخر والله يوفق انديتنا السعوديه s60s |
اين الاحتراف الاداري حقوق التذاكر وهي اهم ايرادات الانديه بيع القمصان ونري الجميع يرتدي القمصان المقلده دون اي عقوبة على المحلات التلى تبيع القمصان المقلده من الشركة الاصلية فعلا الاحتراف عندنا فاشل. |
لك الشكر يا : ( MIX 2002) على الموضوع الجميل و بيض الله و جهك وماقصرت وبيض الله وجهك يا ( helali ) على الإطروحة الجميلة ، ، ، ، ، ، ، ، ، و أزيد عليك يا أخي الفاضل إن ما ينقصنا في إحترافنا إلا الجـــــد و إحترام النظــــام و و و و و التمارين الصباحية و إلا المحترفين الأوربيين و ش زودهم علينـــــــــا وهذي الرسالة أوجهها لأمير الشباب و الرياضه و نائبه أبو فيصل { أرجو من سيادتكم أن تفتحوا مجال الإحتراف للاعبين ، حتى لو اضطررتم أن تدفعوا لهذه الأندية قيمة احتراف لعيبتنا ،،،، صدقوني أن ثمرتها أكبر بكثير من توقعاتكم } . إنظروا يا أخوان لما فعله الكوريون ـ تعلمون يا أخوة أن الإتحاد الكوري قام بهذه الخطوات 2000 إذا ما كنت غلطان ، قام بإرسال لا يقل عن 6 لاعبين ... وإنظروا الآن ما هو وضع المنتخب الكوري .... إنظروا ما ذا فعل في كأس العالم 2002 ...... بل أنظروا كيف هي قيمة اللاعبين الآن ، وبأي أندية يلعبون الآن ..... أرأيتم التضحية التي فعلوها الأتحاد الكوري .... علماً أن ربعنا أفضل منهم بمراحل من الناحية الجسمانية و المهارية ..... *** تخيلوا يا الحبايب لو أن الاتحاد السعودي فعل ما فعله الكوريون مع هؤلاء اللعيبه ما ذا سيحدث : {{ محمد العنبر ، ، ، سعد الحارثي ، ، ، أحمد الصويلح ، ، ، عيسى المحياني ، ، ، نواف التمياط ، ، ، محمد الشلهوب ، ، ، أحمد الدوخي ، ، ، ياسر القحطاني ، ، ، سعود كريري ، ، ، مشعل الموري ، ، ، رضا تكر ، ، ، المنتشري }} وغيرهم من الأسماء التي لا تحضرني الآن ــــــــــــــ والسلام يا زينه من كلام ـــ آسف على الإطالة أرجو إبداء رأيكم الصدقي لأخوكم الحب الصدقي |
والله اخوي الاحتراف عندنا مره متاخر والله يكون بالعون ان شاء الله s60s |
الفرق ان الاحتراف عندنا خرب الكره السعوديه كلها وخاصه الدوري ما فيه منا فسات زي اول كان الهلال وكان الشباب وكان النصر وكان الاتحاد وكان الاهلي ايام الغشيان والهريفي والثنيان والمهلل والعويران وموسى نضاو والداودي وفواد انور عبد الجواد وغيرهم كثير كان ننتضر المباره بفتره طويله اليوم صارت تجي المباره ولا احد داري عنها كله بسب الاحتراف صار الواحد ياخذ فلوس وخلاص حت ينسقونه والله حرام |
الوقت المعتمد في المنتدى بتوقيت جرينتش +3.
الوقت الان » 03:00 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd