#16  
قديم 21/10/2005, 06:01 AM
زعيــم فعــال
تاريخ التسجيل: 15/09/2005
المكان: الرياض
مشاركات: 232
والله فكره حلوووووووووووووووووووووووووووووووه

بس ما راح يسونها مافيه تنظيم هنااا كل شي عشوائي وعلى قولتك من سبق لبق
اضافة رد مع اقتباس
  #17  
قديم 21/10/2005, 06:05 AM
زعيــم نشيــط
تاريخ التسجيل: 24/10/2004
مشاركات: 942
سلمان بن محمد

ردك واقعي ومتزن أخي الكريم ..

صدقت قلة الوعي مشكلة ولكن يمكن القضاء عليها أو على الأقل تقليلها بالإعلام .

وقصدي هو أن يتم توضيح الأمر باستخدام الوسائل الإعلامية المتاحة مثل المنتديات والصحافة بل حتى على التذكرة نفسها ويتم توضيح أن المقاعد ستكون مخصصة لرقم التذكرة ولايمكن لشخص أن يجلس في محل غيره ومن يزاحم ويجلس في محل غيره يحق لرجال الأمن طرده من المدرجات لأنه إعتدى على حق غيره .


هلالـي موووت

شكراً لك .


أســ القلوب ــيـر

شكراً لك أيضاً .


مهتوي

والله يامهتو ي أوجعت قلبي بالكلام اللي قلته لأن كل اللي قلته صحيح للأسف .

للأسف حنا مانلتزم في أرقام مقاعدنا في الطيارة فما بالك بالملاعب ..

الخطوط السعودية هي الخطوط الوحيدة اللي تلقى فيها هوشة ولخبطة قبل الإقلاع بعكس الخطوط الثانية اللي تلقى كل يروح لمقعده حسب الرقم بدون فوضى وبكل هدوء .

لكن باقولك شيء ..

إنت قلت فيه فرق بين الشعب البريطاني وشعبك وكلامك صحيح لكن ليش ؟

هل هم عيال تسعة وحنا لأ ؟

هل الله خلق فيهم شيء زود عنا ؟

بالتأكيد لأ .. المسألة ومافيها ياعزيزي النظام .

النظام متى ماكان واضح وصريح وقبل كل شيء (صارم) راح يلتزم الكل إذا مو بكيفهم غصب عليهم وهذا عشمي في عبدالله بن مساعد وصدقني لو كان المنظم شخص غيره كان ماطلبت هالطلب .

وما ذكرته عن الفرق بين الملعبين الأولد ترافورد وإستاد الملك فهد في كل شيء إسمحلي أقولك كلامك صحيح إذا كنت تقصد العقلية اللي تدير الملعبين .

أما من ناحية الأمكانات المادية و التجهيزات فأنا مجرب الإثنين و مافيه فرق سوى إن الإستاد فيه مضمار والأولد ترافورد مافيه مضمار مما يجعل الرؤية في الأستاد أضعف والإستاد فيه سياج حديدي حول الملعب والأولد ترافورد لأ وغير كذا مافيه فرق حتى الأستاد تجد فيه توضيح لمكان وأرقام الكراسي والمداخل المؤدية لها مما يعني كل شيء جاهز لتطبيق الفكرة ولكن للأسف لايوجد من يعمل فيها لأنه محد يهتم بالنظام .

وحتى لو توقع الكل عدم نجاحها أتمنى عدم الحكم إلا بعد تجربتها وتجربتها الآن هو الوقت الأنسب.

شكراً على مداخلتك عزيزي .


معاند زمانه

هذا هو بيت القصيد عزيزي وشكراً على المداخلة .


هلالي9

شكراً على مرورك أخوي .
اضافة رد مع اقتباس
  #18  
قديم 21/10/2005, 06:15 AM
زعيــم مميــز
تاريخ التسجيل: 21/06/2004
مشاركات: 2,846
والله اقتراح رائع واحنا مازلنا في البداية يعني ممكن تطبيقه بكل سهولة

عالعموم اهم شي يوصل الاقتراح للامير عبدالله بن مساعد وصدقني بيسويه



تحياتي
اضافة رد مع اقتباس
  #19  
قديم 21/10/2005, 06:59 AM
زعيــم متواصــل
تاريخ التسجيل: 07/04/2005
مشاركات: 140
طيب اذا جيت لكرسيك ولقيت واحد جالس فيه ومعطي ظهره للملعب لانه مايدري وش السالفه وجالس يستخف دمه ويصور بجواله الصغار والمزايين وقلتله قم ماذا تتوقع
1/بيقوم بادب . وهذي 1% خصوصا اذا كان معه شله ومتفرعنين ( طبعا فاهم قصدي)
2/بيجي الجندي (....) ويقومه لك .وهذي 4% ولاهوب قايم بعد
3/ بتصير مشكله واخذ ورد وممكن اكثر لاسمح الله . وهذي 95%


[size=4]بس الفكره حلوه ويارب انها تصير[/size]

وعلى فكره انت تقول ان الملعب ياخذ 60 الف ولو قلنا ان الصوره الاولى اللي قبل 10 دقائق فيها 20 الف يعني 40 الف دخلو من البوابات لكراسيهم في 8 دقائق
40000 الف شخص في 8 دقائق (لا تعليق)
اضافة رد مع اقتباس
  #20  
قديم 21/10/2005, 04:10 PM
زعيــم نشيــط
تاريخ التسجيل: 24/10/2004
مشاركات: 942
eshqiy15

شكراً لمرورك أخوي وبالفعل نتمنى تحقيقها ..


الــ قمرـــهـلال

الله يعافيك أخي الكريم ..

نعم تكون تجربة فإن نجحت فستكون البداية ..

وإن لم تنجح فعلى الأقل ستكون تجربة ونخرج منها بعدة ملاحظات وفوائد ربما نستفيد منها في المستقبل .

ومن ناحية الكراسي فأعتقد الكثير من ملاعب المملكة فيها كراسي ومرقمة أيضاً ومنها إضافة لإستاد الملك فهد ملاعب مكة والطائف وحائل والإحساء وأبها وغيرها وربما تكون بداية لتحسين باقي المدرجات العادية (الصبات) التي لايوجد مثلها حالياً في دول العالم المتقدمة كروياً .

ومثل ماقلت أخوي حتى رجال الأمن من الممكن يجدون شغله لهم بدل مايكون شغلتهم البحث عن ولاعة أو الكاميرا ممنوعة أولا أو هذا العلم يدخل أو مايدخل فسيكون وجودهم لشيئ ينفع ولراحة ولأمن الجماهير بدل إزعاجهم وتطفيشهم .

تحياتي لك أخي الكريم .


هلالي قناص

مرحباً بك هلالي قناص .


taigar_373

شيء جميل أن تؤيد الجماهير هذه الفكرة أخوي وهذا يدل على زيادة الوعي الجماهيري حالياً .

شكراً لمرورك .

مجنون هلال وسامي

أتمنى إنها تطبق ولو على سبيل التجربة ونفتك من قاعدة ( من سبق لبق ) .

تحياتي لك .
اضافة رد مع اقتباس
  #21  
قديم 27/10/2005, 05:08 AM
زعيــم نشيــط
تاريخ التسجيل: 24/10/2004
مشاركات: 942
العذر في التأخر على الردود .

بعض الردود تأخرت في الرد عليها لأني كنت أريد أن لا أواصل مناقشة الموضوع خلال وقت مباراة الهلال والطائي وبعد ذلك تأخرت في الرد بسبب إنشغالي بامتحانات تتعلق بدورة في العمل .

وأتمنى من الجميع أبداء الرأي بالفكرة وهل هي فكرة لائقة للجماهير أم لا ؟

عذراً مرة أخرى وسأعود لمنافشة الردود .
اضافة رد مع اقتباس
  #22  
قديم 27/10/2005, 11:37 AM
زعيــم نشيــط
تاريخ التسجيل: 18/04/2003
المكان: الرياض
مشاركات: 515
ياما قلنا وانبح صوتنا و حنا نقول رقموا الكراسي ..

لكن لا حياة لمن تنادي ... شاطرين احضروا للملعب .. وراكم ما تحضرون .. ؟؟ يبوني احضر قبل المباراة ب3 او 4 ساعات .. ؟؟؟؟؟؟؟؟؟؟ معقول .. ما ورانا مشاغل ..


المهم الله يكتب اللي فيه الخير ...
اضافة رد مع اقتباس
  #23  
قديم 27/10/2005, 11:42 AM
زعيــم مميــز
تاريخ التسجيل: 16/05/2005
المكان: يقلووووون في بيتنا
مشاركات: 3,696
والله فكره بس مااتوقع يسونها راح تصير مشاكل بين الجمهور

ياليت هاالفكره توصل الامير
اضافة رد مع اقتباس
  #24  
قديم 27/10/2005, 07:33 PM
زعيــم نشيــط
تاريخ التسجيل: 24/10/2004
مشاركات: 942
عزوووزي

شكراً على تأييدك للفكرة .

وبالفعل نتنمنى الفكرة توصل لعبدالله بن مساعد وأهم شيئ إننا لا زلنا في البداية ويمكن الإستعداد لها الأمر مبكراً .

تحياتي لك .



الازرقاني 5

إقتباس
طيب اذا جيت لكرسيك ولقيت واحد جالس فيه ومعطي ظهره للملعب لانه مايدري وش السالفه وجالس يستخف دمه ويصور بجواله الصغار والمزايين وقلتله قم ماذا تتوقع
1/بيقوم بادب . وهذي 1% خصوصا اذا كان معه شله ومتفرعنين ( طبعا فاهم قصدي)
2/بيجي الجندي (....) ويقومه لك .وهذي 4% ولاهوب قايم بعد
3/ بتصير مشكله واخذ ورد وممكن اكثر لاسمح الله . وهذي 95%

ياخوي وشفيك تخلق المعجزات ؟

تخترع لي سالفة مادري وشلونها قايلة ؟

يصور المزايين ... ويصور الصغار ومادري إيش .

يعني كم تتوقع عدد هالأشكال في الملعب ؟

عشرة ... عشرين ... ثلاثين ...

أتوقع أكثر من هالعدد يعتبر إهانة لجماهير الهلال .

بقولك شي ..

إذا فيه نظام قوي بيقومه الجندي غصب عليه وإذا ماقام بيجيه اللي يستاهله وينطرد من الملعب .

ياخي على أعذارك هذي أقدر أطلع ستين عذر على ستين نظام في حياتنا .

إقتباس
وعلى فكره انت تقول ان الملعب ياخذ 60 الف ولو قلنا ان الصوره الاولى اللي قبل 10 دقائق فيها 20 الف يعني 40 الف دخلو من البوابات لكراسيهم في 8 دقائق
40000 الف شخص في 8 دقائق (لا تعليق)

أخوي هالكلام صاير قدامي محد قالي وتوقيت الساعة في الكاميرا عندي يدل على هالشيء .

وأقولك نعم 40 ألف دخلو من البوابات في ثمان دقائق وهذا يدل على تنظيمهم الشديد وإن كل واحد فيهم عارف كرسية قبل لا يدخل الملعب من أصلاً وهالشيء ماشفته أنا لوحدي .

عزيزي فيه أعضاء في المنتدى هنا حضروا لمباريات كثيرة في إنجلترا ومنهم العضو مهتوي ويمكنك تسألهم عن هالشيء وراح يجاوبونك بنفس الكلام اللي أنا ذكرته يعني أنا ماقلت شيء جديد .

لكن يمكن إني ما ألومك على شكك في هالسالفة لأن اللي تفكيرة جوالات ومزايين وما أدري إيش صعب إنه يستوعب إن فيه ناس بها الدنيا يتحركون بهالنظام الشديد .

تحياتي لك وشكراً على تأييد الفكرة .
اضافة رد مع اقتباس
  #25  
قديم 27/10/2005, 11:25 PM
زعيــم فعــال
تاريخ التسجيل: 06/07/2005
مشاركات: 305
انا اتفق معك يا مجنون ارسنال
للاسف متى نصير مثلهم
اتمنى يجي اليوم اللي عندنا نظام
اضافة رد مع اقتباس
  #26  
قديم 27/10/2005, 11:55 PM
الصورة الرمزية الخاصة بـ هلالي توب
مشرف منتدى الجمهور الهلالي
تاريخ التسجيل: 03/05/2005
المكان: Cـنيـزَة ً
مشاركات: 14,626
فكره حلوه لكن مباريات الدوري قليله على استاد الملك فهد رحمه الله
اغلبها في الملز وانت عارف الملز مافيه كراسي......الا اذا بيرقمون الصبات


الفكره حلوووه لو تطبق في حفل يووووووسف الثنيان وبكذا كل واحد بيرتاح
ويضمن ان مقعده بأنتظاره مع انه يبقى عائق اخر وهو قلة وعي الجمهور للفكره هذي


مشكوور اخوووي
اضافة رد مع اقتباس
  #27  
قديم 28/10/2005, 09:53 PM
زعيــم نشيــط
تاريخ التسجيل: 24/10/2004
مشاركات: 942
GATO

إقتباس
ياما قلنا وانبح صوتنا و حنا نقول رقموا الكراسي ..

لكن لا حياة لمن تنادي ... شاطرين احضروا للملعب .. وراكم ما تحضرون .. ؟؟ يبوني احضر قبل المباراة ب3 او 4 ساعات .. ؟؟؟؟؟؟؟؟؟؟ معقول .. ما ورانا مشاغل ..


المهم الله يكتب اللي فيه الخير ...


هلابك أخوي الكريم .

المشكلة ياجاتو إن الكراسي مرقمة وجاهزة والبوابات مرقمة وجاهزة بعد .

لكن يبقى التنفيذ ...

الكثير عنده مشاغل مايقدر يقطع كل يومه عشان مباراة .

تحياتي لك


ورقه بلوت

إقتباس
والله فكره بس مااتوقع يسونها راح تصير مشاكل بين الجمهور

ياليت هاالفكره توصل الامير


يمكن تصير مشاكل بين الجمهور لكن بعد مرة ومرتين راح يتقبل الناس هالأمر ..

وأتمنى نحكم على هالشيء بعد ما نجربة وليس قبل .

شكراً لمرورك .
اضافة رد مع اقتباس
  #28  
قديم 28/10/2005, 10:04 PM
الصورة الرمزية الخاصة بـ أحــب الـشـلـ 10ـهـوب
زعيــم مميــز
تاريخ التسجيل: 12/06/2004
المكان: مع الشلهوب وميسي
مشاركات: 5,950
فكرة اروع من الرائعة
اضافة رد مع اقتباس
  #29  
قديم 28/10/2005, 11:04 PM
زعيــم مميــز
تاريخ التسجيل: 12/10/2005
المكان: قـلـبـك وطـن .. وآنا حــدودهــ
مشاركات: 1,687
والله ماحولك أحد
اضافة رد مع اقتباس
  #30  
قديم 29/10/2005, 12:11 AM
زعيــم متألــق
تاريخ التسجيل: 26/05/2005
مشاركات: 1,112
إقتباس
وربما ينجح وبنسبة عاليه
فهناك رجال آمن لاعمل لهم سوا منع الجمهور من التشجيع بطرق معينه بدون ادنى حق
بالتالي سوف يجدون لهم عمل مهم بمجرد تطبيق الفكره ..
وهي حماية حقوق اصحاب المقاعد ...
ولمن يقول لايمكن تنفيذها في السعوديه ..
أعتقد الكل يهاب رجال الآمن وإن لم يهابهم سوف يكون مصيره التوقيف في مركز الشرطه
وسوف يطرد من ارض الملعب بأمر من رجال الأمن ..
كما طردوا في مباريات الهلال بدون سبب .. سواء التشجيع والأعلام .!!!


اختي قمر الهلال ... الظاهر انك ما تعرفي غالبيه الطبقات الموجوده في السعوديه .. ومن ضمنهم رجال الامن ..

يعني معليش بهالكلمه .. شعب متخلف .. ورجل امن يفاقم المشكله ..

اذا حنا في المدرسه ما نصف طابور قدام المقصف الا بالطقاق .. وعمر الشخص الواحد يتعدى 18 !

وشلون في الملعب .. تبين كل واحد يلتزم باللي مكتوب في يده ..

معليش على الرد المحبط .. بس هذا واقعنا .. ولا نقدر نغيره !!


تحيتي ..
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:04 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube